ຂ່າວສານຊີອາໄອລາຍງານ ຫວ່າງບໍ່ດົນມານີ້ວ່າ: ອົງການພະລັງງານແຫ່ງລັດຈີນ ໄດ້ຈັດກອງປະຊຸມຖະແຫຼງຂ່າວ, ທ່ານ ຈ່າງຊີ່ງ ຮອງຫົວໜ້າກົມວຽກງານສັງລວມຂອງອົງການພະລັງງານແຫ່ງລັດຈີນ ກ່າວວ່າ: ໃນປີ 2023, ຍອດມູນຄ່າການລົງທຶນຕໍ່ພະລັງງານໃໝ່ຂອງຈີນໄດ້ເພີ່ມຂຶ້ນຫຼາຍກວ່າ 34% ເມື່ອທຽບກັບປີ 2022. ໃນນັ້ນ, ຍອດມູນຄ່າການລົງທຶນການຜະລິດໄຟຟ້າດ້ວຍພະລັງງານແສງຕາເວັນມີຫຼາຍກວ່າ 670 ຕື້ຢວນ, ຍອດມູນຄ່າການລົງທຶນຜະລິດໄຟຟ້າດ້ວຍພະລັງງານລົມມີຫຼາຍກວ່າ 380 ຕື້ຢວນ. ປີ 2023, ຄວາມສາມາດດ້ານການຜະລິດພະລັງງານໝູນວຽນທົ່ວໂລກໄດ້ເພີ່ມຂຶ້ນ 510 ລ້ານກິໂລວັດ, ໃນນັ້ນ, ການປະກອບສ່ວນຈາກຈີນມີຫຼາຍກວ່າ 50%.

ໃນດ້ານການລົງທຶນ, ການລົງທຶນພະລັງງານສະອາດຢູ່ຕ່າງປະເທດຂອງວິສາຫະກິດຈີນ ແມ່ນກວ້າງຂວາງຫຼາຍສົມຄວນ ຊຶ່ງປະກອບດ້ວຍຂົງເຂດຕົ້ນຕໍຕ່າງໆ ເຊັ່ນ: ໄຟຟ້າພະລັງງານລົມ, ໄຟຟ້າແສງຕາເວັນ ແລະ ເຂື່ອນໄຟຟ້າພະລັງງານນ້ຳເປັນຕົ້ນ, ໄຟຟ້າພະລັງງານລົມ ແລະ ຜະລິດຕະພັນໄຟຟ້າແສງຕາເວັນຂອງຈີນໄດ້ສົ່ງອອກໄປຮອດ 200 ກວ່າປະເທດ ແລະ ເຂດແຄ້ວນຂອງໂລກ.