ຂ່າວຕ່່າງປະເທດລາຍງານວ່າ: ການຂາຍລົດໄຟຟ້າໃນປີ 2023ຢູ່ອົດສະຕຣາລີ ໄດ້ເພີ່ມຂື້ຶ້ນຫລາຍກວ່າ 2 ເທົ່າ ຊຶ່ງເປັນຍອດຂາຍສູງສຸດ, ອີງຕາມຂ້ໍມູນທີ່ເປີດເຜີຍໂດຍສະພາອຸດສາຫະກຳລົດໃຫ້ຮູ້ໃນວັນທີ 5 ມັງກອນວ່າ: ຢູ່ໃນປະເທດອົດສະຕຣາລີໄດ້ຂາຍລົດໄຟຟ້າ 87.217 ຄັນໃນປີ 2023.ເພີ່ມຂຶ້ນ 7,2% ຂອງການຂາຍລົດໃໝ່ທັງໝົດ. ເພີ່ມຂຶ້ນ 3,2% ເມື່ອທຽບກັບປີ 2022 ທີ່ຂາຍໄດ້ 33,410 ຄັນ.
    ລົດໄຟຟ້າ , ລົດທີ່ໃຊ້ທັງນ້ຳມັນ ແລະ ໄຟຟ້າໃນຄັນດຽວກັນນັ້ນກວມເອົາ 16,2% ຂອງຍອດຂາຍລົດທັງໝົດ. ທ່ານ ເບຮາດ ຈາຟາຣີ ຫົວໜ້າຄະນະບໍລິການງານຂອງສະມາຄົມລົດໄຟຟ້າກ່າວກັບ ABC ວ່າ: ຍອດຂາຍເພີ່ມຂຶ້ນຍ້ອນໄດ້ຮັບການ
ສະໜັບສະໜູນ, ອົດສະຕຣາລີຍັງນຳຫລັງໂລກຢູ່. ແຕ່ພວກເຮົາກຳລັງໄລ່ຕາມໂລກໃຫ້ທັນຢ່າງໄວວາທີ່ສຸດ.ພວກເຮົາຢາກເຫັນຍອດຂາຍໃນປີນີ້ສືບຕໍ່ເພີ່ມຂຶ້ນສອງເທົ່າເຊັ່ນກັນ.
    ການຂາຍລົດໄຟຟ້າໄດ້ເພີ່ມຂຶ້ນສອງເທົ່າໃນແຕ່ລະປີ, ບໍ່ມີລົດປະເພດອື່ນທີ່ຂາຍໄດ້ແບບນີ້ແມ່ນແຕ່ລົດໃຊ້ນ້ຳມັນແອັດຊັງ,ກາຊວນ ແລະ ລົດປະເພດໄຮບຣີດທີ່ເຮັດໄດ້ແບບນີ້. ການຂາຍລົດໃໝ່ຢູ່ອົດສະຕຣາລີຕາມການບັນທຶກໃນປີ 2023 ໄດ້ທັງໝົດ 1,21 ລ້ານຄັນ, ທຳລາຍສະຖິຕິສູງສຸດໃນປີ 2017 ທີ່ຂາຍໄດ້ 1,18 ລ້ານຄັນ.
    ລົດຍີ່ປຸ່ນຍີ່ຫໍ້ໂຕໂຍຕາແມ່ນໄດ້ຮັບຄວາມນິຍົມຫລາຍທີ່ສຸດໃນຕະຫລາດອົດສະຕຣາລີ, ຊຶ່ງກວມຍອດຂາຍ 17,7%. ຫລາຍກວ່າສອງເທົ່າຂອງສ່ວນແບ່ງການຕະລາດຂອງລົດປະເພດອື່ນ. ສ່ວນລົດຍີ່ຫໍ້ເຕສລາ ລຸ້ນ Y ແມ່ນລົດໄຟຟ້າທີ່ໄດ້ຮັບຄວາມ
ນິຍົມຫລາຍທີ່ສຸດ,ຢູ່ອັນດັບ 6 ຂອງປະເພດລົດທີ່ບໍ່ໃຊ້ນ້ຳມັນ.