ຕາມສຳນັກຂ່າວສານຫວຽດນາມ ປະຈໍາ ນິວເດລີ ໃຫ້ຮູ້ວ່າ: ກອງປະຊຸມຄັ້ງທີ 3 ຂອງຄະນະກຳມະການຮ່ວມກວດກາສັນຍາການຄ້າສິນຄ້າອາຊຽນ - ອິນເດຍ (AITIGA) ຈັດຂຶ້ນຢູ່ນະຄອນຫຼວງນິວເດລີ ປະເທດອິນເດຍ ແຕ່ວັນວັນທີ 16-19 ກຸມພາ 2024.
ຂ່າວລາຍງານວ່າ,AITIGA ໄດ້ຮັບການລົງນາມໃນປີ 2009. ໃນເດືອນກັນຍາ 2022, ທັງສອງຝ່າຍໄດ້ມອບໜ້າທີ່ຄະນະກຳມະການຮ່ວມກວດກາ AITIGA ເພື່ອແນໃສ່ເຮັດໃຫ້ຂໍ້ຕົກລົງດັ່ງກ່າວເປັນມິດກັບການຄ້າສອງຝ່າຍ ແລະ ມີຜົນປະໂຫຍດຊຶ່ງກັນ ແລະ ກັນ.
ໃນກອງປະຊຸມຄັ້ງທີ 3 ນີ້, ຄະນະກຳມະການຮ່ວມໄດ້ດຳເນີນການປຶກສາຫາລືຢ່າງລະອຽດ ແລະ ຕີລາຄາຄວາມຄືບໜ້າຂອງການເຈລະຈາ. ຄະນະອະນຸກຳມະການໄດ້ລາຍງານຄວາມຄືບໜ້າ ແລະ ຜົນການສົນທະນາກ່ຽວກັບການເຂົ້າເຖິງຕະຫຼາດ, ລະບຽບການແຫຼ່ງກຳເນີດ ແລະ ມາດຕະຖານ, ລະບຽບການເຕັກນິກ.
ພາຍຫຼັງການປຶກສາຫາລື, ຄະນະກຳມະການຮ່ວມໄດ້ຊີ້ອອກບັນດາຂົງເຂດຈຸດສຸມເພື່ອປຶກສາຫາລືເພີ່ມຕື່ມ ແລະ ປັບປຸງແຜນການໃນການປະຕິບັດວຽກງານ ແລະ ໄດ້ໃຫ້ຄຳແນະນຳທີ່ຈຳເປັນໃຫ້ແກ່ບັນດາຄະນະອະນຸກຳມະການດຳເນີນການເຈລະຈາ.
ຍອດມູນຄ່າການຄ້າລະຫວ່າງ ອິນເດຍ-ອາຊຽນ ໄດ້ເພີ່ມຂຶ້ນເປັນ 131,58 ຕື້ໂດລາ ໃນງົບປະມານທີ່ຜ່ານມາ.
ການທົບທວນຄືນຂອງ AITIGA ຈະສ້າງຄວາມສະດວກໃນການຂະຫຍາຍຕົວທາງດ້ານການຄ້າລະຫວ່າງ ອິນເດຍ ແລະ ອາຊຽນ ໃນລັກສະນະທີ່ສົມດຸນ ແລະ ຍືນຍົງ. 2 ຝ່າຍມຸ່ງໄປເຖິງການສະຫຼຸບການກວດກາຂໍ້ຕົກລົງໃນປີ 2025 ແລະ ທັງສອງຝ່າຍໄດ້ຕັ້ງເປົ້າໝາຍສະຫຼຸບການທົບທວນຂໍ້ຕົກລົງໃນປີ 2025.