ຣີສອດ “ໄຕຢວນຢີ້ຈ້ານ” ຕັ້ງຢູ່ເຂດພູດອຍຂອງຕາແສງ ບໍ່ຫານ ເມືອງຫຼ້າ ກິ່ງແຂວງປົກຄອງຕົນເອງເຜົ່າລື້ ສິບສອງພັນນາ ແຂວງຢຸນນານ, ມີບັນຍາກາດທຳມະຊາດ ທີ່ສວຍງາມ, ການປະດັບປະດາຕາມຮີດຄອງປະເພນີຂອງເຜົ່າລື້ ໄດ້ດຶງດູດນັກທ່ອງທ່ຽວ ຈາກປະເທດຕ່າງໆໃນໂລກ.
ທ່ານ ຈູ່ເຈ່ຍຜິງ (Zhu Jiaping) ເຈົ້າຂອງຣີສອດ ເປັນຄົນນະຄອນຊຽງໄຮ້ ສປ ຈີນ, ແຕ່ກ່ອນ, ໄດ້ເຮັດທຸລະກິດຢູ່ນະຄອນຊຽງໄຮ້ ມາໂດຍຕະຫຼອດ. ໃນປີ 2014, ຍ້ອນມີໂອກາດທີ່ດີ, ທ່ານໄດ້ຊື້ດິນຢູ່ຕາມບ້ານເຜົ່າລື້ ໃກ້ກັບຕາແສງບໍ່ຫານ ແລ້ວປຸກສ້າງຣີສອດຂອງຕົນ. ທ່ານ ຈູ່ເຈ່ຍຜິງ ກ່າວວ່າ, ເມື່ອກ່ອນ, ຄົນທັງຫຼາຍບໍ່ຮູ້ວ່າບໍ່ຫານຢູ່ໃສ, ນັບແຕ່ເປີດນຳໃຊ້ທາງລົດໄຟລາວ-ຈີນ, ເຮັດໃຫ້ນັກທ່ອງທ່ຽວມາທ່ຽວບໍ່ຫານນັບມື້ນັບຫຼາຍຂຶ້ນ.
ທ່ານ ຈູ່ເຈ່ຍຜິງ ກ່າວວ່າ: “ແຂກສ່ວນຫຼາຍແມ່ນສັ່ງຈອງຣີສອດ ຜ່ານທາງ ອິນເຕີເນັດ, ກໍມີນັກທ່ອງທ່ຽວ ອາເມຣິກາ ແລະ ເອີຣົບ ມາພັກເຊົາຢູ່ນີ້ເປັນປະຈຳ, ມີນັກທ່ອງທ່ຽວຫຼາຍຄົນ ກ່ອນຈະເດີນທາງໄປທ່ຽວປະເທດລາວ, ກໍມາພັກຢູ່ຣີສອດແຫ່ງນີ້.” ທ່ານກ່າວວ່າ, ຈຸດປະສົງໃນການສ້າງຣີສອດແຫ່ງນີ້ ເບື້ອງຕົ້ນຄິດວ່າ ເມື່ອອາຍຸຂອງຕົນສູງຂຶ້ນ ຈະນັດໝູ່ເພື່ອນມາແວ່ພັກເຊົາຊື່ໆ ແຕ່ໄລຍະຫຼັງໆມານີ້, ມີນັກທ່ອງທ່ຽວມາພັກຢູ່ຣີສອດແຫ່ງນີ້ ນັບມື້ນັບຫຼາຍຂຶ້ນຈົນບໍ່ມີຫ້ອງວ່າງຮອງຮັບ.
ນາງ ວາງ ນັກທ່ອງທ່ຽວ ທີ່ມາຈາກແຂວງເຈີ້ຈ່ຽງ ສປ ຈີນ ກ່າວ ວ່າ: “ພວກເຮົາ ກຽມຈະຂີ່ລົດ ໄຟ ລາວ-ຈີນ ໄປທ່ຽວປະເທດລາວ, ໄດ້ແວ່ຜ່ານບໍ່ຫານ, ໄດ້ສັ່ງຈອງ ຣີສອດ “ໄຕຢວນ ຢີ້ຈ້ານ” ຜ່ານທາງອິນເຕີເນັດ. ຣີສອດແຫ່ງນີ້ ມີສະພາບແວດລ້ອມທີ່ງຽບສະຫງົບ, ມີເຮືອນຮ້ານເຜົ່າລື້, ມີຕູບ ແລະ ສະລອຍນ້ຳ, ເຈົ້າຂອງ ຍັງຊ່ວຍແຂກແລ່ນເອກະສານໄປທ່ຽວປະເທດລາວ ອີກດ້ວຍ.”
