ພິທີເປີດຊຸດຮຽນທິດສະດີການເມືອງຂັ້ນຕົ້ນຊຸດທີ IIໃຫ້ສະມາຊິກພັກ-ພະນັກງານຄະນະໂຄສະນາອົບຮົມສູນກາງພັກ (ຄອສພ) ໄດ້ຈັດຂຶ້ນໃນວັນທີ 26ມີນານີ້ທີ່ຄອສພ, ໂດຍການເປັນປະທານຮ່ວມຂອງສະຫາຍລາວປາວຊົ່ງນະວົງໄຊກຳມະການສູນກາງພັກຮອງເລຂາຄະນະພັກຮອງຫົວໜ້າຄະນະໂຄສະນາອົບຮົມສູນກາງພັກ,ສະຫາຍດາວສະຫວັນເຄືອມີໄຊຮອງຫົວໜ້າສະຖາບັນການເມືອງແລະການປົກຄອງແຫ່ງຊາດ,ມີພາກສ່ວນທີ່ກ່ຽວຂ້ອງເຂົ້າຮ່ວມ.
ການເປິດຊຸດຮຽນດັ່ງກ່າວເພື່ອສ້າງຄວາມຮັບຮູ້, ຄວາມເຂົ້າໃຈເປັນເອກະພາບກ່ຽວກັບພື້ນຖານທາງດ້ານທິດສະດີການເມືອງໃຫ້ແກ່ສະມາຊິກພັກ-ພະນັກງານພາຍໃນຄະນະໂຄສະນາອົບຮົມສູນກາງພັກໃຫ້ມີຄວາມເຊື່ອໝັ້ນຕໍ່ອຸດົມການຂອງພັກ, ມີທັດສະນະຫຼັກໝັ້ນການເມືອງ, ຖືເອົາທິດສະດີການເມືອງເປັນພື້ນຖານໃນການເສີມຂະຫຍາຍທັດສະນະປະຕິວັດໃຫ້ໜັກແໜ້ນຂຶ້ນຕື່ມ, ຍົກສູງຄວາມສາມາດໃນການວິເຄາະບັນຫາຢ່າງມີວິທະຍາສາດ, ຮູ້ນໍາໃຊ້ວິທີວິທະຍາເຂົ້າໃນການນໍາພາ-ຄຸ້ມຄອງ,ວິທີການຝຶກຝົນຫຼໍ່ຫຼອມບຸກຄະລິກຂອງພະນັກງານເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານພາຍໃນຄະນະໂຄສະນາອົບຮົມສູນກາງພັກ, ເພື່ອເຮັດໃຫ້ທິດສະດີມາກ-ເລນິນ, ແນວຄິດໄກສອນພົມວິຫານ, ມູນເຊື້ອແລະປະຫວັດສາດຂອງພັກ, ຂອງຊາດ, ແນວທາງນະໂຍບາຍຂອງພັກ, ກົດໝາຍຂອງລັດໄດ້ຮັບການຄົ້ນຄວ້າ, ເຊື່ອມຊຶມເຂົ້າສູ່ວຽກງານຕົວຈິງ, ທັງເປັນພື້ນຖານໃຫ້ແກ່ສະມາຊິກພັກ-ພະນັກງານໃນການຍົກລະດັບຄວາມຮູ້ກ່ຽວກັບທັດສະນະຂອງພັກ, ນະໂຍບາຍຂອງລັດຢ່າງເລິກເຊິ່ງ, ມີຫຼັກໝັ້ນຢ່າງໜັກແໜ້ນ, ມີຄຸນສົມບັດສິນທຳປະຕິວັດ, ມີຈິດໃຈຮັກຊາດ, ຮັບໃຊ້ປະຊາຊົນຢ່າງແທ້ຈິງ,ເພື່ອເຮັດໃຫ້ສະມາຊິກພັກ-ພະນັກງານພາຍໃນຄະນະໂຄສະນາອົບຮົມສູນກາງພັກຮັບຮູ້ແລະເຂົ້າໃຈຢ່າງເລິກເຊິ່ງຕໍ່ພາລະບົດບາດ, ໜ້າທີ່ແລະຂອບເຂດສິດຂອງຄະນະໂຄສະນາອົບຮົມສູນກາງພັກ, ຂອງແຕ່ລະກົມແລະຄວາມຮູ້ພື້ນຖານກ່ຽວກັບວຽກງານອົບຮົມ, ວຽກງານໂຄສະນາ, ວຽກງານສື່ສານມວນຊົນແລະວຽກງານສັງລວມ-ຫາງສຽງສັງຄົມເພື່ອສາມາດຮັບໃຊ້ໜ້າທີ່ການເມືອງໃຫ້ມີປະສິດທິພາບສູງ.
