ເມື່ອບໍ່ດົນມານີ້, ຄະນະຜູ້ແທນ ສປປ ລາວຕາງໜ້າໂດຍ ທ່ານ ພູທະນູເພັດ ໄຊສົມບັດ ຮອງລັດຖະມົນຕີກະຊວງການເງິນພ້ອມຄະນະ ໄດ້ເຂົ້າຮ່ວມກອງປະຊຸມສະພາຜູ້ວ່າການທະນາຄານ ການລົງທຶນໂຄງລ່າງພື້ນຖານອາຊີ (Asian Infrastructure Investment Bank-AIIB) ຄັ້ງທີ 8 ປະຈໍາປີ 2023 ພາຍໃຕ້ຫົວຂໍ້: ການເຕີບໂຕທີ່ຍືນຍົງໃນສະພາບໂລກມີການປ່ຽນແປງຢູ່ເມືອງຊາມເອວເຊກ ປະເທດເອຢິບ.
ກອງປະຊຸມໄດ້ປຶກສາຫາລື ລົງເລິກ 2 ຫົວຂໍ້ຄື: ບົດບາດຂອງ AIIB ໃນການ ສະໜັບສະໜູນບັນດາປະເທດສະມາຊິກ ທ່າມກາງສະພາວະທີ່ບໍ່ມີຄວາມແນ່ນອນ ແລະ ການພັດທະນາເພື່ອຫຼຸດຜ່ອນການປ່ອຍອາຍກາກບອນ ໂດຍສະໜັບສະໜູນເຮັດໃຫ້ໄລຍະຂ້າມຜ່ານໄປສູ່ການນຳໃຊ້ພະລັງງານສະອາດຢ່າງມີປະສິດທິພາບ ໂດຍບັນດາປະເທດສະມາຊິກໄດ້ລາຍງານຄວາມຄືບໜ້າການຈັດຕັ້ງປະຕິບັດວຽກງານປະເທດຂອງຕົນໄລຍະຜ່ານມາ ໂດຍຕິດພັນກັບການສ້າງໂຄງລ່າງພື້ນຖານທີ່ເປັນປັດໄຈຮັບໃຊ້ການພັດທະນາ, ພ້ອມທັງສະເໜີຄວາມຮຽກຮ້ອງຕ້ອງການທີ່ມີລັກສະນະສະເພາະຂອງຕົນ ເພື່ອໃຫ້ AIIB ນຳໄປພິຈາລະນາປັບປຸງແນວທາງການວາງນະໂຍບາຍໃນອະນາຄົດ ໃຫ້ແທດເໝາະກັບຄວາມຕ້ອງການທີ່ແທ້ຈິງຂອງບັນດາປະເທດສະມາຊິກໂດຍສະເພາະນະໂຍບາຍການຫັນປ່ຽນການພັດທະນາໂຄງລ່າງພື້ນຖານທີ່ຍືນຍົງ ແລະ ເປັນມິດຕໍ່ສິ່ງແວດລ້ອມ.
ພ້ອມນັ້ນ, ບັນດາຜູ້ວ່າການ ໄດ້ສະໜັບສະໜູນນະໂຍບາຍການຫຼຸດຜ່ອນກາກບອນຂອງ AIIB, ສະເໜີໃຫ້ເພີ່ມທະວີການສະໜອງທຶນເຂົ້າໃນວຽກງານການປ່ຽນແປງດິນຟ້າອາກາດ ເພື່ອຫຼຸດຜ່ອນຜົນກະທົບຕໍ່ການພັດທະນາໂຄງລ່າງພື້ນຖານ ເພື່ອຮັບປະກັນຄວາມທົນທານ ແລະ ຍືນຍົງ, ສ້າງເງື່ອນໄຂທີ່ສ້າງສັນ ແລະ ມີວິວັດທະນາການ ເພື່ອລະດົມພາກເອກະຊົນມີສ່ວນຮ່ວມໃນການພັດທະນາໂຄງລ່າງພື້ນຖານ, ສະໜອງທຶນເງື່ອນໄຂຜ່ອນຜັນສູງໃຫ້ບັນດາປະເທດສະມາຊິກທີ່ມີລາຍໄດ້ຕ່ຳ ແລະ ຕາມຄວາມຮຽກຮ້ອງຕ້ອງການຂອງບັນດາປະເທດສະມາຊິກ.