ທ່ານ ຈູ່ເຈ່ຍຜິງ ກ່າວວ່າ, ໃນອະນາຄົດ, ທ່ານ ຫວັງວ່າ, ຣີສອດ “ໄຕຢວນຢີ້ຈ້ານ” ຈະກາຍເປັນບ່ອນພັກເຊົາຂອງນັກທ່ອງທ່ຽວລາວ ທີ່ເຂົ້າມາທ່ຽວປະເທດຈີນ ແລະ ນັກທ່ອງທ່ຽວຈີນ ທີ່ໄປທ່ຽວປະເທດລາວນັບມື້ນັບຫຼາຍຂຶ້ນ.
ທ່ານ ຈູ່ເຈ່ຍຜິງ (Zhu Jiaping) ເຈົ້າຂອງຣີສອດ ເປັນຄົນນະຄອນຊຽງໄຮ້ ສປ ຈີນ, ແຕ່ກ່ອນ, ໄດ້ເຮັດທຸລະກິດຢູ່ນະຄອນຊຽງໄຮ້ ມາໂດຍຕະຫຼອດ. ໃນປີ 2014, ຍ້ອນມີໂອກາດທີ່ດີ, ທ່ານໄດ້ຊື້ດິນຢູ່ຕາມບ້ານເຜົ່າລື້ ໃກ້ກັບຕາແສງບໍ່ຫານ ແລ້ວປຸກສ້າງຣີສອດຂອງຕົນ. ທ່ານ ຈູ່ເຈ່ຍຜິງ ກ່າວວ່າ, ເມື່ອກ່ອນ, ຄົນທັງຫຼາຍບໍ່ຮູ້ວ່າບໍ່ຫານຢູ່ໃສ, ນັບແຕ່ເປີດນຳໃຊ້ທາງລົດໄຟລາວ-ຈີນ, ເຮັດໃຫ້ນັກທ່ອງທ່ຽວມາທ່ຽວບໍ່ຫານນັບມື້ນັບຫຼາຍຂຶ້ນ.
ທ່ານ ຈູ່ເຈ່ຍຜິງ ກ່າວວ່າ: “ແຂກສ່ວນຫຼາຍແມ່ນສັ່ງຈອງຣີສອດ ຜ່ານທາງ ອິນເຕີເນັດ, ກໍມີນັກທ່ອງທ່ຽວ ອາເມຣິກາ ແລະ ເອີຣົບ ມາພັກເຊົາຢູ່ນີ້ເປັນປະຈຳ, ມີນັກທ່ອງທ່ຽວຫຼາຍຄົນ ກ່ອນຈະເດີນທາງໄປທ່ຽວປະເທດລາວ, ກໍມາພັກຢູ່ຣີສອດແຫ່ງນີ້.” ທ່ານກ່າວວ່າ, ຈຸດປະສົງໃນການສ້າງຣີສອດແຫ່ງນີ້ ເບື້ອງຕົ້ນຄິດວ່າ ເມື່ອອາຍຸຂອງຕົນສູງຂຶ້ນ ຈະນັດໝູ່ເພື່ອນມາແວ່ພັກເຊົາຊື່ໆ ແຕ່ໄລຍະຫຼັງໆມານີ້, ມີນັກທ່ອງທ່ຽວມາພັກຢູ່ຣີສອດແຫ່ງນີ້ ນັບມື້ນັບຫຼາຍຂຶ້ນຈົນບໍ່ມີຫ້ອງວ່າງຮອງຮັບ.
ນາງ ວາງ ນັກທ່ອງທ່ຽວ ທີ່ມາຈາກແຂວງເຈີ້ຈ່ຽງ ສປ ຈີນ ກ່າວ ວ່າ: “ພວກເຮົາ ກຽມຈະຂີ່ລົດ ໄຟ ລາວ-ຈີນ ໄປທ່ຽວປະເທດລາວ, ໄດ້ແວ່ຜ່ານບໍ່ຫານ, ໄດ້ສັ່ງຈອງ ຣີສອດ “ໄຕຢວນ ຢີ້ຈ້ານ” ຜ່ານທາງອິນເຕີເນັດ. ຣີສອດແຫ່ງນີ້ ມີສະພາບແວດລ້ອມທີ່ງຽບສະຫງົບ, ມີເຮືອນຮ້ານເຜົ່າລື້, ມີຕູບ ແລະ ສະລອຍນ້ຳ, ເຈົ້າຂອງ ຍັງຊ່ວຍແຂກແລ່ນເອກະສານໄປທ່ຽວປະເທດລາວ ອີກດ້ວຍ.”
ທ່ານ ຈູ່ເຈ່ຍຜິງ ກ່າວວ່າ, ໃນອະນາຄົດ, ທ່ານ ຫວັງວ່າ, ຣີສອດ “ໄຕຢວນຢີ້ຈ້ານ” ຈະກາຍເປັນບ່ອນພັກເຊົາຂອງນັກທ່ອງທ່ຽວລາວ ທີ່ເຂົ້າມາທ່ຽວປະເທດຈີນ ແລະ ນັກທ່ອງທ່ຽວຈີນ ທີ່ໄປທ່ຽວປະເທດລາວນັບມື້ນັບຫຼາຍຂຶ້ນ.
