ໃນວັນທີ 26ມີນາ ຜ່ານມາ ທີ່ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດພິທີປາຖະກະຖາເຜີຍແຜ່ເອກະສານສຳຄັນຂອງພັກ-ຂອງຊາດ ແລະ ປະກາດການນຳຂັ້ນສູງ ຂອງຫ້ອງວ່າການສຳນັກງານນາຍົກລັດຖະມົນຕີ ຍົກຍ້າຍໄປຮັບໜ້າທີ່ຢູ່ບ່ອນໃໝ່ ແລະ ອອກພັກການ-ຮັບອຸດໜູນບຳນານ ພາຍໃຕ້ການເປັນປະທານ ຂອງສະຫາຍ ອາລຸນໄຊ ສູນນະລາດກຳມະການສູນກາງພັກເລຂາຄະນະບໍລິຫານງານພັກລັດຖະມົນຕີຫົວໜ້າ ຫສນຍ; ມີສະຫາຍສອນໄຊ ສິດພະໄຊ ກຳມະການສູນກາງພັກ ລັດຖະມົນຕີປະຈຳສໍານັກງານນາຍົກລັດຖະມົນຕີ, ສະຫາຍ ພົນໂທ ແສງນວນ ໄຊຍະລາດ ປະທານສະຫະພັນນັກຮົບເກົ່າແຫ່ງຊາດລາວ, ຜູ້ຕາງໜ້າຈາກຄະນະຈັດຕັ້ງສູນກາງພັກ, ພ້ອມດ້ວຍບັນດາສະຫາຍຄະນະປະຈໍາພັກ, ຄະນະບໍລິຫານງານພັກ, ເລຂາ-ຮັກສາການເລຂາຄະນະພັກຮາກຖານ, ໜ່ວຍພັກຮາກຖານ ແລະ ປະທານ-ເລຂາອົງການຈັດຕັ້ງມະຫາຊົນ, ຕະຫຼອດຮອດສະມາຊິກພັກ-ພະນັກງານ ເຂົ້າຮ່ວມ.
ຈຸດປະສົງຂອງກອງປະຊຸມ ເພື່ອຮັບຟັງການປາຖະກະຖາ ເອກະສານເສີມຂະຫຍາຍມູນເຊື້ອ ແຫ່ງການນຳພາຂອງພັກ ໃນການຈັດຕັ້ງປະຕິບັດພາລະກິດປ່ຽນແປງໃໝ່ ຢ່າງແຂງແຮງ ແລະ ລົງເລິກ (ເນື່ອງໃນວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 69 ປີ (ວັນທີ 22 ມີນາ 1955 - ວັນທີ 22 ມີນາ 2024); ເອກະສານ ວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 78 ປີ (ວັນທີ 21 ມີນາ 1946-ວັນທີ 21 ມີນາ 2024); ເຜີຍແຜ່ເຊື່ອມຊຶມບົດໂອ້ລົມຂອງ ສະຫາຍເລຂາທິການໃຫຍ່, ປະທານປະເທດ ຕໍ່ກອງປະຊຸມສະຫຼຸບວຽກງານການເງິນປະຈຳປີ 2023 ແລະ ທິດທາງແຜນການ ປີ 2024;ເພື່ອເຮັດໃຫ້ສະມາຊິກພັກ-ພະນັກງານ ທົ່ວ ຫສນຍ ມີຄວາມຮັບຮູ້, ເຂົ້າໃຈຢ່າງຖືກຕ້ອງ, ເລິກເຊິ່ງ, ຈົດຈໍາບຸນຄຸນ, ມູນເຊື້ອ ແລະ ໄຊຊະນະອັນຍິ່ງໃຫຍ່ ຂອງການປະຕິວັດ ໂດຍພາຍໃຕ້ການນຳພາ-ຊີ້ນຳ ຂອງພັກປະຊາຊົນ ປະຕິວັດລາວທັງສາມາດນໍາໄປຈັດຕັ້ງຜັນຂະຫຍາຍ ເຂົ້າໃນຂົງເຂດວຽກງານໃນຄວາມຮັບຜິດຊອບຂອງຕົນໃຫ້ສອດຄ່ອງ, ຖືກຕ້ອງ ເກີດດອກອອກຜົນ, ມີຜົນສຳເລັດ ຕາມຈຸດປະສົງ ແລະ ລະດັບຄາດໝາຍ ທີ່ກຳນົດໄວ້.
