ໃນວັນທີ 29 ກັນຍາ 2023, ສະຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ ພ້ອມດ້ວຍຄະນະ ໄດ້ຕ້ອນຮັບ ສະຫາຍ ພົນເອກ ສຈ ປອ ໂຕ ເລິມ ກຳມະການກົມການເມືອງສູນກາງພັກກອມມູນິດຫວຽດນາມ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ພ້ອມດ້ວຍຄະນະ ໃນໂອກາດທີ່ໄດ້ເດີນທາງມາເຂົ້າຮ່ວມກອງປະຊຸມພົບປະສອງຝ່າຍ ລະຫວ່າງ ການນຳຂັ້ນສູງ ກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງປ້ອງກັນຄວາມສະຫງົບ ສສ ຫວຽດນາມ ໃນການຈັດຕັ້ງປະຕິບັດແຜນການຮ່ວມມື ປະຈຳປີ 2023 ແລະ ກຳນົດທິດທາງຮ່ວມມືປະຈຳປີ 2024 ທີ່ກະຊວງປ້ອງກັນຄວາມສະຫງົບ.
ກອງປະຊຸມພົບປະ ແລະ ປຶກສາຫາລື ລະຫວ່າງ ການນຳຂັ້ນສູງຂອງກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງປ້ອງກັນຄວາມສະຫງົບ ສສ ຫວຽດນາມ ໃນຄັ້ງນີ້, ແມ່ນເປັນຂີດໝາຍອັນດີ ໃນການສືບຕໍ່ຈັດຕັ້ງຜັນຂະຫຍາຍເນື້ອໃນສັນຍາຕ່າງໆ ລະຫວ່າງ ສອງພັກ, ສອງລັດຖະບານ ລາວ-ຫວຽດນາມ ກໍ່ຄື ການຈັດຕັ້ງຜັນຂະຫຍາຍສັນຍາຮ່ວມມືປະຈຳປີ ລະຫວ່າງສອງກະຊວງ; ທັງເປັນການປະກອບສ່ວນເຂົ້າໃນການເພີ່ມພູມຄຸນສ້າງ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງຊາດ, ສອງກຳລັງປ້ອງກັນຄວາມສະຫງົບປະຊາຊົນ ລາວ-ຫວຽດນາມ ໃຫ້ນັບມື້ແໜ້ນແຟ້ນ ແລະ ຈະເລີນງອກງາມ.
ການຮ່ວມມືຮອບດ້ານ ລະຫວ່າງ ສອງກຳລັງປ້ອງກັນຄວາມສະຫງົບ ລາວ-ຫວຽດນາມ ໄດ້ມີການພັດທະນາ ແລະ ນັບມື້ກ້າວສູ່ລວງເລິກ ໃນການປະຕິບັດແຜນການຮ່ວມມືຊ່ວຍເຫຼືອກັນລະຫວ່າງ ສອງກະຊວງ ໃນປີ 2023 ຜ່ານມາ, ມີປະສິດທິຜົນດີ ແລະ ມີໝາກຜົນຕົວຈິງໃນຫຼາຍດ້ານ, ປະກອບສ່ວນສຳຄັນເຂົ້າໃນການຮັກສາສະຖຽນລະພາບ ທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ ໃຫ້ແກ່ສອງປະເທດ ແລະ ສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຊົນສອງຊາດ ມີໂອກາດໃນການສ້າງສາ, ພັດທະນາປະເທດຊາດຂອງຕົນ; ກຳລັງປ້ອງກັນຄວາມສະຫງົບ ນັບມື້ນັບໄດ້ຮັບການປັບປຸງຢ່າງໜັກແໜ້ນ ແລະ ມີແບບແຜນທັນສະໄໝເທື່ອລະກ້າວ.
