ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມປຶກສາຫາລືແລກປ່ຽນຄວາມຄິດເຫັນໃນການກະກຽມ ການເປັນປະທານອາຊຽນຂອງສປປ ລາວ ໃນປີ 2024 ຂອງເສົາຄໍ້າວັດທະນະທໍາ-ສັງຄົມອາຊຽນ ຂຶ້ນໃນວັນທີ 3 ມັງກອນ 2024, ທີ່ກະຊວງດັ່ງກ່າວ ໂດຍການເປັນປະທານຂອງທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງ ຖວທ, ມີບັນດາຮອງລັດຖະມົນຕີຈາກກະຊວງ, ຂະແໜງການໃນເສົາຄໍ້າວັດທະນະທໍາ-ສັງຄົມອາຊຽນ, ບັນດາຫົວໜ້າເຈົ້າໜ້າທີ່ອາວຸໂສອາຊຽນ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.
ທ່ານ ຄຳພູ ເພັຍສັກຂາ ຮອງຫົວໜ້າກົມແຜນການ ແລະ ການຮ່ວມມືສາກົນ ເຈົ້າໜ້າທີ່ອາວຸໂສປະຊາຄົມວັດທະນະທຳ-ສັງຄົມອາຊຽນລາວ ລາຍງານວ່າ: ໃນປີ 2024 ນີ້ ສປປ ລາວໄດ້ຮັບກຽດເປັນເຈົ້າພາບ ແລະ ດຳ ເນີນການເປັນປະທານອາຊຽນເປັນຄັ້ງທີ 3, ຊຶ່ງຄັ້ງທຳອິດຈັດຂຶ້ນໃນປີ 2004-2005, ຄັ້ງທີ 2 ປີ 2016. ສຳລັບການກະກຽມເປັນເຈົ້າພາບກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນໃນປີ 2024 ໄດ້ມີການປະຊຸມກັນພາຍໃນຫຼາຍຄັ້ງ ແລະ ໄດ້ມີແຜນການຈັດກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ 2 ຄັ້ງຄື: ຄັ້ງທີ 31 ແລະ ຄັ້ງທີ 32. ສຳລັບກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 31 ແລະ ກອງປະຊຸມປິ່ນອ້ອມແມ່ນຈະໄດ້ຈັດຂຶ້ນໃນວັນທີ 25-30 ມີນາ 2024 ຢູູ່ແຂວງຫຼວງພະບາງ ແລະ ກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 32 ຄາດວ່າຈະຈັດຂຶ້ນໃນວັນທີ 23-27 ກັນຍາ 2024 ທີ່ນະຄອນຫຼວງວຽງຈັນ.
ສຳລັບຫົວຂໍ້ບູລິມະສິດຂອງເສົາຄໍ້າວັດທະນະທໍາ-ສັງຄົມອາຊຽນໃນປີ 2024 ສປປ ລາວມີ 4 ບູລິມະສິດຄື: 1. ດ້ານວັດທະນະທຳ: ສົ່ງເສີມບົດບາດວັດທະນະທໍາ ແລະ ສິລະປະໃນອາຊຽນໃຫ້ກວມລວມ ແລະ ຍືນຍົງ; ຊຶ່ງໄດ້ຮັບຮອງ ແລະ ເຫັນດີຢູ່ກອງປະຊຸມເຈົ້າໜ້າທີ່ອາວຸໂສວັດທະນະທໍາ ແລະ ສິລະປະອາຊຽນຄັ້ງທີ 19 ໃນວັນທີ 24 ຕຸລາ 2023 