ອົງການໄອຍະການປະຊາຊົນສູງສຸດ (ອອປສ)ໄດ້ຈັດກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງອົງການໄອຍະການປະຊາຊົນທົ່ວປະເທດປະຈໍາປີ 2023 ຂຶ້ນໃນວັນທີ 12 ມີນາ ນີ້ທີ່ ອອປສ ໂດຍພາຍໃຕ້ການເປັນປະທານຂອງສະຫາຍ ໄຊຊະນະ ໂຄດພູທອນ ກໍາມະການສູນກາງພັກ ເລຂາຄະນະບໍລິຫານງານພັກ ຫົວໜ້າ ອອປສ, ມີຄະນະພັກ, ຄະນະກົມ, ຄະນະພະແນກເຂົ້າຮ່ວມ.
ສະຫາຍນາງ ພອນທິບ ສາວະລີ ເລຂາໜ່ວຍພັກ ຫົວໜ້າກົມຈັດຕັ້ງ-ພະນັກງານໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງປະຈໍາປີ 2023,ພ້ອມນັ້ນ ຮັບຟັງເອກະສານເນື້ອໃນບົດສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງປະຈໍາປີ 2023 ຂອງຄະນະຈັດຕັ້ງສູນກາງພັກ ແລະ ບົດໂອ້ລົມຂອງສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ, ຜ່ານຄໍາແນະນໍາຂອງຄະນະຈັດຕັ້ງສູນກາງພັກສະບັບເລກທີ 13/ຄຈສພ, ລົງວັນທີ 11 ມັງກອນ 2024 ກ່ຽວກັບການປະຕິບັດມະຕິຂອງກົມການເມືອງສູນກາງພັກວ່າດ້ວຍການເລືອກເຟັ້ນແຕ່ງຕັ້ງ ສັບປ່ຽນໜ້າທີ່ຂອງພະນັກງານນໍາພາຄຸ້ມຄອງ ແລະ ບົດແນະນໍາຂອງຄະນະຈັດຕັ້ງສູນກາງພັກສະບັບເລກທີ 14/ຄຈສພ, ລົງວັນທີ 11 ມັງກອນ 2024 ກ່ຽວກັບການປະຕິບັດມະຕິຂອງກົມການເມືອງສູນກາງພັກວ່າດ້ວຍການຕີລາຄາພະນັກງານ.
ຄະນະພັກ-ຄະນະນຳໄດ້ຍົກໃຫ້ເຫັນສະພາບໂດຍລວມພາຍໃນ ອອປສ ໄດ້ເອົາໃຈໃສ່ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກ ອອປສ ຕິດພັນກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ IX ແລະ ມະຕິກອງປະຊຸມວຽກງານຈັດຕັ້ງທົ່ວປະເທດຄັ້ງທີ XI ເພື່ອຫັນເຂົ້າສູ່ວຽກງານຕົວຈິງຂອງຂະແໜງການຕົນ ເຮັດໃຫ້ ອອປສ ສາມາດຈັດຕັ້ງປະຕິບັດວຽກງານສໍາເລັດໄດ້ຫຼາຍດ້ານເປັນຕົ້ນແມ່ນວຽກງານກໍ່ສ້າງພັກ,ເອົາໃຈໃສ່ກໍ່ສ້າງທາງດ້ານການເມືອງ-ແນວຄິດດ້ວຍການເຜີຍແຜ່, ເຊື່ອມຊຶມມະຕິ, ຄໍາສັ່ງ, ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປາຖະກະຖາວັນສໍາຄັນຕ່າງໆເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນກໍາແໜ້ນເນື້ອໃນຈິດໃຈປະຕິບັດໜ້າທີ່ວຽກງານໃຫ້ສໍາເລັດຜົນ; ພັດທະນາຊັບພະຍາກອນມະນຸດຂອງ ອອປສ ດ້ວຍການກໍ່ສ້າງຍົກລະດັບພະນັກງານໃຫ້ມີຄວາມຮູ້-ຄວາມສາມາດຕາມແຜນກໍານົດຕໍາແໜ່ງງານ; ປັບປຸງກົງຈັກການຈັດຕັ້ງໃຫ້ກະທັດຮັດສົມເຫດສົມຜົນ, ຮັບປະກັນການປະຕິບັດໜ້າທີ່ການເມືອງໃນໄລຍະໃໝ່. ຈາກນັ້ນ, ຜູ້ເຂົ້າຮ່ວມໄດ້ປະກອບຄໍາຄິດເຫັນໃສ່ບົດສະຫຼຸບຢ່າງມີຈຸດສຸມດ້ວຍຄວາມຮັບຜິດຊອບສູງ.
