ກອງປະຊຸມສະຫຼູບຕີລາຄາການເຄື່ອນໄຫວວຽກງານ ຂອງລັດວິສາຫະກິດນໍ້າປະປາແຂວງເຊກອງ ປະຈໍາປີ 2023 ແລະ ວາງທິດທາງແຜນການ 2024 ຂຶ້ນເມື່ອບໍ່ດົນມານີ້ ທີ່ຫ້ອງປະຊຸມຂອງຕົນ ໂດຍການເປັນປະທານຂອງທ່ານ ບຸນທະວີ ນະຄອນສິດ ຫົວໜ້າພະແນກໂຍທາທິການ ແລະ ຂົນສົ່ງ (ຍທຂ) ແຂວງເຊກອງ, ມີທ່ານ ສຸລະພົນ ໝື່ນວິເສດ ຜູ້ອໍານວຍການລັດວິສາຫະກິດນໍ້າປະປາແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ອິນພອນຮັກ ພັດສະຟອງ ຮອງຜູ້ອໍານວຍການລັດວິສາຫະກິດແຂວງ ລາຍງານໃຫ້ຮູ້ວ່າ: ແຂວງເຊກອງ ມີໂຮງງານຜະລິດນໍ້າປະປາທັງໝົດ 5 ແຫ່ງ, ສາມາດຜະລິດນໍ້າໄດ້ 1.699.941 ແມັດກ້ອນ. ໃນນີ້, ເມືອງລະມາມ 2 ແຫ່ງ ຜະລິດນໍ້າໄດ້ 1.167.311 ແມັດກ້ອນຕໍ່ປີ; ເມືອງທ່າແຕງ 1 ແຫ່ງ ຜະລິດນໍ້າໄດ້ 267.330 ແມັດກ້ອນ; ເມືອງດາກຈຶງ 1 ແຫ່ງ ຜະລິດນໍ້າໄດ້ 161.845 ແມັດກ້ອນ ແລະ ເມືອງກະລຶມ 1 ແຫ່ງ ຜະລິດນໍ້າໄດ້ 103.455 ແມັດກ້ອນ; ມີ 4 ພື້ນທີ່ບໍລິການ, ມີໝໍ້ແທກນໍ້າທັງໝົດ 8.701 ໜ່ວຍ. ໃນນີ້, ລູກຄ້າປະເພດຄົວເຮືອນ 8.400 ໜ່ວຍ; ອົງການລັດ 221 ໜ່ວຍ ແລະ ລູກຄ້າປະເພດທຸລະກິດ 80 ໜ່ວຍ; ມີບ້ານໄດ້ຮັບການບໍລິການ 37 ບ້ານ 7.904 ຄົວເຮືອນ 43.015 ຄົນ, ສະເລ່ຍອັດຕາສ່ວນການເຂົ້າເຖິງດ້ານບໍລິການນໍ້າປະປາທົ່ວແຂວງກວມເອົາ 32%.
ໃນປີ 2023 ຜ່ານມາ ສາມາດຈໍາໜ່າຍນໍ້າ (ຂາຍນໍ້າ) ໄດ້ທັງໝົດ 1.178.167 ແມັດກ້ອນ ແລະ ສາມາດເກັບລາຍຮັບໄດ້ທັງໝົດ 7 ຕື້ກວ່າກີບ ທຽບໃສ່ແຜນການປີເທົ່າກັບ 108%.
ໃນກອງປະຊຸມ, ຜູ້ເຂົ້າຮ່ວມຍັງໄດ້ຄົ້ນຄວ້າ, ປຶກສາຫາລື ແລະ ປະກອບຄໍາເຫັນ ເພື່ອຊອກໃຫ້ເຫັນດ້ານດີ, ດ້ານອ່ອນ-ຂໍ້ຫຍຸ້ງຍາກ ແລະ ທິດທາງແຜນການແກ້ໄຂໃນຕໍ່ໜ້າ ເພື່ອເຮັດໃຫ້ການເຄື່ອນໄຫວວຽກງານຂອງລັດວິສາຫະກິດນໍ້າປະປາ ໂດຍສະເພາະແມ່ນການສະໜອງນໍ້າໃຫ້ສັງຄົມໄດ້ຊົມໃຊ້ຢ່າງທົ່ວເຖິງ.
ໃນຕອນທ້າຍ, ຍັງໄດ້ມີການມອບໃບຍ້ອງຍໍ-ໃບຊົມເຊີຍຂັ້ນແຂວງໃຫ້ພະນັກງານ-ລັດຖະກອນ ທີ່ມີຜົນງານດີເດັ່ນປະກອບສ່ວນເຂົ້າໃນການປະຕິບັດວຽກງານ ໃນໄລຍະ 1 ປີຜ່ານມາ ມີທັງໝົດ 54 ຄົນ ຍິງ 21 ຄົນ. ໃນນີ້, ໄດ້ໃບຮັບຍ້ອງຍໍ 41 ຄົນ ຍິງ 15 ຄົນ ແລະ ໄດ້ຮັບໃບຊົມເຊີຍ 13 ຄົນ ຍິງ 6 ຄົນ.
