ສະຖາບັນເລືອດແຫ່ງຊາດ ໄດ້ຈັດພິທີລົງນາມບົດບັນທຶກຄວາມເຂົ້າໃຈ “ໂຄງການສ້າງຄວາມເຂັ້ມແຂງໃຫ້ແກ່ວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພ”ລະຫວ່າງ ອົງການກາແດງແຫ່ງຊາດລາວ ແລະ ອົງການກາແດງສະວິດໃນວັນທີ 23 ທັນວານີ້ ທີ່ໂຮງແຮມນິວໂຣສບູຕິກນະຄອນຫຼວງວຽງຈັນ.
ໃຫ້ກຽດລົງນາມໃນບົດບັນທຶກໂດຍທ່ານ ຈັນທະລາ ສຸກສາຄອນ ຫົວໜ້າສະຖາບັນເລືອດແຫ່ງຊາດ, ທ່ານນາງ ບີນີຕາ ໂປ່ເດ໋ວ ຜູ້ຕາງໜ້າອົງການກາແດງສະວິດ ປະຈຳ ສປປ ລາວ,ໂດຍການເຂົ້າຮ່ວມ ຂອງທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ,ທ່ານບັນດາແຂກຖືກເຊີນທີ່ມາຈາກກະຊວງ, ອົງການ, ສະຖາບັນຕ່າງໆເຂົ້າຮ່ວມ.
ໂຄງການດັ່ງກ່າວ, ເປັນໂຄງການຮ່ວມມື ແລະ ແລກປ່ຽນທາງດ້ານວິຊາການ ແລະ ງົບປະມານ ເພື່ອປະກອບສ່ວນເຂົ້າໃນການຈັດຕັ້ງປະຕິບັດແຜນຍຸດທະສາດຂອງອົງການກາແດງແຫ່ງຊາດລາວ ໂດຍສະເພາະແມ່ນແຜນຈັດຕັ້ງປະຕິບັດ ເພື່ອປຸກລະດົມບໍລິຈາກເລືອດ ແລະ ຮັບປະກັນການສະໜອງເລືອດໃຫ້ມີຄຸນນະພາບສູງຂຶ້ນ ໂດຍແນໃສ່ການສະໜອງເລືອດພຽງພໍ ແລະ ປອດໄພໃຫ້ແກ່ຄົນເຈັບທຸກຄົນທີ່ຕ້ອງການເລືອດ. ໂຄງການນີ້ຈະໄດ້ຮັບການຈັດຕັ້ງປະຕິບັດໂດຍສະຖາບັນເລືອດແຫ່ງຊາດ, ອົງການກາແດງແຫ່ງຊາດລາວ ເລີ່ມຕັ້ງແຕ່ເດືອນມັງກອນ 2025ເປັນຕົ້ນໄປ ແລະ ໂຄງການຈະສິ້ນສຸດໃນວັນທີ 31 ທັນວາ 2028 ໂດຍໄດ້ຮັບການສະໜັບສະໜູນຈາກອົງການກາແດງສະວິດ ຊຶ່ງງົບປະມານໂຄງການທັງໝົດ ແມ່ນ716,642ສະວິດຝຣັ່ງ (CHF).
ໃນພິທີ, ທ່ານ ຄຳລາວັນ ຈັນທະລາວັນ ຕີລາຄາສູງຕໍ່ການຮ່ວມມືໃນໄລຍະຍາວ ລະຫວ່າງ ອົງການກາແດງສະວິດ ແລະ ອົງການກາແດງແຫ່ງຊາດລາວ ຊຶ່ງການຮ່ວມມືດັ່ງກ່າວ ເປັນບາດກ້າວໜຶ່ງທີ່ສຳຄັນສຳລັບວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພ ທີ່ມີຄວາມເຂັ້ມແຂງ ແລະ ເຊື່ອຖືໄດ້ ຊຶ່ງມີຄວາມສຳຄັນທີ່ສຸດຕໍ່ການຊ່ວຍຊີວິດ ແລະ ຊ່ວຍສະໜັບສະໜູນລະບົບການປິ່ນປົວສຸຂະພາບ ໃນ ສປປ ລາວ.
