ກອງປະຊຸມຄະນະກຳມະການຄຸ້ມຄອງໄພພິບັດທົ່ວປະເທດປະຈຳປີ 2023 ແລະວາງທິດທາງແຜນການປີ 2024 ໄດ້ຈັດຂຶ້ນໃນວັນທີ 7 ມີນານີ້ ທີ່ ກະຊວງປ້ອງກັນປະເທດ ແບບປົກກະຕິ ແລະ ແບບທາງໄກ ໂດຍການເປັນປະທານຂອງທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີລັດຖະມົນຕີກະຊວງປ້ອງກັນປະເທດ ປະທານຄະນະກໍາມະການຄຸ້ມຄອງໄພພິບັດຂັ້ນສູນກາງ (ຄພສ), ມີທ່ານ ນາງ ໃບຄໍາ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ຮອງປະທານຄພສ, ມີບັນດາຮອງເຈົ້າແຂວງ ປະທານຄະນະກໍາມະການຄຸ້ມຄອງໄພພິບັດຂັ້ນແຂວງ, ນະຄອນຫຼວງວຽງຈັນ (ນວ), ກອງເລຂາຄະນະກໍາມະການຄຸ້ມຄອງໄພພິບັດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານພົນເອກຈັນສະໝອນຈັນຍາລາດກ່າວວ່າ: ກອງປະຊຸມຄັ້ງນີ້ ແມ່ນມີຄວາມໝາຍ-ຄວາມສໍາຄັນເພື່ອສ້າງຄວາມເປັນເອກະພາບສູງ ແລະ ສ້າງຄວາມກຽມພ້ອມຮັບມືກັບໄພພິບັດທີ່ອາດຈະເກີດຂຶ້ນໃນຂອບເຂດທົ່ວປະເທດ. ໃນປີ 2023 ຜ່ານມາໄດ້ມີເຫດການໄພພິບັດທີ່ເກີດຂຶ້ນ ຊຶ່ງມີທັງໄຟໄໝ້ລາມປ່າ ຢູ່ບັນດາແຂວງໃນຂອບເຂດທົ່ວປະເທດ ໂດຍສະເພາະເຫດໄຟໄໝ້ລາມປ່າຢູ່ເຂດພູພະນັງ ນວ, ລົມພາຍຸພັດ, ດິນເຈື່ອນ, ນໍ້າຖ້ວມຊຸ ແລະ ນໍ້າຖ້ວມຂັງ ໄລຍະທ້າຍເດືອນກໍລະກົດ ຫາຕົ້ນເດືອນສິງຫາ ມີທັງໝົດ 12 ແຂວງ ໄດ້ຮັບຜົນກະທົບຈາກລົມພາຍຸພັດມີດິນເຊາະເຈື່ອນ, ນໍ້າຖ້ວມ ແລະ ໄດ້ສ້າງຜົນເສຍຫາຍຫຼາຍສົມຄວນ. ຕໍ່ກັບສະພາບໄພພິບັດທີ່ເກີດຂຶ້ນ ຄະນະກຳມະການຄຸ້ມຄອງໄພພິບັດຂັ້ນສູນກາງ ແລະ ທ້ອງຖິ່ນ ໄດ້ເອົາໃຈໃສ່ຊີ້ນໍາ-ນໍາພາ, ຕິດຕາມ ຊຸກຍູ້ການຄວບຄຸມ, ແກ້ໄຂສຸກເສີນ, ຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພພິບັດຢູ່ບັນດາແຂວງ ໃຫ້ສາມາດກັບສູ່ສະພາບປົກກະຕິໄດ້ຢ່າງວອງໄວ, ໄດ້ຮີບຮ້ອນຟື້ນຟູຮີບດ່ວນດ້ານພື້ນຖານໂຄງລ່າງ, ດ້ານການຜະລິດກະສິກໍາ ແລະ ສະເໜີລັດຖະບານເອົາບັນດາໂຄງການຟື້ນຟູຫຼັງໄພພິບັດ ເຂົ້າໃນແຜນຟື້ນຟູປົກກະຕິໃນປີ 2024 ນີ້. ພ້ອມນີ້, ເພື່ອເປັນການປັບປຸງກົນໄກການປະສານງານຂອງຄະນະກໍາມະການຄຸ້ມຄອງໄພພິບັດຢູ່ແຕ່ລະຂັ້ນໃຫ້ມີຄວາມເຂັ້ມແຂງ ແນໃສ່ເຮັດໃຫ້ການຈັດຕັ້ງປະຕິບັດວຽກງານປ້ອງກັນ, ຄວບຄຸມ ແລະ ຟື້ນຟູຫຼັງໄພພິບັດ ໃຫ້ໄດ້ຮັບຜົນດີ ໂດຍໄດ້ປັບປຸງຄະນະກຳມະການຄຸ້ມຄອງໄພພິບັດຂັ້ນສູນກາງ, ຂັ້ນທ້ອງຖິ່ນເພີ່ມເອົາຂະແໜງແຜນການ ແລະ ການລົງທຶນເຂົ້າມາເປັນຄະນະກໍາມະການ; ຊຸກຍູ້ການສ້າງຄວາມເຂັ້ມແຂງໃຫ້ແກ່ກອງທຶນຄຸ້ມຄອງໄພພິບັດຂັ້ນສູນກາງ ແລະ ຂັ້ນທ້ອງຖິ່ນ ໃຫ້ສາມາດສະໜອງຕໍ່ວຽກງານການຕອບໂຕ້ສຸກເສີນ; ຊຸກຍູ້ການສ້າງແຜນຍຸດທະສາດຫຼຸດຜ່ອນຄວາມສ່ຽງໄພພິບັດຂັ້ນແຂວງ ແລະ ແຜນປະຕິບັດງານຫຼຸດຜ່ອນຄວາມສ່ຽງໄພພິບັດຂັ້ນເມືອງ ແລະ ສ້າງແຜນກຽມພ້ອມຕອບໂຕ້ໄພພິບັດປະຈໍາປີ ແຕ່ສູນກາງຮອດທ້ອງຖິ່ນ; ສ້າງຄວາມເຂັ້ມແຂງໃຫ້ພາກສ່ວນທີ່ກ່ຽວຂ້ອງໃນວຽກງານຄຸ້ມຄອງໄພພິບັດໃນຂອບເຂດທົ່ວປະເທດ; ຍົກລະດັບວຽກງານເຕື່ອນໄພ ໃຫ້ສັງຄົມສາມາດຮັບຮູ້ຂໍ້ມູນຂ່າວສານຢ່າງວ່ອງໄວ ຊັດເຈນ ໂດຍການສ້າງສູນຂໍ້ມູນຂ່າວສານຊັບພະຍາກອນນໍ້າແຫ່ງຊາດ, ປັບປຸງສະຖານີອຸຕຸນິຍົມ ແລະ ສະຖານີອຸທົກກະສາດ, ກໍ່ສ້າງສູນຂໍ້ມູນຂ່າວສານແຜ່ນດິນໄຫວແຫ່ງຊາດ ແລະ ສະຖານີຕິດຕາມແຜ່ນດິນໄຫວ, ປັບປຸງສູນປະຕິບັດງານເຫດການສຸກເສີນຂອງຄະນະກໍາມະການຄຸ້ມຄອງໄພພິບັດຂັ້ນສູນກາງ.
