ທ່ານ ຄໍາພັນ ເຜີຍຍະວົງ ຫົວໜ້າຄະນະໂຄສະນາອົບຮົມສູນກາງພັກ (ຄອສພ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ດິງ ຍື ຮວານ ຮອງບັນນາທິການໃຫຍ່ໜັງສືພິມເຍິນເຢິນ ສຽງຂອງສູນກາງພັກ-ລັດ ແລະ ປະຊາຊົນຫວຽດນາມ ພ້ອມຄະນະ ໃນວັນທີ 25 ທັນວາ ນີ້ ທີ່ ຄອສພ ເນື່ອງໃນໂອກາດທີ່ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 24-29 ທັນວານີ້.
ໃນໂອກາດດັ່ງກ່າວ ທ່ານ ຫົວໜ້າ ຄອສພ ໄດ້ກ່າວຕ້ອນຮັບ ແລະ ຕີລາຄາສູງຕໍ່ຄະນະດັ່ງກ່າວ ທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງເປັນການປະກອບສ່ວນສຳຄັນໃນການເສີມຂະຫຍາຍສາຍພົວພັນອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ ລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະແມ່ນການພົວພັນຮ່ວມມື ລະຫວ່າງໜັງສືພິມປະຊາຊົນ ແລະ ໜັງສືພິມເຍິນເຢິນ ໃຫ້ນັບມື້ເລິກເຊິ່ງຍິ່ງໆຂຶ້ນ. ພ້ອມດຽວກັນ, ກໍໄດ້ສະແດງຄວາມຂອບໃຈຍັງສູງມາຍັງໜັງສືພິມເຍິນເຢິນ ທີ່ໄດ້ເອົາໃຈໃສ່ຈັດຕັ້ງປະຕິບັດ ຕາມການພົບປະລະຫວ່າງ ຄອສພ ແລະ ຄະນະໂຄສະນາສຶກສາສູນກາງພັກກອມມູນິດຫວຽດນາມ ທີ່ໄດ້ຕົກລົງກັນໃນແຕ່ລະໜ້າວຽກດ້ວຍການຈັດຕັ້ງປະຕິບັດຕົວຈິງ ຊຶ່ງໜັງສືພິມເຍິນເຢິນ ກໍໄດ້ກະກຽມທາງດ້ານເນື້ອໃນ, ເຕັກນິກ, ພະນັກງານ-ຊ່ຽວຊານ ມາຊ່ວຍໃນການວາງແຜນ ແລະ ການກະກຽມດ້ານຕ່າງໆ ເພື່ອເຮັດໃຫ້ເວັບໄຊຂອງໜັງສືພິມປະຊາຊົນໄດ້ມີການຫັນໄປສູ່ບາດກ້າວໃໝ່ ທີ່ທັນສະໄໝ.
ທ່ານ ຮອງຫົວໜ້າບັນນາທິການໃຫຍ່ໜັງສືພິມເຍິນເຢິນ ໄດ້ສະແດງຄວາມຂອບໃຈຢ່າງສູງຕໍ່ທ່ານຫົວໜ້າ ຄອສພ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງລາຍງານກ່ຽວກັບການມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ແມ່ນເພື່ອການຮ່ວມມື ສະນັບສະໜຸນຊ່ວຍເຫຼືອການປັບປຸງເວັບໄຊຂອງໜັງສືພິມປະຊາຊົນ. ທ່າແຮງຂອງໜັງສືພິມແມ່ນຕ້ອງໄດ້ຫັນເປັນດີຈີຕອນ, ຫັນເປັນທັນສະໄໝ ໂດຍສະເພາະໜັງສືພິມຂອງພັກຕ້ອງໄດ້ມີການຫັນປ່ຽນໃໝ່ ເພື່ອຈະກ້າວໄປສູ່ການເຜີຍແຜ່ໂຄສະນາແນວທາງນະໂຍບາຍຂອງພັກ, ຂອງລັດ ໄປເຂົ້າເຖິງປະຊາຊົນກວ້າງຂວາງ ແລະ ວ່ອງໄວຂຶ້ນ. ໄລຍະຜ່ານມາ ໂດຍສະເພາະ 2 ປີຜ່ານມານີ້, ໜັງສືພິມເຍິນເຢິນ ກໍໄດ້ມີການປັບປຸງພື້ນຖານໂຄງລ່າງໃນການຫັນເປັນດີຈີຕອນ ຢ່າງກ້າວກະໂດດ ຊຶ່ງການມາໃນຄັ້ງນີ້ກໍໄດ້ນໍາເອົາບົດຮຽນປະສົບການມາແບ່ງປັນໃຫ້ໜັງສືພິມປະຊາຊົນ, ສ້າງເງື່ອນໄຂໃຫ້ໜັງສືພິມປະຊາຊົນໄດ້ສືບຕໍ່ພັດທະນາຕົນເອງ. ອະນາຄົດໃກ້ນີ້, ໜັງສືພິມເຍີນເຢິນ ຈະໄດ້ຊ່ວຍຝຶກອົບຮົມດ້ານບຸກຄະລາກອນ ນໍາໃຊ້ເຄື່ອງມືທັນສະໄໝ ຊຶ່ງອາດຈະມີໃນ 3 ຮູບແບບ ບາງເທື່ອກໍອາດຈະຝຶກທາງອອນລາຍ ຫຼື ນໍາເອົາຊ່ຽວຊານເຕັກນິກຈາກຫວຽດນາມມາຊ່ວຍຝຶກໃຫ້ ແລະ ອາດຈະໃຫ້ບຸກຄະລາກອນຂອງໜັງສືພິມປະຊາຊົນໄປຝຶກອົບຮົບມຢູ່ ສສ ຫວຽດນາມ.
ຕອນທ້າຍ, ທ່ານ ຄໍາພັນ ເຜີຍຍະວົງ ກໍໄດ້ກ່າວສະແດງຄວາມເຫັນດີເປັນເອກະພາບທັງໝົດ ກ່ຽວກັບຜົນການພົບປະສອງຝ່າຍ ລະຫວ່າງ ໜັງສືພິມເຍິນເຢິນ ແລະ ໜັງສືພິມປະຊາຊົນ ຊຶ່ງການມາຊ່ວຍຄັ້ງນີ້ ຈະເປັນໂອກາດດີທີ່ສຸດ ແລະ ມີຄວາມໝາຍສຳຄັນທີ່ສຸດ ທີ່ຈະເຮັດໃຫ້ໜັງສືພິມປະຊາຊົນ ກ້າວໄປສູ່ການຫັນປ່ຽນໃໝ່ທີ່ເລິກເຊິ່ງ ແລະ ຮອບດ້ານ. ພ້ອມດຽວກັນ, ກໍໄດ້ອວຍພອນໃຫ້ ທ່ານ ດິງ ຍື ຮວານ ພ້ອມຄະນະ ຢ້ຽມຢາມ ແລະ ເຮັດວຽກຢູ່ ສປປ ລາວ ຈົ່ງປະສົບຜົນສຳເລັດຕາມລະດັບຄາດໝາຍ, ອວຍພອນໄຊ ໃຫ້ແກ່ສາຍພົວພັນອັນຍິ່ງໃຫຍ່, ຄວາມສາມັກສຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ໂດຍສະເພາະສອງໜັງສືພິມ ຈົ່ງໝັ້ນຄົງທະນົງແກ່ນຂຶ້ນເລື້ອຍໆ.
ໃນໂອກາດດຽວກັນນີ້, ຄະນະຜູ້ແທນໜັງສືພິມເຍິນເຢິນ ແລະ ໜັງສືພິມປະຊາຊົນ ກໍໄດ້ສືບຕໍ່ພົບປະແລກປ່ຽນຂໍ້ມູນກັບກົມຂໍ້ມູນຂ່າວສານ ຄອສພ ໂດຍມີ ທ່ານ ວັນຕຸລາ ຮັກນຸດ ຫົວໜ້າກົມດັ່ງກ່າວ ພ້ອມດ້ວຍຄະນະໃຫ້ການຕ້ອນຮັບ. ການພົບປະຄັ້ງນີ້, ແມ່ນເພື່ອແລກປ່ຽນຂໍ້ມູນດ້ານພື້ນຖານໂຄງລ່າງ ທີ່ຈະສາມາດຮັບຮອງ ການທີ່ຈະເອົາເວັບໄຊຂອງໜັງສືພິມປະຊາຊົນມາຂຶ້ນກັບ ຊຶ່ງທາງກົມຂໍ້ມູນຂ່າວສານ ໄດ້ມີການກະກຽມແນວໃດແດ່ແລ້ວ.
