ຂ່າວສານຊີອາໄອລາຍງານ ເມື່ອບໍ່ດົນມານີ້, ທ່ານນາງຄຣິສຕາລິນາ ຈໍເຈຍວາ (Kristalina Georgieva) ຜູ້ອຳນວຍການໃຫຍ່ອົງການກອງທຶນເງິນຕາສາກົນ (IMF)ເຕືອນວ່າເສດຖະກິດໂລກແຕກແຍກກັນຈະເຮັດໃຫ້ໂຕເລກລວມຍອດຜະລິດຕະພັນພາຍໃນ (GDP)ທົ່ວໂລກສູນເສຍ 7%.

ທ່ານນາງ ຄຣິສຕາລິນາ ກ່າວວ່າຂໍ້ຈຳກັດທີ່ປິ່ນອ້ອມຄວາມໝັ້ນຄົງແຫ່ງຊາດ ພວມເພີ່ມຂຶ້ນ, ປັດໄຈພູມສາດການເມືອງພວມເຮັດໃຫ້ເສດຖະກິດໂລກແຕກແຍກຈາກກັນ. ຖ້າວ່າປ່ອຍໃຫ້ເສດຖະກິດໂລກແຕກແຍກຄືແບບນີ້ຕໍ່ໄປ, ໃນທີ່ສຸດຈະເຮັດໃຫ້ GDP ທົ່ວໂລກສູນເສຍ 7% ຊຶ່ງເທົ່າກັບຜົນລວມ GDP ຂອງຝຣັ່ງ ແລະ ເຢຍລະມັນໃນປີໜຶ່ງ.ທ່ານນາງຄຣິສຕາລິນາ ກ່າວຕື່ມວ່າ: ຄວນຊອກຫາວິທີຫຼຸດຜ່ອນຄວາມຂັດແຍ້ງກັນ, ສຸມໃສ່ບັນຫາຄວາມໝັ້ນຄົງທີ່ມີຄວາມໝາຍອັນແທ້ຈິງ, ແຕ່ບໍ່ແມ່ນເຮັດໃຫ້ເສດຖະກິດໂລກແຕກແຍກຕາມລຳພັງໃຈ, ສິ່ງນີ້ມີຜົນດີຕໍ່ປະເທດຕ່າງໆ. ຖ້າບໍ່ດັ່ງນັ້ນ, ປະລິມານເສດຖະກິດໂລກຈະຫຼຸດໜ້ອຍລົງອີກ.