ທ່ານ ນາງ ບີນີຕາ ໂປ່ເດ໋ວ ຜູ້ຕາງໜ້າອົງການກາແດງສະວິດປະຈຳ ສປປ ລາວໄດ້ໃຫ້ຄຳໝັ້ນສັນຍາຂອງອົງການກາແດງສະວິດທີ່ຈະໃຫ້ການສະໜັບສະໜູນບັນດາເປົ້າໝາຍຍຸດທະສາດຂອງອົງການກາແດງແຫ່ງຊາດລາວໃນຫຼາຍໆດ້ານ ຊຶ່ງທ່ານໄດ້ກ່າວວ່າ: ການຮ່ວມມືໃນຄັ້ງນີ້ ສະທ້ອນໃຫ້ເຫັນເຖິງວິໄສທັດຮ່ວມກັນຂອງພວກເຮົາໃນການປັບປຸງຊີວິດການເປັນຢູ່ທີ່ດີ ແລະ ຄວາມສາມາດໃນການຟື້ນຕົວຂອງຊຸມຊົນໂດຍຜ່ານລະບົບການປິ່ນປົວສຸຂະພາບທີ່ເຂັ້ມແຂງ. ອົງການກາແດງສະວິດຮູ້ສຶກພາກພູມໃຈທີ່ໄດ້ໃຫ້ການສະໜັບສະໜູນສະເພາະດ້ານໃຫ້ແກ່ສະຖາບັນເລືອດແຫ່ງຊາດ (ສລຊ). ການຮ່ວມມືໃນຄັ້ງນີ້ ຈະຊ່ວຍຍົກລະດັບດ້ານຂີດຄວາມສາມາດ ແລະ ດ້ານປະສິດທິພາບຂອງວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພໃນຂອບເຂດທົ່ວປະເທດ. ໂຄງການນີ້ ບໍ່ພຽງແຕ່ໃຫ້ບຸລິມະສິດທາງດ້ານວິຊາການໃນວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພເທົ່ານັ້ນ ແຕ່ຍັງຊ່ວຍສ້າງຄວາມເຂັ້ມແຂງພື້ນຖານການເຄື່ອນໄຫວຂອງວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພອີກດ້ວຍໂດຍຜ່ານການຝຶກອົບຮົມ, ປັບປຸງພື້ນຖານໂຄງລ່າງ ແລະ ສົ່ງເສີມວັດທະນະທຳການບໍລິຈາກເລືອດດ້ວຍຄວາມສະໝັກໃຈ.
ທ່ານ ຈັນທະລາ ສຸກສາຄອນຍັງລາຍງານວ່າ: ໂຄງການດັ່ງກ່າວ ມີເປົ້າໝາຍຄື: 1) ເພີ່ມທະວີການເຂົ້າເຖິງການບໍລິການເລືອດແລະປັບປຸງຄຸນນະພາບຂອງການບໍລິຈາກເລືອດ, ປັບປຸງການປະສານງານແລະສົ່ງເສີມໃຫ້ສັງຄົມປະກອບສ່ວນໃນການບໍລິຈາກເລືອດໃຫ້ຫຼາຍຂຶ້ນເພື່ອໃຫ້ບັນລຸ100% ຂອງການບໍລິຈາກເລືອດແບບສະໝັກໃຈໂດຍບໍ່ຮຽກຮ້ອງສິ່ງຕອບແທນ,2) ປັບປຸງການບໍລິການເລືອດໃຫ້ມີຄຸນນະພາບ ໂດຍເພີ່ມການເຂົ້າເຖິງ, ຄຸນນະພາບ, ຄວາມປອດໄພ,ປະສິດທິພາບ ແລະ ຄວາມຍືນຍົງຂອງວຽກງານບໍລິການເລືອດ, 3) ໃຫ້ປະຊາຊົນມີສ່ວນຮ່ວມໃນການປ່ຽນແປງພຶດຕິກຳໂດຍເພີ່ມການບໍລິຈາກເລືອດໃນກຸ່ມສະເພາະເພື່ອປ່ຽນພຶດຕິກຳໄປສູ່ການບໍລິຈາກເລືອດ ແລະ 4) ສ້າງຄວາມເຂັ້ມແຂງ ແລະ ອຳນວຍຄວາມສະດວກເພື່ອໃຫ້ມີຄວາມຍືນຍົງ, ການຕັດສິນໃຈໃນລະດັບຂັ້ນທ້ອງຖິ່ນ ແລະ ຊຸກຍູ້ໃຫ້ໄດ້ຮັບການສະໜັບສະໜູນທາງດ້ານນະໂຍບາຍ.
