ລະດູບານໃໝ່ໝູນວຽນມາເຖິງ, ດອກໄມ້ສີຂາວເບັ່ງບານຕາມສອງຟາກຝັ່ງແມ່ນ້ຳລ້ານຊ້າງ. ພໍດີແມ່ນວັນທ້າຍສັບປະດາ, ພີ່ນ້ອງທັງຫຼາຍໄດ້ມຸ່ງໜ້າໄປເລາະຕະຫຼາດນັດໃນລະດູບານໃໝ່ຖະໜົນລ້ານຊ້າງທີ່ຍາວ 800 ກວ່າແມັດ ທີ່ຕັ້ງຢູ່ຕາແສງລາຫູ ເມືອງປົກຄອງຕົນເອງເຜົ່າລາຫູລ້ານຊ້າງແຂວງຢຸນນານ ສປ ຈີນ.
ໝາກປີ, ດອກເອື້ອງ, ດອກກ້ວຍ ແລະ ດອກໄມ້ຕ່າງໆ ທີ່ເບັ່ງບານຢູ່ຕາມພູຜາຍັງງົດງາມຄືເກົ່າ ຢູ່ໃນຕະຫຼາດນັດ, ໝາກອາໂວກາໂດ, ກາເຟ, ນ້ຳເຜິ້ງປ່າ, ຜັກເຊເລີລີນ້ຳ ເປັນຕົ້ນ, ຜະລິດຕະພັນທີ່ມີເອກະລັກພິເສດຂອງເມືອງອ້ອມຂ້າງ ເຊັ່ນ: ເມືອງເມິ້ງລຽນ, ເມືອງຊີເໝິງ, ເມືອງເມິ້ງໄຫ ແລະ ນະຄອນຊຽງຮຸ່ງເປັນຕົ້ນ ລ້ວນແຕ່ໄດ້ນໍາ ມາວາງຂາຍໃນຕະຫຼາດນັດ.
ເມືອງລ້ານຊ້າງ ມີຊົນເຜົ່າສ່ວນໜ້ອຍຫຼາຍຊົນເຜົ່າ, ຕອນບ່າຍຂອງທຸກໆວັນເສົາ, ຄົນທັງຫຼາຍຈະນຳເອົາຜະລິດຕະພັນກະສິກຳຂອງຕົນ ມາວາງຂາຍໃນຕະຫຼາດນັດ. ປີ້ງປາເຜົ່າລື້ທີ່ສົດໆຮ້ອນໆ, ຕຳໝາກເຜັດເຜົ່າລາຫູທີ່ເຜັດໆຮ້ອນໆ,
ເຂົ້າປຽກເຂົ້າຊີ້ນໄກ່ເຜົ່າວາທີ່ອ່ອນນຸ້ມ, ຕັ້ງແຕ່ເຊົ້າຈົນ ເຖິງທ່ຽງຄືນ, ຖະໜົນ 6 ເສັ້ນທີ່ມີເອກະລັກພິເສດຂອງໃຜຂອງມັນ ແລະ ອາຫານພື້ນເມືອງທັງແຊບ ທັງລາຄາຖືກ ເຮັດໃຫ້ຕະຫຼາດນັດແຫ່ງນີ້ ກາຍເປັນ “ຫໍພິພິທະພັນ” ອາຫານການກິນຊົນເຜົ່າສ່ວນໜ້ອຍຂອງແຂວງຢຸນນານ.
ແຫຼ່ງຂ່າ：ຂ່າວສານ ຢຸນນານ-ຈີນ ຂ່າວ/ພາບໂດຍ: Wang Yi