ວິທະຍຸກະຈາຍສຽງຫວຽດນາມລາຍງານວ່າ: ວັນທີ 31 ທັນວາ ຜ່ານມານີ້, ທ່າກຳປັ່ນສາກົນ ຮາລອງ, ແຂວງ ກວາງນິງ ໄດ້ຕ້ອນຮັບກຳປັ່ນທະເລ 2 ລຳທີ່ນຳສົ່ງແຂກທ່ອງທ່ຽວເອີຣົບ, ອາເມຣິກາ ເກືອບ 4000 ເທື່ອຄົນ ທີ່ເດີນທາງມາທ່ອງທ່ຽວ ນະຄອນມໍລະດົກ ອ່າວຮາລອງ. ໃນກຳປັ່ນທະເລສາກົນ 2 ລຳດັ່ງກ່າວ, ມີກຳປັ່ນ ວາສໂກ ດາ ກາມາ ຂອງ ປອກຕຸຍການໄດ້ເຂົ້າທຽບທ່າຮາລອງຄັ້ງທຳອິດ ຊຶ່ງນຳສົ່ງແຂກທ່ອງທ່ຽວເຢຍລະມັນ ເກືອບ 650 ເທື່ອຄົນ. ໃນຂະນະນັ້ນ, ກຳປັ່ນ ເຊເລບບີຕີ ຊອລຕິຊ ຂອງ ມອລຕາ(Malta)ໄດ້ເຂົ້າທຽບທ່າກຳປັ່ນສາກົນຮາລອງເຖິງ 5 ຄັ້ງໃນປີ 2023, ນຳແຂກທ່ອງທ່ຽວເອີຣົບ, ທະວີບ ອາເມຣິກາ ກ່ວາ 300ເທື່ອຄົນ. ນີ້ແມ່ນໜຶ່ງໃນບັນດາຄະນະແຂກທ່ອງທ່ຽວທີ່ຫຼາຍທີ່ສຸດນັບແຕ່ເດືອນເມສາ ປີ 2023 ມານີ້.
ແຂກທ່ອງທ່ຽວມາຈາກທ່າກຳປັ່ນທະເລສາກົນ ຈະທ່ອງທ່ຽວໃນສະຖານທີ່ທີ່ມີຊື່ສຽງບໍລິເວນນະຄອນ ຮາລອງ ຄື: ຫໍພິພິທະພັນ ກວາງນິງ, ທ່ຽວໃນຕົວເມືອງ, ສະຖານທີ່ວັດທະນະທຳ, ແລະ ສະຖານທີ່ທ່ອງທ່ຽວ ຫຼາຍແຫ່ງຢູ່ຮາລອງ. ໃນໂອກາດພັກບຸນປີໃໝ່ສາກົນ 2024, ແຂວງກວາງນິງ ຍັງໄດ້ຈັດຫຼາຍກິດຈະກຳເພື່ອດຶງດູດແຂກທ່ອງທ່ຽວ.