ທີ່ວັງວຽງແຂວງວຽງຈັນ. ປັດຈຸບັນພວມຢູ່ໃນຂັ້ນຕອນຂໍການຮັບຮອງຈາກທ່ານລັດຖະມົນຕີວັດທະນະທໍາ ແລະ ສິລະປະຈາກບັນດາປະເທດສະມາຊິກອາຊຽນ ໂດຍຜ່ານທາງຈົດໝາຍອີເລັກໂທຣນິກ ຊຶ່ງທ້າຍເດືອນມັງກອນນີ້ຈະສໍາເລັດ. ພ້ອມດຽວກັນນັ້ນ, ເພື່ອສະເໜີໃຫ້ຜູ້ນຳອາຊຽນຮັບຮອງທີ່ກອງປະຊຸມສຸດຍອດອາຊຽນຄັ້ງທີ 44 ທີ່ນະຄອນຫຼວງວຽງຈັນປີ 2024 ໂດຍຜ່ານການຮັບຮອງທີ່ກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 31 ໃນວັນທີ 25-30 ມີນາ 2024 ທີ່ຫຼວງພະບາງ ຊຶ່ງແນວຄວາມຄິດລິເລີ່ມ: ຖະແຫຼງການວັງວຽງ ວ່າດ້ວຍການສົ່ງເສີມຜະລິດຕະພັນວັດທະນະທຳຂະໜາດນ້ອຍ ແລະ ຂະໜາດກາງ ຄຽງຄູ່ກັບການເຕີບໂຕສີຂຽວ ແລະ ການພັດທະນາແບບຍືນຍົງ. ສຳລັບກິດຈະກຳສະໜັບສະໜູນ: ການສະແດງສິລະປະທີ່ດີເດັ່ນອາຊຽນ 2024 ເວທີໜຶ່ງດຽວ; ກິດຈະກຳຜະລິດຕະພັນວິຈິດສິນທີ່ສ້າງສັນຊາວໜຸ່ມອາຊຽນ-ຍີ່ປຸ່ນ; ບຸນມະໂຫລານດົນຕີອາຊຽນ-ສ.ເກົາຫຼີ 2024; ກິດຈະກຳແລກປ່ຽນເຄື່ອງດົນຕີສຳຫຼັບນັກຮຽນອາຊຽນ; ກອງປະຊຸມສຳມະນາກ່ຽວກັບເຈ້ຍປໍສາ ເພື່ອສົ່ງເສີມການປອດພາສຕິກໃນອາຊຽນ; ການເຜີຍແຜ່ມໍລະດົກວັດທະນະທຳຕາມແລວເສັ້ນທາງລົດໄຟເພື່ອຊຸກຍູ້ການເຊື່ອມໂຍງນຳໄປສູ່ຄວາມຫຼາກຫຼາຍຂອງອາຊຽນ; 2. ການສົ່ງເສີມການຮ່ວມມືດ້ານສິ່ງແວດລ້ອມ: ຄວາມທົນທານຕໍ່ການປ່ຽນແປງດິນຟ້າອາກາດ ຊຶ່ງແນວຄວາມຄິດລິເລີ່ມ: ຖະແຫຼງການຮ່ວມອາຊຽນ ວ່າດ້ວຍການປ່ຽນແປງດິນຟ້າອາກາດຕໍ່ກອງປະຊຸມລັດພາຄີສົນທິສັນຍາ ວ່າດ້ວຍການປ່ຽນແປງດິນຟ້າອາກາດຄັ້ງທີ 29; ການສ້າງແຜນງານກ່ຽວກັບການຈັດຕັ້ງປະຕິບັດແຜນແມ່ບົດ ດ້ານບັນຫາມົນລະພິດໝອກຄວັນຂ້າມຊາຍແດນ; ຂອບແຜນງານອາຊຽນກ່ຽວກັບມົນລະພິດຈາກພາສຕິກ ແລະ ເສດຖະກິດໝູນວຽນ; ແຜນງານການສ້າງຄວາມສາມາດສໍາລັບອາຊຽນ ເພື່ອການເຂົ້າເຖິງການເງິນສີຂຽວ; 3. ແມ່ຍິງ ແລະ ເດັກນ້ອຍ: ການສົ່ງ ເສີມບົດບາດຂອງແມ່ຍິງ ແລະ ເດັກນ້ອຍເພື່ອການຫັນປ່ຽນພຶດຕິກຳໃນອາຊຽນ ຊຶ່ງແນວຄວາມຄິດລິເລີ່ມ: ຖະ ແຫຼງການວ່າດ້ວຍການເສີມຂະຫຍາຍເສດຖະກິດການດູແລ ແລະ ຄວາມເຂັ້ມແຂງ ເພື່ອນໍາໄປສູ່ປະຊາຄົມອາຊຽນຫຼັງປີ 2025. ສຳລັບກິດຈະກຳສະໜັບສະໜູນ: ກອງປະຊຸມສຸດຍອດການນໍາແມ່ຍິງອາຊຽນຄັ້ງທີ 3: ເສີມຂະ ຫຍາຍເສດຖະກິດການດູແລ ແລະ ຄວາມເຂັ້ມແຂງ ເພື່ອນໍາໄປສູ່ປະຊາຄົມອາຊຽນຫຼັງປີ 2025; 4. ດ້ານສາທາ ລະນະສຸກ: ການຫັນປ່ຽນການປັບປຸງສຸຂະພາບຂອງອາຊຽນໃນສະພາບການໃໝ່ແນວຄວາມຄິດລິເລີ່ມ: ຖະແຫຼງ ການຂອງຜູ້ນໍາອາຊຽນ ກ່ຽວກັບຄວາມປອດໄພ ແລະ ຄວາມໝັ້ນຄົງດ້ານຊີວະພາບ; ການສ້າງແຜນງານຈັດຕັ້ງປະ ຕິບັດຖະແຫຼງການຂອງຜູ້ນໍາອາຊຽນ ກ່ຽວກັບການຢຸດຕິຄວາມບໍ່ເທົ່າທຽມກັນ ແລະ ກ້າວໄປເຖິງການຢຸດຕິການແຜ່ລະບາດຂອງພະຍາດເອດສ ພາຍໃນປີ 2030. ສໍາລັບກິດຈະກໍາສະໜັບສະໜູນ: ສະເຫຼີມສະຫຼອງຄົບຮອບ 10 ປີແຫ່ງການຫຼຸດຜ່ອນໄພຂົ່ມຂູ່ທາງຊີວະພາບອາຊຽນ, ຄວາມຄືບໜ້າເພື່ອຢຸດຕິໂລກເອດສ ໃນປີ 2030; ການມອບລາງວັນປະເທດປອດຄວັນຢາສູບໃນພາກພື້ນອາຊຽນ.
(ຂ່າວ-ພາບ: ວັນເພັງ)
ທ່ານ ຄຳພູ ເພັຍສັກຂາ ຮອງຫົວໜ້າກົມແຜນການ ແລະ ການຮ່ວມມືສາກົນ ເຈົ້າໜ້າທີ່ອາວຸໂສປະຊາຄົມວັດທະນະທຳ-ສັງຄົມອາຊຽນລາວ ລາຍງານວ່າ: ໃນປີ 2024 ນີ້ ສປປ ລາວໄດ້ຮັບກຽດເປັນເຈົ້າພາບ ແລະ ດຳ ເນີນການເປັນປະທານອາຊຽນເປັນຄັ້ງທີ 3, ຊຶ່ງຄັ້ງທຳອິດຈັດຂຶ້ນໃນປີ 2004-2005, ຄັ້ງທີ 2 ປີ 2016. ສຳລັບການກະກຽມເປັນເຈົ້າພາບກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນໃນປີ 2024 ໄດ້ມີການປະຊຸມກັນພາຍໃນຫຼາຍຄັ້ງ ແລະ ໄດ້ມີແຜນການຈັດກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ 2 ຄັ້ງຄື: ຄັ້ງທີ 31 ແລະ ຄັ້ງທີ 32. ສຳລັບກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 31 ແລະ ກອງປະຊຸມປິ່ນອ້ອມແມ່ນຈະໄດ້ຈັດຂຶ້ນໃນວັນທີ 25-30 ມີນາ 2024 ຢູູ່ແຂວງຫຼວງພະບາງ ແລະ ກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 32 ຄາດວ່າຈະຈັດຂຶ້ນໃນວັນທີ 23-27 ກັນຍາ 2024 ທີ່ນະຄອນຫຼວງວຽງຈັນ.
