ຕາມຂໍ້ມູນຂອງເຈົ້າໜ້າທີ່ສືບສວນ-ສອບສວນ ປກສ ເມືອງຫົງສາ ແຂວງໄຊຍະບູລີ ລາຍງານໃຫ້ຮູ້ວ່າ: ໄດ້ຈັບຕົວຜູ້ຂົນສົ່ງຢາເສບຕິດໄດ້ 1 ຄົນ ພ້ອມຢຶດຂອງກາງປະເພດຢາໄອສ໌ KKK-1000 ຈໍານວນ 1.033 ກິໂລກຣາມ ໃນຕົ້ນເດືອນກຸມພາ 2024 ຜ່ານມາ. ເມື່ອເຈົ້າໜ້າທີ່ໄດ້ກັກຕົວເປົ້າໝາຍສຳເລັດ ກໍໄດ້ນຳມາສືບສວນ-ສອບສວນ ແລະ ຜູ້ກະທຳຜິດໄດ້ສາລະພາບວ່າ: ຊື່ ທ້າວ ເນັງ ຢາ ອາຍຸ 36 ປີ ປະຊາຊົນຢູ່ບ້ານເລົາຫຼວງ ເມືອງຫ້ວຍຊາຍ ແຂວງບໍ່ແກ້ວພ້ອມທັງຢຶດຂອງກາງໄດ້ເປັນຢາເສບຕິດປະເພດຢາໄອສ໌ KKK-1000 ຈໍານວນ 33 ເປົາ ນໍ້າໜັກລວມທັງໝົດ 1.033 ກິໂລກຣາມ, ໃສ່ລົດໃຫຍ່ຍີ່ຫໍ້ ອິຊູຊູ ໝາຍເລກທະທຽນ ບໍ່ແກ້ວ 4490 ຈຳນວນ 1 ຄັນ, ມີປຶນສັ້ນ 1 ກະບອກພ້ອມລູກປືນ 19 ລູກ, ໂຟນີ 1 ເຄື່ອງ, ໂທລະສັບ 2 ເຄື່ອງ, ມີດ 1 ດວງ ແລະ ເງິນບາດໄທ 3.000 ບາດ, ເງິນກີບ 700.000 ກີບ.
ປັດຈຸບັນ ທາງເຈົ້າໜ້າທີ່ ປກສ ເມືອງຫົງສາ ໄດ້ສົ່ງຕົວຜູ້ກະທຳຜິດ ພ້ອມຂອງກາງໃຫ້ ປກສ ແຂວງ ເພື່ອດຳເນີນຄະດີຕໍ່ໄປ.
(ແຫຼ່ງຂ່າວ: ເມືອງຫົງສາ)