ຂປລ. ໃນໂອກາດເຂົ້າຮ່ວມກອງປະຊຸມພາກອະພິປາຍທົ່ວໄປ ສະມັດຊາໃຫຍ່ອົງການ ສປຊ ສະໄໝທີ 78, ກອງປະຊຸມສຸດຍອດວ່າດ້ວຍເປົ້າໝາຍການພັດທະນາແບບຍືນຍົງ (SDG Summit) ແລະ ກອງປະຊຸມປິ່ນອ້ອມອື່ນໆໃນລະຫວ່າງວັນທີ18-23 ກັນຍາຜ່ານມາ, ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກພ້ອມຄະນະ ໄດ້ພົບປະກັບທ່ານ ຈອດ ລາຍີ-ອາດເຈ (George Laryea-Adjei) ຜູ້ອໍານວຍການຝ່າຍໂຄງການ ຂອງອົງການອຸຍນີເຊັບເພື່ອປຶກສາຫາລືກ່ຽວກັບບັນດາຜົນສໍາເລັດ ແລະ ສິ່ງທ້າທາຍຕ່າງໆ ກໍຄືແນວທາງການຮ່ວມມື ເພື່ອເພີ່ມທະວີວຽກງານສົ່ງເສີມສິດທິເດັກໃນຂົງເຂດຕ່າງໆ; ປຶກສາຫາລືກ່ຽວກັບສະພາບປັດຈຸບັນຂອງວຽກງານສາທາລະນະສຸກໃນ ສປປ ລາວລວມທັງບັນດາສິ່ງທ້າທາຍ ເພື່ອຊອກຫາວິທີທາງສໍາລັບການສະໜັບສະໜູນດ້ານງົບປະມານ ແລະ ວິຊາການເພີ່ມເຕີມ ແນໃສ່ປັບປຸງການບໍລິການດ້ານສຸຂະພາບຂັ້ນຕົ້ນໃນປະເທດ.
ທ່ານລັດຖະມົນຕີກະຊວງສາທາລະນະສຸກ ໄດ້ສະເເດງຄວາມຂອບໃຈມາຍັງອົງການອຸຍນີເຊັບ ແລະ ຄູ່ຮ່ວມງານສຳລັບການສະໜັບສະໜູນອັນມີຄ່າໃນການພັດທະນາ ເເລະ ຮ່າງກົດໝາຍວ່າດ້ວຍການດູແລສຸຂະພາບຂັ້ນຕົ້ນ. ຖ້າກົດໝາຍສະບັບນີ້ໄດ້ຮັບການຮັບຮອງຈາກລັດຖະບານແຫ່ງ ສປປ ລາວຈະເປັນຕົວຢ່າງທີ່ສະແດງເຖິງຄວາມໝາຍໝັ້ນຂອງລັດຖະບານລາວໃນການສົ່ງເສີມການດູແລສຸຂະພາບຂັ້ນຕົ້ນ ແລະ ສຸຂະພາບທີ່ດີຂອງຊຸມຊົນໃນທົ່ວປະເທດ. ນອກນັ້ນທ່ານຍັງໄດ້ສະແດງຄວາມຂອບໃຈຕໍ່ອົງການອຸຍນີເຊັບ ທີ່ໄດ້ໃຫ້ການສະໜັບສະໜູນຢ່າງຕໍ່ເນື່ອງໃນໄລຍະການລະບາດຂອງພະຍາດໂຄວິດ-19ລວມທັງການຈັດສົ່ງວັກຊິນ, ການເສີມສ້າງລະບົບຄວາມເຢັນ ເພື່ອເກັບຮັກສາວັກຊິນ, ການຈັດສົ່ງອຸປະກອນປ້ອງກັນຕ່າງໆ ແລະ ການສ້າງຄວາມເຊື່ອໝັ້ນຂອງຊຸມຊົນຕໍ່ກັບປະສິດທິພາບຂອງວັກຊິນ.
