ອົງການອາຫານໂລກ(WFP) ແລະ ຄູ່ຮ່ວມງານ, ໄດ້ຈັດກອງປະຊຸມຖອດຖອນບົດຮຽນກ່ຽວກັບໂຄງການແຈກຢາຍເຂົ້າຊ່ວຍເຫຼືອໃຫ້ແກ່ຜູ້ດ້ອຍໂອກາດ ແລະປະສົບໄພພິບັດທີ່ບໍ່ສາມາດເຂົ້າເຖິງການຄໍ້າປະກັນດ້ານສະບຽງອາຫານ, ໄດ້ຈັດຂຶ້ນໃນວັນທີ 5 ມັງກອນນີ້ ທີ່ນະຄອນຫຼວງວຽງຈັນ.
ໂດຍມີ ທ່ານ ພູທອນ ເມືອງປາກ ປະທານອົງການກາແດງແຫ່ງຊາດລາວ, ທ່ານ ລີປາວ ຢ່າງ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ,ທ່ານ ມາກ ແອນເດີ ໂພຣດສ໌ ຜູ້ອຳນວຍການ ອົງການອາຫານໂລກ ປະຈຳ ສປປ ລາວ, ບັນດາທ່ານ ຮອງເຈົ້າແຂວງ ຄະນະກຳມະການຄຸ້ມຄອງໄພພິບັດແຂວງຫຼວງນ້ຳທາ, ອຸດົມໄຊ, ສາລະວັນ ແລະ ເຊກອງ ພ້ອມດ້ວຍບັນດທ່ານແຂກຖືກເຊີນ ທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ທ່ານ ລີປາວ ຢ່າງ, ກ່າວວ່າ: ໂຄງການແຈກຢາຍເຂົ້າຊ່ວຍເຫຼືອໃຫ້ແກ່ຜູ້ດ້ອຍໂອກາດ ແລະ ປະສົບໄພພິບັດ ທີ່ບໍ່ສາມາດເຂົ້າເຖິງການຄໍ້າປະກັນ ດ້ານສະບຽງອາຫານ ຊຶ່ງພິທີເປີດໂຕ ເປັນທາງການ ແມ່ນໄດ້ຈັດຂຶ້ນໃນວັນທີ 9 ມິຖຸນາ 2023 ໂດຍແມ່ນ ອົງການ ກາແດງແຫ່ງຊາດລາວ ເປັນພາກສ່ວນຈັດຕັ້ງປະຕິບັດ ໃນການຂົນສົ່ງເຂົ້າ ຈຳນວນ 950 ໂຕນ ໃຫ້ 4 ແຂວງ ເປົ້າໝາຍຄື: ຫຼວງນໍ້າທາ, ອຸດົມໄຊ, ສາລະວັນ ແລະ ເຊກອງ.
ສະນັ້ນ, ມື້ນີ້ ພວກເຮົາໄດ້ມາເຕົ້າໂຮມກັນ ເພື່ອພ້ອມກັນ ຖອດຖອນບົດຮຽນກ່ຽວກັບ ສະພາບການຈັດຕັ້ງປະຕິບັດ ໃນການຂົນສົ່ງເຂົ້າໄປສູ່ ບັນດາແຂວງເປົ້າໝາຍ ວ່າ ມີຂໍ້ສະດວກ ແລະ ຂໍ້ຫຍຸ້ງຍາກແນວໃດແລະ ພວກເຮົາສາມາດຮຽນຮູ້ ຈາກການຈັດຕັ້ງປະຕິບັດ ໂຄງການນີ້ແນວໃດ ເພື່ອຈະນຳໄປເປັນບ່ອນອີງໃນການຈັດຕັ້ງປະຕິບັດໃນຕໍ່ໜ້າ.
