ຂ່າວຕ່າງປະເທດລາຍງານວ່າ: ໃນວັນທີ 25 ທັນວາ, ສະໜາມບິນ ຊາບີຮາ ກອກເຊັນ ຊຶ່ງເປັນເມືອງໃຫຍ່ທີ່ສຸດຂອງນະຄອນຫລວງອີສຕັນບູນຂອງປະເທດຕວກກີໄດ້ຈັດພິທີເປີດຣັນເວ ຫລື ເສັ້ນທາງຂຶ້ນ-ລົງຂອງເຮືອບິນເສັ້ນໃໝ່ເພື່ອເປັນການເພີ່ມຄວາມສາມາດທີ່ຈະເປັນສູນກາງທາງດ້ານການເງິນ ແລະ ວັດທະນະທຳຂອງປະເທດໃຫ້ໄດ້ດີກວ່າເກົ່າ.

ໃນພິທີເປີດເສັ້ນທາງຂຶ້ນ-ລົງຂອງເຮືອບິນແຫ່ງທີ່ສອງຂອງສະໜາມບິນຊາບີຮາ ກອກເຊັນ, ທ່ານ ຣີເຊັບ ຕາເຢັບ ເອໂດກັນ ປະທານາທິບໍດີຕວກກີກ່າວວ່າ: ຕະຫລອດໄລຍະ 11 ເດືອນຂອງປີນີ້, ຈຳນວນຜູ້ໂດຍສານໃຊ້ສະໜາມບິນແຫ່ງນີ້ເພີ່ມຂຶ້ນ 21% ເປັນ 34 ລ້ານຄົນ,ເມື່ອສົມທຽບກັບໄລຍະດຽວກັນຂອງປີກາຍ.

ຕາມການບັນທຶກສະຖິຕິການເດີນທາງຂອງຜູ້ໂດຍສານໃນປີກາຍໃຫ້ຮູ້ວ່າ: ສະໜາມບິນແຫ່ງນີ້ ເປັນສະໜາມບິນທີ່ຫຍຸ້ງທີ່ສຸດຂອງປະເທດຕວກກີຕາມຫລັງສະໜາມບິນອີສຕັນບູນ ແລະ ອັນຕັນຢາ ໃນເມືອງແຄມຝັ່ງທະເລເມດີເຕລານຽນ.

ທ່ານເອໂດກັນກ່າວວ່າ: ພວກເຮົາຄາດຄະເນວ່າ ຈຳນວນຜູ້ໂດຍສານທີ່ເດີນທາງຜ່ານສະໜາມບິນແຫງນີ້ຈະບັນລຸເຖິງ 37 ລ້ານຄົນເມື່ອໝົດປີນີ້.ການກໍ່ສ້າງເສັ້ນທາງຂຶ້ນ-ລົງຂອງເຮືອບິນມີມູນຄ່າ 970 ລ້ານໂດລາ.