ຂ່າວສານຫວຽດນາມລາຍງານວ່າ: ສ ເກົາຫຼີ ພວມຊຸກຍູ້ການເຈລະຈາປັບປຸງສັນຍາການຄ້າເສລີ (FTA) ກັບບັນດາປະເທດສະມາຊິກອາຊຽນ ເພື່ອເພີ່ມທະວີການນຳໃຊ້ບັນດາທ່າໄດ້ປຽບຂອງ FTA ນຳມາຊຶ່ງຜົນປະໂຫຍດໃນການດຳເນີນທຸລະກິດ.
ຂ່າວລະບຸວ່າ: ກະຊວງການຄ້າ, ອຸດສາຫະກຳ ແລະ ພະລັງງານ ສ ເກົາຫຼີ ໃຫ້ຮູ້ວ່າ: ໃນວັນທີ 12-13 ມີນາຜ່ານມາ, ສ ເກົາຫຼີ ແລະ ບັນດາສະມາຊິກ ອາຊຽນ ໄດ້ດຳເນີນກອງປະຊຸມຄະນະກຳມະການປະຕິບັດ FTA ສ ເກົາຫຼີ - ອາຊຽນ ຄັ້ງທີ 20 ຢູ່ນະຄອນຫຼວງຈາກາຕາປະເທດອິນໂດເນເຊຍ. ຈຸດປະສົງຕົ້ນຕໍຂອງກອງປະຊຸມຄັ້ງນີ້ເພື່ອກວດກາຄືນບັນດາບັນຫາທີ່ຍັງຄົງຄ້າງໃນການປະຕິບັດ FTA ສ ເກົາຫຼີ - ອາຊຽນ ແລະ ປຶກສາຫາລືວິທີປັບປຸງສັນຍາການຄ້າເສລີສອງຝ່າຍ.ໃນຂອບເຂດຂອງກອງປະຊຸມ, ໄດ້ຈັດກອງປະຊຸມສຳມະນາກ່ຽວກັບການຮ່ວມມືໃນການປັບປຸງ FTA ແລະ ການຄ້າດີຈີຕອນ ສ ເກົາຫຼີ - ອາຊຽນ.ບັນດາເນື້ອໃນການຄົ້ນຄວ້າໄດ້ຖືກແບ່ງປັນເພື່ອໃຫ້ທຸກຝ່າຍສາມາດກວດກາຄືນບັນດາໝາກຜົນການຄົ້ນຄວ້າລວມ ແລະ ປຶກສາຫາລືວິທີປັບປຸງ.
ບັນດາປະເທດສະມາຊິກອາຊຽນ ແລະ ສ ເກົາຫຼີ ພວມດຳເນີນການສຶກສາຮ່ວມເພື່ອແກ້ໄຂບັນດາການຜັນແປຂອງສະພາບການພາຍຫຼັງການລົງນາມໃນສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໃນປີ 2020.
ບົນພື້ນຖານບັນດາໝາກຜົນທີ່ໄດ້ຮັບຈາກກອງປະຊຸມຄັ້ງນີ້, ບັນດາຝ່າຍຈະດຳເນີນການປຶກສາຫາລືຢ່າງເລິກເຊິ່ງ ເພື່ອຮັບປະກັນໃຫ້ບັນດາວິສາຫະກິດສາມາດຍາດແຍ່ງເອົາທ່າໄດ້ປຽບຈາກ FTA ສ ເກົາຫຼີ - ອາຊຽນ. ໃນຂົງເຂດການຄ້າໃໝ່ ເຊັ່ນ: ດີຈີຕອນ ແລະ ຕ່ອງໂສ້ການສະໜອງ ຍັງໄດ້ຮັບການປຶກສາຫາລືໃນກອງປະຊຸມຄັ້ງນີ້.
ທ່ານ ອັນ ຊາງ ຢອງ ຫົວໜ້າກົມນະໂຍບາຍການຄ້າເສລີ (ກະຊວງການຄ້າ, ອຸດສາຫະກຳ ແລະ ພະລັງງານ ສເກົາຫຼີ) ໃຫ້ຮູ້ວ່າ: ອາຊຽນ ແມ່ນຄູ່ຮ່ວມມືທີ່ສຳຄັນໃນຍຸດທະສາດອິນໂດປາຊີຟິກ. ສ ເກົາຫຼີ ຈະສືບຕໍ່ເພີ່ມທະວີການຮ່ວມມືດ້ານເສດຖະກິດກັບ ອາຊຽນ ຜ່ານສັນຍາ FTA ສ ເກົາຫຼີ - ອາຊຽນ ແລະ RCEP.
