ຂ່າວຕ່າງປະເທດລາຍງານ ເມື່ອບໍ່ດົນມານີ້, ສຳນັກງານອຸຕຸນິຍົມວິທະຍາຍີ່ປຸ່ນໄດ້ເປີດເຜີຍບົດລາຍງານໂດຍລະບຸວ່າ: ຍີ່ປຸ່ນໄດ້ປະເຊີນກັບພາວະອຸນຫະພູມສະເລ່ຍສູງສຸດເປັນປະຫວັດສາດໃນປີ 2023 ເຊັ່ນດຽວກັບຫຼາຍພາກພື້ນທົ່ວໂລກ ໂດຍອຸນຫະພູມສະເລ່ຍຂອງຍີ່ປຸ່ນປະຈຳປີ 2023 ມີທ່າອ່ຽງເພີ່ມຂຶ້ນ 1,34 ອົງສາ ເມື່ອທຽບກັບຄ່າສະເລ່ຍຂອງປະເທດ ຊຶ່ງຄຳນວນຈາກໄລຍະເດືອນມັງກອນ-ເດືອນພະຈິກ ຂອງປີນີ້.

ໂຕເລກການຄາດຄະເນຂ້າງເທິງສູງເກີນສະຖິຕິ ປີ 2020 ທີ່ອຸນຫະພູມສະເລ່ຍປະຈຳປີສູງເກີນຄ່າສະເລ່ຍ 0,65 ອົງສາ ຊຶ່ງເປັນໂຕເລກສູງສຸດນັບຕັ້ງແຕ່ເລີ່ມມີການບັນທຶກສະຖິຕິໃນປີ 1898 ໂດຍພື້ນທີ່ໆໄດ້ຮັບຜົນກະທົບໄດ້ແກ່ ພາກເໜືອ, ພາກຕາເວັນອອກ ແລະ ພາກຕາເວັນຕົກຂອງຍີ່ປຸ່ນ ຊຶ່ງມີອຸນຫະພູມເພີ່ມຂຶ້ນ. ທັງນີ້, ພາກເໜຶືອ ແລະ ພາກຕາເວັນອອກຂອງຍີ່ປຸ່ນ ມີອຸນຫະພູມສະເລ່ຍຕາມລະດູການສູງ ທຳລາຍສະຖິຕິຕິດຕໍ່ກັນໃນລະດູໃບໄມ້ປົ່ງ, ລະດູຮ້ອນ ແລະ ບະດູໃບໄມ້ຫຼົ່ນ ເມື່ອນັບຕັ້ງແຕ່ປີ 1946. ຂະນະດຽວກັນ, ພາກຕາເວັນຕົກຂອງຍີ່ປຸ່ນມີອຸນຫະພູມສະເລ່ຍໄລຍະລະດູຮ້ອນສູງສຸດເປັນປະຫວັດສາດດ້ວຍ.