ທ່ານ ພູທະນູເພັດ ໄຊສົມບັດ ພ້ອມຄະນະ ໄດ້ພົບປະກັບສູນຮ່ວມມືຫຼາຍຝ່າຍ ສຳລັບການສະໜອງທຶນເພື່ອການພັດທະນາ(MCDF) ໂດຍສະແດງຄວາມຂອບໃຈທີ່ MCDF ໄດ້ສະໜອງທຶນຊ່ວຍເຫຼືອໃຫ້ ສປປ ລາວ ສໍາລັບການກະກຽມໂຄງການຂອງຂະແໜງໂຍທາທິການ ຈຳນວນ 700.000 ໂດລາ ແລະ ຊ່ວຍສ້າງຄວາມອາດສາມາດໃຫ້ຂະແໜງການກ່ຽວຂ້ອງຂອງ ສປປ ລາວ; ທັງສອງຝ່າຍໄດ້ແລກປ່ຽນບົດຮຽນ ເພື່ອເສີມຂະຫຍາຍການຮ່ວມມືໃນຕໍ່ໜ້າ ຊຶ່ງMDCF ໄດ້ເພີ່ມທະວີການຮ່ວມມືກັບບັນດາສະຖາບັນການເງິນສາກົນ, ອົງການຈັດຕັ້ງສາກົນ, ຄູ່ຮ່ວມພັດທະນາໃນທຸກພາກພື້ນ ເພື່ອສ້າງທ່າແຮງໃນການລະດົມທຶນ, ເພື່ອໃຫ້ສາມາດຊ່ວຍເຫລືອບັນດາປະເທດກຳລັງພັດທະນາ ໂດຍຍິນດີຈະສືບຕໍ່ໃຫ້ການຊ່ວຍເຫຼືອ ສປປ ລາວ ໃນການກະກຽມໂຄງການຂອງຫລາຍຂະແໜງການ ເປັນຕົ້ນການເຊື່ອມໂຍງເຊື່ອມຈອດ, ກະສິກຳ, ການຂົນສົ່ງ, ພ້ອມທັງການຝຶກອົບຮົມໃນວຽກງານທີ່ຕິດພັນກັບການກະກຽມອອກແບບ ແລະ ຈັດຕັ້ງປະຕິບັດໂຄງການ.
ຂ່າວ-ພາບ: ກະຊວງການເງິນ
ກອງປະຊຸມໄດ້ປຶກສາຫາລື ລົງເລິກ 2 ຫົວຂໍ້ຄື: ບົດບາດຂອງ AIIB ໃນການ ສະໜັບສະໜູນບັນດາປະເທດສະມາຊິກ ທ່າມກາງສະພາວະທີ່ບໍ່ມີຄວາມແນ່ນອນ ແລະ ການພັດທະນາເພື່ອຫຼຸດຜ່ອນການປ່ອຍອາຍກາກບອນ ໂດຍສະໜັບສະໜູນເຮັດໃຫ້ໄລຍະຂ້າມຜ່ານໄປສູ່ການນຳໃຊ້ພະລັງງານສະອາດຢ່າງມີປະສິດທິພາບ ໂດຍບັນດາປະເທດສະມາຊິກໄດ້ລາຍງານຄວາມຄືບໜ້າການຈັດຕັ້ງປະຕິບັດວຽກງານປະເທດຂອງຕົນໄລຍະຜ່ານມາ ໂດຍຕິດພັນກັບການສ້າງໂຄງລ່າງພື້ນຖານທີ່ເປັນປັດໄຈຮັບໃຊ້ການພັດທະນາ, ພ້ອມທັງສະເໜີຄວາມຮຽກຮ້ອງຕ້ອງການທີ່ມີລັກສະນະສະເພາະຂອງຕົນ ເພື່ອໃຫ້ AIIB ນຳໄປພິຈາລະນາປັບປຸງແນວທາງການວາງນະໂຍບາຍໃນອະນາຄົດ ໃຫ້ແທດເໝາະກັບຄວາມຕ້ອງການທີ່ແທ້ຈິງຂອງບັນດາປະເທດສະມາຊິກໂດຍສະເພາະນະໂຍບາຍການຫັນປ່ຽນການພັດທະນາໂຄງລ່າງພື້ນຖານທີ່ຍືນຍົງ ແລະ ເປັນມິດຕໍ່ສິ່ງແວດລ້ອມ.