ໂອກາດນິ້. ທ່ານ ຈອດລາຍີ-ອາດເຈ ກໍໄດ້ສະແດງຄວາມເຊື່ອໝັ້ນໃນການສືບຕໍ່ປະສານສົມທົບກັນລະຫວ່າງອົງການອຸຍນີເຊັບ ແລະ ລັດຖະບານແຫ່ງ ສປປ ລາວລວມທັງວຽກງານການຮ່າງກົດໝາຍວ່າດ້ວຍ ການດູແລສຸຂະພາບຂັ້ນຕົ້ນ ໄດ້ຢັ້ງຢືນເຖິງຄວາມມຸ່ງໝັ້ນຂອງອົງການອຸຍນີເຊັບ ໃນການເສີມສ້າງທັກສະຂອງບັນດາອາສາສະໝັກສາທາລະນະສຸກບ້ານໃນ ສປປ ລາວ ໂດຍເນັ້ນໜັກເຖິງຄວາມຈຳເປັນໃນການສະໜັບສະໜູນ ອາສາສະໝັກສາທາລະນະສຸກບ້ານໃນການປະກອບອາຊີບ.
ນອກຈາກນັ້ນ, ທ່ານນາງ ພອນວັນ ອຸທະວົງ ຮອງລັດຖະມົນຕີກະຊວງແຜນການ ແລະ ການລົງທຶນ ພ້ອມຄະນະກໍໄດ້ພົບປະກັບທ່ານນາງ ຈູນ ຄູນູກິ (June Kunugi) ຜູ້ອໍານວຍການຝ່າຍການຮ່ວມມື ແລະ ທ່ານ ວິດຍາ ກາເນດສ(Vidhya Ganesh)ຜູ້ອໍານວຍການຝ່າຍການວິເຄາະຂໍ້ມູນວາງແຜນ ແລະ ການຕິດຕາມ ຂອງອົງການອຸຍນີເຊັບ ເພື່ອປຶກສາຫາລືກ່ຽວກັບການສະເຫຼີມສະຫຼອງຄົບຮອບ 50 ປີຂອງອົງການອຸຍນີເຊັບ ໃນ ສປປ ລາວ ແລະ ແຜນງານການຮ່ວມມືລະຫວ່າງລັດຖະບານແຫ່ງ ສປປ ລາວ ແລະ ອົງການອຸຍນີເຊັບສົກປີ 2022-2026ຊຶ່ງເປັນເອກະສານທີ່ກໍານົດຂອບການຮ່ວມມືລະຫວ່າງທັງສອງຝ່າຍໃນສົກ 2022-2026.
ທ່ານນາງ ພອນວັນ ອຸທະວົງ ໄດ້ກ່າວວ່າ: ປີນີ້ເປັນປີທີສອງຂອງການຈັດຕັ້ງປັດຕິບັດແຜນງານດັ່ງກ່າວ ເເລະ ໄດ້ຢັ້ງຢືນເຖິງຄວາມໝາຍໝັ້ນຂອງກະຊວງແຜນການ ແລະ ການລົງທຶນໃນການສືບຕໍ່ຮ່ວມມືກັບພາກສ່ວນຕ່າງໆລວມທັງບັນດາອົງການຈັດຕັ້ງທາງສັງຄົມ ແລະ ພາກສ່ວນເອກະຊົນໃນການລະດົມທຶນເຂົ້າໃນວຽກງານສົ່ງເສີມສິດທິເດັກໃຫ້ບັນລຸໝາກຜົນໃຫ້ໄດ້ຫຼາຍກວ່າເກົ່າ. ພ້ອມທັງເນັ້ນກ່ຽວກັບສິ່ງທ້າທາຍຍ້ອນການລະບາດຂອງພະຍາດໂຄວິດ-19, ບັນຫາເສດຖະກິດມະຫາພາກ ແລະ ບັນຫາອື່ນໆໃນທົ່ວໂລກ ແລະ ໄດ້ແລກປ່ຽນກ່ຽວກັບ ຍຸດທະສາດການເງິນເພື່ອສະໜັບສະໜູນແຜນການ 5 ປີຄັ້ງທີ IX ແລະ ແຜນງານການຟື້ນຟູເສດຖະກິດ ເພື່ອຊ່ວຍເລັ່ງລັດການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ໃຫ້ສໍາເລັດຕາມຄາດໝາຍທີ່ວາງໄວ້.