(ຂ່າວ: ພຸດທະສອນ)
ທ່ານ ອິນພອນຮັກ ພັດສະຟອງ ຮອງຜູ້ອໍານວຍການລັດວິສາຫະກິດແຂວງ ລາຍງານໃຫ້ຮູ້ວ່າ: ແຂວງເຊກອງ ມີໂຮງງານຜະລິດນໍ້າປະປາທັງໝົດ 5 ແຫ່ງ, ສາມາດຜະລິດນໍ້າໄດ້ 1.699.941 ແມັດກ້ອນ. ໃນນີ້, ເມືອງລະມາມ 2 ແຫ່ງ ຜະລິດນໍ້າໄດ້ 1.167.311 ແມັດກ້ອນຕໍ່ປີ; ເມືອງທ່າແຕງ 1 ແຫ່ງ ຜະລິດນໍ້າໄດ້ 267.330 ແມັດກ້ອນ; ເມືອງດາກຈຶງ 1 ແຫ່ງ ຜະລິດນໍ້າໄດ້ 161.845 ແມັດກ້ອນ ແລະ ເມືອງກະລຶມ 1 ແຫ່ງ ຜະລິດນໍ້າໄດ້ 103.455 ແມັດກ້ອນ; ມີ 4 ພື້ນທີ່ບໍລິການ, ມີໝໍ້ແທກນໍ້າທັງໝົດ 8.701 ໜ່ວຍ. ໃນນີ້, ລູກຄ້າປະເພດຄົວເຮືອນ 8.400 ໜ່ວຍ; ອົງການລັດ 221 ໜ່ວຍ ແລະ ລູກຄ້າປະເພດທຸລະກິດ 80 ໜ່ວຍ; ມີບ້ານໄດ້ຮັບການບໍລິການ 37 ບ້ານ 7.904 ຄົວເຮືອນ 43.015 ຄົນ, ສະເລ່ຍອັດຕາສ່ວນການເຂົ້າເຖິງດ້ານບໍລິການນໍ້າປະປາທົ່ວແຂວງກວມເອົາ 32%.
ໃນປີ 2023 ຜ່ານມາ ສາມາດຈໍາໜ່າຍນໍ້າ (ຂາຍນໍ້າ) ໄດ້ທັງໝົດ 1.178.167 ແມັດກ້ອນ ແລະ ສາມາດເກັບລາຍຮັບໄດ້ທັງໝົດ 7 ຕື້ກວ່າກີບ ທຽບໃສ່ແຜນການປີເທົ່າກັບ 108%.
ໃນກອງປະຊຸມ, ຜູ້ເຂົ້າຮ່ວມຍັງໄດ້ຄົ້ນຄວ້າ, ປຶກສາຫາລື ແລະ ປະກອບຄໍາເຫັນ ເພື່ອຊອກໃຫ້ເຫັນດ້ານດີ, ດ້ານອ່ອນ-ຂໍ້ຫຍຸ້ງຍາກ ແລະ ທິດທາງແຜນການແກ້ໄຂໃນຕໍ່ໜ້າ ເພື່ອເຮັດໃຫ້ການເຄື່ອນໄຫວວຽກງານຂອງລັດວິສາຫະກິດນໍ້າປະປາ ໂດຍສະເພາະແມ່ນການສະໜອງນໍ້າໃຫ້ສັງຄົມໄດ້ຊົມໃຊ້ຢ່າງທົ່ວເຖິງ.
ໃນຕອນທ້າຍ, ຍັງໄດ້ມີການມອບໃບຍ້ອງຍໍ-ໃບຊົມເຊີຍຂັ້ນແຂວງໃຫ້ພະນັກງານ-ລັດຖະກອນ ທີ່ມີຜົນງານດີເດັ່ນປະກອບສ່ວນເຂົ້າໃນການປະຕິບັດວຽກງານ ໃນໄລຍະ 1 ປີຜ່ານມາ ມີທັງໝົດ 54 ຄົນ ຍິງ 21 ຄົນ. ໃນນີ້, ໄດ້ໃບຮັບຍ້ອງຍໍ 41 ຄົນ ຍິງ 15 ຄົນ ແລະ ໄດ້ຮັບໃບຊົມເຊີຍ 13 ຄົນ ຍິງ 6 ຄົນ.
(ຂ່າວ: ພຸດທະສອນ)