(ຂ່າວ-ພາບ: ແສງຈັນ)
ໃຫ້ກຽດລົງນາມໃນບົດບັນທຶກໂດຍທ່ານ ຈັນທະລາ ສຸກສາຄອນ ຫົວໜ້າສະຖາບັນເລືອດແຫ່ງຊາດ, ທ່ານນາງ ບີນີຕາ ໂປ່ເດ໋ວ ຜູ້ຕາງໜ້າອົງການກາແດງສະວິດ ປະຈຳ ສປປ ລາວ,ໂດຍການເຂົ້າຮ່ວມ ຂອງທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ,ທ່ານບັນດາແຂກຖືກເຊີນທີ່ມາຈາກກະຊວງ, ອົງການ, ສະຖາບັນຕ່າງໆເຂົ້າຮ່ວມ.
ໂຄງການດັ່ງກ່າວ, ເປັນໂຄງການຮ່ວມມື ແລະ ແລກປ່ຽນທາງດ້ານວິຊາການ ແລະ ງົບປະມານ ເພື່ອປະກອບສ່ວນເຂົ້າໃນການຈັດຕັ້ງປະຕິບັດແຜນຍຸດທະສາດຂອງອົງການກາແດງແຫ່ງຊາດລາວ ໂດຍສະເພາະແມ່ນແຜນຈັດຕັ້ງປະຕິບັດ ເພື່ອປຸກລະດົມບໍລິຈາກເລືອດ ແລະ ຮັບປະກັນການສະໜອງເລືອດໃຫ້ມີຄຸນນະພາບສູງຂຶ້ນ ໂດຍແນໃສ່ການສະໜອງເລືອດພຽງພໍ ແລະ ປອດໄພໃຫ້ແກ່ຄົນເຈັບທຸກຄົນທີ່ຕ້ອງການເລືອດ. ໂຄງການນີ້ຈະໄດ້ຮັບການຈັດຕັ້ງປະຕິບັດໂດຍສະຖາບັນເລືອດແຫ່ງຊາດ, ອົງການກາແດງແຫ່ງຊາດລາວ ເລີ່ມຕັ້ງແຕ່ເດືອນມັງກອນ 2025ເປັນຕົ້ນໄປ ແລະ ໂຄງການຈະສິ້ນສຸດໃນວັນທີ 31 ທັນວາ 2028 ໂດຍໄດ້ຮັບການສະໜັບສະໜູນຈາກອົງການກາແດງສະວິດ ຊຶ່ງງົບປະມານໂຄງການທັງໝົດ ແມ່ນ716,642ສະວິດຝຣັ່ງ (CHF).
ໃນພິທີ, ທ່ານ ຄຳລາວັນ ຈັນທະລາວັນ ຕີລາຄາສູງຕໍ່ການຮ່ວມມືໃນໄລຍະຍາວ ລະຫວ່າງ ອົງການກາແດງສະວິດ ແລະ ອົງການກາແດງແຫ່ງຊາດລາວ ຊຶ່ງການຮ່ວມມືດັ່ງກ່າວ ເປັນບາດກ້າວໜຶ່ງທີ່ສຳຄັນສຳລັບວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພ ທີ່ມີຄວາມເຂັ້ມແຂງ ແລະ ເຊື່ອຖືໄດ້ ຊຶ່ງມີຄວາມສຳຄັນທີ່ສຸດຕໍ່ການຊ່ວຍຊີວິດ ແລະ ຊ່ວຍສະໜັບສະໜູນລະບົບການປິ່ນປົວສຸຂະພາບ ໃນ ສປປ ລາວ.