ສະຫາຍລາວປາວຊົ່ງນະວົງໄຊກ່າວວ່າ:ການຮຽນທິດສະດີການເມືອງຂັ້ນຕົ້ນຊຸດນີ້ເປົ້າໝາຍຜູ້ເຂົ້າຮຽນເປັນພະນັກງານນໍາພາຫຼັກແຫຼ່ງທີ່ນອນຢູ່ໃນແຜນກຳນົດພະນັກງານນໍາພາ-ຄຸ້ມຄອງຂອງຄະນະໂຄສະນາອົບຮົມສູນກາງພັກ,ດັ່ງນັ້ນນັກຮຽນຈະຕ້ອງໄດ້ຄົ້ນຄວ້າກຳແໜ້ນທິດສະດີມາກ-ເລນິນ, ແນວຄິດໄກສອນພົມວິຫານ, ມູນເຊື້ອແລະປະຫວັດສາດຂອງພັກ, ຂອງຊາດ, ກົດລະບຽບພັກ, ແນວທາງນະໂຍບາຍຂອງພັກແລະບັນດານິຕິກຳຕ່າງໆຈຳນວນໜຶ່ງຂອງສູນກາງພັກເປັນສໍາຄັນແລະຕົ້ນຕໍ.
ທ່ານກ່າວຕື່ມວ່າ:ດ້ວຍໜ້າທີ່ອັນສໍາຄັນດັ່ງກ່າວນັ້ນ, ພວກເຮົາຕ້ອງເຊີດຊູຄວາມຮັບຜິດຊອບຂອງຕົນ, ສຸມສະຕິປັນຍາເຂົ້າໃນການຄົ້ນຄວ້າຮໍ່າຮຽນ, ຄົ້ນຄວ້າບັນຫາຕ່າງໆຂອງຊຸດຮຽນໃຫ້ເລິກເຊິ່ງເຮັດໃຫ້ຊຸດຮຽນໃນຄັ້ງນີ້ດໍາເນີນໄປດ້ວຍບັນຍາກາດດີແລະບັນລຸຜົນສໍາເລັດອັນຈົບງາມ,ຊຸດຮຽນແມ່ນໃຊ້ເວລາ 3 ເດືອນ, ສະນັ້ນຈຶ່ງຮຽກຮ້ອງນັກສຳມະນາກອນຕັ້ງໃຈຄົ້ນຄວ້າຮໍ່າຮຽນມີອັນໃດ,ມີບັນຫາໃດບໍ່ທັນເຂົ້າໃຈກໍສະເໜີຖາມແລະແລກປ່ຽນບົດຮຽນນໍາອາຈານ; ໃຫ້ປະຕິບັດລະບຽບຢ່າງຖືກຕ້ອງແລະເຂັ້ມງວດ; ການຮຽນເທື່ອນີ້ເປັນການຄົ້ນຄວ້າຮໍ່າຮຽນຫາຄວາມຮູ້ທາງດ້ານທິດສະດີການເມືອງ,ແນວທາງນະໂຍບາຍຂອງພັກ, ລະບຽບກົດໝາຍຂອງລັດໃຫ້ແກ່ຕົນເອງໃຫ້ໄດ້ຫຼາຍ, ໄດ້ດີເທົ່າທີ່ຈະເຮັດໄດ້.ນອກຈາກໂມງສອນຂອງອາຈານແລ້ວພວກສະຫາຍກໍຕ້ອງຄົ້ນຄວ້າ, ຮໍ່າຮຽນດ້ວຍຕົນເອງຕື່ມເພື່ອເພີ່ມຄວາມຮັບຮູ້ແລະເຂົ້າໃຈເລິກເຊິ່ງຂຶ້ນຕື່ມ.
