ວັນທີ 28 ມີນານີ້, ເມືອງຊະນະຄາມ ແຂວງວຽງຈັນ ໄດ້ຈັດໃພິທີປິດຊຸດເຝຶກອົບຮົມທິດສະດີການເມືອງ ແລະ ການປົກຄອງ ໃຫ້ແກ່ຄະນະພັກບ້ານ, ນາຍບ້ານ ຢູ່ທີ່ຫ້ອງປະຊຸມໃຫຍ່ ຂອງເມືອງ, ໂດຍການເຂົ້າຮ່ວມຂອງສະຫາຍ ບຸນຊ່ວງ ວັນສີ ຄະນະປະຈຳພັກເມືອງ ຮອງເຈົ້າເມືອງຊະນະຄາມ, ມີສະຫາຍ ໜູຮັກ ຫຼວງໂຄດ ຮອງເລຂາໜ່ວຍພັກ ຮອງຫົວໜ້າໂຮງຮຽນການເມືອງ ແລະ ການປົກຄອງ ແຂວງ, ມີບັນດາແຂກທີ່ຖືກເຊີນ ແລະ ນັກເຝຶກອົບຮົມເຂົ້າຮ່ວມ.

ໃນພິທີດັ່ງກ່າວ, ສະຫາຍ ບົວໄລ ລາສະພົນ ກໍາມະການພັກເມືອງ ຫົວໜ້າຄະນະຈັດຕັ້ງເມືອງ ໄດ້ຜ່ານຜົນສໍາເລັດຂອງການເຝຶກອົບຮົມວ່າ: ການເຝຶກອົບຮົມ ໄດ້ເລີມໃນລະຫວ່າງວັນທີ 18/3-28/3/2024. ມີຄູ-ອາຈານຂຶ້ນຫ້ອງສອນ ທັງໝົດ 9 ສະຫາຍ ຍິງ 1 ສະຫາຍ, ມີນັກຝຶກອົບຮົມ 30 ສະຫາຍ ຍິງ 7 ສະຫາຍ. ຜ່ານການຕີລາຄາການຂຶ້ນຫ້ອງສອນ ຂອງຄູ-ອາຈານ, ດີຫຼາຍ 70%, ດີ 28%, ກາງ 2%, ຕີລາຄາຄວາມເຂົ້າໃຈ ຂອງນັກເຝຶກອົບຮົມ ດີຫຼາຍ 34%, ດີ 54%, ກາງ 12%. ໃນພິທີດັ່ງກ່າວ, ກໍໄດ້ມອບໃບຢັ້ງຢືນ ໃຫ້ສໍາມະນາກອນ.

(ຂ່າວ-ພາບ ເມືອງຊະນະຄາມ)