ພິທີເຊັນສັນຍາພັດທະນາໂຄງການ(PDA) ໄຟຟ້າພະລັງງານລົມ RT savannakct V1 ຢູ່ເມືອງນອງແຂວງສະຫວັນນະເຂດລະຫວ່າງລັດຖະບານແຫ່ງສປປລາວກັບບໍລິສັດ RT energy PTE,LTD ໄດ້ຈັດຂຶ້ນໃນວັນທີ 6 ມີນານີ້ ທີ່ກະຊວງແຜນການ ແລະ ການລົງທຶນ.
ຮ່ວມລົງນາມຄັ້ງນີ້ ຕາງໜ້າລັດຖະບານລາວ ໂດຍ ທ່ານ ສະຖາບັນດິດ ອິນສີຊຽງໄໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ(ຜທ) ແລະ ຕາງໜ້າບໍລິສັດໂດຍ ທ່ານ saumyaranjan swain ຜູ້ອຳນວຍການບໍລິສັດ RT energy PTE ,Ltdໂດຍມີ ທ່ານ ຈັນສະແຫວງ ບຸນຍົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ (ພບ) ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.
ໂຄງການດັ່ງກ່າວຕັ້ງຢູ່ ເມືອງນອງແຂວງສະຫວັນນະເຂດ,ມີເນື້ອທີ່ປະມານ 10.600 ເຮັກຕາ,ຄາດວ່າໂຄງການຈະເລີ່ມລົງມືຈັດຕັ້ງປະຕິບັດພາຍຫຼັງໄດ້ເຊັນສັນຍາສໍາປະທານ CA,ຖ້າຫາກໂຄງການສ້າງສໍາເລັດ ການຂາຍໄຟຟ້າມີຄື: ສະຫງວນຂາຍພາຍໃນ 20% ແລະ ສົ່ງອອກໄປຂາຍຕ່າງປະເທດຢ່າງນ້ອຍ 80%,ໂຄງການດັ່ງກ່າວແມ່ນການລົງທຶນຂອງບໍລິສັດ 100%.
(ຂ່າວ-ພາບ:ສຳນານ)