ປີໃໝ່ 2024 ໃກ້ຈະໝູນວຽນມາເຖິງແລ້ວ, ຫຼາຍຄົນເລີ່ມວາງແຜນຈະອອກເດີນທາງໄປທ່ຽວ. ຜົນກະທົບຈາກການແຜ່ລະບາດຂອງພະຍາດໂຄວິດ-19 ທີ່ມີຕໍ່ການທ່ອງທ່ຽວຂອງຊາວຈີນກໍາລັງຫາຍໄປ. ໃນໄລຍະພັກບຸນໄຫວ້ພະຈັນ ແລະ ວັນຊາດຈີນປີນີ້, ການທ່ອງທ່ຽວພາຍໃນປະເທດຈີນໄດ້ບັນລຸເຖິງ 826 ລ້ານເທື່ອຄົນແລະມີລາຍຮັບດ້ານການທ່ອງທ່ຽວຫຼາຍ ກວ່າ 753 ຕື້ຢວນ (ສະກຸນເງິນຈີນ) ຊຶ່ງໄດ້ເຮັດໃຫ້ຕະຫຼາດທົ່ວໂລກສາມາດເຫັນໄດ້ຄວາມກະຕືລືລົ້ນຂອງຊາວຈີນທີ່ມີຕໍ່ການທ່ອງທ່ຽວ.

ໄລຍະກ່ອນເກີດການແຜ່ລະບາດຂອງພະຍາດໂຄ ວິດ-19, ຈີນເຄີຍຄອງຖານະເປັນຕະຫຼາດການໄປທ່ອງທ່ຽວຕ່າງປະເທດໃຫຍ່ທີ່ສຸດໃນໂລກເປັນເວລາຫຼາຍປີລຽນຕິດ ແລະ ເປັນແຫຼ່ງແຂກທ່ອງທ່ຽວໃຫຍ່ທີ່ສຸດສຳລັບຫຼາຍປະເທດໃນອາຊີຕາເວັນອອກສ່ຽງໃຕ້. ໃນປີ 2023 ນີ້, ເພື່ອດຶງດູດ ແລະ ຕ້ອນຮັບນັກ ທ່ອງທ່ຽວຈີນ, ຫຼາຍປະເທດຢູ່ອາຊີຕາເວັນອອກສ່ຽງໃຕ້ ໄດ້ປະຕິບັດມາດຕະການດຶງດູດນັກທ່ອງທ່ຽວເຊັ່ນ: ກໍາປູເຈຍ ໄດ້ວາງຍຸດທະສາດ“China Ready”, ສົ່ງເສີມໃຫ້ໂຮງແຮມ, ຮ້ານອາຫານ ແລະ ສະຖານທີ່ ທຸລະກິດຕ່າງໆຊໍາລະບັນຊີດ້ວຍເງິນຢວນ, ອະນຸຍາດໃຫ້ນັກທ່ອງທ່ຽວຈີນຈ່າຍເງິນຜ່ານທາງວີແຊັດ, Alipay ແລະ ທາງດີຈີຕອນອື່ນໆ; ປະເທດໄທ ໄດ້ຈັດກິດຈະກໍາ Amazing Thailand Amazing New Chapters Road Show to China 2023 ຢູ່ນະຄອນຊຽງໄຮ້, ນະຄອນເສີງຕູ່ ແລະ ນະຄອນກວາງໂຈ່ວຂອງຈີນ ໃນເດືອນກຸມພາຜ່ານມາເພື່ອ ໂຄສະນາການທ່ອງທ່ຽວຂອງໄທຢູ່ຕົວເມືອງໃຫຍ່ຕ່າງໆຂອງຈີນ. ເມື່ອບໍ່ດົນມານີ້, ສິງກະໂປ, ມາເລເຊຍ ແລະ ໄທ ຕ່າງກໍໄດ້ປະກາດນະໂຍບາຍຍົກເວັ້ນວີຊາຕໍ່ຈີນ.

