ກອງປະຊຸມສະຫຼຸບວຽກງານກວດກາທົ່ວປະເທດ ປະຈໍາປີ 2023ໄດ້ຈັດຂຶ້ນໃນລະຫວ່າງວັນທີ 6-7 ມີນາ ນີ້ທີ່ສະໂມສອນຫ້ອງວ່າການສູນກາງພັກ (ຫຼັກ 6) ໂດຍການໃຫ້ກຽດເປັນປະທານກອງປະຊຸມຂອງສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກເລຂາທິການສູນກາງພັກປະທານຄະນະກວດກາສູນກາງພັກປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີບັນດາສະຫາຍຮອງປະທານຄະນະກວດກາສູນກາງພັກ ແລະ ອົງການກວດກາແຫ່ງລັດ,ບັນດາສະຫາຍຄະນະກົມ, ຄະນະພະແນກພາຍໃນ ຄກສພ-ອກຫລ, ປະທານ-ຮອງປະທານ ກວດກາຈາກກະຊວງ-ອົງການ ແລະ ຈາກຄະນະກວດກາພັກ-ລັດແຂວງ ເຂົ້າຮ່ວມທັງໝົດ 272ສະຫາຍຍິງ 66ສະຫາຍ.
ກອງປະຊຸມຄັ້ງນີ້ແມ່ນໄດ້ລົງເລິກປຶກສາຫາລື ແລະ ແກ້ໄຂບັນຫາຕົວຈິງ, ຈຶ່ງຕ້ອງຮັບປະກັນບາງລັກສະນະສະເພາະ ແລະ ເປົ້າໝາຍຕົ້ນຕໍຄື: 1. ສະຫຼຸບວຽກງານກວດກາ ປະຈໍາປີ 2023ຕິດພັນກັບການປະເມີນຄືນການເຄື່ອນໄຫວ ນັບແຕ່ກອງປະຊຸມວຽກງານກວດກາທົ່ວປະເທດ ຄັ້ງທີ IV,2. ສໍາມະນາລະດັບຄໍາເຫັນປິ່ນອ້ອມບາງບັນຫາຮີບດ່ວນຈໍານວນໜຶ່ງ,3. ຝຶກອົບຮົມ-ຍົກລະດັບຄວາມຮູ້ຮ່ວມກັນກ່ຽວກັບເນື້ອໃນດ້ານຕ່າງໆ ຂອງວຽກງານກວດກາໃນໄລຍະໃໝ່ ແລະ 4.ເຜີຍແຜ່ແນະນໍາປະຕິບັດບາງນິຕິກໍາ ແລະ ເອກະສານຕົ້ນຕໍຈໍານວນໜຶ່ງ.ສຳລັບການສະຫຼຸບຕີລາຄາຄືນດ້ານດີ, ດ້ານອ່ອນ, ຂໍ້ຄົງຄ້າງ ແຕ່ລະບັນຫາໃນການຈັດຕັ້ງປະຕິບັດວຽກງານຕິດຕາມ-ກວດກາ ໂດຍຖືເອົາບັນດາຄາດໝາຍທີ່ກອງປະຊຸມວຽກງານກວດກາທົ່ວປະເທດ ຄັ້ງທີ IVວາງອອກເປັນບ່ອນອີງຕົ້ນຕໍ,ໃນນັ້ນ, ອີງຕາມຜົນການຄົ້ນຄວ້າປຶກສາຫາລືບັນຫາຕ່າງໆທີ່ເລິກເຊິ່ງ-ຖືກກັບຄວາມເປັນຈິງ, ຜົນສຳເລັດທີ່ຍາດມາໄດ້ ກໍຄືການຕີລາຄາດ້ານທີ່ຍັງເປັນຈຸດອ່ອນ-ຂໍ້ຄົງຄ້າງ, ຖອດຖອນບົດຮຽນ ທີ່ຈະໄດ້ປັບປຸງແກ້ໄຂໃນຕໍ່ໜ້າ, ພ້ອມຄົ້ນຄວ້າຊອກຫາໃຫ້ເຫັນສາເຫດ ແລະ ບົດຮຽນຕົວຈິງ, ນອກນີ້ ໃນກອງປະຊຸມຈະໄດ້ຄົ້ນຄວ້າ ແລະ ມີຄວາມຄິດ-ຄວາມເຫັນຕໍ່ກັບທິດທາງລວມ ແລະ ແຜນການຄາດໝາຍສູ້ຊົນວຽກງານຈຸດສຸມ ໃນປີ 2024,ແນໃສ່ເຮັດໃຫ້ວຽກງານຕິດຕາມ-ກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ, ແກ້ໄຂຄໍາຮ້ອງ-ຄໍາສະເໜີ ແລະ ປັບປຸງກົງຈັກ, ບໍາລຸງກໍ່ສ້າງພະນັກງານກວດກາ ຢູ່ສູນກາງ ແລະ ທ້ອງຖິ່ນ ໄດ້ຮັບການຈັດຕັ້ງປະຕິບັດຢ່າງຕັ້ງໜ້າ ແລະ ມີການຫັນປ່ຽນດີຂຶ້ນກວ່າເກົ່າ ຊຶ່ງເປັນໄລຍະແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ.
