ຂ່າວສານຊີອາໄອລາຍງານ, ໃນວັນທີ 3 ມີນາ ຜ່ານມາ ອົງການອະນາໄມໂລກໄດ້ເປີດເຜີຍບົດລາຍງານກ່ຽວກັບໂຣກອະຫິວາຢູ່ຊີດັງ ໂດຍລະບຸວ່າ: ນັບແຕ່່ຊູດັງເກີດໂຣກອະຫິວາລະບາດເປັນບໍລິເວນກວ້າງ ໃນເດືອນກັນຍາປີ 2023 ເປັນຕົ້ນມາ, ຢູ່ປະເທດດັ່ງກ່າວໄດ້ລາຍງານມີຜູ້ຕິດພະຍາດອະຫິວາຫຼາຍກວ່າ 10.800 ກໍລະນີແລ້ວ, ໃນນັ້ນມີຜູ້ເສຍຊີວິດ 299 ຄົນ.

ບົດລາຍງານແຈ້ງຕື່ມວ່າ: ອົງການອະນາໄມໂລກພວມຮ່ວມມືກັບກະຊວງສາທາລະນະສຸກຊູດັງຢ່າງໃກ້ຊິດ ໂດຍດຳເນີນການເຄື່ອນໄຫວສັກວັກຊິນຂະໜາດໃຫຍ່ຢູ່ຊູດັງ ທັງສະໜອງອຸປະກອນປ້ອງກັນຕົວໃຫ້ແກ່ພະນັກງານການແພດ ແລະ ໃຫ້ການຊີ້ນຳດ້ານເຕັກນິກ, ນອກນີ້ຍັງມີແຜນຈະອົບຮົມພະນັກງານການແພດຈຳນວນ 280 ຄົນຢູ່ 4 ລັດຂອງຊູດັງ.