(ຂ່າວ-ພາບ:ສຳນານ)
ການເປິດຊຸດຮຽນດັ່ງກ່າວເພື່ອສ້າງຄວາມຮັບຮູ້, ຄວາມເຂົ້າໃຈເປັນເອກະພາບກ່ຽວກັບພື້ນຖານທາງດ້ານທິດສະດີການເມືອງໃຫ້ແກ່ສະມາຊິກພັກ-ພະນັກງານພາຍໃນຄະນະໂຄສະນາອົບຮົມສູນກາງພັກໃຫ້ມີຄວາມເຊື່ອໝັ້ນຕໍ່ອຸດົມການຂອງພັກ, ມີທັດສະນະຫຼັກໝັ້ນການເມືອງ, ຖືເອົາທິດສະດີການເມືອງເປັນພື້ນຖານໃນການເສີມຂະຫຍາຍທັດສະນະປະຕິວັດໃຫ້ໜັກແໜ້ນຂຶ້ນຕື່ມ, ຍົກສູງຄວາມສາມາດໃນການວິເຄາະບັນຫາຢ່າງມີວິທະຍາສາດ, ຮູ້ນໍາໃຊ້ວິທີວິທະຍາເຂົ້າໃນການນໍາພາ-ຄຸ້ມຄອງ,ວິທີການຝຶກຝົນຫຼໍ່ຫຼອມບຸກຄະລິກຂອງພະນັກງານເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານພາຍໃນຄະນະໂຄສະນາອົບຮົມສູນກາງພັກ, ເພື່ອເຮັດໃຫ້ທິດສະດີມາກ-ເລນິນ, ແນວຄິດໄກສອນພົມວິຫານ, ມູນເຊື້ອແລະປະຫວັດສາດຂອງພັກ, ຂອງຊາດ, ແນວທາງນະໂຍບາຍຂອງພັກ, ກົດໝາຍຂອງລັດໄດ້ຮັບການຄົ້ນຄວ້າ, ເຊື່ອມຊຶມເຂົ້າສູ່ວຽກງານຕົວຈິງ, ທັງເປັນພື້ນຖານໃຫ້ແກ່ສະມາຊິກພັກ-ພະນັກງານໃນການຍົກລະດັບຄວາມຮູ້ກ່ຽວກັບທັດສະນະຂອງພັກ, ນະໂຍບາຍຂອງລັດຢ່າງເລິກເຊິ່ງ, ມີຫຼັກໝັ້ນຢ່າງໜັກແໜ້ນ, ມີຄຸນສົມບັດສິນທຳປະຕິວັດ, ມີຈິດໃຈຮັກຊາດ, ຮັບໃຊ້ປະຊາຊົນຢ່າງແທ້ຈິງ,ເພື່ອເຮັດໃຫ້ສະມາຊິກພັກ-ພະນັກງານພາຍໃນຄະນະໂຄສະນາອົບຮົມສູນກາງພັກຮັບຮູ້ແລະເຂົ້າໃຈຢ່າງເລິກເຊິ່ງຕໍ່ພາລະບົດບາດ, ໜ້າທີ່ແລະຂອບເຂດສິດຂອງຄະນະໂຄສະນາອົບຮົມສູນກາງພັກ, ຂອງແຕ່ລະກົມແລະຄວາມຮູ້ພື້ນຖານກ່ຽວກັບວຽກງານອົບຮົມ, ວຽກງານໂຄສະນາ, ວຽກງານສື່ສານມວນຊົນແລະວຽກງານສັງລວມ-ຫາງສຽງສັງຄົມເພື່ອສາມາດຮັບໃຊ້ໜ້າທີ່ການເມືອງໃຫ້ມີປະສິດທິພາບສູງ.
