ຂ່າວຕ່າງປະເທດລາຍງານ ເມື່ອບໍ່ດົນມານີ້, ແອບັສ (Airbus) ຜູ້ຜະລິດຍານອາວະກາດຈາກເອີຣົບໄດ້ເປີດເຜີຍບົດລາຍງານໂດຍລະບຸວ່າ: ໃນປີ 2023 ແອບັສ ສາມາດສ້າງລາຍໄດ້6,54 ໝື່ນລ້ານເອີໂຣ ເພີ່ມຂຶ້ນ 11% ເມື່ອທຽບແບບລາຍປີ ໂດຍລາຍໄດ້ຈາກເຄື່ອງບິນການຄ້າເພີ່ມຂຶ້ນ 15%.
    ບົດລາຍງານລະບຸວ່າ: ຜົນການດຳເນີນງານຂອງ ແອບັສ ປີ 2023 ລະບຸວ່າ ແອບັສ ສົ່ງມອບເຄື່ອງບິນຮູບແບບການຄ້າໃນປີ 2023 ທັງໝົດ 735 ລຳ ແບ່ງເປັນ A220ຈຳນວນ 68 ລຳ, ຕະກຸນເອA320 ຈຳນວນ 571 ລຳ,A330 ຈຳນວນ 32 ລຳ ແລະ A350 ຈຳນວນ 64 ລຳ ຊຶ່ງເພີ່ມຂຶ້ນ 11% ຈາກການສົ່ງມອບ 661 ລຳໃນປີ 2022,Airbus Helicopters ສົ່ງມອບເຄື່ອງບິນໃນປີ 2023 ຈຳນວນ 346 ລຳ ຊຶ່ງເກືອບບໍ່ປ່ຽນແປງຈາກການສົ່ງມອບ 344 ລຳໃນປີ 2022 ສົ່ງຜົນໃຫ້ລາຍໄດ້ເພີ່ມຂຶ້ນ 4%, ສ່ວນລາຍໄດ້ຂອງ ແອບັສ ດິແຟນ ແອນ ສະເປສ ເພີ່ມຂຶ້ນ 2%. ຂະນະດຽວກັນ, ມີການສົ່ງມອບເຄື່ອງບິນທະຫານ A400Mຈຳນວນ 8 ລຳ ຊຶ່ງຫຼຸດລົງຈາກການສົ່ງມອບ 10 ລຳໃນປີ 2022. ເຖິງຢ່າງໃດກໍຕາມ, ລາຍໄດ້ສຸດທິ ຫຼື ກຳໄລຂອງແອບັສໃນປີ 2023 ຫຼຸດລົງ 11% ຢູ່ທີ່ 3,78 ພັນລ້ານເອີໂຣ ເນື່ອງຈາກໜ່ວຍທຸລະກິດເຄື່ອງບິນເພື່ອການປ້ອງກັນປະເທດ ແລະ ການບິນ-ອາວະກາດມີຄ່າໃຊ່ຈ່າຍພິເສດໃນລະດັບສູງ.
    ສຳລັບປີ 2024 ແອບັສຕັ້ງເປົ້າໝາຍສົ່ງມອບເຄື່ອງບິນຮູບແບບການຄ້າປະມານ 800 ລຳ ໃນພື້ນຖານທີ່ວ່າ: ເສດຖະກິດໂລກ ການຈະລາຈອນທາງອາກາດ ຕ່ອງໂສ້ການສະໜອງ ການດຳເນີນງານພາຍໃນຂອງບໍລິສັດ ແລະ ຄວາມສາມາດສົ່ງມອບຜະລິດຕະພັນ ແລະ ບໍລິການດຳເນີນໄປຢ່າງລຽບງ່າຍ.