ຂ່າວສານຫວຽດນາມລາຍງານວ່າ: ຜົນການສຳຫຼວດໃນວັນທີ 5 ກຸມພາ ຜ່ານມາ, ສະແດງໃຫ້ເຫັນວ່າ: ເສດຖະກິດໃນເຂດທີ່ນຳໃຊ້ສະກຸນເງິນ ເອີໂຣ (ເອີໂຣໂຊນ) ມີສັນຍານຟື້ນຕົວໃນຕົ້ນປີນີ້.

ຂ່າວລະບຸວ່າ: ຕາມຜົນການສຳຫຼວດ, ດັດຊະນີຜູ້ຄຸ້ມຄອງການຈັດຊື້ (PMI) ຂອງທະນາຄານຮາມເບີກ (HCOB), ເກັບກຳໂດຍ S&P Global, ຖືວ່າເປັນມາດຕະການ “ສຸຂະພາບ” ໂດຍລວມຂອງພື້ນຖານເສດຖະກິດ, ເພີ່ມຂຶ້ນເປັນ 47,9 ໃນເດືອນມັງກອນຜ່ານມາ ຈາກລະດັບ 47,6 ໃນເດືອນທັນວາ 2023 ອີງຕາມການຄາດຄະເນກ່ອນໜ້ານີ້.

ນີ້ແມ່ນລະດັບສູງສຸດນັບຕັ້ງແຕ່ເດືອນກໍລະກົດ 2023 ແຕ່ຍັງຕໍ່າກວ່າລະດັບ 50 ຊຶ່ງແມ່ນເກນທີ່ຈະຈໍາແນກລະຫວ່າງການຂະຫຍາຍຕົວ ແລະ ການຫົດຕົວ. ຢ່າງໃດກໍຕາມ, ທັງຄ່າໃຊ້ຈ່າຍຂາເຂົ້າ ແລະ ຂາອອກຍັງເພີ່ມຂຶ້ນໄວໃນເດືອນແລ້ວນີ້. ດັດຊະນີລາຄາຜູ້ຜະລິດຍັງເພີ່ມຂຶ້ນໃນລະດັບສູງສຸດໃນຮອບ 8 ເດືອນຜ່ານມາ, ຂຶ້ນເປັນ 54,2.