ຂ່າວສານຫວຽດນາມລາຍງານວ່າ: ບັນດາບໍລິສັດຂຸດຄົ້ນນ້ຳມັນ ແລະ ບໍລິສັດກັ່ນນ້ຳມັນຂອງ ອາເມຣິກາ ອາດຈະປະເຊີນກັບສິ່ງທ້າທາຍອີກ 12 ເດືອນໃນປີ 2024 ແລະ ລາຄານ້ຳມັນດິບ ເບຣນ ຄາດວ່າຈະສະເລ່ຍ 80 ໂດລາຕໍ່ບາເຣນໃນປີນີ້D
ຂ່າວລະບຸວ່າ: ບັນດານັກວິເຄາະທະນາຄານແຫ່ງອາເມຣິກາ (BofA) ຍັງຄາດຄະເນວ່າລາຄານ້ໍາມັນຈະສືບຕໍ່ມີການເໜັງຕີງ, ເຖິງແມ່ນວ່າຈະໄດ້ຮັບຜົນກະທົບຮ້າຍແຮງກວ່າເກົ່າຈາກຄວາມເຄັ່ງຕຶງທາງດ້ານພູມສາດ ແລະ ນະໂຍບາຍຂອງອົງການບັນດາປະເທດສົ່ງອອກນໍ້າມັນ (OPEC).
OPEC ແລະ ຄູ່ຮ່ວມມື OPEC+ ກໍາລັງຕັດການຜະລິດປະມານ 6 ລ້ານບາເຣນຕໍ່ມື້, ປະມານ 6% ຂອງການສະໜອງທົ່ວໂລກ.
ອີງຕາມ BofA, ຄວາມຫຍຸ້ງຍາກສໍາລັບນັກລົງທຶນໃນປີນີ້ບໍ່ແມ່ນການຄາດເດົາຄໍາໝັ້ນສັນຍາການຜະລິດນ້ໍາມັນຂອງ ຊາອຸດິດ ອາຣາບີ ໃນຂະນະທີ່ລາຄານ້ໍາມັນ ເບຣນ ອາດຈະຍັງຄົງຢູ່ໃນລະດັບ 70-90 ໂດລາຕໍ່ບາເລນ ເນື່ອງຈາກຜະລິດຕະພັນທີ່ຢູ່ນອກ OPEC ແລະ ທ່າອ່ຽງການສະໜອງທີ່ບໍ່ແນ່ນອນ.
ເຖິງຢ່າງໃດກໍຕາມ, BofA ເຫັນວ່າມີທ່າອ່ຽງເພີ່ມຂຶ້ນຈາກຂໍ້ຕົກລົງໃນພື້ນທີ່ນ້ໍາມັນທີ່ໃຫຍ່ທີ່ສຸດຂອງອາເມຣິກາ ຜ່ານມາ ຄື: Permian Basin ແລະ ບັນດາບໍລິສັດ Occidental Petroleum, Exxon Mobil ແລະ Chevron ຈະເປັນອີກໜຶ່ງໂຕເລືອກໃນປີ 2024.