ຂ່າວລະບຸວ່າ: ກະຊວງການຄ້າ, ອຸດສາຫະກຳ ແລະ ພະລັງງານ ສ ເກົາຫຼີ ໃຫ້ຮູ້ວ່າ: ໃນວັນທີ 12-13 ມີນາຜ່ານມາ, ສ ເກົາຫຼີ ແລະ ບັນດາສະມາຊິກ ອາຊຽນ ໄດ້ດຳເນີນກອງປະຊຸມຄະນະກຳມະການປະຕິບັດ FTA ສ ເກົາຫຼີ - ອາຊຽນ ຄັ້ງທີ 20 ຢູ່ນະຄອນຫຼວງຈາກາຕາປະເທດອິນໂດເນເຊຍ. ຈຸດປະສົງຕົ້ນຕໍຂອງກອງປະຊຸມຄັ້ງນີ້ເພື່ອກວດກາຄືນບັນດາບັນຫາທີ່ຍັງຄົງຄ້າງໃນການປະຕິບັດ FTA ສ ເກົາຫຼີ - ອາຊຽນ ແລະ ປຶກສາຫາລືວິທີປັບປຸງສັນຍາການຄ້າເສລີສອງຝ່າຍ.ໃນຂອບເຂດຂອງກອງປະຊຸມ, ໄດ້ຈັດກອງປະຊຸມສຳມະນາກ່ຽວກັບການຮ່ວມມືໃນການປັບປຸງ FTA ແລະ ການຄ້າດີຈີຕອນ ສ ເກົາຫຼີ - ອາຊຽນ.ບັນດາເນື້ອໃນການຄົ້ນຄວ້າໄດ້ຖືກແບ່ງປັນເພື່ອໃຫ້ທຸກຝ່າຍສາມາດກວດກາຄືນບັນດາໝາກຜົນການຄົ້ນຄວ້າລວມ ແລະ ປຶກສາຫາລືວິທີປັບປຸງ.
ບັນດາປະເທດສະມາຊິກອາຊຽນ ແລະ ສ ເກົາຫຼີ ພວມດຳເນີນການສຶກສາຮ່ວມເພື່ອແກ້ໄຂບັນດາການຜັນແປຂອງສະພາບການພາຍຫຼັງການລົງນາມໃນສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໃນປີ 2020.
ບົນພື້ນຖານບັນດາໝາກຜົນທີ່ໄດ້ຮັບຈາກກອງປະຊຸມຄັ້ງນີ້, ບັນດາຝ່າຍຈະດຳເນີນການປຶກສາຫາລືຢ່າງເລິກເຊິ່ງ ເພື່ອຮັບປະກັນໃຫ້ບັນດາວິສາຫະກິດສາມາດຍາດແຍ່ງເອົາທ່າໄດ້ປຽບຈາກ FTA ສ ເກົາຫຼີ - ອາຊຽນ. ໃນຂົງເຂດການຄ້າໃໝ່ ເຊັ່ນ: ດີຈີຕອນ ແລະ ຕ່ອງໂສ້ການສະໜອງ ຍັງໄດ້ຮັບການປຶກສາຫາລືໃນກອງປະຊຸມຄັ້ງນີ້.
ທ່ານ ອັນ ຊາງ ຢອງ ຫົວໜ້າກົມນະໂຍບາຍການຄ້າເສລີ (ກະຊວງການຄ້າ, ອຸດສາຫະກຳ ແລະ ພະລັງງານ ສເກົາຫຼີ) ໃຫ້ຮູ້ວ່າ: ອາຊຽນ ແມ່ນຄູ່ຮ່ວມມືທີ່ສຳຄັນໃນຍຸດທະສາດອິນໂດປາຊີຟິກ. ສ ເກົາຫຼີ ຈະສືບຕໍ່ເພີ່ມທະວີການຮ່ວມມືດ້ານເສດຖະກິດກັບ ອາຊຽນ ຜ່ານສັນຍາ FTA ສ ເກົາຫຼີ - ອາຊຽນ ແລະ RCEP.