ສຳລັບແຜນການຮ່ວມມືປະຈຳປີ 2024, ສອງກະຊວງ ຈະສືບຕໍ່ພົວພັນຮ່ວມມືກັນຕາມຂົງ ເຂດວຽກງານທີ່ພົວພັນຮ່ວມມືກັນຜ່ານມາ ເປັນຕົ້ນ ແມ່ນການຮ່ວມມືໃນຂົງເຂດປ້ອງກັນຄວາມສະຫງົບ ທາງດ້ານການເມືອງ, ການຮ່ວມມືໃນການປົກປັກຮັກສາຄວາມເປັນລະບຽບຮຽບຮ້ອຍຂອງສັງຄົມ ແລະ ຮັບປະກັນຄວາມປອດໄພໃຫ້ແກ່ພົນລະເມືອງຂອງສອງຝ່າຍ, ການຮ່ວມມືໃນການກວດກາ ແລະ ຄວບຄຸມຢາເສບຕິດ, ການຮ່ວມມືປ້ອງກັນຄວາມສະຫງົບ, ຄວາມເປັນລະບຽບ ລະຫວ່າງບັນດາແຂວງມີຊາຍແດນຕິດຈອດ ແລະ ບັນດາແຂວງ, ນະຄອນແຮກສ່ຽວ, ການຮ່ວມມືດ້ານວຽກງານກໍ່ສ້າງກຳລັງ, ການຮ່ວມມືດ້ານພະລາທິການ-ເຕັກນິກ ແລະ ການຮ່ວມມືໃນຂົງເຂດຄົ້ນຄວ້າວິທະຍາສາດ ແລະ ປະຫວັດສາດ. ພິເສດແຜນການຮ່ວມມືປະຈຳປີ 2024 ຈະເປັນທິດໃນການສືບຕໍ່ຮ່ວມມືໃຫ້ນັບມື້ແໜ້ນແຟ້ນຍິ່ງຂຶ້ນ ແລະ ມີປະສິດທິຜົນດີທີ່ສຸດ.
ພາຍຫຼັງສຳເລັດປະຊຸມພົບປະສອງຝ່າຍ, ສະຫາຍ ພົນເອກ ສຈ ປອ ໂຕເລິມ ກຳມະການກົມການ ເມືອງສູນກາງພັກກອມມູນິດຫວຽດນາມ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ໄດ້ມອບເຄື່ອງຊ່ວຍເຫຼືອ ໃຫ້ກະຊວງປ້ອງກັນຄວາມສະຫງົບ ສປປ ລາວ ເພື່ອປະ ກອບສ່ວນຮັບໃຊ້ເຂົ້າໃນວຽກງານຮັກສາຄວາມສະຫງົບ, ປອດໄພ ໃນກອງປະຊຸມສຸດຍອດອາຊຽນ ປີ 2024 ທີ່ ສປປ ລາວ ເປັນເຈົ້າພາບ, ກ່າວຮັບໂດຍ ສະຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ.
ກອງປະຊຸມພົບປະ ແລະ ປຶກສາຫາລື ລະຫວ່າງ ການນຳຂັ້ນສູງຂອງກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງປ້ອງກັນຄວາມສະຫງົບ ສສ ຫວຽດນາມ ໃນຄັ້ງນີ້, ແມ່ນເປັນຂີດໝາຍອັນດີ ໃນການສືບຕໍ່ຈັດຕັ້ງຜັນຂະຫຍາຍເນື້ອໃນສັນຍາຕ່າງໆ ລະຫວ່າງ ສອງພັກ, ສອງລັດຖະບານ ລາວ-ຫວຽດນາມ ກໍ່ຄື ການຈັດຕັ້ງຜັນຂະຫຍາຍສັນຍາຮ່ວມມືປະຈຳປີ ລະຫວ່າງສອງກະຊວງ; ທັງເປັນການປະກອບສ່ວນເຂົ້າໃນການເພີ່ມພູມຄຸນສ້າງ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງຊາດ, ສອງກຳລັງປ້ອງກັນຄວາມສະຫງົບປະຊາຊົນ ລາວ-ຫວຽດນາມ ໃຫ້ນັບມື້ແໜ້ນແຟ້ນ ແລະ ຈະເລີນງອກງາມ.