ສະຫາຍລາວປາວຊົ່ງນະວົງໄຊກ່າວວ່າ:ການຮຽນທິດສະດີການເມືອງຂັ້ນຕົ້ນຊຸດນີ້ເປົ້າໝາຍຜູ້ເຂົ້າຮຽນເປັນພະນັກງານນໍາພາຫຼັກແຫຼ່ງທີ່ນອນຢູ່ໃນແຜນກຳນົດພະນັກງານນໍາພາ-ຄຸ້ມຄອງຂອງຄະນະໂຄສະນາອົບຮົມສູນກາງພັກ,ດັ່ງນັ້ນນັກຮຽນຈະຕ້ອງໄດ້ຄົ້ນຄວ້າກຳແໜ້ນທິດສະດີມາກ-ເລນິນ, ແນວຄິດໄກສອນພົມວິຫານ, ມູນເຊື້ອແລະປະຫວັດສາດຂອງພັກ, ຂອງຊາດ, ກົດລະບຽບພັກ, ແນວທາງນະໂຍບາຍຂອງພັກແລະບັນດານິຕິກຳຕ່າງໆຈຳນວນໜຶ່ງຂອງສູນກາງພັກເປັນສໍາຄັນແລະຕົ້ນຕໍ.
ທ່ານກ່າວຕື່ມວ່າ:ດ້ວຍໜ້າທີ່ອັນສໍາຄັນດັ່ງກ່າວນັ້ນ, ພວກເຮົາຕ້ອງເຊີດຊູຄວາມຮັບຜິດຊອບຂອງຕົນ, ສຸມສະຕິປັນຍາເຂົ້າໃນການຄົ້ນຄວ້າຮໍ່າຮຽນ, ຄົ້ນຄວ້າບັນຫາຕ່າງໆຂອງຊຸດຮຽນໃຫ້ເລິກເຊິ່ງເຮັດໃຫ້ຊຸດຮຽນໃນຄັ້ງນີ້ດໍາເນີນໄປດ້ວຍບັນຍາກາດດີແລະບັນລຸຜົນສໍາເລັດອັນຈົບງາມ,ຊຸດຮຽນແມ່ນໃຊ້ເວລາ 3 ເດືອນ, ສະນັ້ນຈຶ່ງຮຽກຮ້ອງນັກສຳມະນາກອນຕັ້ງໃຈຄົ້ນຄວ້າຮໍ່າຮຽນມີອັນໃດ,ມີບັນຫາໃດບໍ່ທັນເຂົ້າໃຈກໍສະເໜີຖາມແລະແລກປ່ຽນບົດຮຽນນໍາອາຈານ; ໃຫ້ປະຕິບັດລະບຽບຢ່າງຖືກຕ້ອງແລະເຂັ້ມງວດ; ການຮຽນເທື່ອນີ້ເປັນການຄົ້ນຄວ້າຮໍ່າຮຽນຫາຄວາມຮູ້ທາງດ້ານທິດສະດີການເມືອງ,ແນວທາງນະໂຍບາຍຂອງພັກ, ລະບຽບກົດໝາຍຂອງລັດໃຫ້ແກ່ຕົນເອງໃຫ້ໄດ້ຫຼາຍ, ໄດ້ດີເທົ່າທີ່ຈະເຮັດໄດ້.ນອກຈາກໂມງສອນຂອງອາຈານແລ້ວພວກສະຫາຍກໍຕ້ອງຄົ້ນຄວ້າ, ຮໍ່າຮຽນດ້ວຍຕົນເອງຕື່ມເພື່ອເພີ່ມຄວາມຮັບຮູ້ແລະເຂົ້າໃຈເລິກເຊິ່ງຂຶ້ນຕື່ມ.
(ຂ່າວ-ພາບ:ສຳນານ)
