ຂ່າວຕ່າງປະເທດລາຍງານ ເມື່ອບໍ່ດົນມານີ້, Microsoft ໄດ້ເປີດເຜີຍແຜນການລົງທຶນໄລຍະ 2 ປີ ມູນຄ່າ 3,2 ພັນລ້ານເອີໂຣ ເພື່ອຂະຫຍາຍໂຄງສ້າງພື້ນຖານດ້ານຄລາວ (Cloud) ແລະ ປັນຍາປະດິດ (AI) ໃນເຢຍລະມັນ ຊຶ່ງເປັນການລົງທຶນຄັ້ງໃຫຍ່ທີ່ສຸດຂອງ Microsoft ໃນປະເທດນີ້.
Microsoft ຈະຂະຫຍາຍພາກພື້ນ Cloudທີ່ມີຢູ່ໃນເມືອງແຟັງເຟີດ, ເມືອງອຳມາຍ ຂອງລັດເຮສ ແລະ ເພີ່ມຂີດຄວາມສາມາດດ້ານ Cloud ໃນ ລັດນອດ ຣາຍ-ເວສຟາເຣຍ ຫຼາຍກວ່າ 2 ເທົ່າຜ່ານໂຄງສ້າງພື້ນຖານໃໝ່ພ້ອມກັບວາງແຜນຝຶກອົບຮົມທັກສະທາງດີຈີຕອນໃຫ້ແກ່ປະຊາຊົນໃນເຢຍລະມັນຫຼາຍກວ່າ 1,2 ລ້ານຄົນພາຍໃນທ້າຍປີ 2025. ທ່ານ ແບຣດ ສະມິດ ຮອງປະທານ ແລະ ປະທານຂອງ Microsoft ກ່າວວ່າ: Microsoft ຢາກເຮັດໃຫ້ເສດຖະກິດຂອງເຢຍລະມັນໄດ້ປະໂຫຍດຈາກ AI ເພື່ອເດີນໜ້າຂະຫຍາຍຄວາມເປັນຜູ້ນຳໂລກໃນດ້ານຄວາມສາມາດທາງການແຂ່ງຂັນ ໂດຍຄວາມຕ້ອງການ AI ເພີ່ມຂຶ້ນໃນພາກສ່ວນສຳຄັນເຊັ່ນ: ການຜະລິດຍານພາຫະນະ ແລະ ການຢາ. ທ່ານ ໂອລາບ ຊອນ ນາຍົກລັດຖະມົນຕີເຢຍລະມັນກ່າວວ່າ: ການລົງທຶນມູນຄ່າຫຼາຍພັນລ້ານເອີໂຣ ຂອງ Microsoft ຖືວ່າເປັນຂ່າວດີຫຼາຍສຳລັບເຢຍລະມັນ ໂດຍໂຄງການດັ່ງກ່າວສະທ້ອນໃຫ້ເຫັນວ່າເຢຍລະມັນມີສະຖານທີ່ຕັ້ງອັນໜ້າດຶງດູດໃຈ ແລະ ໄດ້ຮັບຄວາມໄວ້ວາງໃຈຈາກນັກລົງທຶນ. ອີກຢ່າງໜຶ່ງ, ກ່ອນໜ້ານີ້ເມື່ອທ້າຍປີ 2023ລັດຖະບານເຢຍລະມັນປະກາດການລົງທຶນດ້ານການວິໄຈ ພັດທະນາ ແລະ ປະຍຸກໃຊ້ AI ມູນຄ່າ 1,6 ພັນລ້ານເອີໂຣ ພາຍໃນປີ 2025. Microsoft ລະບຸວ່າ: ບໍລິສັດເຢຍລະມັນທີ່ມີຊື່ສຽງຫຼາຍແຫ່ງເຊັ່ນ: ຊີເມັນ, ໄບເອີ ແລະ ຄອມເມີສແບັງ ກຳລັງໃຊ້ງານແອັບພິເຄເຊິນ AI ຂອງ Microsoft ແລ້ວ.