ການຮ່ວມມືຮອບດ້ານ ລະຫວ່າງ ສອງກຳລັງປ້ອງກັນຄວາມສະຫງົບ ລາວ-ຫວຽດນາມ ໄດ້ມີການພັດທະນາ ແລະ ນັບມື້ກ້າວສູ່ລວງເລິກ ໃນການປະຕິບັດແຜນການຮ່ວມມືຊ່ວຍເຫຼືອກັນລະຫວ່າງ ສອງກະຊວງ ໃນປີ 2023 ຜ່ານມາ, ມີປະສິດທິຜົນດີ ແລະ ມີໝາກຜົນຕົວຈິງໃນຫຼາຍດ້ານ, ປະກອບສ່ວນສຳຄັນເຂົ້າໃນການຮັກສາສະຖຽນລະພາບ ທາງດ້ານການເມືອງ ແລະ ຄວາມເປັນລະບຽບຮຽບຮ້ອຍຂອງສັງຄົມ ໃຫ້ແກ່ສອງປະເທດ ແລະ ສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຊົນສອງຊາດ ມີໂອກາດໃນການສ້າງສາ, ພັດທະນາປະເທດຊາດຂອງຕົນ; ກຳລັງປ້ອງກັນຄວາມສະຫງົບ ນັບມື້ນັບໄດ້ຮັບການປັບປຸງຢ່າງໜັກແໜ້ນ ແລະ ມີແບບແຜນທັນສະໄໝເທື່ອລະກ້າວ.
ສຳລັບແຜນການຮ່ວມມືປະຈຳປີ 2024, ສອງກະຊວງ ຈະສືບຕໍ່ພົວພັນຮ່ວມມືກັນຕາມຂົງ ເຂດວຽກງານທີ່ພົວພັນຮ່ວມມືກັນຜ່ານມາ ເປັນຕົ້ນ ແມ່ນການຮ່ວມມືໃນຂົງເຂດປ້ອງກັນຄວາມສະຫງົບ ທາງດ້ານການເມືອງ, ການຮ່ວມມືໃນການປົກປັກຮັກສາຄວາມເປັນລະບຽບຮຽບຮ້ອຍຂອງສັງຄົມ ແລະ ຮັບປະກັນຄວາມປອດໄພໃຫ້ແກ່ພົນລະເມືອງຂອງສອງຝ່າຍ, ການຮ່ວມມືໃນການກວດກາ ແລະ ຄວບຄຸມຢາເສບຕິດ, ການຮ່ວມມືປ້ອງກັນຄວາມສະຫງົບ, ຄວາມເປັນລະບຽບ ລະຫວ່າງບັນດາແຂວງມີຊາຍແດນຕິດຈອດ ແລະ ບັນດາແຂວງ, ນະຄອນແຮກສ່ຽວ, ການຮ່ວມມືດ້ານວຽກງານກໍ່ສ້າງກຳລັງ, ການຮ່ວມມືດ້ານພະລາທິການ-ເຕັກນິກ ແລະ ການຮ່ວມມືໃນຂົງເຂດຄົ້ນຄວ້າວິທະຍາສາດ ແລະ ປະຫວັດສາດ. ພິເສດແຜນການຮ່ວມມືປະຈຳປີ 2024 ຈະເປັນທິດໃນການສືບຕໍ່ຮ່ວມມືໃຫ້ນັບມື້ແໜ້ນແຟ້ນຍິ່ງຂຶ້ນ ແລະ ມີປະສິດທິຜົນດີທີ່ສຸດ.
ພາຍຫຼັງສຳເລັດປະຊຸມພົບປະສອງຝ່າຍ, ສະຫາຍ ພົນເອກ ສຈ ປອ ໂຕເລິມ ກຳມະການກົມການ ເມືອງສູນກາງພັກກອມມູນິດຫວຽດນາມ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ໄດ້ມອບເຄື່ອງຊ່ວຍເຫຼືອ ໃຫ້ກະຊວງປ້ອງກັນຄວາມສະຫງົບ ສປປ ລາວ ເພື່ອປະ ກອບສ່ວນຮັບໃຊ້ເຂົ້າໃນວຽກງານຮັກສາຄວາມສະຫງົບ, ປອດໄພ ໃນກອງປະຊຸມສຸດຍອດອາຊຽນ ປີ 2024 ທີ່ ສປປ ລາວ ເປັນເຈົ້າພາບ, ກ່າວຮັບໂດຍ ສະຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ.