ທ່ານວົງຄໍາພັນທະນຸວົງຫົວໜ້າກົມສັງຄົມສົງເຄາະກະຊວງຮສສຫົວໜ້າກອງເລຂາຄພສໄດ້ຂຶ້ນລາຍງານການຈັດຕັ້ງປະຕິບັດວຽກງານຄຸ້ມຄອງໄພພິບັດປະຈໍາປີ 2023, ທິດທາງແຜນການປີ 2024 ແລະແຜນກຽມພ້ອມຕອບໂຕ້ໄພພິບັດປີ 2024ວ່າ: ໃນໄລຍະ 1 ປີຜ່ານມາໄດ້ມີເຫດການໄພພິບັດເກີດຂຶ້ນໃນຂອບເຂດທົ່ວປະເທດທັງໝົດ 76 ຄັ້ງ, ສົ່ງຜົນກະທົບຢູ່ 16 ແຂວງ, ສົ່ງຜົນກະທົບໂດຍກົງຕໍ່ປະຊາຊົນຢູ່ 125 ເມືອງ, 937 ບ້ານ, 33.585 ຄອບຄົວ, 107.334 ຄົນຍິງ 53.058 ຄົນ, ເສຍຊີວິດ 10 ຄົນແລະເຮືອນຖືກເສຍຫາຍ 14 ຫຼັງ. ນອກນີ້, ຍັງສົ່ງຜົນກະທົບຕໍ່ພື້ນຖານໂຄງລ່າງ, ເນື້ອທີ່ທໍາການຜະລິດຖືກກະທົບ, ໂຄງລ່າງພື້ນຖານເສັ້ນທາງ, ໂຮງຮຽນ, ໂຮງໝໍ,ສັບສົມບັດຂອງລັດແລະເອກະຊົນໄດ້ຮັບຜົນເສຍຫາຍຢ່າງໜັກໜ່ວງລວມມູນຄ່າເສຍຫາຍທັງໝົດ 1.114ຕື້ກວ່າກີບ. ພ້ອມນັ້ນ, ຜູ້ເຂົ້າຮ່ວມໃນກອງປະຊຸມ ຍັງໄດ້ຮ່ວມກັນປຶກສາຫາລື, ແລກປ່ຽນຄວາມຄິດເຫັນ ຊອກຫາວິທີທາງໃນການແກ້ໄຂບາງບັນຫາທີ່ຍັງຄົງຄ້າງ ແລະ ຍັງເປັນສິ່ງທ້າທາຍ ເພື່ອເອກະພາບກັນສືບຕໍ່ຈັດຕັ້ງປະຕິບັດວຽກງານຄຸ້ມຄອງໄພພິບັດໃນປີ 2024 ໃຫ້ໄດ້ຮັບໝາກຜົນດີຂຶ້ນກວ່າເກົ່າ.
(ຂ່າວ-ພາບ: ວັນເພັງ)
ທ່ານພົນເອກຈັນສະໝອນຈັນຍາລາດກ່າວວ່າ: ກອງປະຊຸມຄັ້ງນີ້ ແມ່ນມີຄວາມໝາຍ-ຄວາມສໍາຄັນເພື່ອສ້າງຄວາມເປັນເອກະພາບສູງ ແລະ ສ້າງຄວາມກຽມພ້ອມຮັບມືກັບໄພພິບັດທີ່ອາດຈະເກີດຂຶ້ນໃນຂອບເຂດທົ່ວປະເທດ. ໃນປີ 2023 ຜ່ານມາໄດ້ມີເຫດການໄພພິບັດທີ່ເກີດຂຶ້ນ ຊຶ່ງມີທັງໄຟໄໝ້ລາມປ່າ ຢູ່ບັນດາແຂວງໃນຂອບເຂດທົ່ວປະເທດ ໂດຍສະເພາະເຫດໄຟໄໝ້ລາມປ່າຢູ່ເຂດພູພະນັງ ນວ, ລົມພາຍຸພັດ, ດິນເຈື່ອນ, ນໍ້າຖ້ວມຊຸ ແລະ ນໍ້າຖ້ວມຂັງ ໄລຍະທ້າຍເດືອນກໍລະກົດ ຫາຕົ້ນເດືອນສິງຫາ ມີທັງໝົດ 12 ແຂວງ ໄດ້ຮັບຜົນກະທົບຈາກລົມພາຍຸພັດມີດິນເຊາະເຈື່ອນ, ນໍ້າຖ້ວມ ແລະ ໄດ້ສ້າງຜົນເສຍຫາຍຫຼາຍສົມຄວນ. ຕໍ່ກັບສະພາບໄພພິບັດທີ່ເກີດຂຶ້ນ ຄະນະກຳມະການຄຸ້ມຄອງໄພພິບັດຂັ້ນສູນກາງ ແລະ ທ້ອງຖິ່ນ ໄດ້ເອົາໃຈໃສ່ຊີ້ນໍາ-ນໍາພາ, ຕິດຕາມ ຊຸກຍູ້ການຄວບຄຸມ, ແກ້ໄຂສຸກເສີນ, ຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພພິບັດຢູ່ບັນດາແຂວງ ໃຫ້ສາມາດກັບສູ່ສະພາບປົກກະຕິໄດ້ຢ່າງວອງໄວ, ໄດ້ຮີບຮ້ອນຟື້ນຟູຮີບດ່ວນດ້ານພື້ນຖານໂຄງລ່າງ, ດ້ານການຜະລິດກະສິກໍາ ແລະ ສະເໜີລັດຖະບານເອົາບັນດາໂຄງການຟື້ນຟູຫຼັງໄພພິບັດ ເຂົ້າໃນແຜນຟື້ນຟູປົກກະຕິໃນປີ 2024 ນີ້. ພ້ອມນີ້, ເພື່ອເປັນການປັບປຸງກົນໄກການປະສານງານຂອງຄະນະກໍາມະການຄຸ້ມຄອງໄພພິບັດຢູ່ແຕ່ລະຂັ້ນໃຫ້ມີຄວາມເຂັ້ມແຂງ ແນໃສ່ເຮັດໃຫ້ການຈັດຕັ້ງປະຕິບັດວຽກງານປ້ອງກັນ, ຄວບຄຸມ ແລະ ຟື້ນຟູຫຼັງໄພພິບັດ ໃຫ້ໄດ້ຮັບຜົນດີ ໂດຍໄດ້ປັບປຸງຄະນະກຳມະການຄຸ້ມຄອງໄພພິບັດຂັ້ນສູນກາງ, ຂັ້ນທ້ອງຖິ່ນເພີ່ມເອົາຂະແໜງແຜນການ ແລະ ການລົງທຶນເຂົ້າມາເປັນຄະນະກໍາມະການ; ຊຸກຍູ້ການສ້າງຄວາມເຂັ້ມແຂງໃຫ້ແກ່ກອງທຶນຄຸ້ມຄອງໄພພິບັດຂັ້ນສູນກາງ ແລະ ຂັ້ນທ້ອງຖິ່ນ ໃຫ້ສາມາດສະໜອງຕໍ່ວຽກງານການຕອບໂຕ້ສຸກເສີນ; ຊຸກຍູ້ການສ້າງແຜນຍຸດທະສາດຫຼຸດຜ່ອນຄວາມສ່ຽງໄພພິບັດຂັ້ນແຂວງ ແລະ ແຜນປະຕິບັດງານຫຼຸດຜ່ອນຄວາມສ່ຽງໄພພິບັດຂັ້ນເມືອງ ແລະ ສ້າງແຜນກຽມພ້ອມຕອບໂຕ້ໄພພິບັດປະຈໍາປີ ແຕ່ສູນກາງຮອດທ້ອງຖິ່ນ; ສ້າງຄວາມເຂັ້ມແຂງໃຫ້ພາກສ່ວນທີ່ກ່ຽວຂ້ອງໃນວຽກງານຄຸ້ມຄອງໄພພິບັດໃນຂອບເຂດທົ່ວປະເທດ; ຍົກລະດັບວຽກງານເຕື່ອນໄພ ໃຫ້ສັງຄົມສາມາດຮັບຮູ້ຂໍ້ມູນຂ່າວສານຢ່າງວ່ອງໄວ ຊັດເຈນ ໂດຍການສ້າງສູນຂໍ້ມູນຂ່າວສານຊັບພະຍາກອນນໍ້າແຫ່ງຊາດ, ປັບປຸງສະຖານີອຸຕຸນິຍົມ ແລະ ສະຖານີອຸທົກກະສາດ, ກໍ່ສ້າງສູນຂໍ້ມູນຂ່າວສານແຜ່ນດິນໄຫວແຫ່ງຊາດ ແລະ ສະຖານີຕິດຕາມແຜ່ນດິນໄຫວ, ປັບປຸງສູນປະຕິບັດງານເຫດການສຸກເສີນຂອງຄະນະກໍາມະການຄຸ້ມຄອງໄພພິບັດຂັ້ນສູນກາງ.