ກ່ອນໜ້ານີ້ບໍ່ດົນ,ປະເທດ ລາວກໍໄດ້ປະກາດເປີດປີທ່ອງ ທ່ຽວລາວ 2024, ລັດຖະບານລາວຈະຕ້ອນຮັບນັກທ່ອງທ່ຽວ ຈາກທົ່ວໂລກລວມທັງນັກ ທ່ອງທ່ຽວຂອງຈີນ ພ້ອມທັງຈະໃຫ້ການປະສານງານແລະ ການບໍລິການທີ່ດີ. ຄວາມຈິງ ແລ້ວ, ມີນັກທ່ອງທ່ຽວຈໍານວນບໍ່ໜ້ອຍໄດ້ຂີ່ລົດໄຟຕາມທາງລົດໄຟຈີນ-ລາວເພື່ອເດີນທາງ ທ່ອງທ່ຽວຂ້າມຊາດ. ວັນທີ 13 ເມສາ 2023, ຂະບວນລົດໄຟໂດຍສານສາກົນຕາມ ທາງລົດໄຟຈີນ-ລາວ ໄດ້ເປີດບໍລິການຜູ້ໂດຍສານສາມາດຂີ່ລົດໄຟຈາກນະຄອນຄຸນໝີງ ໄປຮອດນະຄອນຫຼວງວຽງຈັນ ພາຍໃນມື້ດຽວ. ຕາມສະຖິຕິສະແດງໃຫ້ເຫັນວ່າ: ນັບແຕ່ ຂ ະບວນລົດ ໄຟໂດຍສ ານ ສາກົນຕາມທາງລົດໄຟຈີນ - ລາວ ເປີດບໍລິການຈົນຮອດວັນທີ 14 ພະຈິກປີນີ້, ໄດ້ຂົນສົ່ງ ຜູ້ໂດຍສານ348.000 ເທື່ອຄົນ. ໃນນັ້ນ, ຜູ້ໂດຍສານຂ້າມຊາດມີຫຼາຍກວ່າ 85.000 ເທື່ອຄົນ. ຕາມສະຖິຕິຫຼ້າສຸດຈາກ ບໍລິສັດ Ctrip ຂອງຈີນສະແດງໃຫ້ເຫັນວ່າ: ໃບສັ່ງຈອງການໄປທ່ຽວຕ່າງປະເທດໃນໄລຍະບຸນກຸດຈີນໄດ້ເພີ່ມຂຶ້ນເກືອບ 20 ເທົ່າ, ຈຸດໝາຍປາຍທາງການທ່ອງທ່ຽວຕ່າງປະເທດທີ່ໄດ້ຮັບຄວາມນິຍົມຫຼາຍທີ່ສຸດ ລວມມີ: ໂຕກຽວ, ສິງກະໂປ, ບາງກອກ, ພູເກັດ, ໂອຊາ ກາ, ກົວລາລໍາເປີ, ຊິດນີ ແລະ ອື່ນໆ. ໃນນັ້ນ, ຕົວເມືອງຕ່າງໆ ປະເທດອາຊີຕາເວັນອອກສ່ຽງ ໃຕ້ກວມເອົາອັດຕາສ່ວນຫຼາຍທີ່ສຸດ ຊຶ່ງສະແດງໃຫ້ເຫັນວ່າ: ອາຊີຕາເວັນອອກສ່ຽງໃຕ້ຍັງເປັນໜຶ່ງໃນຈຸດໝາຍປາຍທາງການທ່ອງທ່ຽວຕ່າງປະເທດທີ່ໄດ້ຮັບຄວາມນິຍົມຫຼາຍທີ່ສຸດຈາກນັກທ່ອງທ່ຽວຈີນ. ແຕ່ວ່າການຟື້ນຟູການທ່ອງທ່ຽວຫຼັງການແຜ່ລະບາດຂອງພະຍາດໂຄວິດ-19 ບໍ່ ແມ່ນເລື່ອງງ່າຍ, ຂະແໜງການທ່ອງທ່ຽວຂອງອາຊີຕາເວັນ ອອກສ່ຽງໃຕ້ຍັງປະເຊີນກັບ ບັນຫາດ້ານການປ້ອງກັນຄວາມສະຫງົບ, ຜະລິດຕະພັນ ດ້ານການທ່ອງທ່ຽວທີ່ສົມຄູ່ກັນບໍ່ພຽງພໍ ແລະ ບັນຫາອື່ນໆ. ນອກນີ້, ພາຍໃຕ້ສະພາບການ ຕະຫຼາດໃນປັດຈຸບັນທີ່ຄວາມ ຕ້ອງການດ້ານການທ່ອງທ່ຽວ ມີຄວາມຫຼາກຫຼາຍກວ່າເກົ່າ ໃນປັດຈຸບັນ, ການສະໜອງ ຜະລິດຕະພັນການທ່ອງທ່ຽວທີ່ ຜູ້ບໍລິໂພກເຫັນວ່າ “ກຸ້ມຄ່າ”ນັ້ນ ແມ່ນເລື່ອງທີ່ບັນດາປະເທດ ອາຊີຕາເວັນອອກສ່ຽງໃຕ້ຕ້ອງ ຄົ້ນຄວ້າພິຈາລະນາ. ເຊື່ອໝັ້ນ ວ່າອາຊີຕາ ເວັນອອກສ່ຽງໃຕ້ທີ່ເປັນດິນແດນອັດສະຈັນ ແລະ ມີສະເໜ່ຈະສາມາດຄົ້ນພົບທາງອອກດ້ານການທ່ອງທ່ຽວຂອງຕົນໄດ້ຢ່າງແນ່ນອນ.

ຂ່າວ: ຊີອາໄອ