ທ່ານນາງ ຈູນ ຄູນູກິ ກໍໄດ້ເນັ້ນວ່າ: ການສະເຫຼີມສະຫຼອງຄົບຮອບ 50 ປີຂອງອົງການອຸຍນີເຊັບ ໃນ ສປປ ລາວ ເປັນໂອກາດອັນພິເສດເພື່ອລະນຶກເຖິງ 5 ທົດສະວັດຂອງການຮ່ວມມືລະຫວ່າງລັດຖະບານແຫ່ງ ສປປ ລາວ ແລະ ອົງການອຸຍນີເຊັບ ແລະ ຢ້ຳຄືນຄໍາໝັ້ນສັນຍາຂອງທັງສອງຝ່າຍ ໃນການຮ່ວມມືກັນເພື່ອສົ່ງເສີມສິດທິເດັກ. ພ້ອມນີ້ທ່ານໄດ້ສະແດງຄວາມຂອບໃຈກະຊວງແຜນການ ແລະ ການລົງທຶນ ໃນນາມເປັນກະຊວງຫຼັກ ນຳພາການຈັດງານສະເຫຼີມສະຫຼອງດັ່ງກ່າວ.
ນອກນັ້ນ, ທ່ານ Ganesh ຍັງໄດ້ສະເເດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງກະຊວງແຜນການ ແລະ ການລົງທຶນໃນການສຳຫຼວດຕົວຊີ້ວັດທາງສັງຄົມຂອງລາວຄັ້ງທີ III (LSIS)ຊຶ່ງໄດ້ຮວບຮວມເອົາຂໍ້ມູນຕົວຈິງຈາກຊຸມຊົນໃຫ້ກາຍເປັນເຄື່ອງມືຮັບໃຊ້ຂະບວນການກະກຽມ ເພື່ອຫຼຸດພົ້ນອອກຈາກສະຖານະພາບປະເທດດ້ອຍພັດທະນາ (LDC) ຂອງສປປ ລາວ.
ໂອກາດດຽວກັນ, ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ກໍໄດ້ພົບປະກັບທ່ານນາງ ກິດຕີ້ ວັນ ເດີ ເຮເດັນ (Kitty van der Heijden)ຮອງຜູ້ອຳນວຍໃຫຍ່ຝ່າຍການຮ່ວມມືຂອງ ອົງການອຸຍນີເຊັບ ເພື່ອປຶກສາຫາລືກັນກ່ຽວກັບການເສີມຂະຫຍາຍຂົງເຂດການຮ່ວມມືລະຫວ່າງລັດຖະບານແຫ່ງ ສປປ ລາວ ແລະ ອົງການອຸຍນີເຊັບ ລວມເຖິງວຽກງານໄວໜຸ່ມ ແລະ ບັນຫາການປ່ຽນແປງດິນຟ້າອາກາດ ໂດຍ ທ່ານຮອງລັດຖະມົນຕີໄດ້ສະແດງຄວາມຊົມເຊີຍອົງການອຸຍນີເຊັບ ໃນຖານະທີ່ເປັນອົງການໜຶ່ງໃນອົງການເຄືອຂ່າຍ ສະຫະປະຊາຊາດ ທີ່ໄດ້ເຮັດວຽກມາເປັນເວລາຍາວນານທີ່ສຸດໃນ ສປປ ລາວ ພ້ອມທັງສະແດງຄວາມຂອບໃຈຕໍ່ອົງການອຸຍນີເຊັບ ທີ່ໄດ້ລະດົມການສະໜັບສະໜູນເພື່ອຊ່ວຍເຫຼືອຊຸມຊົນທີ່ໄດ້ຮັບຜົນກະທົບຈາກອຸທົກກະໄພ ທີ່ແຂວງອັດຕະປືໃນປີ 2018ພ້ອມທັງໄດ້ສະໜັບສະໜູນສປປ ລາວ ຢ່າງຕໍ່ເນື່ອງໃນໄລຍະການລະບາດຂອງພະຍາດໂຄວິດ-19. ທ່ານຍັງໄດ້ກ່າວເຖິງບັນຫາການປ່ຽນແປງຂອງດິນຟ້າອາກາດທີ່ໄດ້ສົ່ງຜົນກະທົບຕໍ່ການພັດທະນາ ຊີວິດການເປັນຢູ່ຂອງປະຊາຊົນ. ການປ່ຽນແປງຂອງດິນຟ້າອາກາດ ຈະເປັນຫົວຂໍ້ສຳຄັນໃນກອງປະຊຸມປຶກສາຫາລືຮ່ວມກັບໄວໜຸ່ມ ແລະ ບັນດາເຈົ້າແຂວງ/ຮອງເຈົ້າແຂວງທີ່ຈະຈັດຂຶ້ນໃນວັນເດັກໂລກປີນີ້, ຊຶ່ງຖືເປັນບັນຫາສຳຄັນໃນປະເທດເນື່ອງຈາກວ່າ ສປປ ລາວ ກໍເປັນປະເທດໜຶ່ງທີ່ມີຄວາມສ່ຽງຕໍ່ໄພພິບັດທໍາມະຊາດພໍສົມຄວນ.
ທ່ານນາງ ກິດຕີ້ ວັນ ເດີ ເຮເດັນ ກໍໄດ້ສະແດງຄວາມຂອບໃຈ ຕໍ່ການຮ່ວມມືອັນແໜ້ນແຟ້ນຂອງລັດຖະບານແຫ່ງ ສປປ ລາວ ໃນທຸກຂະແໜງການວຽກງານທີ່ຕິດພັນກັບເດັກນ້ອຍ, ນັບແຕ່ວຽກງານດ້ານສຸຂະພາບຈົນເຖິງດ້ານການສຶກສາ ແລະ ໄດ້ສະແດງຄວາມຊົມເຊີຍຕໍ່ ສປປ ລາວ ໃນການກໍານົດເອົາບັນຫາການປ່ຽນແປງຂອງດິນຟ້າອາກາດເປັນບັນຫາບູລິມະສິດໜຶ່ງສຳລັບວັນເດັກໂລກປີນີ້ພ້ອມທັງໄດ້ສະແດງຄວາມໝາຍໝັ້ນທີ່ຈະສືບຕໍ່ສະໜັບສະໜູນຄວາມພະຍາຍາມຂອງລັດຖະບານລາວໃນການພັດທະນາປະເທດ.
ທ່ານລັດຖະມົນຕີກະຊວງສາທາລະນະສຸກ ໄດ້ສະເເດງຄວາມຂອບໃຈມາຍັງອົງການອຸຍນີເຊັບ ແລະ ຄູ່ຮ່ວມງານສຳລັບການສະໜັບສະໜູນອັນມີຄ່າໃນການພັດທະນາ ເເລະ ຮ່າງກົດໝາຍວ່າດ້ວຍການດູແລສຸຂະພາບຂັ້ນຕົ້ນ. ຖ້າກົດໝາຍສະບັບນີ້ໄດ້ຮັບການຮັບຮອງຈາກລັດຖະບານແຫ່ງ ສປປ ລາວຈະເປັນຕົວຢ່າງທີ່ສະແດງເຖິງຄວາມໝາຍໝັ້ນຂອງລັດຖະບານລາວໃນການສົ່ງເສີມການດູແລສຸຂະພາບຂັ້ນຕົ້ນ ແລະ ສຸຂະພາບທີ່ດີຂອງຊຸມຊົນໃນທົ່ວປະເທດ. ນອກນັ້ນທ່ານຍັງໄດ້ສະແດງຄວາມຂອບໃຈຕໍ່ອົງການອຸຍນີເຊັບ ທີ່ໄດ້ໃຫ້ການສະໜັບສະໜູນຢ່າງຕໍ່ເນື່ອງໃນໄລຍະການລະບາດຂອງພະຍາດໂຄວິດ-19ລວມທັງການຈັດສົ່ງວັກຊິນ, ການເສີມສ້າງລະບົບຄວາມເຢັນ ເພື່ອເກັບຮັກສາວັກຊິນ, ການຈັດສົ່ງອຸປະກອນປ້ອງກັນຕ່າງໆ ແລະ ການສ້າງຄວາມເຊື່ອໝັ້ນຂອງຊຸມຊົນຕໍ່ກັບປະສິດທິພາບຂອງວັກຊິນ.