ໂດຍສະຫາຍ ອາລຸນໄຊ ສູນນະລາດ ໄດ້ໃຫ້ກຽດເຜີຍແຜ່ເອກະສານເສີມຂະຫຍາຍມູນເຊື້ອ ແຫ່ງການນຳພາຂອງພັກ ໃນການຈັດຕັ້ງປະຕິບັດພາລະກິດປ່ຽນແປງໃໝ່ ຢ່າງແຂງແຮງ ແລະ ລົງເລິກ ເນື່ອງໃນວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 69 ປີແລະ ສະຫາຍ ພົນໂທ ແສງນວນ ໄຊຍະລາດໄດ້ໃຫ້ກຽດປາຖະກະຖາ ລະນຶກວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 78 ປີ, ພ້ອມດຽວກັນນັ້ນ, ສະຫາຍ ຄຳລາວັນ ຈັນທະລາວັນ ໄດ້ເຜີຍແຜ່ບົດໂອ້ລົມຂອງ ສະຫາຍເລຂາທິການໃຫຍ່, ປະທານປະເທດ ຕໍ່ກອງປະຊຸມສະຫຼຸບວຽກງານການເງິນປະຈຳປີ 2023 ແລະ ທິດທາງ ປີ 2024
ຫຼັງຈາກນັ້ນ, ກໍໄດ້ມີພິທີປະກາດການຈັດຕັ້ງການນໍາຂັ້ນສູງ ພາຍໃນ ຫສນຍ ຊຶ່ງສະຫາຍ ນາງ ວິໄລ ພິລາວົງຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນຜ່ານຄໍາສັ່ງຂອງນາຍົກລັດຖະມົນຕີ ວ່າດ້ວຍການຍົກຍ້າຍພະນັກງານການນຳຂັ້ນສູງໄປຮັບໜ້າທີ່ໃໝ່ ໂດຍໄດ້ຍົກຍ້າຍ ສະຫາຍ ຄຳລາວັນ ຈັນທະລາວັນ ຮອງລັດຖະມົນຕີ ຮອງຫົວໜ້າ ຫສນຍ ໄປຮັບໜ້າທີ່ໃໝ່ຢູ່ອົງການກາແດງແຫ່ງຊາດລາວ ແລະ ຜ່ານດຳລັດ ຂອງນາຍົກລັດຖະມົນຕີ ວ່າດ້ວຍການອະນຸມັດໃຫ້ພະນັກງານການນຳຂັ້ນສູງອອກພັກການ-ຮັບອຸດໜູນບຳນານ, ໃນນັ້ນ ໄດ້ຕົກລົງອະນຸມັດໃຫ້ສະຫາຍ ນາງ ທິບພະກອນ ຈັນທະວົງສາ ຮອງລັດຖະມົນຕີ ຮອງຫົວໜ້າ ຫສນຍ ອອກພັກການ-ຮັບອຸດໜູນບຳນານ.