ນອກຈາກຈະໄດ້ພິຈາລະນາເນື້ອໃນບົດສະຫຼຸບການປະເມີນຜົນການເຄື່ອນໄຫວຜ່ານມາ ແລະ ເອກະພາບທິດທາງ-ໜ້າທີ່ ສໍາລັບປີ 2024 ແລ້ວ, ກອງປະຊຸມຄັ້ງນີ້ ຍັງຈະໄດ້ຮັບຟັງການສະເໜີ ແລະ ແນະນໍາບາງເນື້ອໃນຂອງເອກະສານທີ່ສໍາຄັນຈໍານວນໜຶ່ງ,ນອກຈາກນີ້ ສະຫາຍ ຄຳພັນ ພົມມະທັດ ຍັງໄດ້ເນັ້ນໃຫ້ບັນດາສະຫາຍຜູ້ແທນກອງປະຊຸມຈະເຊີດຊູຄວາມຮັບຜິດຊອບທາງການເມືອງຂອງຕົນ, ເສີມຂະຫຍາຍປະຊາທິປະໄຕ ຢ່າງເຕັມສ່ວນ, ສຸມສະຕິປັນຍາ ເຂົ້າໃສ່ໃນການຄົ້ນຄວ້າ ແລະ ເປັນເຈົ້າການປະກອບຄໍາຄິດ-ຄໍາເຫັນໃຫ້ເລິກເຊິ່ງ, ກົງໄປກົງມາ ເຮັດໃຫ້ເນື້ອໃນຂອງກອງປະຊຸມມີຄວາມຈະແຈ້ງ, ຮັດກຸມ, ຄົບຖ້ວນ ແລະ ມີຄວາມເປັນເອກະພາບສູງຕໍ່ບັນຫາຕ່າງໆ ບົນພື້ນຖານແນວທາງ, ນະໂຍບາຍ, ກົດລະບຽບຂອງພັກ, ກົດໝາຍ ແລະ ລະບຽບການທີ່ກ່ຽວຂ້ອງຂອງລັດ, ຫຼີກເວັ້ນການປະກອບຄໍາເຫັນທີ່ມີລັກສະນະລວມໆ ທີ່ບໍ່ມີວິທີການແກ້ໄຂ,ອັນສໍາຄັນ ແມ່ນຢາກໃຫ້ບັນດາສະຫາຍ ພ້ອມກັນລົງເລິກປະກອບຄໍາເຫັນໃສ່ ບັນຫາຕ່າງໆ ທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ ແລະ ທິດທາງ, ເນື້ອໃນການຫັນປ່ຽນຢ່າງແຂງແຮງ ແລະ ເລິກເຊິ່ງທຸກຂອດ ຂອງວຽກງານຕິດຕາມ-ກວດກາ ແລະ ຕ້ານການສໍ້ລາດບັງຫຼວງ.
ຂ່າວ: ຕູ່ນາ ເລົ່າຖາວອນ,ພາບ:ພູວຽງຄຳ
ກອງປະຊຸມຄັ້ງນີ້ແມ່ນໄດ້ລົງເລິກປຶກສາຫາລື ແລະ ແກ້ໄຂບັນຫາຕົວຈິງ, ຈຶ່ງຕ້ອງຮັບປະກັນບາງລັກສະນະສະເພາະ ແລະ ເປົ້າໝາຍຕົ້ນຕໍຄື: 1. ສະຫຼຸບວຽກງານກວດກາ ປະຈໍາປີ 2023ຕິດພັນກັບການປະເມີນຄືນການເຄື່ອນໄຫວ ນັບແຕ່ກອງປະຊຸມວຽກງານກວດກາທົ່ວປະເທດ ຄັ້ງທີ IV,2. ສໍາມະນາລະດັບຄໍາເຫັນປິ່ນອ້ອມບາງບັນຫາຮີບດ່ວນຈໍານວນໜຶ່ງ,3. ຝຶກອົບຮົມ-ຍົກລະດັບຄວາມຮູ້ຮ່ວມກັນກ່ຽວກັບເນື້ອໃນດ້ານຕ່າງໆ ຂອງວຽກງານກວດກາໃນໄລຍະໃໝ່ ແລະ 4.ເຜີຍແຜ່ແນະນໍາປະຕິບັດບາງນິຕິກໍາ ແລະ ເອກະສານຕົ້ນຕໍຈໍານວນໜຶ່ງ.