ຂ່າວສານຊີອາໄອລາຍງານ ເມື່ອບໍ່ດົນມານີ້, ສະມາຄົມອຸດສາຫະກຳລົດໃຫຍ່ຈີນໃຫ້ຮູ້ວ່າ: ນັບແຕ່ຕົ້ນປີນີ້ມາ, ການສົ່ງອອກລົດໃຫຍ່ຂອງຈີນໃນສອງເດືອນຜ່ານມາໄດ້ເພີ່ມຂຶ້ນຫຼາຍກວ່າ 30% ເມື່ອທຽບໃສ່ໄລຍະດຽວກັນຂອງປີ 2023.

ໂຕເລກຫຼ້າສຸດຂອງສະມາຄົມອຸດສາຫະກຳລົດຍົນຈີນສະແດງໃຫ້ເຫັນວ່າ: ເລີ່ມແຕ່ເດືອນມັງກອນຫາເດືອນກຸມພາ, ຈີນໄດ້ສົ່ງອອກລົດໃຫຍ່ 822.000 ຄັນ ເພີ່ມຂຶ້ນ 30,5% ເມື່ອທຽບໃສ່ໄລຍະດຽວກັນຂອງປີ 2023 ຜ່ານມາ. ໃນນັ້ນ, ໄດ້ສົ່ງອອກລົດຍົນພະລັງງານໃໝ່ 182.000 ຄັນເພີ່ມຂຶ້ນ 7,5%. ນອກຈາກນີ້, ໄດ້ສົ່ງອອກລົດໃຫຍ່ທີ່ໃຊ້ນ້ຳມັນ 640.000 ຄັນ ເພີ່ມຂຶ້ນ 39%. ປີ 2024, ຄຽງຄູ່ກັບການພັດທະນາຂອງສະພາບການເສດຖະກິດການຄ້າສາກົນ, ການສົ່ງອອກລົດໃຫຍ່ຂອງຈີນຈະສືບຕໍ່ຮັກສາການເຕີບໂຕຢ່າງວ່ອງໄວ, ຄາດວ່າຈັງຫວະການເຕີບໂຕຢູ່ໃນລະດັບປະມານ 20%.