ຂ່າວສານຫວຽດນາມລາຍງານວ່າ: ບັນດານັກເສດຖະສາດທີ່ເຂົ້າຮ່ວມການສຳຫຼວດຂອງ Reuters ຄາດຄະເນວ່າ: ການເຕີບໂຕຂອງເສດຖະກິດໂລກສາມາດຄົງທີ່ໃນປີນີ້ ແລະ ເລັ່ງຕົວຂຶ້ນໃນປີໜ້າ, ໃນຂະນະທີ່ບັນດາຕະຫຼາດການເງິນຄາດຄະເນວ່າອັດຕາດອກເບ້ຍຈະຫຼຸດລົງຢ່າງຫຼວງຫຼາຍ.

ຂ່າວລະບຸວ່າ: ອັດຕາການເຕີບໂຕຂອງບັນດາພື້ນຖານເສດຖະກິດແຖວໜ້າຍັງຫຼຸດດ່ຽງກັນ, ການເຕີບໂຕຂອງອາເມຣິກາ ແລະ ອິນເດຍ ຂ້ອນຂ້າງແຂງແຮງ; ສ່ວນການເຕີບໂຕຂອງເຂດເອີໂຣໂຊນ ແລະ ເສດຖະກິດໃຫຍ່ອັນດັບສອງຂອງໂລກ ຄື: ຈີນ ຍັງບໍ່ຄົງທີ່. ແນວໃດກໍຕາມ, ໂດຍທົ່ວໄປແລ້ວນັກເສດຖະສາດມີການຄາດຫວັງວ່າອັດຕາເງິນເຟີ້ຈະບໍ່ເຄັ່ງຮ້ອນຂຶ້ນອີກ, ຍ້ອນວ່າທະນາຄານກາງສ່ວນໃຫຍ່ໄດ້ນໍາເອົາອັດຕາເງິນເຟີ້ມາຢູ່ໃກ້ກັບລະດັບທີ່ຕ້ອງການ.

ຕາມການສຳຫຼວດຂອງ Reuters ໃນວັນທີ 3 ຫາ 25 ມັງກອນ ຜ່ານມາ ຂອງນັກເສດຖະສາດ 48 ຄົນ, ຄາດຄະເນວ່າເສດຖະກິດໂລກຈະບັນລຸລະດັບເຕີບໂຕສະເລ່ຍ 2,6% ໃນປີ 2024, ບໍ່ມີການເຕີບໂຕ ຫຼື ຖົດຖອຍ. ການເຕີບໂຕຂອງເສດຖະກິດໂລກຄາດວ່າຈະເພີ່ມຂຶ້ນເປັນ 3% ໃນປີ 2025 ແລະ 2026.