ຂ່າວຕ່າງປະເທດລາຍງານວ່າ: ໃນວັນທີ 17 ມັງກອນ ຜ່ານມາ, ອິນໂດເນເຊຍ ໄດ້ເລີ່ມກໍ່ສ້າງສູນກາງການຈໍລະຈອນຂົນສົ່ງແບບອັດຕະໂນມັດຢູ່ນູຊັນທາຣາ ໃນນະຄອນຫຼວງແຫ່ງໃໝ່ຂອງປະເທດ ຢູ່ເທິງເກາະກາລີມັນຕັນ. ໂດຍມີເປົ້າໝາຍໃຫ້ກາຍເປັນບ່ອນໃຫ້ບໍລິການທີ່ສຳຄັນແກ່ເຄືອຂ່າຍຂອງຕ່ອງໂສ້ການສະໜອງແຫ່ງຊາດໃນອະນາຄົດ.

ທ່ານ ໂຈໂກ ວີໂດໂດ ປະທານາທິບໍດີ ອິນໂດເນເຊຍກ່າວໃນພິທີວາງສີລາຈາລຶກວ່າ: ພວກເຮົາໄດ້ເຂົ້າຮ່ວມເປັນສັກຂີພິຍານເຫດການອັນສຳຄັນຍິ່ງຢູ່ທີ່ນີ້ກໍເພື່ອຮ່ວມກັນສະເຫຼີມສະຫຼອງການເປີດສຳນັກງານ ແລະ ການເຮັດທຸລະກິດໃນອະນາຄົດດ້ວຍການໃຫ້ບໍລິການປະຊາຊົນ ແລະ ສິນຄ້າ.

ການກໍ່ສ້າງແມ່ນການຮ່ວມມືກັນລະຫວ່າງ ບໍລິສັດ PT. ບີນາກາຢາ ກັບ ລັດວິສາຫະກິດໄປສະນີ ອິນໂດເນເຊຍ ຊຶ່ງຈະຫັນປ່ຽນນູຊັນທາຣາໃຫ້ກາຍເປັນສູນກາງຂັ້ນສຸດຍອດທີ່ໃຫ້ບໍລິການຮອບດ້ານດ້ວຍຄ່າການຈໍລະຈອນຂົນສົ່ງທີ່ບໍ່ແພງ ແລະ ເປັນການອຳນວຍຄວາມສະດວກດ້ານການຄ້າທີ່ີໂດດເດັ່ນລະຫວ່າງເກາະໃນເຂດພາກຕາເວັນຕົກ ແລະ ຕາເວັນອອກຂອງປະເທດ.