ຂ່າວສານຊີອາໄອລາຍງານ ໃນວັນທີ 27 ທັນວາ ຜ່ານມາ, ສະມາຄົມສົ່ງເສີມການຄ້າຈີນໄດ້ເຜີຍແຜ່ບົດລາຍງານວ່າດ້ວຍສະພາບແວດລ້ອມການດຳເນີນທຸລະກິດໃນອາຊຽນປີ 2023 ໂດຍລະບຸວ່າ: ປີ 2023 ນີ້, ວິສາຫະກິດຈີນທີ່ດຳເນີນທຸລະກິດຢູ່ອາຊຽນມີສະພາບລວມທີ່ດີ.

ສະມາຄົມສົ່ງເສີມການຄ້າຈີນລາຍງານໃຫ້ຮູ້ວ່າ: ຈີນ ແລະ ອາຊຽນເປັນຄູ່ການຄ້າໃຫຍ່ທີ່ສຸດຂອງກັນ ແລະ ກັນມາເປັນເວລາ 3 ປີລຽນຕິດ. ບົດລາຍງານສະບັບດັ່ງກ່າວສະແດງໃຫ້ເຫັນວ່າ: ສະພາບແວດລ້ອມການດຳເນີນທຸລະກິດຢູ່ອາຊຽນໃນປີ 2023 ແມ່ນດີຂຶ້ນກວ່າເກົ່າບົນພື້ນຖານຄວາມໝັ້ນທ່ຽງ, ສະພາບການດຳເນີນທຸລະກິດຢູ່ປະເທດສິງກະໂປ, ໄທ, ມາເລເຊຍ, ຫວຽດນາມ ແລະ ອິນໂດເນເຊຍ ແມ່ນຢູ່ແຖວໜ້າໃນອາຊຽນ.

ບົດລາຍງານສະແດງໃຫ້ເຫັນຕື່ມວ່າ: ວິສາຫະກິດທີ່ໃຫ້ສຳພາດສ່ວນຫຼາຍມີແຜນການຂະຫຍາຍທຸລະກິດຢູ່ອາຊຽນ.