ໂດຍ: ແສງຈັນ
ທ່ານ ວັນດີ ພົມທອງ ກໍາມະການປະຈໍາແນວລາວສ້າງຊາດ ຮອງປະທານແນວລາວສ້າງຊາດແຂວງຫຼວງນໍ້າທາໄດ້ໃຫ້ສໍາພາດຕໍ່ຜູ້ຂຽນ ວ່າ: ພັກປະຊາຊົນປະຕິວັດລາວ ສ້າງຕັ້ງຂຶ້ນໃນວັນທີ 22 ມີນາ 1955, ສືບທອດພາລະກິດ ຂອງພັກກອມມູນິດອິນດູຈີນ ຊຶ່ງແມ່ນ ປະທານ ໄກສອນ ພົມວິຫານ ເປັນຫຼັກແຫຼ່ງນໍາພາກໍ່ຕັ້ງ, ຖະນຸບຳລຸງ, ຝຶກຝົນຫຼໍ່ຫຼອມ, ກໍ່ສ້າງ ແລະປັບປຸງໃຫ້ໜັກແໜ້ນ, ເຂັ້ມແຂງຢ່າງບໍ່ຢຸດຢັ້ງ, ແມ່ນກອງນໍາໜ້າທີ່ມີການຈັດຕັ້ງການເມືອງສູງສຸດຂອງຊົນຊັ້ນກຳມະກອນ ແລະລະບອບປະຊາທິປະໄຕປະຊາຊົນລາວ, ເປັນຕົວແທນທີ່ຈົງຮັກພັກດີຢ່າງສະເໝີຕົ້ນສະເໝີປາຍ ຕໍ່ສິດ ແລະຜົນປະໂຫຍດຂອງຊົນຊັ້ນກຳມະກອນ, ຊາວຜູ້ອອກແຮງງານລາວບັນດາເຜົ່າ ແລະຂອງຊາດລາວ. ພັກປະຊາຊົນປະຕິວັດລາວ ໄດ້ນຳພາປະຊາຊົນລາວບັນດາເຜົ່າດຳເນີນການປະຕິວັດຊາດ, ປະຊາທິປະໄຕ ເຮັດສຳເລັດພາລະກິດປົດປ່ອຍຊາດ, ລຶບລ້າງລະບອບລ່າເມືອງຂຶ້ນ ແລະສັກດີນາ, ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນ ໃນວັນທີ 2 ທັນວາ 1975.
ພັກປະຊາຊົນປະຕິວັດລາວ ນໍາພາປະຊາຊົນບັນດາເຜົ່າປະຕິບັດສອງໜ້າທີ່ຍຸດທະສາດຄື: ປົກປັກຮັກສາປະເທດຊາດ ແລະກໍ່ສ້າງລະບອບປະຊາທິປະໄຕປະຊາຊົນຕາມຈຸດໝາຍສັງຄົມນິຍົມ. ຜົນງານໃຫຍ່ຫຼວງພົ້ນເດັ່ນໃນໄລຍະໃໝ່ນີ້ ແມ່ນພັກໄດ້ມີຄວາມສະດຸ້ງໄວ,ຫັນປ່ຽນໃໝ່ໃນການນໍາພາຂອງຕົນ ໃຫ້ສອດຄ່ອງກັບແນວທາງປ່ຽນແປງໃໝ່ຮອບດ້ານທີ່ມີຫຼັກການຂອງພັກ ຊຶ່ງສາມາດປົກປັກຮັກສາຄວາມເປັນເອກະລາດ, ອຳນາດອະທິປະໄຕ ແລະຜືນແຜ່ນດິນອັນຄົບຖ້ວນຂອງປະເທດຊາດໄວ້ໄດ້ຢ່າງໝັ້ນຄົງ, ເສດຖະກິດ-ສັງຄົມໄດ້ມີການຂະຫຍາຍຕົວຢ່າງຕໍ່ເນື່ອງຕາມທິດຫັນເປັນອຸດສາຫະກຳ-ທັນສະໄໝ, ສິດເປັນເຈົ້າ ຂອງປະຊາຊົນລາວບັນດາເຜົ່າໄດ້ຮັບການເສີມຂະຫຍາຍ ແລະເປີດກວ້າງອອກໃນສັງຄົມ, ທີ່ຕັ້ງ, ບົດບາດອິດທິພົນຂອງປະເທດຊາດເຮົາ ໄດ້ຮັບການເຊີດຊູສູງຂຶ້ນໃນເວທີສາກົນ.
ຕະຫຼອດໄລຍະ 69ປີ (22ມີນາ 1955-22ມີນາ2024) ປະເທດລາວ ພາຍໃຕ້ການນໍາພາຂອງພັກປະຊາຊົນປະຕິວັດລາວ ແມ່ນມີໂສມໜ້າໃໝ່ທີ່ພົ້ນເດັ່ນຂຶ້ນໃນພາກພື້ນ ແລະ ສາກົນເປັນຕົ້ນແມ່ນດ້ານວັດທະນະທໍາ-ສັງຄົມສາມາດຮັກສາຮີດຄອງປະເພນີ ການນຸ່ງຖືອັນດີງາມຂອງແມ່ຍິງລາວ, ແມ່ຍິງລາວບັນດາເຜົ່າມີສິດສະເໝີພາບເສີມຂະຫຍາຍ ເປັນຕົ້ນ: ບົດຂັບ-ລໍາ, ຮ້ອງເພງ ແລະ ງານບຸນປະເພນີ ຂອງເຜົ່່າຕ່າງໆ ຊຶ່ງສະແດງເຖິງຄວາມເປັນຊາດລາວ, ດ້ານການສຶກສາ ເຫັນວ່າຜູ້ປົກຄອງໄດ້ຊຸກຍູ້ສົ່ງເສີມໃຫ້ລູກ, ຫຼານໄດ້ເຂົ້າໂຮງຮຽນ ແລະ ເມື່ອຮຽນຈົບໂຮງຮຽນສາມັນ ກໍສືບຕໍ່ຮຽນປະລິນຍາຕີ,ປະລິນຍາໂທ, ປະລິນຍາເອກ ແລະ ສາຂາວິຊາຊີບຕ່າງໆ, ປວງຊົນໄດ້ມີຄວາມຕື່ນຕົວເຂົ້າເຖິງການບໍລິການຮັກສາສຸຂະພາບ ນັບທັງຕົວເມືອງກໍຄື ຊົນນະບົດ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍດີ ແລະ ດ້ານອື່ນໆ ກໍໄດ້ຮັບການພັດທະນາຂຶ້ນຢ່າງບໍ່ຢຸກຢັ້ງ, ທາງດ້ານເສດຖະກິດ ເຫັນວ່າມີການຂະຫຍາຍຕົວຢ່າງຕໍ່ເນື່ອງ, ການຄ້າ-ຂາຍ ຂອງປວງຊົນ ແມ່ນນັບມື້ປະຈັກຕາ. ອັນພົ້ນເດັ່ນແມ່ນການພັດທະນາພື້ນຖານໂຄງລ່າງ, ສິ່ງປຸກສ້າງອາຄານ, ສະຖານທີ່ຕ່າງໆ, ການຄົມມະນາຄົມຂົນສົ່ງ ທາງບົກ, ທາງອາກາດ, ເດັ່ນກວ່າໝູ່ແມ່ນມີເສັ້ນທາງລົດໄຟຄວາມໄວສູງ, ມີເສັ້ນທາງດ່ວນ, ມີສາຍການບິນພາຍໃນ ແລະ ລະຫວ່າງປະເທດ. ພາຍໃຕ້ການນໍາພາຂອງພັກ. ຂ້າພະເຈົ້າຮູ້ສຶກມີກຽດສູງສົ່ງ ທີ່ໄດ້ເປັນສ່ວນໜຶ່ງໃນການປະຕິບັດໜ້າທີ່ຂອງຕົນ ປະກອບສ່ວນເຂົ້າໃນການເຄື່ອນໄຫວວຽກງານທີ່ຕົນຮັບຜິດຊອບຮັບໃຊ້ປະເທດຊາດ, ຮັບໃຊ້ປວງຊົນ, ພາຍໃຕ້ການນໍາພາທີ່ສະຫຼາດສ່ອງໃສຂອງພັກປວງຊົນຈຶ່ງມີຄວາມສະຫງົບສຸກ, ມີການພັດທະນາເສດຖະກິດຄອບຄົວນັບມື້ດີຂຶ້ນ. ໃນໂອກາດວັນສ້າງຕັ້ງພັກ ຄົບຮອບ 69ປີ ຂ້າພະເຈົ້າໃນນາມສ່ວນຕົວ ແລະ ຕາງໜ້າໃຫ້ກັບຄະນະນໍາແນວລາວສ້າງຊາດແຂວງຫຼວງນໍ້າທາ ຂໍອວຍພອນອັນປະເສີດແດ່ບັນດາການນໍາພັກ, ລັດທຸກຖ້ວນໜ້າຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ສ່ວນລວມ ແລະ ຂໍໃຫ້ສືບຕໍ່ຊີ້ນໍາ-ນໍາພາປະເທດຊາດ ເວົ້າລວມ, ເວົ້າສະເພາະ ກໍແມ່ນແຂວງຫຼວງນໍ້າທາໃຫ້ມີການພັດທະນາດີຂຶ້ນກວ່າເກົ່າ ແລະ ກ້າວໄປສູ່ຄວາມຈະເລີນຮຸ່ງເຮືອງ.
