ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນຜ່ານມານີ້, ອົງການຄຸ້ມຄອງ ຄອງຊູແອດ (SCA) ຂອງປະເທດ ເອຢິບ ໃຫ້ຮູ້ວ່າ: ມີບໍລິສັດຂົນສົ່ງທາງທະເລສາກົນຈຳນວນຫຼາຍແຫ່ງໄດ້ແຈ້ງການເຖິງ SCA ກ່ຽວກັບການຟື້ນຟູການເດີນທາງຜ່ານຄອງຊູແອດໃນທະເລແດງ.

ຂ່າວລະບຸວ່າ: ຕາມ SCA ແລ້ວ, ບັນດາບໍລິສັດປະກາດຟຶ້ນຟູການເຄື່ອນໄຫວຊຶ່ງລວມມີ: Maersk ຂອງ ແດນມາດ, Evergreen Group ຂອງໄຕ້ຫວັນ (ປະເທດຈີນ) ແລະ CMA CGM ຂອງປະເທດ ຝຣັ່ງ. ບັນດາບໍລິສັດຈະຟື້ນຟູການເຄື່ອນໄຫວທາງທະເລຜ່ານຄອງຊູແອດນັບແຕ່ຕົ້ນອາທິດໜ້າ.

ຄອງຊູແອດ ໂດຍເປັນເສັ້ນທາງຄົມມະນາຄົມທາງນ້ຳສຳຄັນ ທີ່ເຊື່ອມຕໍ່ ທະເລເມດີຕາຣາເນ ກັບ ທະເລແດງ, ຄອງຊູແອດ ກວມເອົາ 12% ປະລິມານການຂົນສົ່ງສິນຄ້າທາງທະເລຂອງໂລກ ແລະ ແມ່ນໜຶ່ງໃນບັນດາແຫຼ່ງລາຍຮັບຈາກຕ່າງປະເທດຕົ້ນຕໍຂອງ ເອຢິບ.