ໂອກາດນີ້,ປະທານກອງປະຊຸມໄດ້ໃຫ້ກຽດໂອ້ລົມ ແລະ ເນັ້ນໜັກໃຫ້ຄະນະພັກ-ຄະນະນຳທຸກຂັ້ນສືບຕໍ່ສະຫຼຸບຖອດຖອນບົດຮຽນ, ຄົ້ນຄວ້າວຽກງານໃນຂົງເຂດຄວາມຮັບຊອບຂອງຕົນໃຫ້ໄດ້ຮັບຜົນສຳເລັດ ແລະ ແຈ້ງໃຫ້ຮູ້ເຖິງພາລະບົດບາດ, ສິດ, ໜ້າທີ່ຄວາມຮັບຜິດຊອບຕໍ່ບັນດາໜ່ວຍງານ ແລະ ຂະແໜງການຕາມສາຍຕັ້ງ ເພື່ອນຳມາໝູນໃຊ້ເຂົ້າໃນໜ້າທີ່ວຽກງານຂອງຕົນ ກໍຄືຮັບຜິດຊອບດ້ານວິຊາສະເພາະ; ການສ້າງ, ການປັບປຸງກົດໝາຍ,ບັນດານິຕິກຳຕ່າງໆ ພ້ອມທັງເນັ້ນໜັກໃຫ້ບັນດາກົມສືບຕໍ່ຄົ້ນຄວ້າ, ກວດກາຄືນບັນດານິຕິກຳກ່ຽວກັບວຽກງານຈັດຕັ້ງພັກ-ພະນັກງານ, ປັບປຸງກົງຈັກການຈັດຕັ້ງເພື່ອເປັນບ່ອນອີງໃນການຈັດຕັ້ງປະຕິບັດຢູ່ພາຍໃນ ອອປສ; ສືບຕໍ່ນໍາເອົາເນື້ອໃນຈິດໃຈຂອງກອງປະຊຸມໄປຈັດຕັ້ງຜັນຂະຫຍາຍໃຫ້ເປັນອັນລະອຽດເພື່ອນຳໄປຈັດຕັ້ງປະຕິບັດເຂົ້າໃນໜ້າທີ່ການເມືອງຂອງຕົນໃຫ້ປະກົດຜົນເປັນຈິງ, ປະຕິບັດຕາມຂໍ້ແຂ່ງຮັກຊາດ ແລະ ພັດທະນາ ດ້ວຍຄຳຂວັນ 3 ມີ 4 ຮັບປະກັນຂອງອົງການໄອຍະການປະຊາຊົນ, ສ້າງຄວາມເປັນເອກະພາບທາງດ້ານທັດສະນະ, ປັບປຸງແບບແຜນວິທີເຮັດວຽກຕາມໜ້າທີ່ຄວາມຮັບຜິດຊອບຂອງຕົນຢ່າງໜັກແໜ້ນເພື່ອບັນລຸຄາດໝາຍທີ່ວາງໄວ້.
ຂ່າວ: ອອປສ
ສະຫາຍນາງ ພອນທິບ ສາວະລີ ເລຂາໜ່ວຍພັກ ຫົວໜ້າກົມຈັດຕັ້ງ-ພະນັກງານໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງປະຈໍາປີ 2023,ພ້ອມນັ້ນ ຮັບຟັງເອກະສານເນື້ອໃນບົດສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງປະຈໍາປີ 2023 ຂອງຄະນະຈັດຕັ້ງສູນກາງພັກ ແລະ ບົດໂອ້ລົມຂອງສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ, ຜ່ານຄໍາແນະນໍາຂອງຄະນະຈັດຕັ້ງສູນກາງພັກສະບັບເລກທີ 13/ຄຈສພ, ລົງວັນທີ 11 ມັງກອນ 2024 ກ່ຽວກັບການປະຕິບັດມະຕິຂອງກົມການເມືອງສູນກາງພັກວ່າດ້ວຍການເລືອກເຟັ້ນແຕ່ງຕັ້ງ ສັບປ່ຽນໜ້າທີ່ຂອງພະນັກງານນໍາພາຄຸ້ມຄອງ ແລະ ບົດແນະນໍາຂອງຄະນະຈັດຕັ້ງສູນກາງພັກສະບັບເລກທີ 14/ຄຈສພ, ລົງວັນທີ 11 ມັງກອນ 2024 ກ່ຽວກັບການປະຕິບັດມະຕິຂອງກົມການເມືອງສູນກາງພັກວ່າດ້ວຍການຕີລາຄາພະນັກງານ.