ສຳລັບຫົວຂໍ້ບູລິມະສິດຂອງເສົາຄໍ້າວັດທະນະທໍາ-ສັງຄົມອາຊຽນໃນປີ 2024 ສປປ ລາວມີ 4 ບູລິມະສິດຄື: 1. ດ້ານວັດທະນະທຳ: ສົ່ງເສີມບົດບາດວັດທະນະທໍາ ແລະ ສິລະປະໃນອາຊຽນໃຫ້ກວມລວມ ແລະ ຍືນຍົງ; ຊຶ່ງໄດ້ຮັບຮອງ ແລະ ເຫັນດີຢູ່ກອງປະຊຸມເຈົ້າໜ້າທີ່ອາວຸໂສວັດທະນະທໍາ ແລະ ສິລະປະອາຊຽນຄັ້ງທີ 19 ໃນວັນທີ 24 ຕຸລາ 2023 ທີ່ວັງວຽງແຂວງວຽງຈັນ. ປັດຈຸບັນພວມຢູ່ໃນຂັ້ນຕອນຂໍການຮັບຮອງຈາກທ່ານລັດຖະມົນຕີວັດທະນະທໍາ ແລະ ສິລະປະຈາກບັນດາປະເທດສະມາຊິກອາຊຽນ ໂດຍຜ່ານທາງຈົດໝາຍອີເລັກໂທຣນິກ ຊຶ່ງທ້າຍເດືອນມັງກອນນີ້ຈະສໍາເລັດ. ພ້ອມດຽວກັນນັ້ນ, ເພື່ອສະເໜີໃຫ້ຜູ້ນຳອາຊຽນຮັບຮອງທີ່ກອງປະຊຸມສຸດຍອດອາຊຽນຄັ້ງທີ 44 ທີ່ນະຄອນຫຼວງວຽງຈັນປີ 2024 ໂດຍຜ່ານການຮັບຮອງທີ່ກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 31 ໃນວັນທີ 25-30 ມີນາ 2024 ທີ່ຫຼວງພະບາງ ຊຶ່ງແນວຄວາມຄິດລິເລີ່ມ: ຖະແຫຼງການວັງວຽງ ວ່າດ້ວຍການສົ່ງເສີມຜະລິດຕະພັນວັດທະນະທຳຂະໜາດນ້ອຍ ແລະ ຂະໜາດກາງ ຄຽງຄູ່ກັບການເຕີບໂຕສີຂຽວ ແລະ ການພັດທະນາແບບຍືນຍົງ. ສຳລັບກິດຈະກຳສະໜັບສະໜູນ: ການສະແດງສິລະປະທີ່ດີເດັ່ນອາຊຽນ 2024 ເວທີໜຶ່ງດຽວ; ກິດຈະກຳຜະລິດຕະພັນວິຈິດສິນທີ່ສ້າງສັນຊາວໜຸ່ມອາຊຽນ-ຍີ່ປຸ່ນ; ບຸນມະໂຫລານດົນຕີອາຊຽນ-ສ.ເກົາຫຼີ 2024; ກິດຈະກຳແລກປ່ຽນເຄື່ອງດົນຕີສຳຫຼັບນັກຮຽນອາຊຽນ; ກອງປະຊຸມສຳມະນາກ່ຽວກັບເຈ້ຍປໍສາ ເພື່ອສົ່ງເສີມການປອດພາສຕິກໃນອາຊຽນ; ການເຜີຍແຜ່ມໍລະດົກວັດທະນະທຳຕາມແລວເສັ້ນທາງລົດໄຟເພື່ອຊຸກຍູ້ການເຊື່ອມໂຍງນຳໄປສູ່ຄວາມຫຼາກຫຼາຍຂອງອາຊຽນ; 2. ການສົ່ງເສີມການຮ່ວມມືດ້ານສິ່ງແວດລ້ອມ: ຄວາມທົນທານຕໍ່ການປ່ຽນແປງດິນຟ້າອາກາດ ຊຶ່ງແນວຄວາມຄິດລິເລີ່ມ: ຖະແຫຼງການຮ່ວມອາຊຽນ ວ່າດ້ວຍການປ່ຽນແປງດິນຟ້າອາກາດຕໍ່ກອງປະຊຸມລັດພາຄີສົນທິສັນຍາ ວ່າດ້ວຍການປ່ຽນແປງດິນຟ້າອາກາດຄັ້ງທີ 29; ການສ້າງແຜນງານກ່ຽວກັບການຈັດຕັ້ງປະຕິບັດແຜນແມ່ບົດ ດ້ານບັນຫາມົນລະພິດໝອກຄວັນຂ້າມຊາຍແດນ; ຂອບແຜນງານອາຊຽນກ່ຽວກັບມົນລະພິດຈາກພາສຕິກ ແລະ ເສດຖະກິດໝູນວຽນ; ແຜນງານການສ້າງຄວາມສາມາດສໍາລັບອາຊຽນ ເພື່ອການເຂົ້າເຖິງການເງິນສີຂຽວ; 3. ແມ່ຍິງ ແລະ ເດັກນ້ອຍ: ການສົ່ງ ເສີມບົດບາດຂອງແມ່ຍິງ ແລະ ເດັກນ້ອຍເພື່ອການຫັນປ່ຽນພຶດຕິກຳໃນອາຊຽນ ຊຶ່ງແນວຄວາມຄິດລິເລີ່ມ: ຖະ ແຫຼງການວ່າດ້ວຍການເສີມຂະຫຍາຍເສດຖະກິດການດູແລ ແລະ ຄວາມເຂັ້ມແຂງ ເພື່ອນໍາໄປສູ່ປະຊາຄົມອາຊຽນຫຼັງປີ 2025. ສຳລັບກິດຈະກຳສະໜັບສະໜູນ: ກອງປະຊຸມສຸດຍອດການນໍາແມ່ຍິງອາຊຽນຄັ້ງທີ 3: ເສີມຂະ ຫຍາຍເສດຖະກິດການດູແລ ແລະ ຄວາມເຂັ້ມແຂງ ເພື່ອນໍາໄປສູ່ປະຊາຄົມອາຊຽນຫຼັງປີ 2025; 4. ດ້ານສາທາ ລະນະສຸກ: ການຫັນປ່ຽນການປັບປຸງສຸຂະພາບຂອງອາຊຽນໃນສະພາບການໃໝ່ແນວຄວາມຄິດລິເລີ່ມ: ຖະແຫຼງ ການຂອງຜູ້ນໍາອາຊຽນ ກ່ຽວກັບຄວາມປອດໄພ ແລະ ຄວາມໝັ້ນຄົງດ້ານຊີວະພາບ; ການສ້າງແຜນງານຈັດຕັ້ງປະ ຕິບັດຖະແຫຼງການຂອງຜູ້ນໍາອາຊຽນ ກ່ຽວກັບການຢຸດຕິຄວາມບໍ່ເທົ່າທຽມກັນ ແລະ ກ້າວໄປເຖິງການຢຸດຕິການແຜ່ລະບາດຂອງພະຍາດເອດສ ພາຍໃນປີ 2030. ສໍາລັບກິດຈະກໍາສະໜັບສະໜູນ: ສະເຫຼີມສະຫຼອງຄົບຮອບ 10 ປີແຫ່ງການຫຼຸດຜ່ອນໄພຂົ່ມຂູ່ທາງຊີວະພາບອາຊຽນ, ຄວາມຄືບໜ້າເພື່ອຢຸດຕິໂລກເອດສ ໃນປີ 2030; ການມອບລາງວັນປະເທດປອດຄວັນຢາສູບໃນພາກພື້ນອາຊຽນ.
(ຂ່າວ-ພາບ: ວັນເພັງ)