ທ່ານ ວັນຕຸລາ ຮັກນຸດ ກໍໄດ້ລາຍງານໃຫ້ຮູ້ວ່າ: ປັດຈຸບັນ, ແມ່ນໄດ້ຄຸ້ມຄອງ 20 ເວັບໄຊ ທີ່ຂຶ້ນກັບ ຄອສພ; ໄລຍະຜ່ານມາ, ກໍໄດ້ຄົ້ນຄິດວ່າຈະສ້າງເປັນລະບົບດຽວກັນ ເພື່ອໃຫ້ຄຸ້ມຄອງໄດ້ສະດວກ ບັນດາເວັບໄຊຂອງຄະນະໂຄສະນາອົບຮົມຂັ້ນທ້ອງຖິ່ນ ແລະ ເວບໄຊຂອງບັນດາກົມທີ່ຂຶ້ນກັບ ຄອສພ. ເພື່ອຈະເຮັດໄດ້ແນວນັ້ນ, ຄອສພ ກໍໄດ້ປຶກສາຫາລື ແລະ ເຊັນສັນຍາກັບກະຊວງເຕັກໂນໂລຊີ ແລະ ການສື່ສານ (ຕສ) ເພື່ອຈະໄດ້ຮັບຮອງການມີເຊີເວີ ເປັນຂອງຕົນເອງເພື່ອຮັບປະກັນຕໍ່ການໂພສຕ່າງໆໃນເວັບໄຊຂອງພວກເຮົາ. ຂະນະທີ່, ທີ່ໜັງສືພິມປະຊາຊົນຈະຝາກເວບໄຊນໍາ ແມ່ນສາມາດຮັບປະກັນໄດ້ ເພາະການພັດທະນາຜ່ານມາ ຮັບແຕ່ປີ 2012 ກໍບໍ່ຄ່ອຍມີບັນຫາ ເພາະໄດ້ເຊົ່າເຊີເວີເປັນຂອງຕົນເອງ ແລະ ພັດທະນາເວັບໄຊ, ລະບົບໄອທີເອງ. ແຕ່ຢ່າງໃດກໍຕາມ, ລະບົບໃໝ່ທີ່ທັນສະໄໝທີ່ສຸດ ຊຶ່ງພວກເຮົາຍັງຕ້ອງໄດ້ສືບຕໍ່ໃນການປຶກສາຫາລື ແລະ ແລກປ່ຽນກັນຕື່ມອີກ.
(ຂ່າວ-ພາບ: ສຸກສະຫວັນ)
ໃນໂອກາດດັ່ງກ່າວ ທ່ານ ຫົວໜ້າ ຄອສພ ໄດ້ກ່າວຕ້ອນຮັບ ແລະ ຕີລາຄາສູງຕໍ່ຄະນະດັ່ງກ່າວ ທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງເປັນການປະກອບສ່ວນສຳຄັນໃນການເສີມຂະຫຍາຍສາຍພົວພັນອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ ລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະແມ່ນການພົວພັນຮ່ວມມື ລະຫວ່າງໜັງສືພິມປະຊາຊົນ ແລະ ໜັງສືພິມເຍິນເຢິນ ໃຫ້ນັບມື້ເລິກເຊິ່ງຍິ່ງໆຂຶ້ນ. ພ້ອມດຽວກັນ, ກໍໄດ້ສະແດງຄວາມຂອບໃຈຍັງສູງມາຍັງໜັງສືພິມເຍິນເຢິນ ທີ່ໄດ້ເອົາໃຈໃສ່ຈັດຕັ້ງປະຕິບັດ ຕາມການພົບປະລະຫວ່າງ ຄອສພ ແລະ ຄະນະໂຄສະນາສຶກສາສູນກາງພັກກອມມູນິດຫວຽດນາມ ທີ່ໄດ້ຕົກລົງກັນໃນແຕ່ລະໜ້າວຽກດ້ວຍການຈັດຕັ້ງປະຕິບັດຕົວຈິງ ຊຶ່ງໜັງສືພິມເຍິນເຢິນ ກໍໄດ້ກະກຽມທາງດ້ານເນື້ອໃນ, ເຕັກນິກ, ພະນັກງານ-ຊ່ຽວຊານ ມາຊ່ວຍໃນການວາງແຜນ ແລະ ການກະກຽມດ້ານຕ່າງໆ ເພື່ອເຮັດໃຫ້ເວັບໄຊຂອງໜັງສືພິມປະຊາຊົນໄດ້ມີການຫັນໄປສູ່ບາດກ້າວໃໝ່ ທີ່ທັນສະໄໝ.
