ນະຄອນຫຼວງວຽງຈັນ ຫຼື ນວ ຈະກຳນົດເອົາ 34 ປະເພດກິລາ ແຂ່ງຂັນໃນງານມະຫະກຳກິລາແຫ່ງຊາດ ຄັ້ງທີ XII ທີ່ໄດ້ຮັບກຽດເປັນເຈົ້າພາບ ໃນປີ 2025 ຊຶ່ງໃນນັ້ນລວມເຖິງກິລາອີ-ສະປອດ ແລະ ກິລາເພາະກາຍ ທີ່ຖືກບັນຈຸແຂ່ງຂັນເປັນຄັ້ງທຳອິດໃນງານມະຫະກຳກິລາແຫ່ງຊາດ ພ້ອມນັ້ນຍັງເຫັນດີໃຫ້ກຳນົດເອົານົກຍຸງ 2 ໂຕ (ຜູ້ ແລະ ແມ່) ເປັນສັດນຳໂຊກ ແລະ ກຳນົດເອົາຮູບປະຕູໄຊ ເປັນສັນຍາລັກ (ໂລໂກ້) ຕື່ມອີກ.
ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ລາຍງານການກຽມຄວາມພ້ອມ ໃນການຈັດງານມະຫະກຳກິລາແຫ່ງຊາດ ຄັ້ງທີ XII ທີ່ນະຄອນຫລວງວຽງຈັນ ກຽມເປັນເຈົ້າພາບ ໃນປີ 2025 ຕໍ່ກອງປະຊຸມວຽກງານກິລາລະດັບສູງທົ່ວປະເທດ ປະຈຳປີ 2023 ແລະ ແຜນວຽກຈຸດສຸມ ປີ 2024 ເມື່ອບໍ່ດົນມານີ້ ວ່າ: ນະຄອນຫຼວງວຽງຈັນ ກໍຄືພະແນກສຶກສາທິການ ແລະ ກິລາ ນວ ໄດ້ປະຕິບັດຕາມໜັງສືຈາກ ກະຊວງສຶກສາທິການ ແລະ ກິລາ ວ່າດ້ວຍການສະເໜີໃຫ້ນະຄອນຫຼວງວຽງຈັນ ເປັນເຈົ້າພາບ ຈັດງານມະຫະກຳກິລາແຫ່ງຊາດ ຄັ້ງທີ XII ແທນແຂວງໄຊຍະບູລີ ສະບັບເລກທີ 1334/ສສກ, ລົງວັນທີ 6/9/2019, ຄະນະປະຈຳພັກນະຄອນຫຼວງວຽງຈັນ ໄດ້ຕົກລົງເຫັນດີຮັບເອົາການເປັນເຈົ້າພາບຈັດງານມະຫະກໍາກິລາແຫ່ງຊາດ ຄັ້ງທີ XII ໃນກອງປະຊຸມ ຄັ້ງທີ 79 ສະໄໝທີ VI ຄັ້ງວັນທີ 9/10/2019, ໄດ້ອອກໜັງສືທາງລັດຖະການ ສະບັບເລກທີ 2456/ຫວນວ, ລົງວັນທີ 21 ທັນວາ 2022 ວ່າດ້ວຍການຜ່ານແບບມາດສະຄອດ (ສັດນຳໂຊກ) ແລະ ໂລໂກ້ ງານມະຫະກໍາກິລາແຫ່ງຊາດ ຄັ້ງທີ XII; ພາຍຫຼັງໄດ້ຮັບທຸງເຈົ້າພາບ ຈັດງານມະຫະກຳກິລາແຫ່ງຊາດ ຄັ້ງທີ XII ໃນວັນທີ 22/12/2022 ທີ່ແຂວງຊຽງຂວາງ; ນະຄອນຫຼວງວຽງຈັນ ຈຶ່ງໄດ້ອອກໜັງສືທາງລັດຖະການ ສະບັບເລກທີ 01/ຈນວ, ລົງວັນທີ 17/7/2023 ເພື່ອຕອບຮັບການເປັນເຈົ້າພາບ ຢ່າງເປັນທາງການ ແລະ ໄດ້ອອກຂໍ້ຕົກລົງ ສະບັບເລກທີ 845/ຈນວ,ລົງວັນທີ 17/8/2023 ວ່າດ້ວຍການແຕ່ງຕັ້ງຄະນະກໍາມະການຊີ້ນຳ ລະດັບນະຄອນຫຼວງວຽງຈັນ ເພື່ອກະກຽມ ແລະ ດຳເນີນການເປັນເຈົ້າພາບ ຈັດງານມະຫະກໍາກິລາແຫ່ງຊາດ ຄັ້ງທີ XII ປີ 2025; ໄດ້ເປີດກອງປະຊຸມຮ່ວມກັບ ກົມກິລາລະດັບສູງ ແລະ ກົມກິລາມວນຊົນ, ພະລະ ແລະ ສິລະປະສຶກສາ ເພື່ອປຶກສາຫາລືການກະກຽມຄວາມພ້ອມ ເປັນເຈົ້າພາບຈັດງານມະຫະກຳກິລາແຫ່ງຊາດ ຄັ້ງທີ XII ແລະ ງານມະຫະກໍາກິລາຄົນພິການແຫ່ງຊາດ ຄັ້ງທີ IV. ໃນເບື້ອງຕົ້ນເອກະພາບເອົາວັນທີ 13-22/12/2025 ເປັນມື້ດໍາເນີນການຈັດງານມະຫະກໍາກິລາແຫ່ງຊາດ ຄັ້ງທີ XII ແລະ ວັນທີ 6-13/2/2026 ເປັນມື້ດຳເນີນການຈັດງານມະຫະກໍາກິລາຄົນພິການແຫ່ງຊາດ ຄັ້ງທີ IV ເພື່ອສະເໜີລັດຖະບານອະນຸມັດ. ສະນັ້ນ, ໂດຍພື້ນຖານແມ່ນມີຄວາມພ້ອມ ຍ້ອນບັນດາສະຫະພັນແຫ່ງຊາດ ຕັ້ງຢູ່ນະຄອນຫຼວງວຽງຈັນ, ຝ່າຍຈັດການແຂ່ງຂັນ, ຝ່າຍກະກຽມສະຖານທີ່ແຂ່ງຂັນ, ສະຖານທີ່ພັກເຊົ່າຂອງນັກກິລາ ແລະ ການວາງແຜນງົບປະມານ, ການຈັດວາງແຜນບຸກຄະລາກອນຕ່າງໆ ສໍາລັບການເປັນເຈົ້າພາບໃນການແຂ່ງຂັນລາຍລະອຽດຕ່າງໆດັ່ງນີ້: ດ້ານສະຖານທີ່ສະໜາມແຂ່ງຂັນ ຈະນຳໃຊ້ສະໜາມກິລາແຫ່ງຊາດ (ຫຼັກ 16) ເປັນບ່ອນແຂ່ງຂັນ ແລະ ຈັດພິທີເປີດ-ປິດ, ສ່ວນສະໜາມອື່ນໆເຊັ່ນ: ສະໜາມກິລາເຈົ້າອານຸວົງ, ສະໜາມກິລາຂອງມະຫາວິທະຍາໄລແຫ່ງຊາດ, ສະໜາມກິລາສະຖາບັນການສຶກສາທັງພາກລັດ-ເອກະຊົນ ແລະ ສະໜາມກິລາຂອງຜູ້ປະກອບການຫົວໜ່ວຍທຸລະກິດກິລາຈຳນວນໜຶ່ງ ໂດຍລວມແລ້ວມີຄວາມພ້ອມດ້ານພື້ນຖານໂຄງລ່າງ; ດ້ານການປັບປຸງສະໜາມແຂ່ງຂັນ ພາຍຫຼັງ, ຄະນະຮັບຜິດຊອບລະດັບຊາດ ໄດ້ຮັບການແຕ່ງຕັ້ງຈາກລັດຖະບານແລ້ວ ຈະໄດ້ເປີດກອງປະຊຸມຄະນະດັ່ງກ່າວ ຄົ້ນຄວ້າ ແລະ ປຶກສາຫາລືການກະກຽມລົງກວດກາສະຖານທີ່ ເພື່ອປະເມີນມູນຄ່າຂອງການບູລະນະສ້ອມແປງ; ດ້ານທີ່ພັກການນໍາ ແລະ ທີ່ພັກນັກກິລາ ນະຄອນຫຼວງວຽງຈັນ ມີບ່ອນພັກເຊົ່າຫຼາຍແຫ່ງທີ່ມີຄວາມສະດວກສະບາຍ ໄວ້ຕ້ອນຮັບແຂກພາຍໃນ ແລະ ຕ່າງປະເທດ. ສ່ວນກ້ອນກຳລັງກິລາທີ່ມາຈາກແຂວງ ຄະນະຮັບຜິດຊອບແມ່ນໄດ້ຈັດສັນໃຫ້ພັກເຊົ່າຕາມໂຮງຮຽນໃນຂອບເຂດນະຄອນຫຼວງວຽງຈັນ ທີ່ມີຫ້ອງນ້ຳສະອາດ ແລະ ມີສະຖານທີ່ສາມາດຝຶກຊ້ອມ ແລະ ໃກ້ສະຖານທີ່ແຂ່ງຂັນ ເພື່ອໃຫ້ມີຄວາມສະດວກໃນການເດີນທາງໄປແຂ່ງຂັນ ແລະ ຄາດຄະເນປະເພດກິລາ ທີ່ຈະສະເໜີໃຫ້ບັນຈຸເຂົ້າໃສ່ການແຂ່ງຂັນ ໃນງານມະຫະກຳກິລາແຫ່ງຊາດ ຄັ້ງທີ XII ແມ່ນຈະມີທັງໝົດ 34 ປະເພດກິລາ ປະກອບມີ: ລອຍນໍ້າ, ແລ່ນ-ລານ, ບານບ້ວງ, ຍິງທະນູ, ໜ້າເກັກ, ໝາກຂ່າງ, ບານສົ່ງໃນຮົ່ມ-ຫາດຊາຍ, ເທັນນິດ-ຊັອບເທັນນິດ, ບານເຕະຍິງ-ຊາຍ-ຟຸດຊໍ, ມວຍສາກົນ, ມວຍລາວ, ດອກປີກໄກ່, ຢູໂດ, ຄາຣາເຕໂດ, ເທຄວັນໂດ, ປັນຈັກສີລັດ, ມວຍປ້ຳ, ມວຍວູຊູ, ເປຕັງ, ກະຕໍ້-ຊິນລອນ, ເຮືອຊ່ວງ, ປິ່ງປ່ອງ, ໂບລິ້ງ, ລົດຖີບ, ສະນຸກເກີ, ໝາກເສິກ, ຍິງປືນ, ກັອບ, ຣັກບີ້, ໝາກແລ້, ອີ-ສະປອດ, ເພາະກາຍ, ຍົກນ້ຳໜັກ, ດຶງເຊືອກ ແລະ ເບັດບອນ.
ພ້ອມກັນນັ້ນ, ທ່ານເຈົ້າຄອງນະຄອນຫຼວງວຽງຈັນ ເຫັນດີໃຫ້ກຳນົດເອົາໂຕນົກຍູງ 2 ໂຕ (ຜູ້ ແລະ ແມ່) ເປັນສັດນຳໂຊກ ແລະ ໂລໂກ້ ກຳນົດເອົາຮູບປະຕູໄຊ ເປັນສັນຍາລັກໃນງານ. ສ່ວນດ້ານແຜນງົບປະມານ ພະແນກສຶກສາທິການ ແລະ ກິລາ ໄດ້ສະເໜີງົບປະມານເບື້ອງຕົ້ນ ຈຳນວນ 56 ຕື້ກີບ ເພື່ອຮັບໃຊ້ວຽກງານຂອງນະຄອນຫຼວງວຽງຈັນເປັນເຈົ້າພາບ ປີ 2025 (ຕາມແຜນພັດທະນາຂອງຂະແໜງການສຶກສາ ແລະ ກິວລາ ກຳນົດເຂົ້າໃນແຜນ 2021-2025). ນອກຈາກນີ້ ຂໍໃຫ້ກະຊວງສຶກສາທິການ ແລະ ກິລາ ໄດ້ຄົ້ນຄວ້າງົບປະມານເພີ່ມເຕີມຈາກລັດຖະບານ ແລະ ສະພາແຫ່ງຊາດ ຕາມລະບຽບການທີ່ໄດ້ຈັດຕັ້ງປະຕິບັດຜ່ານມາ ເພື່ອສະໜັບສະໜູນການເປັນເຈົ້າພາບ ຈັດງານກິລາແຫ່ງຊາດຂອງນະຄອນຫຼວງວຽງຈັນ ປີ 2025.