ທ່ານ ວັນດີ ພົມທອງ ກໍາມະການປະຈໍາແນວລາວສ້າງຊາດ ຮອງປະທານແນວລາວສ້າງຊາດແຂວງຫຼວງນໍ້າທາໄດ້ໃຫ້ສໍາພາດຕໍ່ຜູ້ຂຽນ ວ່າ: ພັກປະຊາຊົນປະຕິວັດລາວ ສ້າງຕັ້ງຂຶ້ນໃນວັນທີ 22 ມີນາ 1955, ສືບທອດພາລະກິດ ຂອງພັກກອມມູນິດອິນດູຈີນ ຊຶ່ງແມ່ນ ປະທານ ໄກສອນ ພົມວິຫານ ເປັນຫຼັກແຫຼ່ງນໍາພາກໍ່ຕັ້ງ, ຖະນຸບຳລຸງ, ຝຶກຝົນຫຼໍ່ຫຼອມ, ກໍ່ສ້າງ ແລະປັບປຸງໃຫ້ໜັກແໜ້ນ, ເຂັ້ມແຂງຢ່າງບໍ່ຢຸດຢັ້ງ, ແມ່ນກອງນໍາໜ້າທີ່ມີການຈັດຕັ້ງການເມືອງສູງສຸດຂອງຊົນຊັ້ນກຳມະກອນ ແລະລະບອບປະຊາທິປະໄຕປະຊາຊົນລາວ, ເປັນຕົວແທນທີ່ຈົງຮັກພັກດີຢ່າງສະເໝີຕົ້ນສະເໝີປາຍ ຕໍ່ສິດ ແລະຜົນປະໂຫຍດຂອງຊົນຊັ້ນກຳມະກອນ, ຊາວຜູ້ອອກແຮງງານລາວບັນດາເຜົ່າ ແລະຂອງຊາດລາວ. ພັກປະຊາຊົນປະຕິວັດລາວ ໄດ້ນຳພາປະຊາຊົນລາວບັນດາເຜົ່າດຳເນີນການປະຕິວັດຊາດ, ປະຊາທິປະໄຕ ເຮັດສຳເລັດພາລະກິດປົດປ່ອຍຊາດ, ລຶບລ້າງລະບອບລ່າເມືອງຂຶ້ນ ແລະສັກດີນາ, ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນ ໃນວັນທີ 2 ທັນວາ 1975.
ພັກປະຊາຊົນປະຕິວັດລາວ ນໍາພາປະຊາຊົນບັນດາເຜົ່າປະຕິບັດສອງໜ້າທີ່ຍຸດທະສາດຄື: ປົກປັກຮັກສາປະເທດຊາດ ແລະກໍ່ສ້າງລະບອບປະຊາທິປະໄຕປະຊາຊົນຕາມຈຸດໝາຍສັງຄົມນິຍົມ. ຜົນງານໃຫຍ່ຫຼວງພົ້ນເດັ່ນໃນໄລຍະໃໝ່ນີ້ ແມ່ນພັກໄດ້ມີຄວາມສະດຸ້ງໄວ,ຫັນປ່ຽນໃໝ່ໃນການນໍາພາຂອງຕົນ ໃຫ້ສອດຄ່ອງກັບແນວທາງປ່ຽນແປງໃໝ່ຮອບດ້ານທີ່ມີຫຼັກການຂອງພັກ ຊຶ່ງສາມາດປົກປັກຮັກສາຄວາມເປັນເອກະລາດ, ອຳນາດອະທິປະໄຕ ແລະຜືນແຜ່ນດິນອັນຄົບຖ້ວນຂອງປະເທດຊາດໄວ້ໄດ້ຢ່າງໝັ້ນຄົງ, ເສດຖະກິດ-ສັງຄົມໄດ້ມີການຂະຫຍາຍຕົວຢ່າງຕໍ່ເນື່ອງຕາມທິດຫັນເປັນອຸດສາຫະກຳ-ທັນສະໄໝ, ສິດເປັນເຈົ້າ ຂອງປະຊາຊົນລາວບັນດາເຜົ່າໄດ້ຮັບການເສີມຂະຫຍາຍ ແລະເປີດກວ້າງອອກໃນສັງຄົມ, ທີ່ຕັ້ງ, ບົດບາດອິດທິພົນຂອງປະເທດຊາດເຮົາ ໄດ້ຮັບການເຊີດຊູສູງຂຶ້ນໃນເວທີສາກົນ.