ທ່ານ ຮອງຫົວໜ້າບັນນາທິການໃຫຍ່ໜັງສືພິມເຍິນເຢິນ ໄດ້ສະແດງຄວາມຂອບໃຈຢ່າງສູງຕໍ່ທ່ານຫົວໜ້າ ຄອສພ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງລາຍງານກ່ຽວກັບການມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ແມ່ນເພື່ອການຮ່ວມມື ສະນັບສະໜຸນຊ່ວຍເຫຼືອການປັບປຸງເວັບໄຊຂອງໜັງສືພິມປະຊາຊົນ. ທ່າແຮງຂອງໜັງສືພິມແມ່ນຕ້ອງໄດ້ຫັນເປັນດີຈີຕອນ, ຫັນເປັນທັນສະໄໝ ໂດຍສະເພາະໜັງສືພິມຂອງພັກຕ້ອງໄດ້ມີການຫັນປ່ຽນໃໝ່ ເພື່ອຈະກ້າວໄປສູ່ການເຜີຍແຜ່ໂຄສະນາແນວທາງນະໂຍບາຍຂອງພັກ, ຂອງລັດ ໄປເຂົ້າເຖິງປະຊາຊົນກວ້າງຂວາງ ແລະ ວ່ອງໄວຂຶ້ນ. ໄລຍະຜ່ານມາ ໂດຍສະເພາະ 2 ປີຜ່ານມານີ້, ໜັງສືພິມເຍິນເຢິນ ກໍໄດ້ມີການປັບປຸງພື້ນຖານໂຄງລ່າງໃນການຫັນເປັນດີຈີຕອນ ຢ່າງກ້າວກະໂດດ ຊຶ່ງການມາໃນຄັ້ງນີ້ກໍໄດ້ນໍາເອົາບົດຮຽນປະສົບການມາແບ່ງປັນໃຫ້ໜັງສືພິມປະຊາຊົນ, ສ້າງເງື່ອນໄຂໃຫ້ໜັງສືພິມປະຊາຊົນໄດ້ສືບຕໍ່ພັດທະນາຕົນເອງ. ອະນາຄົດໃກ້ນີ້, ໜັງສືພິມເຍີນເຢິນ ຈະໄດ້ຊ່ວຍຝຶກອົບຮົມດ້ານບຸກຄະລາກອນ ນໍາໃຊ້ເຄື່ອງມືທັນສະໄໝ ຊຶ່ງອາດຈະມີໃນ 3 ຮູບແບບ ບາງເທື່ອກໍອາດຈະຝຶກທາງອອນລາຍ ຫຼື ນໍາເອົາຊ່ຽວຊານເຕັກນິກຈາກຫວຽດນາມມາຊ່ວຍຝຶກໃຫ້ ແລະ ອາດຈະໃຫ້ບຸກຄະລາກອນຂອງໜັງສືພິມປະຊາຊົນໄປຝຶກອົບຮົບມຢູ່ ສສ ຫວຽດນາມ.
ຕອນທ້າຍ, ທ່ານ ຄໍາພັນ ເຜີຍຍະວົງ ກໍໄດ້ກ່າວສະແດງຄວາມເຫັນດີເປັນເອກະພາບທັງໝົດ ກ່ຽວກັບຜົນການພົບປະສອງຝ່າຍ ລະຫວ່າງ ໜັງສືພິມເຍິນເຢິນ ແລະ ໜັງສືພິມປະຊາຊົນ ຊຶ່ງການມາຊ່ວຍຄັ້ງນີ້ ຈະເປັນໂອກາດດີທີ່ສຸດ ແລະ ມີຄວາມໝາຍສຳຄັນທີ່ສຸດ ທີ່ຈະເຮັດໃຫ້ໜັງສືພິມປະຊາຊົນ ກ້າວໄປສູ່ການຫັນປ່ຽນໃໝ່ທີ່ເລິກເຊິ່ງ ແລະ ຮອບດ້ານ. ພ້ອມດຽວກັນ, ກໍໄດ້ອວຍພອນໃຫ້ ທ່ານ ດິງ ຍື ຮວານ ພ້ອມຄະນະ ຢ້ຽມຢາມ ແລະ ເຮັດວຽກຢູ່ ສປປ ລາວ ຈົ່ງປະສົບຜົນສຳເລັດຕາມລະດັບຄາດໝາຍ, ອວຍພອນໄຊ ໃຫ້ແກ່ສາຍພົວພັນອັນຍິ່ງໃຫຍ່, ຄວາມສາມັກສຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ໂດຍສະເພາະສອງໜັງສືພິມ ຈົ່ງໝັ້ນຄົງທະນົງແກ່ນຂຶ້ນເລື້ອຍໆ.
