ຂ່າວຕ່າງປະເທດລາຍງານ ເມື່ອບໍ່ດົນມານີ້, ທ່ານ ໂຣເບີດ ໂຮນແມນ ສະມາຊິກຄະະກຳມະການຄວບຄຸມນະໂຍບາຍຂອງທະນາຄານກາງເອີຣົບ (ECB) ກ່າວວ່າ: ECB ອາດຈະບໍ່ມີການປັບຫຼຸດອັດຕາດອກເບ້ຍຕະຫຼອດ ປີ 2024.

ທ່ານ ໂຮນແມນ ກ່າວວ່າ: ທ່ານບໍ່ສາມາດຈິນຕະນາການໄດ້ວ່າພວກເຮົາຈະປຶກສາຫາລືກ່ຽວກັບການປັບຫຼຸດອັດຕາດອກເບ້ຍໄດ້ ເນື່ອງຈາກພວກເຮົາຍັງບໍ່ຄວນກ່າວເຖິງເລື່ອງນີ້ ເພາະສິ່ງທີ່ພວກເຮົາເຫັນໃນໄລຍະຫຼາຍອາທິດຜ່ານມາລ້ວນແຕ່ຊີ້ໄປໃນທິດທາງກົງກັນຂ້າມ ດັ່ງນັ້ນ, ທ່ານຄາດວ່າ ພວກເຮົາຈະບໍ່ມີການປັບຫຼຸດອັດຕາດອກເບ້ຍໃນປີນີ້. ທັງນີ້, ອັດຕາເງິນເຟີ້ຂອງຢູໂຣໂຊນປັບຕົວ 2,9% ໃນເດືອນທັນວາ ໂດຍໄດ້ແຮງໜູນມາຈາກການເພີ່ມຂຶ້ນຂອງລາຄາພະລັງງານ ຂະນະທີ່ເປົ້າໝາຍເງິນເຟີ້ຂອງ ECB ຢູ່ໃນລະດັບ 2%.

ທ່ານ ໂຮນແມນ ກ່າວວ່າ: ຖ້າຫາກພວກເຮົາຍັງບໍ່ເຫັນວ່າເງິນເຟີ້ກຳລັງຫຼຸດລົງສູ່ລະດັບ 2% ຢ່າງຊັດເຈນ ພວກເຮົາກໍຍັງບໍ່ສາມາດປະກາດໄດ້ວ່າ ພວກເຮົາຈະປັບຫຼຸດອັດຕາດອກເບ້ຍໄດ້ເວລາໃດ.