ໂດຍ: ພູວັນ
ປີ 2024 ນີ້ ສະຫະພັນແມ່ຍິງ (ສຍຂ) ແຂວງບໍລິຄຳໄຊ ຈະສຸມໃສ່ຈັດຕັ້ງປະຕິບັດວຽກງານຫຼາຍດ້ານ ໂດຍສະເພາະສືບຕໍ່ຈັດຕັ້ງປະຕິບັດວຽກງານສຶກສາອົບຮົມການເມືອງ-ແນວຄິດໃຫ້ສະມາຊິກແມ່ຍິງ, ແມ່ຍິງບັນດາເຜົ່າໃຫ້ມີແນວຄິດຫຼັກໝັ້ນ, ອຸ່ນອ່ຽນທຸ່ນທ່ຽງເຊື້ອໝັ້ນຕໍ່ການນໍາພາຂອງພັກ-ລັດ, ມີຄຸນສົມບັດ-ສິນທໍາປະຕິວັດດ້ວຍການຈັດຕັ້ງປາຖະກະຖາວັນສໍາຄັນຂອງພັກ, ຂອງຊາດ, ເຜີຍແຜ່ປະຫວັດມູນເຊື້ອວັດທະນະທໍາອັນດີງາມຂອງແມ່ຍິງ, ເອົາໃຈໃສ່ປັບປຸງການຈັດຕັ້ງສະຫະພັນແມ່ຍິງແຕ່ລະຂັ້ນ ໂດຍສຸມໃສ່ການດໍາເນີນກອງປະຊຸມໃຫຍ່ 3 ຂັ້ນໃຫ້ສໍາເລັດຕາມກໍານົດເວລາ.
ທ່ານນາງ ວິລະພອນ ພົມມະວົງສາ ຮອງປະທານຄະນະບໍລິຫານງານສະຫະພັນແມ່ຍິງແຂວງບໍລິຄໍາໄຊ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນເມື່ອບໍ່ດົນມານີ້ ທີ່ສຳນັກງານດັ່ງກ່າວວ່າ: ປັດຈຸບັນທົ່ວແຂວງມີສະມາຊິກແມ່ຍິງ 35.029 ຄົນ, ຂັ້ນແຂວງມີ 26 ຮາກຖານ, ມີ 5 ຈຸຂຶ້ນກັບຮາກຖານອ້ອມຂ້າງແຂວງ, ຂັ້ນເມືອງມີ 60 ຮາກຖານ, 151 ໜ່ວຍ, 284 ບ້ານ, 7 ສະຫະພັນແມ່ຍິງເມືອງ, ມີຄະນະບໍລິຫານງານສະຫະພັນແມ່ຍິງແຂວງສະໄໝທີ VIIຈໍານວນ 25 ສະຫາຍ.
ທ່ານນາງ ວິລະພອນ ພົມມະວົງສາ ກ່າວໃຫ້ຮູ້ອີກວ່າ: ສໍາລັບການຫ້າງຫາກະກຽມດໍາເນີນກອງປະຊຸມໃຫຍ່ 3 ຂັ້ນ, ສະຫະພັນແມ່ຍິງແຂວງໄດ້ອີງຕາມຄໍາແນະນໍາຂອງສູນກາງສະຫະພັນແມ່ຍິງລາວ ເລກທີ 557/ສສຍລ, ລົງວັນທີ 25 ສິງຫາ 2023 ກ່ຽວກັບການດໍາເນີນກອງປະຊຸມໃຫຍ່ 3 ຂັ້ນຂອງສະຫະພັນແມ່ຍິງແຂວງ, ນະຄອນຫຼວງ ຊຶ່ງໄດ້ອອກຄໍາແນະນໍາເລກທີ 825/ສຍຂ, ລົງວັນທີ 13 ກັນຍາ 2023.ປັດຈຸບັນສະຫະພັນແມ່ຍິງແຕ່ລະຂັ້ນພວມສຸມໃສ່ລົງຊຸກຍູ້ຕິດຕາມວຽກງານຮອບດ້ານ, ຊຸກຍູ້ການຜະລິດເປັນສິນຄ້າ, ກຸ່ມທ້ອນເງິນຂອງເອື້ອຍນ້ອງແມ່ຍິງ ຕິດພັນກັບການກະກຽມດໍາເນີນກອງປະຊຸມໃຫຍ່ 3 ຂັ້ນຢ່າງເປັນຂະບວນຟົດຟື້ນ, ຊຸກຍູ້ວຽກງານຮາກຖານຕາມສາຍຕັ້ງສໍາເລັດ 7 ເມືອງ ພ້ອມທັງປັບປຸງ ແລະ ດໍາເນີນກອງປະຊຸມໃຫຍ່ສະມາຊິກແມ່ຍິງທີ່ຮອດກໍານົດເວລາ, ສໍາເລັດຂັ້ນແຂວງໄດ້ 9ຮາກຖານ, 6ໜ່ວຍ, ຂັ້ນເມືອງ 186 ບ້ານ, 49 ຮາກຖານ, 72ໜ່ວຍ, ຂະຫຍາຍສະມາຊິກແມ່ຍິງໄດ້ 5.701ຄົນ, ປະທານຄະນະບໍລິຫານງານສະຫະພັນແມ່ຍິງແຂວງ, ຄະນະສະຫະພັນແມ່ຍິງເມືອງໄດ້ລົງຮາກຖານປະຈໍາຢູ່ເມືອງ, ເຂດ, ບ້ານ ຕາມຂະບວນການລວມຂອງແຂວງ, ຂອງເມືອງ ແລະ ໄດ້ກໍານົດໃຫ້ບ້ານ, ຮາກຖານ, ໜ່ວຍ ແລະ ສະຫະພັນແມ່ຍິງເມືອງດໍາເນີນກອງປະຊຸມໃຫຍ່ສະມາຊິກແມ່ຍິງຂັ້ນຕົນໃຫ້ສໍາເລັດໃນທ້າຍເດືອນມິຖຸນາ 2024 ນີ້. ສໍາຫຼັບກອງປະຊຸມໃຫຍ່ຜູ້ແທນແມ່ຍິງແຂວງບໍລິຄໍາໄຊຄາດໝາຍທ້າຍປີ 2025 ນີ້ຈະໃຫ້ສຳເລັດ.
ຕໍ່ກັບການປົກປ້ອງສິດຜົນປະໂຫຍດຂອງແມ່ຍິງ ແລະເດັກນ້ອຍ,ດ້ວຍການໂຄສະນາເຜີຍແຜ່ກົດໝາຍເອກະສານ, ນິຕິກໍາຕ່າງໆທີ່ກ່ຽວພັນກັບແມ່ຍິງ ແລະເດັກນ້ອຍ, ສົ່ງເສີມຄວາມກ້າວໜ້າຂອງແມ່ຍິງ, ຜັນຂະຫຍາຍສົນທິສັນຍາສາກົນຕ່າງໆ, ການພັດທະນາແມ່ຍິງທາງດ້ານວິຊາສະເພາະ, ວິຊາການເຕັກໂນໂລຊີ, ສ້າງວຽກເຮັດງານທໍາຜະລິດເປັນສິນຄ້າ ເພື່ອປັບປຸງຊີວິດການເປັນຢູ່ຂອງແມ່ຍິງໃຫ້ດີຂຶ້ນ, ສ້າງເງື່ອນໄຂ ແລະ ໂອກາດໃຫ້ແມ່ຍິງທີ່ທຸກຍາກຂາດເຂີນໄດ້ຝຶກອົບຮົມວິຊາຊີບຕັດຫຍິບ, ເສີມສວຍ, ປຸງແຕ່ງອາຫານ ແລະ ອື່ນໆສືບຕໍ່ນໍາພາຈັດຕັ້ງປະຕິບັດຄໍາຂວັນຂອງແມ່ຍິງລາວ ‘‘ພັດທະນາຄວາມສະເໜີພາບຍິງ-ຊາຍຕິດພັນກັບການພັດທະນາປະເທດຊາດ’’ແລະ ວຽກງານຂະບວນການຂໍ້ແຂ່ງຂັນ 3 ດີຂອງສະຫະພັນແມ່ຍິງລາວໃຫ້ເປັນຂະບວນກວ້າງຂວາງຟົດຟື້ນ, ຮັກສາໃຫ້ໄດ້ນາມມະຍົດສະຫະພັນແມ່ຍິງແຂວງ 3 ດີ, ການພົວພັນຮ່ວມມືກັບຕ່າງປະເທດ, ບັນດາປະເທດເພື່ອນມິດສາກົນດ້ວຍການໂຄສະນາເຜີຍແຜ່ແນວທາງການຕ່າງປະເທດຂອງພັກ, ຂອງແຂວງໃຫ້ສະມາຊິກແມ່ຍິງ, ແມ່ຍິງບັນດາເຜົ່າໄດ້ຮັບຮູ້ເຂົ້າໃຈຢ່າງເລິກເຊິ່ງ, ພົບປະແລກປ່ຽນບົດຮຽນກັບປະເທດເພື່ອນມິດຍຸດທະສາດ, ເພື່ອນມິດສາກົນເພື່ອຍາດແຍ່ງທຶນມາພັດທະນາແມ່ຍິງໃຫ້ດີຂຶ້ນເທື່ອລະກ້າວ.
