ປະຈຸບັນການປູກຝັງ-ລ້ຽງສັດຂ່າຍເປັນສິນຄ້າ, ແມ່ນທາງເລືອກໜຶ່ງຂອງປະຊາຊົນ ແລະ ຜູ້ປະກອບການອັນເປັນປັດໃຈໃຫ້ແກ່ການພັດທະນາຊົນນະບົດ ແກ້ໄຂຄວາມທຸກຍາກ, ຊຶ່ງພັກ-ລັດຖະບານຍາມໃດກໍໄດ້ເອົາໃຈໃສຊຸກຍູ້ສົ່ງເສີມ, ໂດຍຫັນຈາກການຜະລິດເປັນສິນຄ້າແບບທໍາມະຊາດໄປສູ່ການຜະລິດເປັນສິນຄ້າ, ໂດຍການນໍາໃຊ້ເຕັກຕິກວິທະຍາສາດເຂົ້າໃນການຜະລິດກໍຄືການປູກຝັງ-ລ້ຽງສັດຂາຍເປັນສິນຄ້າ, ໂດຍປະຕິບັດຕາມແນວທາງນະໂຍບາຍການປ່ຽນແປງໃໝ່ຂອງພັກທີ່ວ່າ: ເພິ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ໂດຍເລີ່ມຈາກຄອບຄົວ ແລະ ປະຕິບັດຕາມແຜນພັດທະນາແມ່ຍິງເມືອງ ທັງເປັນການປະຕິບັດເນື້ອໃນຄຳຂວັນຂໍ້ແຂ່ງຂັນ 3 ດີຂອງສູນກາງແມ່ຍິງລາວວາງອອກໃຫ້ເປັນຂະບວນກວ້າງຂວາງ.
ຄອວຄົວຂອງທ່ານຄອບຄົວຂອງທ່ານ ນາງພົມມາ ແສງສຸລິຍາ ອາຍຸ 31 ປີ ສະມາຊິກສະຫະພັນແມ່ຍິງຢູ່ບ້ານດົງວຽງ ເມືອງວຽງພູຄາ ແຂວງຫຼວງນໍ້າທາ. ໃນຄອບຄົວມີສະມາຊິກທັງໝົດ 7 ຄົນ, ມີແຮງງານຕົ້ນຕໍ 2 ຄົນ. ໃນໄລຍະຜ່ານມາຄອບຄົວຂອງທ່ານ ນາງ ພົມມາ ແສງສຸລິຍາ ແມ່ນມີອາຊີບເປັນຊາວນາ ແລະ ເຫັນວ່າຄອບຄົວ ມີພຽງແຕ່ກູ້ມຢູ່ກູ່ມກິນ, ລາຍຮັບຍັງຕ່ຳ. ມາຮອດປີ 2014 ໄດ້ມີແນວຄິດລິເລີ້ມດ້ວຍຄວາມເຫັນດີເປັນເອກະພາບພາຍໃນຄອບຄົວ, ຄວາມດຸໝັ່ນຂະຫຍັ່ນພຽນຈິ່ງຕັດສິນໃຈຫັນມາເຮັດການກະເສດ, ປູກຝັງ-ລ້ຽງສັດ ສ້າງລາຍຮັບເຂົ້າໃນຄອບຄົວ, ເປັນຕົ້ນແມ່ນການປູກໝາກແຕງ, ໝາກເຂືອ, ໝາກເພັດ, ສາລີຫວານ, ໝາກນໍ້າເຕົ້າ, ໝາກອຶ່, ຜັກຫອມ ແລະ ອື່ນໆ ຂາຍເປັນອາຊີບ ຊຶ່ງມີເນື້ອທີ່ການປູກພືດໝູນວຽນ 3.000 ຕາແມັດ ແລະ ລາຍຮັບຈາກການຂາຍສັດລ້ຽງ ປະເພດງົວ, ໝູ, ສັກປີກ, ມີໜອງປາ 1 ໜອງ, ຂາຍເຂົ້າ ແລະ ອື່ນໆ ສາມາດສ້າງລາຍຮັບໄດ້ທັງໝົດໄດ້ 370 ລ້ານກີບຕໍ່ປີ. ການຂ່ຍສ່ວນໃຫຍແມ່ນພໍຄ້າ, ແມ່ຄ້າສັງຊື້ ມາເອົາເອງຢູ່ກັບສ່ວນ ແລະ ເອົາສົ່ງໃຫ້ພໍຄ້າແມ່ຄ້າຢູຕະຫຼາດຈໍານວນໜຶ່ງ.