ກະຊວງແຮງງານ ແລະ ສະຫວັດດີການສັງຄົມ ໃນນາມຄູ່ຮ່ວມງານຫຼັກ ຂໍສະແດງຄວາມຂອບໃຈ ມາຍັງອົງການອາຫານໂລກ ທີ່ຍາມໃດກໍ່ໄດ້ໃຫ້ການສະໜັບສະໜູນຊ່ວຍເຫຼືອບໍ່ວ່າຈະເປັນດ້ານທຶນຮອນ ແລະ ເຕັກນິກວິຊາການຕ່າງໆ ໃຫ້ແກ່ລັດຖະບານ ສປປ ລາວ ໂດຍຕະຫຼອດມາ. ສະແດງຄວາມຂອບໃຈຕໍ່ກັບອົງການກາແດງແຫ່ງຊາດລາວ, ອົງການກາແດງສະ ວິດແລະ ການນໍາຂອງ3 ແຂວງ ທີ່ເອົາໃຈໃສ່ຊີ້ນຳຊຸກຍູ້ ເຮັດໃຫ້ການຈັດຕັ້ງປະຕິບັດການແຈກຢາຍເຂົ້າສຳເລັດຕາມແຜນການທີ່ວາງໄວ້ ແລະ ສິ່ງສຳຄັນ ທີ່ສຸດແມ່ນ ການແຈກຢາຍເຂົ້າ ຄັ້ງນີ້ ສາມາດຕອບສະໜອງກັບຄວາມຮຽກຮ້ອງຕ້ອງການອັນຈຳເປັນ ຂອງປະຊາຊົນ ທີ່ສຸມກຳລັງແຮງໃສ່ເຮັດການຜະລິດໃນລະດູການທີ່ຜ່ານມາ.(ຂ່າວ:ແສງຈັນ)
ໂດຍມີ ທ່ານ ພູທອນ ເມືອງປາກ ປະທານອົງການກາແດງແຫ່ງຊາດລາວ, ທ່ານ ລີປາວ ຢ່າງ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ,ທ່ານ ມາກ ແອນເດີ ໂພຣດສ໌ ຜູ້ອຳນວຍການ ອົງການອາຫານໂລກ ປະຈຳ ສປປ ລາວ, ບັນດາທ່ານ ຮອງເຈົ້າແຂວງ ຄະນະກຳມະການຄຸ້ມຄອງໄພພິບັດແຂວງຫຼວງນ້ຳທາ, ອຸດົມໄຊ, ສາລະວັນ ແລະ ເຊກອງ ພ້ອມດ້ວຍບັນດທ່ານແຂກຖືກເຊີນ ທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ທ່ານ ລີປາວ ຢ່າງ, ກ່າວວ່າ: ໂຄງການແຈກຢາຍເຂົ້າຊ່ວຍເຫຼືອໃຫ້ແກ່ຜູ້ດ້ອຍໂອກາດ ແລະ ປະສົບໄພພິບັດ ທີ່ບໍ່ສາມາດເຂົ້າເຖິງການຄໍ້າປະກັນ ດ້ານສະບຽງອາຫານ ຊຶ່ງພິທີເປີດໂຕ ເປັນທາງການ ແມ່ນໄດ້ຈັດຂຶ້ນໃນວັນທີ 9 ມິຖຸນາ 2023 ໂດຍແມ່ນ ອົງການ ກາແດງແຫ່ງຊາດລາວ ເປັນພາກສ່ວນຈັດຕັ້ງປະຕິບັດ ໃນການຂົນສົ່ງເຂົ້າ ຈຳນວນ 950 ໂຕນ ໃຫ້ 4 ແຂວງ ເປົ້າໝາຍຄື: ຫຼວງນໍ້າທາ, ອຸດົມໄຊ, ສາລະວັນ ແລະ ເຊກອງ.
ສະນັ້ນ, ມື້ນີ້ ພວກເຮົາໄດ້ມາເຕົ້າໂຮມກັນ ເພື່ອພ້ອມກັນ ຖອດຖອນບົດຮຽນກ່ຽວກັບ ສະພາບການຈັດຕັ້ງປະຕິບັດ ໃນການຂົນສົ່ງເຂົ້າໄປສູ່ ບັນດາແຂວງເປົ້າໝາຍ ວ່າ ມີຂໍ້ສະດວກ ແລະ ຂໍ້ຫຍຸ້ງຍາກແນວໃດແລະ ພວກເຮົາສາມາດຮຽນຮູ້ ຈາກການຈັດຕັ້ງປະຕິບັດ ໂຄງການນີ້ແນວໃດ ເພື່ອຈະນຳໄປເປັນບ່ອນອີງໃນການຈັດຕັ້ງປະຕິບັດໃນຕໍ່ໜ້າ.
ກະຊວງແຮງງານ ແລະ ສະຫວັດດີການສັງຄົມ ໃນນາມຄູ່ຮ່ວມງານຫຼັກ ຂໍສະແດງຄວາມຂອບໃຈ ມາຍັງອົງການອາຫານໂລກ ທີ່ຍາມໃດກໍ່ໄດ້ໃຫ້ການສະໜັບສະໜູນຊ່ວຍເຫຼືອບໍ່ວ່າຈະເປັນດ້ານທຶນຮອນ ແລະ ເຕັກນິກວິຊາການຕ່າງໆ ໃຫ້ແກ່ລັດຖະບານ ສປປ ລາວ ໂດຍຕະຫຼອດມາ. ສະແດງຄວາມຂອບໃຈຕໍ່ກັບອົງການກາແດງແຫ່ງຊາດລາວ, ອົງການກາແດງສະ ວິດແລະ ການນໍາຂອງ3 ແຂວງ ທີ່ເອົາໃຈໃສ່ຊີ້ນຳຊຸກຍູ້ ເຮັດໃຫ້ການຈັດຕັ້ງປະຕິບັດການແຈກຢາຍເຂົ້າສຳເລັດຕາມແຜນການທີ່ວາງໄວ້ ແລະ ສິ່ງສຳຄັນ ທີ່ສຸດແມ່ນ ການແຈກຢາຍເຂົ້າ ຄັ້ງນີ້ ສາມາດຕອບສະໜອງກັບຄວາມຮຽກຮ້ອງຕ້ອງການອັນຈຳເປັນ ຂອງປະຊາຊົນ ທີ່ສຸມກຳລັງແຮງໃສ່ເຮັດການຜະລິດໃນລະດູການທີ່ຜ່ານມາ.(ຂ່າວ:ແສງຈັນ)