ໂອກາດນິ້. ທ່ານ ຈອດລາຍີ-ອາດເຈ ກໍໄດ້ສະແດງຄວາມເຊື່ອໝັ້ນໃນການສືບຕໍ່ປະສານສົມທົບກັນລະຫວ່າງອົງການອຸຍນີເຊັບ ແລະ ລັດຖະບານແຫ່ງ ສປປ ລາວລວມທັງວຽກງານການຮ່າງກົດໝາຍວ່າດ້ວຍ ການດູແລສຸຂະພາບຂັ້ນຕົ້ນ ໄດ້ຢັ້ງຢືນເຖິງຄວາມມຸ່ງໝັ້ນຂອງອົງການອຸຍນີເຊັບ ໃນການເສີມສ້າງທັກສະຂອງບັນດາອາສາສະໝັກສາທາລະນະສຸກບ້ານໃນ ສປປ ລາວ ໂດຍເນັ້ນໜັກເຖິງຄວາມຈຳເປັນໃນການສະໜັບສະໜູນ ອາສາສະໝັກສາທາລະນະສຸກບ້ານໃນການປະກອບອາຊີບ.
ນອກຈາກນັ້ນ, ທ່ານນາງ ພອນວັນ ອຸທະວົງ ຮອງລັດຖະມົນຕີກະຊວງແຜນການ ແລະ ການລົງທຶນ ພ້ອມຄະນະກໍໄດ້ພົບປະກັບທ່ານນາງ ຈູນ ຄູນູກິ (June Kunugi) ຜູ້ອໍານວຍການຝ່າຍການຮ່ວມມື ແລະ ທ່ານ ວິດຍາ ກາເນດສ(Vidhya Ganesh)ຜູ້ອໍານວຍການຝ່າຍການວິເຄາະຂໍ້ມູນວາງແຜນ ແລະ ການຕິດຕາມ ຂອງອົງການອຸຍນີເຊັບ ເພື່ອປຶກສາຫາລືກ່ຽວກັບການສະເຫຼີມສະຫຼອງຄົບຮອບ 50 ປີຂອງອົງການອຸຍນີເຊັບ ໃນ ສປປ ລາວ ແລະ ແຜນງານການຮ່ວມມືລະຫວ່າງລັດຖະບານແຫ່ງ ສປປ ລາວ ແລະ ອົງການອຸຍນີເຊັບສົກປີ 2022-2026ຊຶ່ງເປັນເອກະສານທີ່ກໍານົດຂອບການຮ່ວມມືລະຫວ່າງທັງສອງຝ່າຍໃນສົກ 2022-2026.