ຜ່ານການຍຶດຖືອາຊີບປູກຝັງ-ລ້ຽງສັດຂາຍເປັນສິນຄ້າເຮັດໃຫ້ຄອບຄົວມີຖານະດີຂຶ້ນກວ່າເກົ່າ, ຊີວິດການເປັນຢູ່ໄດ້ຮັບການປັບປຸງຮອບດ້ານ ເສດຖະກິດຂອງຄອບຄົວມີບາດກ້າວຂະຫຍາຍຕົວຢາງຕໍ່ເນືອງ ແລະ ໄດ້ກາຍເປັນຄອບຄົວແບບຢາງທີດີໃຫ້ແກ່ສະມາຊິກສະຫະພັນແມ່ຍິງຫຼາຍໆຄອບຄົວພາຍໃນບ້ານ ຊຶ່ງໄດ້ຮຽນເອົາປະສົບການ ແລະ ມູນເຊື້ອອັນດຸໝັນຂະຍັນພຽນຂອງທ່ານ ໄປພັດທະນາເສດຖະກິດຄອບຄົວຂອງຕົນໃຫ້ມີຢູ່ມີກິນ ແລະ ຫຼຸດພົ້ນອອກຈາກຄວາມທຸກຍາກເທືອລະກ້າວ. ມາຮອດປັດຈຸບັນຄອບຄົວຂອງ ນາງ ພົມມາ ແສງສຸລິຍາ ມີພາຫະນະ ແລະ ເຄື່ອງມືທຳການຜະລິດຈຳນວນໜຶ່ງ, ມີດີນ 5 ເຮັກຕາ, ເຮືອນ 1 ຫຼັງ. ໃນຕໍ່ໜ້າມີຄາດໝາຍຈະສູ້ຊົນສ້າງເສດຖະກິດຄອບຄົວໃຫ້ຫຼາຍຂຶ້ນກວ່າເກົ່າ ໂດຍສະເພາະ ຈະຂະຫຍາຍເນື້ອທີ່ປູກພືດຜັກຖະກຸນຖົວ, ຕົ້ນໄມ້ໃຫ້ໝາກ, ລ້ຽງສັດ, ຂະຫຍາຍຕົ້ນຢາງພາລາ ແລະ ລາຍຮັບອື່ນໆອີກ ໃຫ້ໄດ້ 470 ລ້ານກີບຕໍ່ປີ ແລະ ຈະພະຍາຍາມປັບປຸງຖອດຖອນບົດຮຽນນຳຜູ້ອື່ນໄປເລື້ອຍໆ, ສືບຕໍ່ໃນການບົວລະບັດ ປົກປັກຮັກສາເຄື່ອງປູກຝັງ ແລະ ນຳໃຊ້ເຕັກນິກວິທະຍາສາດ ເຂົ້າໃນການປູກ, ການລ້ຽງທີ່ມີຢູ່ໃນປັດຈຸບັນ ເພື່ອໃຫ້ຄອບຄົວມີການພັດທະນາດີຂຶ້ນເລື້ອຍໆ.
ໂດຍ: ຄໍາປິງ
ຄອວຄົວຂອງທ່ານຄອບຄົວຂອງທ່ານ ນາງພົມມາ ແສງສຸລິຍາ ອາຍຸ 31 ປີ ສະມາຊິກສະຫະພັນແມ່ຍິງຢູ່ບ້ານດົງວຽງ ເມືອງວຽງພູຄາ ແຂວງຫຼວງນໍ້າທາ. ໃນຄອບຄົວມີສະມາຊິກທັງໝົດ 7 ຄົນ, ມີແຮງງານຕົ້ນຕໍ 2 ຄົນ. ໃນໄລຍະຜ່ານມາຄອບຄົວຂອງທ່ານ ນາງ ພົມມາ ແສງສຸລິຍາ ແມ່ນມີອາຊີບເປັນຊາວນາ ແລະ ເຫັນວ່າຄອບຄົວ ມີພຽງແຕ່ກູ້ມຢູ່ກູ່ມກິນ, ລາຍຮັບຍັງຕ່ຳ. ມາຮອດປີ 2014 ໄດ້ມີແນວຄິດລິເລີ້ມດ້ວຍຄວາມເຫັນດີເປັນເອກະພາບພາຍໃນຄອບຄົວ, ຄວາມດຸໝັ່ນຂະຫຍັ່ນພຽນຈິ່ງຕັດສິນໃຈຫັນມາເຮັດການກະເສດ, ປູກຝັງ-ລ້ຽງສັດ ສ້າງລາຍຮັບເຂົ້າໃນຄອບຄົວ, ເປັນຕົ້ນແມ່ນການປູກໝາກແຕງ, ໝາກເຂືອ, ໝາກເພັດ, ສາລີຫວານ, ໝາກນໍ້າເຕົ້າ, ໝາກອຶ່, ຜັກຫອມ ແລະ ອື່ນໆ ຂາຍເປັນອາຊີບ ຊຶ່ງມີເນື້ອທີ່ການປູກພືດໝູນວຽນ 3.000 ຕາແມັດ ແລະ ລາຍຮັບຈາກການຂາຍສັດລ້ຽງ ປະເພດງົວ, ໝູ, ສັກປີກ, ມີໜອງປາ 1 ໜອງ, ຂາຍເຂົ້າ ແລະ ອື່ນໆ ສາມາດສ້າງລາຍຮັບໄດ້ທັງໝົດໄດ້ 370 ລ້ານກີບຕໍ່ປີ. ການຂ່ຍສ່ວນໃຫຍແມ່ນພໍຄ້າ, ແມ່ຄ້າສັງຊື້ ມາເອົາເອງຢູ່ກັບສ່ວນ ແລະ ເອົາສົ່ງໃຫ້ພໍຄ້າແມ່ຄ້າຢູຕະຫຼາດຈໍານວນໜຶ່ງ.
ຜ່ານການຍຶດຖືອາຊີບປູກຝັງ-ລ້ຽງສັດຂາຍເປັນສິນຄ້າເຮັດໃຫ້ຄອບຄົວມີຖານະດີຂຶ້ນກວ່າເກົ່າ, ຊີວິດການເປັນຢູ່ໄດ້ຮັບການປັບປຸງຮອບດ້ານ ເສດຖະກິດຂອງຄອບຄົວມີບາດກ້າວຂະຫຍາຍຕົວຢາງຕໍ່ເນືອງ ແລະ ໄດ້ກາຍເປັນຄອບຄົວແບບຢາງທີດີໃຫ້ແກ່ສະມາຊິກສະຫະພັນແມ່ຍິງຫຼາຍໆຄອບຄົວພາຍໃນບ້ານ ຊຶ່ງໄດ້ຮຽນເອົາປະສົບການ ແລະ ມູນເຊື້ອອັນດຸໝັນຂະຍັນພຽນຂອງທ່ານ ໄປພັດທະນາເສດຖະກິດຄອບຄົວຂອງຕົນໃຫ້ມີຢູ່ມີກິນ ແລະ ຫຼຸດພົ້ນອອກຈາກຄວາມທຸກຍາກເທືອລະກ້າວ. ມາຮອດປັດຈຸບັນຄອບຄົວຂອງ ນາງ ພົມມາ ແສງສຸລິຍາ ມີພາຫະນະ ແລະ ເຄື່ອງມືທຳການຜະລິດຈຳນວນໜຶ່ງ, ມີດີນ 5 ເຮັກຕາ, ເຮືອນ 1 ຫຼັງ. ໃນຕໍ່ໜ້າມີຄາດໝາຍຈະສູ້ຊົນສ້າງເສດຖະກິດຄອບຄົວໃຫ້ຫຼາຍຂຶ້ນກວ່າເກົ່າ ໂດຍສະເພາະ ຈະຂະຫຍາຍເນື້ອທີ່ປູກພືດຜັກຖະກຸນຖົວ, ຕົ້ນໄມ້ໃຫ້ໝາກ, ລ້ຽງສັດ, ຂະຫຍາຍຕົ້ນຢາງພາລາ ແລະ ລາຍຮັບອື່ນໆອີກ ໃຫ້ໄດ້ 470 ລ້ານກີບຕໍ່ປີ ແລະ ຈະພະຍາຍາມປັບປຸງຖອດຖອນບົດຮຽນນຳຜູ້ອື່ນໄປເລື້ອຍໆ, ສືບຕໍ່ໃນການບົວລະບັດ ປົກປັກຮັກສາເຄື່ອງປູກຝັງ ແລະ ນຳໃຊ້ເຕັກນິກວິທະຍາສາດ ເຂົ້າໃນການປູກ, ການລ້ຽງທີ່ມີຢູ່ໃນປັດຈຸບັນ ເພື່ອໃຫ້ຄອບຄົວມີການພັດທະນາດີຂຶ້ນເລື້ອຍໆ.
ໂດຍ: ຄໍາປິງ