ໃນຕອນທ້າຍ, ສະຫາຍປະທານກອງປະຊຸມ ໄດ້ໃຫ້ກຽດມີຄຳເຫັນໂອ້ລົມ ໂດຍໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ສອງສະຫາຍ ໂດຍສະເພາະສະຫາຍຜູ້ທີ່ໄດ້ຮັບອຸດໜູນບຳນານ ແມ່ນໄດ້ເຮັດໜ້າທີ່ສໍາເລັດສົມບູນ ຕາມການມອບໝາຍຂອງພັກ-ລັດ ຊຶ່ງຕະຫຼອດໄລຍະການຈັດຕັ້ງປະຕິບັດໜ້າທີ່ວຽກງານນັບແຕ່ເປັນພະນັກງານວິຊາການ ຈົນກາຍເປັນພະນັກງານການນໍາຂັ້ນສູງ,ສະຫາຍເປັນພະນັກງານຜູ້ໜຶ່ງທີ່ໄດ້ຜ່ານຂະບວນການປະຕິບັດວຽກງານຕົວຈິງທຸກຂັ້ນຕອນ ດ້ວຍຄວາມຮູ້ຄວາມສາມາດ, ວິຊາສະເພາະທີ່ແນ່ນອນ, ໄດ້ຮັບຄວາມເຊື່ອໝັ້ນຈາກມະຫາຊົນ; ປະຕິບັດວຽກງານຕາມມອບໝາຍ ແລະ ມະຕິຕົກລົງ ຖ້າເຫັນບັນຫາໃດບໍ່ເຂົ້າໃຈກໍໄດ້ປຶກສາຫາລືແກ້ໄຂຮ່ວມໝູ່ຄະນະ ໂດຍບໍ່ປະແກ່ຍາວເວລາເພື່ອເຮັດໃຫ້ວຽກຊັກຊ້າ; ມີຄວາມເຂັ້ມແຂງ ກ້າປະກອບຄໍາຄິດຄໍາເຫັນ ໃນເວທີຂັ້ນຕ່າງໆ ດ້ວຍເຫດແລະ ຜົນຕົວຈິງ. ສໍາລັບສະຫາຍທີ່ ໄດ້ຮັບການຍົກຍ້າຍໄປຮັບໜ້າທີ່ໃໝ່ ເປັນພະນັກງານການນໍາຜູ້ໜຶ່ງທີ່ບໍ່ເລືອກວຽກປະຕິບັດ ມີຜົນງານພົ້ນເດັ່ນຫຼາຍດ້ານ ຍ້ອນໄດ້ຮັບຄວາມເຊື່ອໝັ້ນ, ຄວາມໄວ້ວາງໃຈ ຈາກການນຳຂັ້ນເທິງ ຈຶ່ງໄດ້ໄປຮັບໜ້າທີ່ໃໝ່ຢູ່ອົງການກາແດງແຫ່ງຊາດລາວ ຊຶ່ງເປັນອົງການໜຶ່ງທີ່ສຳຄັນຫຼາຍ ໂດຍສະເພາະການຊ່ວຍເຫຼືອທາງດ້ານມະນຸດສະທໍາ; ສະນັ້ນ ສະເໜີໃຫ້ສືບຕໍ່ສ້າງໃຫ້ເປັນອົງການມະນຸດສະທຳຢ່າງແທ້ຈິງ ຄຽງຄູ່ກັບການເພີ່ມທະວີສ້າງຄວາມເຊື່ອໝັ້ນໃຫ້ສາກົນ ຫຼາຍຂຶ້ນ;, ສືບຕໍ່ຮັກສາມູນເຊື້ອຄວາມເປັນແບບຢ່າງນຳໜ້າຂອງພັກ, ຍົກສູງຄວາມສາມາດ ໃນການນໍາພາ ແລະ ເຕົ້າໂຮມຄວາມສາມັກຄີເປັນເອກະພາບ;ສືບຕໍ່ນໍາພາ-ຊີ້ນໍາ ການປະຕິບັດໜ້າທີ່ວຽກງານວິຊາສະເພາະຂົງເຂດຄວາມຮັບຜິດຊອບຂອງຕົນ ກໍຄືການປະກອບສ່ວນເຂົ້າໃນການຈັດຕັ້ງປະຕິບັດຕາມທິດ 3 ຫັນຂອງຫ້ອງວ່າການສໍານັກງານນາຍົກລັດຖະມົນຕີ ຄື: 1. ຫັນປ່ຽນຈາກແນວຄິດລໍຖ້າຄຳສັ່ງໃຫ້ເປັນເຈົ້າຕົນເອງ, 2. ຫັນຈາກການເຮັດວຽກບໍ່ມີຈຸດສຸມ, ບໍ່ມີແບບແນ, ບໍ່ມີຄາດໝາຍໄປສູ່ວິທະຍາສາດທີ່ມີຈຸດສຸມ, ມີແບບແຜນ, ມີຄາດໝາຍ, 3. ຫັນປ່ຽນຈາກລະບົບເຮັດວຽກມີຫຼາຍຂອດຂັ້ນ ໄປສູ່ລະບົບການເຮັດວຽກທີ່ສະດວກ, ວ່ອງໄວ, ຖືກຕ້ອງ ແລະ ທັນສະໄໝກວ່າເກົ່າ.
ຂ່າວ ແລະ ພາບໂດຍ: ກົມປະຊາສຳພັນ
ຈຸດປະສົງຂອງກອງປະຊຸມ ເພື່ອຮັບຟັງການປາຖະກະຖາ ເອກະສານເສີມຂະຫຍາຍມູນເຊື້ອ ແຫ່ງການນຳພາຂອງພັກ ໃນການຈັດຕັ້ງປະຕິບັດພາລະກິດປ່ຽນແປງໃໝ່ ຢ່າງແຂງແຮງ ແລະ ລົງເລິກ (ເນື່ອງໃນວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 69 ປີ (ວັນທີ 22 ມີນາ 1955 - ວັນທີ 22 ມີນາ 2024); ເອກະສານ ວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 78 ປີ (ວັນທີ 21 ມີນາ 1946-ວັນທີ 21 ມີນາ 2024); ເຜີຍແຜ່ເຊື່ອມຊຶມບົດໂອ້ລົມຂອງ ສະຫາຍເລຂາທິການໃຫຍ່, ປະທານປະເທດ ຕໍ່ກອງປະຊຸມສະຫຼຸບວຽກງານການເງິນປະຈຳປີ 2023 ແລະ ທິດທາງແຜນການ ປີ 2024;ເພື່ອເຮັດໃຫ້ສະມາຊິກພັກ-ພະນັກງານ ທົ່ວ ຫສນຍ ມີຄວາມຮັບຮູ້, ເຂົ້າໃຈຢ່າງຖືກຕ້ອງ, ເລິກເຊິ່ງ, ຈົດຈໍາບຸນຄຸນ, ມູນເຊື້ອ ແລະ ໄຊຊະນະອັນຍິ່ງໃຫຍ່ ຂອງການປະຕິວັດ ໂດຍພາຍໃຕ້ການນຳພາ-ຊີ້ນຳ ຂອງພັກປະຊາຊົນ ປະຕິວັດລາວທັງສາມາດນໍາໄປຈັດຕັ້ງຜັນຂະຫຍາຍ ເຂົ້າໃນຂົງເຂດວຽກງານໃນຄວາມຮັບຜິດຊອບຂອງຕົນໃຫ້ສອດຄ່ອງ, ຖືກຕ້ອງ ເກີດດອກອອກຜົນ, ມີຜົນສຳເລັດ ຕາມຈຸດປະສົງ ແລະ ລະດັບຄາດໝາຍ ທີ່ກຳນົດໄວ້.
ໂດຍສະຫາຍ ອາລຸນໄຊ ສູນນະລາດ ໄດ້ໃຫ້ກຽດເຜີຍແຜ່ເອກະສານເສີມຂະຫຍາຍມູນເຊື້ອ ແຫ່ງການນຳພາຂອງພັກ ໃນການຈັດຕັ້ງປະຕິບັດພາລະກິດປ່ຽນແປງໃໝ່ ຢ່າງແຂງແຮງ ແລະ ລົງເລິກ ເນື່ອງໃນວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 69 ປີແລະ ສະຫາຍ ພົນໂທ ແສງນວນ ໄຊຍະລາດໄດ້ໃຫ້ກຽດປາຖະກະຖາ ລະນຶກວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 78 ປີ, ພ້ອມດຽວກັນນັ້ນ, ສະຫາຍ ຄຳລາວັນ ຈັນທະລາວັນ ໄດ້ເຜີຍແຜ່ບົດໂອ້ລົມຂອງ ສະຫາຍເລຂາທິການໃຫຍ່, ປະທານປະເທດ ຕໍ່ກອງປະຊຸມສະຫຼຸບວຽກງານການເງິນປະຈຳປີ 2023 ແລະ ທິດທາງ ປີ 2024
ຫຼັງຈາກນັ້ນ, ກໍໄດ້ມີພິທີປະກາດການຈັດຕັ້ງການນໍາຂັ້ນສູງ ພາຍໃນ ຫສນຍ ຊຶ່ງສະຫາຍ ນາງ ວິໄລ ພິລາວົງຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນຜ່ານຄໍາສັ່ງຂອງນາຍົກລັດຖະມົນຕີ ວ່າດ້ວຍການຍົກຍ້າຍພະນັກງານການນຳຂັ້ນສູງໄປຮັບໜ້າທີ່ໃໝ່ ໂດຍໄດ້ຍົກຍ້າຍ ສະຫາຍ ຄຳລາວັນ ຈັນທະລາວັນ ຮອງລັດຖະມົນຕີ ຮອງຫົວໜ້າ ຫສນຍ ໄປຮັບໜ້າທີ່ໃໝ່ຢູ່ອົງການກາແດງແຫ່ງຊາດລາວ ແລະ ຜ່ານດຳລັດ ຂອງນາຍົກລັດຖະມົນຕີ ວ່າດ້ວຍການອະນຸມັດໃຫ້ພະນັກງານການນຳຂັ້ນສູງອອກພັກການ-ຮັບອຸດໜູນບຳນານ, ໃນນັ້ນ ໄດ້ຕົກລົງອະນຸມັດໃຫ້ສະຫາຍ ນາງ ທິບພະກອນ ຈັນທະວົງສາ ຮອງລັດຖະມົນຕີ ຮອງຫົວໜ້າ ຫສນຍ ອອກພັກການ-ຮັບອຸດໜູນບຳນານ.