ຄະນະພັກ-ຄະນະນຳໄດ້ຍົກໃຫ້ເຫັນສະພາບໂດຍລວມພາຍໃນ ອອປສ ໄດ້ເອົາໃຈໃສ່ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກ ອອປສ ຕິດພັນກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ IX ແລະ ມະຕິກອງປະຊຸມວຽກງານຈັດຕັ້ງທົ່ວປະເທດຄັ້ງທີ XI ເພື່ອຫັນເຂົ້າສູ່ວຽກງານຕົວຈິງຂອງຂະແໜງການຕົນ ເຮັດໃຫ້ ອອປສ ສາມາດຈັດຕັ້ງປະຕິບັດວຽກງານສໍາເລັດໄດ້ຫຼາຍດ້ານເປັນຕົ້ນແມ່ນວຽກງານກໍ່ສ້າງພັກ,ເອົາໃຈໃສ່ກໍ່ສ້າງທາງດ້ານການເມືອງ-ແນວຄິດດ້ວຍການເຜີຍແຜ່, ເຊື່ອມຊຶມມະຕິ, ຄໍາສັ່ງ, ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ປາຖະກະຖາວັນສໍາຄັນຕ່າງໆເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນກໍາແໜ້ນເນື້ອໃນຈິດໃຈປະຕິບັດໜ້າທີ່ວຽກງານໃຫ້ສໍາເລັດຜົນ; ພັດທະນາຊັບພະຍາກອນມະນຸດຂອງ ອອປສ ດ້ວຍການກໍ່ສ້າງຍົກລະດັບພະນັກງານໃຫ້ມີຄວາມຮູ້-ຄວາມສາມາດຕາມແຜນກໍານົດຕໍາແໜ່ງງານ; ປັບປຸງກົງຈັກການຈັດຕັ້ງໃຫ້ກະທັດຮັດສົມເຫດສົມຜົນ, ຮັບປະກັນການປະຕິບັດໜ້າທີ່ການເມືອງໃນໄລຍະໃໝ່. ຈາກນັ້ນ, ຜູ້ເຂົ້າຮ່ວມໄດ້ປະກອບຄໍາຄິດເຫັນໃສ່ບົດສະຫຼຸບຢ່າງມີຈຸດສຸມດ້ວຍຄວາມຮັບຜິດຊອບສູງ.
ໂອກາດນີ້,ປະທານກອງປະຊຸມໄດ້ໃຫ້ກຽດໂອ້ລົມ ແລະ ເນັ້ນໜັກໃຫ້ຄະນະພັກ-ຄະນະນຳທຸກຂັ້ນສືບຕໍ່ສະຫຼຸບຖອດຖອນບົດຮຽນ, ຄົ້ນຄວ້າວຽກງານໃນຂົງເຂດຄວາມຮັບຊອບຂອງຕົນໃຫ້ໄດ້ຮັບຜົນສຳເລັດ ແລະ ແຈ້ງໃຫ້ຮູ້ເຖິງພາລະບົດບາດ, ສິດ, ໜ້າທີ່ຄວາມຮັບຜິດຊອບຕໍ່ບັນດາໜ່ວຍງານ ແລະ ຂະແໜງການຕາມສາຍຕັ້ງ ເພື່ອນຳມາໝູນໃຊ້ເຂົ້າໃນໜ້າທີ່ວຽກງານຂອງຕົນ ກໍຄືຮັບຜິດຊອບດ້ານວິຊາສະເພາະ; ການສ້າງ, ການປັບປຸງກົດໝາຍ,ບັນດານິຕິກຳຕ່າງໆ ພ້ອມທັງເນັ້ນໜັກໃຫ້ບັນດາກົມສືບຕໍ່ຄົ້ນຄວ້າ, ກວດກາຄືນບັນດານິຕິກຳກ່ຽວກັບວຽກງານຈັດຕັ້ງພັກ-ພະນັກງານ, ປັບປຸງກົງຈັກການຈັດຕັ້ງເພື່ອເປັນບ່ອນອີງໃນການຈັດຕັ້ງປະຕິບັດຢູ່ພາຍໃນ ອອປສ; ສືບຕໍ່ນໍາເອົາເນື້ອໃນຈິດໃຈຂອງກອງປະຊຸມໄປຈັດຕັ້ງຜັນຂະຫຍາຍໃຫ້ເປັນອັນລະອຽດເພື່ອນຳໄປຈັດຕັ້ງປະຕິບັດເຂົ້າໃນໜ້າທີ່ການເມືອງຂອງຕົນໃຫ້ປະກົດຜົນເປັນຈິງ, ປະຕິບັດຕາມຂໍ້ແຂ່ງຮັກຊາດ ແລະ ພັດທະນາ ດ້ວຍຄຳຂວັນ 3 ມີ 4 ຮັບປະກັນຂອງອົງການໄອຍະການປະຊາຊົນ, ສ້າງຄວາມເປັນເອກະພາບທາງດ້ານທັດສະນະ, ປັບປຸງແບບແຜນວິທີເຮັດວຽກຕາມໜ້າທີ່ຄວາມຮັບຜິດຊອບຂອງຕົນຢ່າງໜັກແໜ້ນເພື່ອບັນລຸຄາດໝາຍທີ່ວາງໄວ້.
ຂ່າວ: ອອປສ