ພ້ອມນັ້ນ, ບັນດາຜູ້ວ່າການ ໄດ້ສະໜັບສະໜູນນະໂຍບາຍການຫຼຸດຜ່ອນກາກບອນຂອງ AIIB, ສະເໜີໃຫ້ເພີ່ມທະວີການສະໜອງທຶນເຂົ້າໃນວຽກງານການປ່ຽນແປງດິນຟ້າອາກາດ ເພື່ອຫຼຸດຜ່ອນຜົນກະທົບຕໍ່ການພັດທະນາໂຄງລ່າງພື້ນຖານ ເພື່ອຮັບປະກັນຄວາມທົນທານ ແລະ ຍືນຍົງ, ສ້າງເງື່ອນໄຂທີ່ສ້າງສັນ ແລະ ມີວິວັດທະນາການ ເພື່ອລະດົມພາກເອກະຊົນມີສ່ວນຮ່ວມໃນການພັດທະນາໂຄງລ່າງພື້ນຖານ, ສະໜອງທຶນເງື່ອນໄຂຜ່ອນຜັນສູງໃຫ້ບັນດາປະເທດສະມາຊິກທີ່ມີລາຍໄດ້ຕ່ຳ ແລະ ຕາມຄວາມຮຽກຮ້ອງຕ້ອງການຂອງບັນດາປະເທດສະມາຊິກ.
ທ່ານ ພູທະນູເພັດ ໄຊສົມບັດ ພ້ອມຄະນະ ໄດ້ພົບປະກັບສູນຮ່ວມມືຫຼາຍຝ່າຍ ສຳລັບການສະໜອງທຶນເພື່ອການພັດທະນາ(MCDF) ໂດຍສະແດງຄວາມຂອບໃຈທີ່ MCDF ໄດ້ສະໜອງທຶນຊ່ວຍເຫຼືອໃຫ້ ສປປ ລາວ ສໍາລັບການກະກຽມໂຄງການຂອງຂະແໜງໂຍທາທິການ ຈຳນວນ 700.000 ໂດລາ ແລະ ຊ່ວຍສ້າງຄວາມອາດສາມາດໃຫ້ຂະແໜງການກ່ຽວຂ້ອງຂອງ ສປປ ລາວ; ທັງສອງຝ່າຍໄດ້ແລກປ່ຽນບົດຮຽນ ເພື່ອເສີມຂະຫຍາຍການຮ່ວມມືໃນຕໍ່ໜ້າ ຊຶ່ງMDCF ໄດ້ເພີ່ມທະວີການຮ່ວມມືກັບບັນດາສະຖາບັນການເງິນສາກົນ, ອົງການຈັດຕັ້ງສາກົນ, ຄູ່ຮ່ວມພັດທະນາໃນທຸກພາກພື້ນ ເພື່ອສ້າງທ່າແຮງໃນການລະດົມທຶນ, ເພື່ອໃຫ້ສາມາດຊ່ວຍເຫລືອບັນດາປະເທດກຳລັງພັດທະນາ ໂດຍຍິນດີຈະສືບຕໍ່ໃຫ້ການຊ່ວຍເຫຼືອ ສປປ ລາວ ໃນການກະກຽມໂຄງການຂອງຫລາຍຂະແໜງການ ເປັນຕົ້ນການເຊື່ອມໂຍງເຊື່ອມຈອດ, ກະສິກຳ, ການຂົນສົ່ງ, ພ້ອມທັງການຝຶກອົບຮົມໃນວຽກງານທີ່ຕິດພັນກັບການກະກຽມອອກແບບ ແລະ ຈັດຕັ້ງປະຕິບັດໂຄງການ.
ຂ່າວ-ພາບ: ກະຊວງການເງິນ