ທ່ານນາງ ພອນວັນ ອຸທະວົງ ໄດ້ກ່າວວ່າ: ປີນີ້ເປັນປີທີສອງຂອງການຈັດຕັ້ງປັດຕິບັດແຜນງານດັ່ງກ່າວ ເເລະ ໄດ້ຢັ້ງຢືນເຖິງຄວາມໝາຍໝັ້ນຂອງກະຊວງແຜນການ ແລະ ການລົງທຶນໃນການສືບຕໍ່ຮ່ວມມືກັບພາກສ່ວນຕ່າງໆລວມທັງບັນດາອົງການຈັດຕັ້ງທາງສັງຄົມ ແລະ ພາກສ່ວນເອກະຊົນໃນການລະດົມທຶນເຂົ້າໃນວຽກງານສົ່ງເສີມສິດທິເດັກໃຫ້ບັນລຸໝາກຜົນໃຫ້ໄດ້ຫຼາຍກວ່າເກົ່າ. ພ້ອມທັງເນັ້ນກ່ຽວກັບສິ່ງທ້າທາຍຍ້ອນການລະບາດຂອງພະຍາດໂຄວິດ-19, ບັນຫາເສດຖະກິດມະຫາພາກ ແລະ ບັນຫາອື່ນໆໃນທົ່ວໂລກ ແລະ ໄດ້ແລກປ່ຽນກ່ຽວກັບ ຍຸດທະສາດການເງິນເພື່ອສະໜັບສະໜູນແຜນການ 5 ປີຄັ້ງທີ IX ແລະ ແຜນງານການຟື້ນຟູເສດຖະກິດ ເພື່ອຊ່ວຍເລັ່ງລັດການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ໃຫ້ສໍາເລັດຕາມຄາດໝາຍທີ່ວາງໄວ້.
ທ່ານນາງ ຈູນ ຄູນູກິ ກໍໄດ້ເນັ້ນວ່າ: ການສະເຫຼີມສະຫຼອງຄົບຮອບ 50 ປີຂອງອົງການອຸຍນີເຊັບ ໃນ ສປປ ລາວ ເປັນໂອກາດອັນພິເສດເພື່ອລະນຶກເຖິງ 5 ທົດສະວັດຂອງການຮ່ວມມືລະຫວ່າງລັດຖະບານແຫ່ງ ສປປ ລາວ ແລະ ອົງການອຸຍນີເຊັບ ແລະ ຢ້ຳຄືນຄໍາໝັ້ນສັນຍາຂອງທັງສອງຝ່າຍ ໃນການຮ່ວມມືກັນເພື່ອສົ່ງເສີມສິດທິເດັກ. ພ້ອມນີ້ທ່ານໄດ້ສະແດງຄວາມຂອບໃຈກະຊວງແຜນການ ແລະ ການລົງທຶນ ໃນນາມເປັນກະຊວງຫຼັກ ນຳພາການຈັດງານສະເຫຼີມສະຫຼອງດັ່ງກ່າວ.
ນອກນັ້ນ, ທ່ານ Ganesh ຍັງໄດ້ສະເເດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງກະຊວງແຜນການ ແລະ ການລົງທຶນໃນການສຳຫຼວດຕົວຊີ້ວັດທາງສັງຄົມຂອງລາວຄັ້ງທີ III (LSIS)ຊຶ່ງໄດ້ຮວບຮວມເອົາຂໍ້ມູນຕົວຈິງຈາກຊຸມຊົນໃຫ້ກາຍເປັນເຄື່ອງມືຮັບໃຊ້ຂະບວນການກະກຽມ ເພື່ອຫຼຸດພົ້ນອອກຈາກສະຖານະພາບປະເທດດ້ອຍພັດທະນາ (LDC) ຂອງສປປ ລາວ.