ໃນໂອກາດດຽວກັນນີ້, ຄະນະຜູ້ແທນໜັງສືພິມເຍິນເຢິນ ແລະ ໜັງສືພິມປະຊາຊົນ ກໍໄດ້ສືບຕໍ່ພົບປະແລກປ່ຽນຂໍ້ມູນກັບກົມຂໍ້ມູນຂ່າວສານ ຄອສພ ໂດຍມີ ທ່ານ ວັນຕຸລາ ຮັກນຸດ ຫົວໜ້າກົມດັ່ງກ່າວ ພ້ອມດ້ວຍຄະນະໃຫ້ການຕ້ອນຮັບ. ການພົບປະຄັ້ງນີ້, ແມ່ນເພື່ອແລກປ່ຽນຂໍ້ມູນດ້ານພື້ນຖານໂຄງລ່າງ ທີ່ຈະສາມາດຮັບຮອງ ການທີ່ຈະເອົາເວັບໄຊຂອງໜັງສືພິມປະຊາຊົນມາຂຶ້ນກັບ ຊຶ່ງທາງກົມຂໍ້ມູນຂ່າວສານ ໄດ້ມີການກະກຽມແນວໃດແດ່ແລ້ວ.
ທ່ານ ວັນຕຸລາ ຮັກນຸດ ກໍໄດ້ລາຍງານໃຫ້ຮູ້ວ່າ: ປັດຈຸບັນ, ແມ່ນໄດ້ຄຸ້ມຄອງ 20 ເວັບໄຊ ທີ່ຂຶ້ນກັບ ຄອສພ; ໄລຍະຜ່ານມາ, ກໍໄດ້ຄົ້ນຄິດວ່າຈະສ້າງເປັນລະບົບດຽວກັນ ເພື່ອໃຫ້ຄຸ້ມຄອງໄດ້ສະດວກ ບັນດາເວັບໄຊຂອງຄະນະໂຄສະນາອົບຮົມຂັ້ນທ້ອງຖິ່ນ ແລະ ເວບໄຊຂອງບັນດາກົມທີ່ຂຶ້ນກັບ ຄອສພ. ເພື່ອຈະເຮັດໄດ້ແນວນັ້ນ, ຄອສພ ກໍໄດ້ປຶກສາຫາລື ແລະ ເຊັນສັນຍາກັບກະຊວງເຕັກໂນໂລຊີ ແລະ ການສື່ສານ (ຕສ) ເພື່ອຈະໄດ້ຮັບຮອງການມີເຊີເວີ ເປັນຂອງຕົນເອງເພື່ອຮັບປະກັນຕໍ່ການໂພສຕ່າງໆໃນເວັບໄຊຂອງພວກເຮົາ. ຂະນະທີ່, ທີ່ໜັງສືພິມປະຊາຊົນຈະຝາກເວບໄຊນໍາ ແມ່ນສາມາດຮັບປະກັນໄດ້ ເພາະການພັດທະນາຜ່ານມາ ຮັບແຕ່ປີ 2012 ກໍບໍ່ຄ່ອຍມີບັນຫາ ເພາະໄດ້ເຊົ່າເຊີເວີເປັນຂອງຕົນເອງ ແລະ ພັດທະນາເວັບໄຊ, ລະບົບໄອທີເອງ. ແຕ່ຢ່າງໃດກໍຕາມ, ລະບົບໃໝ່ທີ່ທັນສະໄໝທີ່ສຸດ ຊຶ່ງພວກເຮົາຍັງຕ້ອງໄດ້ສືບຕໍ່ໃນການປຶກສາຫາລື ແລະ ແລກປ່ຽນກັນຕື່ມອີກ.
(ຂ່າວ-ພາບ: ສຸກສະຫວັນ)