ຕະຫຼອດໄລຍະ 69ປີ (22ມີນາ 1955-22ມີນາ2024) ປະເທດລາວ ພາຍໃຕ້ການນໍາພາຂອງພັກປະຊາຊົນປະຕິວັດລາວ ແມ່ນມີໂສມໜ້າໃໝ່ທີ່ພົ້ນເດັ່ນຂຶ້ນໃນພາກພື້ນ ແລະ ສາກົນເປັນຕົ້ນແມ່ນດ້ານວັດທະນະທໍາ-ສັງຄົມສາມາດຮັກສາຮີດຄອງປະເພນີ ການນຸ່ງຖືອັນດີງາມຂອງແມ່ຍິງລາວ, ແມ່ຍິງລາວບັນດາເຜົ່າມີສິດສະເໝີພາບເສີມຂະຫຍາຍ ເປັນຕົ້ນ: ບົດຂັບ-ລໍາ, ຮ້ອງເພງ ແລະ ງານບຸນປະເພນີ ຂອງເຜົ່່າຕ່າງໆ ຊຶ່ງສະແດງເຖິງຄວາມເປັນຊາດລາວ, ດ້ານການສຶກສາ ເຫັນວ່າຜູ້ປົກຄອງໄດ້ຊຸກຍູ້ສົ່ງເສີມໃຫ້ລູກ, ຫຼານໄດ້ເຂົ້າໂຮງຮຽນ ແລະ ເມື່ອຮຽນຈົບໂຮງຮຽນສາມັນ ກໍສືບຕໍ່ຮຽນປະລິນຍາຕີ,ປະລິນຍາໂທ, ປະລິນຍາເອກ ແລະ ສາຂາວິຊາຊີບຕ່າງໆ, ປວງຊົນໄດ້ມີຄວາມຕື່ນຕົວເຂົ້າເຖິງການບໍລິການຮັກສາສຸຂະພາບ ນັບທັງຕົວເມືອງກໍຄື ຊົນນະບົດ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍດີ ແລະ ດ້ານອື່ນໆ ກໍໄດ້ຮັບການພັດທະນາຂຶ້ນຢ່າງບໍ່ຢຸກຢັ້ງ, ທາງດ້ານເສດຖະກິດ ເຫັນວ່າມີການຂະຫຍາຍຕົວຢ່າງຕໍ່ເນື່ອງ, ການຄ້າ-ຂາຍ ຂອງປວງຊົນ ແມ່ນນັບມື້ປະຈັກຕາ. ອັນພົ້ນເດັ່ນແມ່ນການພັດທະນາພື້ນຖານໂຄງລ່າງ, ສິ່ງປຸກສ້າງອາຄານ, ສະຖານທີ່ຕ່າງໆ, ການຄົມມະນາຄົມຂົນສົ່ງ ທາງບົກ, ທາງອາກາດ, ເດັ່ນກວ່າໝູ່ແມ່ນມີເສັ້ນທາງລົດໄຟຄວາມໄວສູງ, ມີເສັ້ນທາງດ່ວນ, ມີສາຍການບິນພາຍໃນ ແລະ ລະຫວ່າງປະເທດ. ພາຍໃຕ້ການນໍາພາຂອງພັກ. ຂ້າພະເຈົ້າຮູ້ສຶກມີກຽດສູງສົ່ງ ທີ່ໄດ້ເປັນສ່ວນໜຶ່ງໃນການປະຕິບັດໜ້າທີ່ຂອງຕົນ ປະກອບສ່ວນເຂົ້າໃນການເຄື່ອນໄຫວວຽກງານທີ່ຕົນຮັບຜິດຊອບຮັບໃຊ້ປະເທດຊາດ, ຮັບໃຊ້ປວງຊົນ, ພາຍໃຕ້ການນໍາພາທີ່ສະຫຼາດສ່ອງໃສຂອງພັກປວງຊົນຈຶ່ງມີຄວາມສະຫງົບສຸກ, ມີການພັດທະນາເສດຖະກິດຄອບຄົວນັບມື້ດີຂຶ້ນ. ໃນໂອກາດວັນສ້າງຕັ້ງພັກ ຄົບຮອບ 69ປີ ຂ້າພະເຈົ້າໃນນາມສ່ວນຕົວ ແລະ ຕາງໜ້າໃຫ້ກັບຄະນະນໍາແນວລາວສ້າງຊາດແຂວງຫຼວງນໍ້າທາ ຂໍອວຍພອນອັນປະເສີດແດ່ບັນດາການນໍາພັກ, ລັດທຸກຖ້ວນໜ້າຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ສ່ວນລວມ ແລະ ຂໍໃຫ້ສືບຕໍ່ຊີ້ນໍາ-ນໍາພາປະເທດຊາດ ເວົ້າລວມ, ເວົ້າສະເພາະ ກໍແມ່ນແຂວງຫຼວງນໍ້າທາໃຫ້ມີການພັດທະນາດີຂຶ້ນກວ່າເກົ່າ ແລະ ກ້າວໄປສູ່ຄວາມຈະເລີນຮຸ່ງເຮືອງ.