ປີ 2024 ນີ້ ສະຫະພັນແມ່ຍິງ (ສຍຂ) ແຂວງບໍລິຄຳໄຊ ຈະສຸມໃສ່ຈັດຕັ້ງປະຕິບັດວຽກງານຫຼາຍດ້ານ ໂດຍສະເພາະສືບຕໍ່ຈັດຕັ້ງປະຕິບັດວຽກງານສຶກສາອົບຮົມການເມືອງ-ແນວຄິດໃຫ້ສະມາຊິກແມ່ຍິງ, ແມ່ຍິງບັນດາເຜົ່າໃຫ້ມີແນວຄິດຫຼັກໝັ້ນ, ອຸ່ນອ່ຽນທຸ່ນທ່ຽງເຊື້ອໝັ້ນຕໍ່ການນໍາພາຂອງພັກ-ລັດ, ມີຄຸນສົມບັດ-ສິນທໍາປະຕິວັດດ້ວຍການຈັດຕັ້ງປາຖະກະຖາວັນສໍາຄັນຂອງພັກ, ຂອງຊາດ, ເຜີຍແຜ່ປະຫວັດມູນເຊື້ອວັດທະນະທໍາອັນດີງາມຂອງແມ່ຍິງ, ເອົາໃຈໃສ່ປັບປຸງການຈັດຕັ້ງສະຫະພັນແມ່ຍິງແຕ່ລະຂັ້ນ ໂດຍສຸມໃສ່ການດໍາເນີນກອງປະຊຸມໃຫຍ່ 3 ຂັ້ນໃຫ້ສໍາເລັດຕາມກໍານົດເວລາ.
ທ່ານນາງ ວິລະພອນ ພົມມະວົງສາ ຮອງປະທານຄະນະບໍລິຫານງານສະຫະພັນແມ່ຍິງແຂວງບໍລິຄໍາໄຊ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນເມື່ອບໍ່ດົນມານີ້ ທີ່ສຳນັກງານດັ່ງກ່າວວ່າ: ປັດຈຸບັນທົ່ວແຂວງມີສະມາຊິກແມ່ຍິງ 35.029 ຄົນ, ຂັ້ນແຂວງມີ 26 ຮາກຖານ, ມີ 5 ຈຸຂຶ້ນກັບຮາກຖານອ້ອມຂ້າງແຂວງ, ຂັ້ນເມືອງມີ 60 ຮາກຖານ, 151 ໜ່ວຍ, 284 ບ້ານ, 7 ສະຫະພັນແມ່ຍິງເມືອງ, ມີຄະນະບໍລິຫານງານສະຫະພັນແມ່ຍິງແຂວງສະໄໝທີ VIIຈໍານວນ 25 ສະຫາຍ.
ທ່ານນາງ ວິລະພອນ ພົມມະວົງສາ ກ່າວໃຫ້ຮູ້ອີກວ່າ: ສໍາລັບການຫ້າງຫາກະກຽມດໍາເນີນກອງປະຊຸມໃຫຍ່ 3 ຂັ້ນ, ສະຫະພັນແມ່ຍິງແຂວງໄດ້ອີງຕາມຄໍາແນະນໍາຂອງສູນກາງສະຫະພັນແມ່ຍິງລາວ ເລກທີ 557/ສສຍລ, ລົງວັນທີ 25 ສິງຫາ 2023 ກ່ຽວກັບການດໍາເນີນກອງປະຊຸມໃຫຍ່ 3 ຂັ້ນຂອງສະຫະພັນແມ່ຍິງແຂວງ, ນະຄອນຫຼວງ ຊຶ່ງໄດ້ອອກຄໍາແນະນໍາເລກທີ 825/ສຍຂ, ລົງວັນທີ 13 ກັນຍາ 2023.ປັດຈຸບັນສະຫະພັນແມ່ຍິງແຕ່ລະຂັ້ນພວມສຸມໃສ່ລົງຊຸກຍູ້ຕິດຕາມວຽກງານຮອບດ້ານ, ຊຸກຍູ້ການຜະລິດເປັນສິນຄ້າ, ກຸ່ມທ້ອນເງິນຂອງເອື້ອຍນ້ອງແມ່ຍິງ ຕິດພັນກັບການກະກຽມດໍາເນີນກອງປະຊຸມໃຫຍ່ 3 ຂັ້ນຢ່າງເປັນຂະບວນຟົດຟື້ນ, ຊຸກຍູ້ວຽກງານຮາກຖານຕາມສາຍຕັ້ງສໍາເລັດ 7 ເມືອງ ພ້ອມທັງປັບປຸງ ແລະ ດໍາເນີນກອງປະຊຸມໃຫຍ່ສະມາຊິກແມ່ຍິງທີ່ຮອດກໍານົດເວລາ, ສໍາເລັດຂັ້ນແຂວງໄດ້ 9ຮາກຖານ, 6ໜ່ວຍ, ຂັ້ນເມືອງ 186 ບ້ານ, 49 ຮາກຖານ, 72ໜ່ວຍ, ຂະຫຍາຍສະມາຊິກແມ່ຍິງໄດ້ 5.701ຄົນ, ປະທານຄະນະບໍລິຫານງານສະຫະພັນແມ່ຍິງແຂວງ, ຄະນະສະຫະພັນແມ່ຍິງເມືອງໄດ້ລົງຮາກຖານປະຈໍາຢູ່ເມືອງ, ເຂດ, ບ້ານ ຕາມຂະບວນການລວມຂອງແຂວງ, ຂອງເມືອງ ແລະ ໄດ້ກໍານົດໃຫ້ບ້ານ, ຮາກຖານ, ໜ່ວຍ ແລະ ສະຫະພັນແມ່ຍິງເມືອງດໍາເນີນກອງປະຊຸມໃຫຍ່ສະມາຊິກແມ່ຍິງຂັ້ນຕົນໃຫ້ສໍາເລັດໃນທ້າຍເດືອນມິຖຸນາ 2024 ນີ້. ສໍາຫຼັບກອງປະຊຸມໃຫຍ່ຜູ້ແທນແມ່ຍິງແຂວງບໍລິຄໍາໄຊຄາດໝາຍທ້າຍປີ 2025 ນີ້ຈະໃຫ້ສຳເລັດ.
ຕໍ່ກັບການປົກປ້ອງສິດຜົນປະໂຫຍດຂອງແມ່ຍິງ ແລະເດັກນ້ອຍ,ດ້ວຍການໂຄສະນາເຜີຍແຜ່ກົດໝາຍເອກະສານ, ນິຕິກໍາຕ່າງໆທີ່ກ່ຽວພັນກັບແມ່ຍິງ ແລະເດັກນ້ອຍ, ສົ່ງເສີມຄວາມກ້າວໜ້າຂອງແມ່ຍິງ, ຜັນຂະຫຍາຍສົນທິສັນຍາສາກົນຕ່າງໆ, ການພັດທະນາແມ່ຍິງທາງດ້ານວິຊາສະເພາະ, ວິຊາການເຕັກໂນໂລຊີ, ສ້າງວຽກເຮັດງານທໍາຜະລິດເປັນສິນຄ້າ ເພື່ອປັບປຸງຊີວິດການເປັນຢູ່ຂອງແມ່ຍິງໃຫ້ດີຂຶ້ນ, ສ້າງເງື່ອນໄຂ ແລະ ໂອກາດໃຫ້ແມ່ຍິງທີ່ທຸກຍາກຂາດເຂີນໄດ້ຝຶກອົບຮົມວິຊາຊີບຕັດຫຍິບ, ເສີມສວຍ, ປຸງແຕ່ງອາຫານ ແລະ ອື່ນໆສືບຕໍ່ນໍາພາຈັດຕັ້ງປະຕິບັດຄໍາຂວັນຂອງແມ່ຍິງລາວ ‘‘ພັດທະນາຄວາມສະເໜີພາບຍິງ-ຊາຍຕິດພັນກັບການພັດທະນາປະເທດຊາດ’’ແລະ ວຽກງານຂະບວນການຂໍ້ແຂ່ງຂັນ 3 ດີຂອງສະຫະພັນແມ່ຍິງລາວໃຫ້ເປັນຂະບວນກວ້າງຂວາງຟົດຟື້ນ, ຮັກສາໃຫ້ໄດ້ນາມມະຍົດສະຫະພັນແມ່ຍິງແຂວງ 3 ດີ, ການພົວພັນຮ່ວມມືກັບຕ່າງປະເທດ, ບັນດາປະເທດເພື່ອນມິດສາກົນດ້ວຍການໂຄສະນາເຜີຍແຜ່ແນວທາງການຕ່າງປະເທດຂອງພັກ, ຂອງແຂວງໃຫ້ສະມາຊິກແມ່ຍິງ, ແມ່ຍິງບັນດາເຜົ່າໄດ້ຮັບຮູ້ເຂົ້າໃຈຢ່າງເລິກເຊິ່ງ, ພົບປະແລກປ່ຽນບົດຮຽນກັບປະເທດເພື່ອນມິດຍຸດທະສາດ, ເພື່ອນມິດສາກົນເພື່ອຍາດແຍ່ງທຶນມາພັດທະນາແມ່ຍິງໃຫ້ດີຂຶ້ນເທື່ອລະກ້າວ.