ທ່ານວົງຄໍາພັນທະນຸວົງຫົວໜ້າກົມສັງຄົມສົງເຄາະກະຊວງຮສສຫົວໜ້າກອງເລຂາຄພສໄດ້ຂຶ້ນລາຍງານການຈັດຕັ້ງປະຕິບັດວຽກງານຄຸ້ມຄອງໄພພິບັດປະຈໍາປີ 2023, ທິດທາງແຜນການປີ 2024 ແລະແຜນກຽມພ້ອມຕອບໂຕ້ໄພພິບັດປີ 2024ວ່າ: ໃນໄລຍະ 1 ປີຜ່ານມາໄດ້ມີເຫດການໄພພິບັດເກີດຂຶ້ນໃນຂອບເຂດທົ່ວປະເທດທັງໝົດ 76 ຄັ້ງ, ສົ່ງຜົນກະທົບຢູ່ 16 ແຂວງ, ສົ່ງຜົນກະທົບໂດຍກົງຕໍ່ປະຊາຊົນຢູ່ 125 ເມືອງ, 937 ບ້ານ, 33.585 ຄອບຄົວ, 107.334 ຄົນຍິງ 53.058 ຄົນ, ເສຍຊີວິດ 10 ຄົນແລະເຮືອນຖືກເສຍຫາຍ 14 ຫຼັງ. ນອກນີ້, ຍັງສົ່ງຜົນກະທົບຕໍ່ພື້ນຖານໂຄງລ່າງ, ເນື້ອທີ່ທໍາການຜະລິດຖືກກະທົບ, ໂຄງລ່າງພື້ນຖານເສັ້ນທາງ, ໂຮງຮຽນ, ໂຮງໝໍ,ສັບສົມບັດຂອງລັດແລະເອກະຊົນໄດ້ຮັບຜົນເສຍຫາຍຢ່າງໜັກໜ່ວງລວມມູນຄ່າເສຍຫາຍທັງໝົດ 1.114ຕື້ກວ່າກີບ. ພ້ອມນັ້ນ, ຜູ້ເຂົ້າຮ່ວມໃນກອງປະຊຸມ ຍັງໄດ້ຮ່ວມກັນປຶກສາຫາລື, ແລກປ່ຽນຄວາມຄິດເຫັນ ຊອກຫາວິທີທາງໃນການແກ້ໄຂບາງບັນຫາທີ່ຍັງຄົງຄ້າງ ແລະ ຍັງເປັນສິ່ງທ້າທາຍ ເພື່ອເອກະພາບກັນສືບຕໍ່ຈັດຕັ້ງປະຕິບັດວຽກງານຄຸ້ມຄອງໄພພິບັດໃນປີ 2024 ໃຫ້ໄດ້ຮັບໝາກຜົນດີຂຶ້ນກວ່າເກົ່າ.
(ຂ່າວ-ພາບ: ວັນເພັງ)