ຂ່າວ: ລູກນ້ຳເຊ ອິນທະດາລິນ
ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ລາຍງານການກຽມຄວາມພ້ອມ ໃນການຈັດງານມະຫະກຳກິລາແຫ່ງຊາດ ຄັ້ງທີ XII ທີ່ນະຄອນຫລວງວຽງຈັນ ກຽມເປັນເຈົ້າພາບ ໃນປີ 2025 ຕໍ່ກອງປະຊຸມວຽກງານກິລາລະດັບສູງທົ່ວປະເທດ ປະຈຳປີ 2023 ແລະ ແຜນວຽກຈຸດສຸມ ປີ 2024 ເມື່ອບໍ່ດົນມານີ້ ວ່າ: ນະຄອນຫຼວງວຽງຈັນ ກໍຄືພະແນກສຶກສາທິການ ແລະ ກິລາ ນວ ໄດ້ປະຕິບັດຕາມໜັງສືຈາກ ກະຊວງສຶກສາທິການ ແລະ ກິລາ ວ່າດ້ວຍການສະເໜີໃຫ້ນະຄອນຫຼວງວຽງຈັນ ເປັນເຈົ້າພາບ ຈັດງານມະຫະກຳກິລາແຫ່ງຊາດ ຄັ້ງທີ XII ແທນແຂວງໄຊຍະບູລີ ສະບັບເລກທີ 1334/ສສກ, ລົງວັນທີ 6/9/2019, ຄະນະປະຈຳພັກນະຄອນຫຼວງວຽງຈັນ ໄດ້ຕົກລົງເຫັນດີຮັບເອົາການເປັນເຈົ້າພາບຈັດງານມະຫະກໍາກິລາແຫ່ງຊາດ ຄັ້ງທີ XII ໃນກອງປະຊຸມ ຄັ້ງທີ 79 ສະໄໝທີ VI ຄັ້ງວັນທີ 9/10/2019, ໄດ້ອອກໜັງສືທາງລັດຖະການ ສະບັບເລກທີ 2456/ຫວນວ, ລົງວັນທີ 21 ທັນວາ 2022 ວ່າດ້ວຍການຜ່ານແບບມາດສະຄອດ (ສັດນຳໂຊກ) ແລະ ໂລໂກ້ ງານມະຫະກໍາກິລາແຫ່ງຊາດ ຄັ້ງທີ XII; ພາຍຫຼັງໄດ້ຮັບທຸງເຈົ້າພາບ ຈັດງານມະຫະກຳກິລາແຫ່ງຊາດ ຄັ້ງທີ XII ໃນວັນທີ 22/12/2022 ທີ່ແຂວງຊຽງຂວາງ; ນະຄອນຫຼວງວຽງຈັນ ຈຶ່ງໄດ້ອອກໜັງສືທາງລັດຖະການ ສະບັບເລກທີ 01/ຈນວ, ລົງວັນທີ 17/7/2023 ເພື່ອຕອບຮັບການເປັນເຈົ້າພາບ ຢ່າງເປັນທາງການ ແລະ ໄດ້ອອກຂໍ້ຕົກລົງ ສະບັບເລກທີ 845/ຈນວ,ລົງວັນທີ 17/8/2023 ວ່າດ້ວຍການແຕ່ງຕັ້ງຄະນະກໍາມະການຊີ້ນຳ ລະດັບນະຄອນຫຼວງວຽງຈັນ ເພື່ອກະກຽມ ແລະ ດຳເນີນການເປັນເຈົ້າພາບ ຈັດງານມະຫະກໍາກິລາແຫ່ງຊາດ ຄັ້ງທີ XII ປີ 2025; ໄດ້ເປີດກອງປະຊຸມຮ່ວມກັບ ກົມກິລາລະດັບສູງ ແລະ ກົມກິລາມວນຊົນ, ພະລະ ແລະ ສິລະປະສຶກສາ ເພື່ອປຶກສາຫາລືການກະກຽມຄວາມພ້ອມ ເປັນເຈົ້າພາບຈັດງານມະຫະກຳກິລາແຫ່ງຊາດ ຄັ້ງທີ XII ແລະ ງານມະຫະກໍາກິລາຄົນພິການແຫ່ງຊາດ ຄັ້ງທີ IV. ໃນເບື້ອງຕົ້ນເອກະພາບເອົາວັນທີ 13-22/12/2025 ເປັນມື້ດໍາເນີນການຈັດງານມະຫະກໍາກິລາແຫ່ງຊາດ ຄັ້ງທີ XII ແລະ ວັນທີ 6-13/2/2026 ເປັນມື້ດຳເນີນການຈັດງານມະຫະກໍາກິລາຄົນພິການແຫ່ງຊາດ ຄັ້ງທີ IV ເພື່ອສະເໜີລັດຖະບານອະນຸມັດ. ສະນັ້ນ, ໂດຍພື້ນຖານແມ່ນມີຄວາມພ້ອມ ຍ້ອນບັນດາສະຫະພັນແຫ່ງຊາດ ຕັ້ງຢູ່ນະຄອນຫຼວງວຽງຈັນ, ຝ່າຍຈັດການແຂ່ງຂັນ, ຝ່າຍກະກຽມສະຖານທີ່ແຂ່ງຂັນ, ສະຖານທີ່ພັກເຊົ່າຂອງນັກກິລາ ແລະ ການວາງແຜນງົບປະມານ, ການຈັດວາງແຜນບຸກຄະລາກອນຕ່າງໆ ສໍາລັບການເປັນເຈົ້າພາບໃນການແຂ່ງຂັນລາຍລະອຽດຕ່າງໆດັ່ງນີ້: ດ້ານສະຖານທີ່ສະໜາມແຂ່ງຂັນ ຈະນຳໃຊ້ສະໜາມກິລາແຫ່ງຊາດ (ຫຼັກ 16) ເປັນບ່ອນແຂ່ງຂັນ ແລະ ຈັດພິທີເປີດ-ປິດ, ສ່ວນສະໜາມອື່ນໆເຊັ່ນ: ສະໜາມກິລາເຈົ້າອານຸວົງ, ສະໜາມກິລາຂອງມະຫາວິທະຍາໄລແຫ່ງຊາດ, ສະໜາມກິລາສະຖາບັນການສຶກສາທັງພາກລັດ-ເອກະຊົນ ແລະ ສະໜາມກິລາຂອງຜູ້ປະກອບການຫົວໜ່ວຍທຸລະກິດກິລາຈຳນວນໜຶ່ງ ໂດຍລວມແລ້ວມີຄວາມພ້ອມດ້ານພື້ນຖານໂຄງລ່າງ; ດ້ານການປັບປຸງສະໜາມແຂ່ງຂັນ ພາຍຫຼັງ, ຄະນະຮັບຜິດຊອບລະດັບຊາດ ໄດ້ຮັບການແຕ່ງຕັ້ງຈາກລັດຖະບານແລ້ວ ຈະໄດ້ເປີດກອງປະຊຸມຄະນະດັ່ງກ່າວ ຄົ້ນຄວ້າ ແລະ ປຶກສາຫາລືການກະກຽມລົງກວດກາສະຖານທີ່ ເພື່ອປະເມີນມູນຄ່າຂອງການບູລະນະສ້ອມແປງ; ດ້ານທີ່ພັກການນໍາ ແລະ ທີ່ພັກນັກກິລາ ນະຄອນຫຼວງວຽງຈັນ ມີບ່ອນພັກເຊົ່າຫຼາຍແຫ່ງທີ່ມີຄວາມສະດວກສະບາຍ ໄວ້ຕ້ອນຮັບແຂກພາຍໃນ ແລະ ຕ່າງປະເທດ. ສ່ວນກ້ອນກຳລັງກິລາທີ່ມາຈາກແຂວງ ຄະນະຮັບຜິດຊອບແມ່ນໄດ້ຈັດສັນໃຫ້ພັກເຊົ່າຕາມໂຮງຮຽນໃນຂອບເຂດນະຄອນຫຼວງວຽງຈັນ ທີ່ມີຫ້ອງນ້ຳສະອາດ ແລະ ມີສະຖານທີ່ສາມາດຝຶກຊ້ອມ ແລະ ໃກ້ສະຖານທີ່ແຂ່ງຂັນ ເພື່ອໃຫ້ມີຄວາມສະດວກໃນການເດີນທາງໄປແຂ່ງຂັນ ແລະ ຄາດຄະເນປະເພດກິລາ ທີ່ຈະສະເໜີໃຫ້ບັນຈຸເຂົ້າໃສ່ການແຂ່ງຂັນ ໃນງານມະຫະກຳກິລາແຫ່ງຊາດ ຄັ້ງທີ XII ແມ່ນຈະມີທັງໝົດ 34 ປະເພດກິລາ ປະກອບມີ: ລອຍນໍ້າ, ແລ່ນ-ລານ, ບານບ້ວງ, ຍິງທະນູ, ໜ້າເກັກ, ໝາກຂ່າງ, ບານສົ່ງໃນຮົ່ມ-ຫາດຊາຍ, ເທັນນິດ-ຊັອບເທັນນິດ, ບານເຕະຍິງ-ຊາຍ-ຟຸດຊໍ, ມວຍສາກົນ, ມວຍລາວ, ດອກປີກໄກ່, ຢູໂດ, ຄາຣາເຕໂດ, ເທຄວັນໂດ, ປັນຈັກສີລັດ, ມວຍປ້ຳ, ມວຍວູຊູ, ເປຕັງ, ກະຕໍ້-ຊິນລອນ, ເຮືອຊ່ວງ, ປິ່ງປ່ອງ, ໂບລິ້ງ, ລົດຖີບ, ສະນຸກເກີ, ໝາກເສິກ, ຍິງປືນ, ກັອບ, ຣັກບີ້, ໝາກແລ້, ອີ-ສະປອດ, ເພາະກາຍ, ຍົກນ້ຳໜັກ, ດຶງເຊືອກ ແລະ ເບັດບອນ.
ພ້ອມກັນນັ້ນ, ທ່ານເຈົ້າຄອງນະຄອນຫຼວງວຽງຈັນ ເຫັນດີໃຫ້ກຳນົດເອົາໂຕນົກຍູງ 2 ໂຕ (ຜູ້ ແລະ ແມ່) ເປັນສັດນຳໂຊກ ແລະ ໂລໂກ້ ກຳນົດເອົາຮູບປະຕູໄຊ ເປັນສັນຍາລັກໃນງານ. ສ່ວນດ້ານແຜນງົບປະມານ ພະແນກສຶກສາທິການ ແລະ ກິລາ ໄດ້ສະເໜີງົບປະມານເບື້ອງຕົ້ນ ຈຳນວນ 56 ຕື້ກີບ ເພື່ອຮັບໃຊ້ວຽກງານຂອງນະຄອນຫຼວງວຽງຈັນເປັນເຈົ້າພາບ ປີ 2025 (ຕາມແຜນພັດທະນາຂອງຂະແໜງການສຶກສາ ແລະ ກິວລາ ກຳນົດເຂົ້າໃນແຜນ 2021-2025). ນອກຈາກນີ້ ຂໍໃຫ້ກະຊວງສຶກສາທິການ ແລະ ກິລາ ໄດ້ຄົ້ນຄວ້າງົບປະມານເພີ່ມເຕີມຈາກລັດຖະບານ ແລະ ສະພາແຫ່ງຊາດ ຕາມລະບຽບການທີ່ໄດ້ຈັດຕັ້ງປະຕິບັດຜ່ານມາ ເພື່ອສະໜັບສະໜູນການເປັນເຈົ້າພາບ ຈັດງານກິລາແຫ່ງຊາດຂອງນະຄອນຫຼວງວຽງຈັນ ປີ 2025.
ຂ່າວ: ລູກນ້ຳເຊ ອິນທະດາລິນ