ທ່ານ ນາງ ບີນີຕາ ໂປ່ເດ໋ວ ຜູ້ຕາງໜ້າອົງການກາແດງສະວິດປະຈຳ ສປປ ລາວໄດ້ໃຫ້ຄຳໝັ້ນສັນຍາຂອງອົງການກາແດງສະວິດທີ່ຈະໃຫ້ການສະໜັບສະໜູນບັນດາເປົ້າໝາຍຍຸດທະສາດຂອງອົງການກາແດງແຫ່ງຊາດລາວໃນຫຼາຍໆດ້ານ ຊຶ່ງທ່ານໄດ້ກ່າວວ່າ: ການຮ່ວມມືໃນຄັ້ງນີ້ ສະທ້ອນໃຫ້ເຫັນເຖິງວິໄສທັດຮ່ວມກັນຂອງພວກເຮົາໃນການປັບປຸງຊີວິດການເປັນຢູ່ທີ່ດີ ແລະ ຄວາມສາມາດໃນການຟື້ນຕົວຂອງຊຸມຊົນໂດຍຜ່ານລະບົບການປິ່ນປົວສຸຂະພາບທີ່ເຂັ້ມແຂງ. ອົງການກາແດງສະວິດຮູ້ສຶກພາກພູມໃຈທີ່ໄດ້ໃຫ້ການສະໜັບສະໜູນສະເພາະດ້ານໃຫ້ແກ່ສະຖາບັນເລືອດແຫ່ງຊາດ (ສລຊ). ການຮ່ວມມືໃນຄັ້ງນີ້ ຈະຊ່ວຍຍົກລະດັບດ້ານຂີດຄວາມສາມາດ ແລະ ດ້ານປະສິດທິພາບຂອງວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພໃນຂອບເຂດທົ່ວປະເທດ. ໂຄງການນີ້ ບໍ່ພຽງແຕ່ໃຫ້ບຸລິມະສິດທາງດ້ານວິຊາການໃນວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພເທົ່ານັ້ນ ແຕ່ຍັງຊ່ວຍສ້າງຄວາມເຂັ້ມແຂງພື້ນຖານການເຄື່ອນໄຫວຂອງວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພອີກດ້ວຍໂດຍຜ່ານການຝຶກອົບຮົມ, ປັບປຸງພື້ນຖານໂຄງລ່າງ ແລະ ສົ່ງເສີມວັດທະນະທຳການບໍລິຈາກເລືອດດ້ວຍຄວາມສະໝັກໃຈ.
ທ່ານ ຈັນທະລາ ສຸກສາຄອນຍັງລາຍງານວ່າ: ໂຄງການດັ່ງກ່າວ ມີເປົ້າໝາຍຄື: 1) ເພີ່ມທະວີການເຂົ້າເຖິງການບໍລິການເລືອດແລະປັບປຸງຄຸນນະພາບຂອງການບໍລິຈາກເລືອດ, ປັບປຸງການປະສານງານແລະສົ່ງເສີມໃຫ້ສັງຄົມປະກອບສ່ວນໃນການບໍລິຈາກເລືອດໃຫ້ຫຼາຍຂຶ້ນເພື່ອໃຫ້ບັນລຸ100% ຂອງການບໍລິຈາກເລືອດແບບສະໝັກໃຈໂດຍບໍ່ຮຽກຮ້ອງສິ່ງຕອບແທນ,2) ປັບປຸງການບໍລິການເລືອດໃຫ້ມີຄຸນນະພາບ ໂດຍເພີ່ມການເຂົ້າເຖິງ, ຄຸນນະພາບ, ຄວາມປອດໄພ,ປະສິດທິພາບ ແລະ ຄວາມຍືນຍົງຂອງວຽກງານບໍລິການເລືອດ, 3) ໃຫ້ປະຊາຊົນມີສ່ວນຮ່ວມໃນການປ່ຽນແປງພຶດຕິກຳໂດຍເພີ່ມການບໍລິຈາກເລືອດໃນກຸ່ມສະເພາະເພື່ອປ່ຽນພຶດຕິກຳໄປສູ່ການບໍລິຈາກເລືອດ ແລະ 4) ສ້າງຄວາມເຂັ້ມແຂງ ແລະ ອຳນວຍຄວາມສະດວກເພື່ອໃຫ້ມີຄວາມຍືນຍົງ, ການຕັດສິນໃຈໃນລະດັບຂັ້ນທ້ອງຖິ່ນ ແລະ ຊຸກຍູ້ໃຫ້ໄດ້ຮັບການສະໜັບສະໜູນທາງດ້ານນະໂຍບາຍ.
(ຂ່າວ-ພາບ: ແສງຈັນ)