ສຳລັບການສະຫຼຸບຕີລາຄາຄືນດ້ານດີ, ດ້ານອ່ອນ, ຂໍ້ຄົງຄ້າງ ແຕ່ລະບັນຫາໃນການຈັດຕັ້ງປະຕິບັດວຽກງານຕິດຕາມ-ກວດກາ ໂດຍຖືເອົາບັນດາຄາດໝາຍທີ່ກອງປະຊຸມວຽກງານກວດກາທົ່ວປະເທດ ຄັ້ງທີ IVວາງອອກເປັນບ່ອນອີງຕົ້ນຕໍ,ໃນນັ້ນ, ອີງຕາມຜົນການຄົ້ນຄວ້າປຶກສາຫາລືບັນຫາຕ່າງໆທີ່ເລິກເຊິ່ງ-ຖືກກັບຄວາມເປັນຈິງ, ຜົນສຳເລັດທີ່ຍາດມາໄດ້ ກໍຄືການຕີລາຄາດ້ານທີ່ຍັງເປັນຈຸດອ່ອນ-ຂໍ້ຄົງຄ້າງ, ຖອດຖອນບົດຮຽນ ທີ່ຈະໄດ້ປັບປຸງແກ້ໄຂໃນຕໍ່ໜ້າ, ພ້ອມຄົ້ນຄວ້າຊອກຫາໃຫ້ເຫັນສາເຫດ ແລະ ບົດຮຽນຕົວຈິງ, ນອກນີ້ ໃນກອງປະຊຸມຈະໄດ້ຄົ້ນຄວ້າ ແລະ ມີຄວາມຄິດ-ຄວາມເຫັນຕໍ່ກັບທິດທາງລວມ ແລະ ແຜນການຄາດໝາຍສູ້ຊົນວຽກງານຈຸດສຸມ ໃນປີ 2024,ແນໃສ່ເຮັດໃຫ້ວຽກງານຕິດຕາມ-ກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ, ແກ້ໄຂຄໍາຮ້ອງ-ຄໍາສະເໜີ ແລະ ປັບປຸງກົງຈັກ, ບໍາລຸງກໍ່ສ້າງພະນັກງານກວດກາ ຢູ່ສູນກາງ ແລະ ທ້ອງຖິ່ນ ໄດ້ຮັບການຈັດຕັ້ງປະຕິບັດຢ່າງຕັ້ງໜ້າ ແລະ ມີການຫັນປ່ຽນດີຂຶ້ນກວ່າເກົ່າ ຊຶ່ງເປັນໄລຍະແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ.
ນອກຈາກຈະໄດ້ພິຈາລະນາເນື້ອໃນບົດສະຫຼຸບການປະເມີນຜົນການເຄື່ອນໄຫວຜ່ານມາ ແລະ ເອກະພາບທິດທາງ-ໜ້າທີ່ ສໍາລັບປີ 2024 ແລ້ວ, ກອງປະຊຸມຄັ້ງນີ້ ຍັງຈະໄດ້ຮັບຟັງການສະເໜີ ແລະ ແນະນໍາບາງເນື້ອໃນຂອງເອກະສານທີ່ສໍາຄັນຈໍານວນໜຶ່ງ,ນອກຈາກນີ້ ສະຫາຍ ຄຳພັນ ພົມມະທັດ ຍັງໄດ້ເນັ້ນໃຫ້ບັນດາສະຫາຍຜູ້ແທນກອງປະຊຸມຈະເຊີດຊູຄວາມຮັບຜິດຊອບທາງການເມືອງຂອງຕົນ, ເສີມຂະຫຍາຍປະຊາທິປະໄຕ ຢ່າງເຕັມສ່ວນ, ສຸມສະຕິປັນຍາ ເຂົ້າໃສ່ໃນການຄົ້ນຄວ້າ ແລະ ເປັນເຈົ້າການປະກອບຄໍາຄິດ-ຄໍາເຫັນໃຫ້ເລິກເຊິ່ງ, ກົງໄປກົງມາ ເຮັດໃຫ້ເນື້ອໃນຂອງກອງປະຊຸມມີຄວາມຈະແຈ້ງ, ຮັດກຸມ, ຄົບຖ້ວນ ແລະ ມີຄວາມເປັນເອກະພາບສູງຕໍ່ບັນຫາຕ່າງໆ ບົນພື້ນຖານແນວທາງ, ນະໂຍບາຍ, ກົດລະບຽບຂອງພັກ, ກົດໝາຍ ແລະ ລະບຽບການທີ່ກ່ຽວຂ້ອງຂອງລັດ, ຫຼີກເວັ້ນການປະກອບຄໍາເຫັນທີ່ມີລັກສະນະລວມໆ ທີ່ບໍ່ມີວິທີການແກ້ໄຂ,ອັນສໍາຄັນ ແມ່ນຢາກໃຫ້ບັນດາສະຫາຍ ພ້ອມກັນລົງເລິກປະກອບຄໍາເຫັນໃສ່ ບັນຫາຕ່າງໆ ທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ ແລະ ທິດທາງ, ເນື້ອໃນການຫັນປ່ຽນຢ່າງແຂງແຮງ ແລະ ເລິກເຊິ່ງທຸກຂອດ ຂອງວຽກງານຕິດຕາມ-ກວດກາ ແລະ ຕ້ານການສໍ້ລາດບັງຫຼວງ.
ຂ່າວ: ຕູ່ນາ ເລົ່າຖາວອນ,ພາບ:ພູວຽງຄຳ
