ຂ່າວຕ່າງປະເທດລາຍງານ ເມື່ອທ້າຍອາທິດທີ່ຜ່ານມາ, ສຳນັກງານອຸຕຸນິຍົມວິທະຍາແຫ່ງຊາດ ສ ເກົາຫຼີ ໄດ້ເປີດເຜີຍບົດລາຍງານໂດຍລະບຸວ່າ ນະຄອນຫຼວງເຊອູນຫິມະຕົກສະສົມໜາກວ່າ 10 ຊັງຕີແມັດເປັນສະຖິຕິຫິມະຕົກສູງສຸດຂອງເດືອນທັນວາໃນຮອບ 42 ປີ ຫຼື ນັບຕັ້ງແຕ່ປີ 1981 ຊຶ່ງສະຖິຕິເມື່ອວັນທີ 19 ທັນວາ 1981 ວັດຄວາມສູງຂອງຫິມະໄດ້ 18,3 ຊັງຕີແມັດ.
    ທັງນີ້, ສຳນັກງານອຸຕຸນິຍົມວິທະຍາແຫ່ງຊາດ ສ ເກົາຫຼີ ໄດ້ອອກຄຳແນະນຳກ່ຽວກັບການດຳເນີນຊີວິດທ່າມກາງຫິມະຄວບຄຸມທຸກເຂດໃນເມືອງຫຼວງຍົົກເວັ້ນພຽງເຂດຕາເວັນຕົກສ່ຽງເໜືອຂອງນະຄອນຫຼວງເຊອູນພ້ອມທັງພະຍາກອນວ່າ ຫິມະຈະຕົກລົງມາຢ່າງໜັກຕະຫຼອດໄລຍະອາທິດນີ້ ຂະນະທີ່ພື້ນທີ່ບາງສ່ວນຂອງແຂວງຢັອງກີ ແລະ ພາກຕາເວັນອອກຂອງແຂວງຄັງວັອນຢູ່ພາຍໃຕ້ຄຳສັ່ງດຽວກັນ.
    ທາງດ້ານເທສະບານນະຄອນຫຼວງເຊອຸນໄດ້ປຸກລະດົມເຈົ້າໜ້າທີ່ຫຼາຍກວ່າ 4.600 ຄົນ ໃຫ້ຄວາມຊ່ວຍເຫຼືອປະຊາຊົນຕະຫຼອດ 24 ຊົ່ວໂມງ ໂດສ່ວນໃຫຍ່ເປັນບັນຫາກ່ຽວກັບການຈະລາຈອນ.