ຂ່າວຕ່າງປະເທດລາຍງານ ເມື່ອຕົ້ນອາທິດຜ່ານມາ, ສຳນັກງານພາສີອາກອນຂອງເນປານໄດ້ເປີດເຜີຍບົດລາຍງານໂດຍລະບຸວ່າ: ເນປານ ໄດ້ນຳເຂົ້າຍານພາຫະນະໄຟຟ້າຂອງປະເທດເພີ່ມຂຶ້ນເກືອບ 3 ເທົ່າໃນໄລຍະ 5 ເດືອນທຳອິດຂອງສົກປີງົບປະມານ 2023-2024.

ບົດລາຍງານລະບຸວ່າ: ເນປານ ນຳເຂົ້າຍານພາຫະນະໄຟຟ້າ 3.686 ຄັນ ເມື່ອນັບເຖິງກາງເດືອນທັນວາ ເພີ່ມຂຶ້ນຈາກການນຳເຂົ້າໃນໄລຍະເວລາດຽວກັນຂອງສົກປີງົບປະມານທີ່ຜ່ານມາ 1.353 ຄັນ ໂດຍເປັນການນຳເຂົ້າຈາກຈີນ 2.297 ຄັນ. ສຳນັກງານພາສີອາກອນຂອງເນປານເປີດເຜີຍວ່າ: ປະລິມານການນຳເຂົ້າຍານພາຫະນະໄຟຟ້າຂອງເນປານໃນສົກປີງົບປະມານ 2022-2023 ລວມຢູ່ທີ່ 4.050 ຄັນ ເພີ່ມຂຶ້ນຈາກສົກປີງົບປະມານ 2021-2022 ປະມານ 1.807 ຄັນ.

ທັງນີ້, ເນປານ ວາງແຜນເພີ່ມສ່ວນແບ່ງຂອງຍານພາຫະນະໄຟຟ້າໃນຈຳນວນຈຳໜ່າຍຍານພາຫະນະໂດຍສານສ່ວນບຸກຄົນ 90% ແລະ ໃນຈຳນວນຈຳໜ່າຍຍານພາຫະນະໂດຍສານສາທາລະນະທັງໝົດ 60% ພາຍໃນປີ 2023.