ໂດຍອີງຕາມຜົນການສຳຫຼວດຈາກBitkom ສະມາຄົມດີຈີຕອນຊີ້ໃຫ້ເຫັນວ່າ: ຊາວເຢຍລະມັນສ່ວນຫຼາຍຄາດວ່າ AI ຈະປ່ຽນແປງສັງຄົມພາຍໃນບໍ່ເທົ່າໃດປີຂ້າງໜ້າ ແລະ ມີທັດສະນະຄະຕິເປີດກວ້າງຕໍ່ AI ໃນຫຼາຍດ້ານ ຊຶ່ງລວມເຖິງຄວາມປອດໄພທາງໄຊເບີ.
Microsoft ຈະຂະຫຍາຍພາກພື້ນ Cloudທີ່ມີຢູ່ໃນເມືອງແຟັງເຟີດ, ເມືອງອຳມາຍ ຂອງລັດເຮສ ແລະ ເພີ່ມຂີດຄວາມສາມາດດ້ານ Cloud ໃນ ລັດນອດ ຣາຍ-ເວສຟາເຣຍ ຫຼາຍກວ່າ 2 ເທົ່າຜ່ານໂຄງສ້າງພື້ນຖານໃໝ່ພ້ອມກັບວາງແຜນຝຶກອົບຮົມທັກສະທາງດີຈີຕອນໃຫ້ແກ່ປະຊາຊົນໃນເຢຍລະມັນຫຼາຍກວ່າ 1,2 ລ້ານຄົນພາຍໃນທ້າຍປີ 2025. ທ່ານ ແບຣດ ສະມິດ ຮອງປະທານ ແລະ ປະທານຂອງ Microsoft ກ່າວວ່າ: Microsoft ຢາກເຮັດໃຫ້ເສດຖະກິດຂອງເຢຍລະມັນໄດ້ປະໂຫຍດຈາກ AI ເພື່ອເດີນໜ້າຂະຫຍາຍຄວາມເປັນຜູ້ນຳໂລກໃນດ້ານຄວາມສາມາດທາງການແຂ່ງຂັນ ໂດຍຄວາມຕ້ອງການ AI ເພີ່ມຂຶ້ນໃນພາກສ່ວນສຳຄັນເຊັ່ນ: ການຜະລິດຍານພາຫະນະ ແລະ ການຢາ. ທ່ານ ໂອລາບ ຊອນ ນາຍົກລັດຖະມົນຕີເຢຍລະມັນກ່າວວ່າ: ການລົງທຶນມູນຄ່າຫຼາຍພັນລ້ານເອີໂຣ ຂອງ Microsoft ຖືວ່າເປັນຂ່າວດີຫຼາຍສຳລັບເຢຍລະມັນ ໂດຍໂຄງການດັ່ງກ່າວສະທ້ອນໃຫ້ເຫັນວ່າເຢຍລະມັນມີສະຖານທີ່ຕັ້ງອັນໜ້າດຶງດູດໃຈ ແລະ ໄດ້ຮັບຄວາມໄວ້ວາງໃຈຈາກນັກລົງທຶນ. ອີກຢ່າງໜຶ່ງ, ກ່ອນໜ້ານີ້ເມື່ອທ້າຍປີ 2023ລັດຖະບານເຢຍລະມັນປະກາດການລົງທຶນດ້ານການວິໄຈ ພັດທະນາ ແລະ ປະຍຸກໃຊ້ AI ມູນຄ່າ 1,6 ພັນລ້ານເອີໂຣ ພາຍໃນປີ 2025. Microsoft ລະບຸວ່າ: ບໍລິສັດເຢຍລະມັນທີ່ມີຊື່ສຽງຫຼາຍແຫ່ງເຊັ່ນ: ຊີເມັນ, ໄບເອີ ແລະ ຄອມເມີສແບັງ ກຳລັງໃຊ້ງານແອັບພິເຄເຊິນ AI ຂອງ Microsoft ແລ້ວ.
ໂດຍອີງຕາມຜົນການສຳຫຼວດຈາກBitkom ສະມາຄົມດີຈີຕອນຊີ້ໃຫ້ເຫັນວ່າ: ຊາວເຢຍລະມັນສ່ວນຫຼາຍຄາດວ່າ AI ຈະປ່ຽນແປງສັງຄົມພາຍໃນບໍ່ເທົ່າໃດປີຂ້າງໜ້າ ແລະ ມີທັດສະນະຄະຕິເປີດກວ້າງຕໍ່ AI ໃນຫຼາຍດ້ານ ຊຶ່ງລວມເຖິງຄວາມປອດໄພທາງໄຊເບີ.