ໂອກາດດຽວກັນ, ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ກໍໄດ້ພົບປະກັບທ່ານນາງ ກິດຕີ້ ວັນ ເດີ ເຮເດັນ (Kitty van der Heijden)ຮອງຜູ້ອຳນວຍໃຫຍ່ຝ່າຍການຮ່ວມມືຂອງ ອົງການອຸຍນີເຊັບ ເພື່ອປຶກສາຫາລືກັນກ່ຽວກັບການເສີມຂະຫຍາຍຂົງເຂດການຮ່ວມມືລະຫວ່າງລັດຖະບານແຫ່ງ ສປປ ລາວ ແລະ ອົງການອຸຍນີເຊັບ ລວມເຖິງວຽກງານໄວໜຸ່ມ ແລະ ບັນຫາການປ່ຽນແປງດິນຟ້າອາກາດ ໂດຍ ທ່ານຮອງລັດຖະມົນຕີໄດ້ສະແດງຄວາມຊົມເຊີຍອົງການອຸຍນີເຊັບ ໃນຖານະທີ່ເປັນອົງການໜຶ່ງໃນອົງການເຄືອຂ່າຍ ສະຫະປະຊາຊາດ ທີ່ໄດ້ເຮັດວຽກມາເປັນເວລາຍາວນານທີ່ສຸດໃນ ສປປ ລາວ ພ້ອມທັງສະແດງຄວາມຂອບໃຈຕໍ່ອົງການອຸຍນີເຊັບ ທີ່ໄດ້ລະດົມການສະໜັບສະໜູນເພື່ອຊ່ວຍເຫຼືອຊຸມຊົນທີ່ໄດ້ຮັບຜົນກະທົບຈາກອຸທົກກະໄພ ທີ່ແຂວງອັດຕະປືໃນປີ 2018ພ້ອມທັງໄດ້ສະໜັບສະໜູນສປປ ລາວ ຢ່າງຕໍ່ເນື່ອງໃນໄລຍະການລະບາດຂອງພະຍາດໂຄວິດ-19. ທ່ານຍັງໄດ້ກ່າວເຖິງບັນຫາການປ່ຽນແປງຂອງດິນຟ້າອາກາດທີ່ໄດ້ສົ່ງຜົນກະທົບຕໍ່ການພັດທະນາ ຊີວິດການເປັນຢູ່ຂອງປະຊາຊົນ. ການປ່ຽນແປງຂອງດິນຟ້າອາກາດ ຈະເປັນຫົວຂໍ້ສຳຄັນໃນກອງປະຊຸມປຶກສາຫາລືຮ່ວມກັບໄວໜຸ່ມ ແລະ ບັນດາເຈົ້າແຂວງ/ຮອງເຈົ້າແຂວງທີ່ຈະຈັດຂຶ້ນໃນວັນເດັກໂລກປີນີ້, ຊຶ່ງຖືເປັນບັນຫາສຳຄັນໃນປະເທດເນື່ອງຈາກວ່າ ສປປ ລາວ ກໍເປັນປະເທດໜຶ່ງທີ່ມີຄວາມສ່ຽງຕໍ່ໄພພິບັດທໍາມະຊາດພໍສົມຄວນ.
ທ່ານນາງ ກິດຕີ້ ວັນ ເດີ ເຮເດັນ ກໍໄດ້ສະແດງຄວາມຂອບໃຈ ຕໍ່ການຮ່ວມມືອັນແໜ້ນແຟ້ນຂອງລັດຖະບານແຫ່ງ ສປປ ລາວ ໃນທຸກຂະແໜງການວຽກງານທີ່ຕິດພັນກັບເດັກນ້ອຍ, ນັບແຕ່ວຽກງານດ້ານສຸຂະພາບຈົນເຖິງດ້ານການສຶກສາ ແລະ ໄດ້ສະແດງຄວາມຊົມເຊີຍຕໍ່ ສປປ ລາວ ໃນການກໍານົດເອົາບັນຫາການປ່ຽນແປງຂອງດິນຟ້າອາກາດເປັນບັນຫາບູລິມະສິດໜຶ່ງສຳລັບວັນເດັກໂລກປີນີ້ພ້ອມທັງໄດ້ສະແດງຄວາມໝາຍໝັ້ນທີ່ຈະສືບຕໍ່ສະໜັບສະໜູນຄວາມພະຍາຍາມຂອງລັດຖະບານລາວໃນການພັດທະນາປະເທດ.