ໃນຕອນທ້າຍ, ສະຫາຍປະທານກອງປະຊຸມ ໄດ້ໃຫ້ກຽດມີຄຳເຫັນໂອ້ລົມ ໂດຍໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ສອງສະຫາຍ ໂດຍສະເພາະສະຫາຍຜູ້ທີ່ໄດ້ຮັບອຸດໜູນບຳນານ ແມ່ນໄດ້ເຮັດໜ້າທີ່ສໍາເລັດສົມບູນ ຕາມການມອບໝາຍຂອງພັກ-ລັດ ຊຶ່ງຕະຫຼອດໄລຍະການຈັດຕັ້ງປະຕິບັດໜ້າທີ່ວຽກງານນັບແຕ່ເປັນພະນັກງານວິຊາການ ຈົນກາຍເປັນພະນັກງານການນໍາຂັ້ນສູງ,ສະຫາຍເປັນພະນັກງານຜູ້ໜຶ່ງທີ່ໄດ້ຜ່ານຂະບວນການປະຕິບັດວຽກງານຕົວຈິງທຸກຂັ້ນຕອນ ດ້ວຍຄວາມຮູ້ຄວາມສາມາດ, ວິຊາສະເພາະທີ່ແນ່ນອນ, ໄດ້ຮັບຄວາມເຊື່ອໝັ້ນຈາກມະຫາຊົນ; ປະຕິບັດວຽກງານຕາມມອບໝາຍ ແລະ ມະຕິຕົກລົງ ຖ້າເຫັນບັນຫາໃດບໍ່ເຂົ້າໃຈກໍໄດ້ປຶກສາຫາລືແກ້ໄຂຮ່ວມໝູ່ຄະນະ ໂດຍບໍ່ປະແກ່ຍາວເວລາເພື່ອເຮັດໃຫ້ວຽກຊັກຊ້າ; ມີຄວາມເຂັ້ມແຂງ ກ້າປະກອບຄໍາຄິດຄໍາເຫັນ ໃນເວທີຂັ້ນຕ່າງໆ ດ້ວຍເຫດແລະ ຜົນຕົວຈິງ. ສໍາລັບສະຫາຍທີ່ ໄດ້ຮັບການຍົກຍ້າຍໄປຮັບໜ້າທີ່ໃໝ່ ເປັນພະນັກງານການນໍາຜູ້ໜຶ່ງທີ່ບໍ່ເລືອກວຽກປະຕິບັດ ມີຜົນງານພົ້ນເດັ່ນຫຼາຍດ້ານ ຍ້ອນໄດ້ຮັບຄວາມເຊື່ອໝັ້ນ, ຄວາມໄວ້ວາງໃຈ ຈາກການນຳຂັ້ນເທິງ ຈຶ່ງໄດ້ໄປຮັບໜ້າທີ່ໃໝ່ຢູ່ອົງການກາແດງແຫ່ງຊາດລາວ ຊຶ່ງເປັນອົງການໜຶ່ງທີ່ສຳຄັນຫຼາຍ ໂດຍສະເພາະການຊ່ວຍເຫຼືອທາງດ້ານມະນຸດສະທໍາ; ສະນັ້ນ ສະເໜີໃຫ້ສືບຕໍ່ສ້າງໃຫ້ເປັນອົງການມະນຸດສະທຳຢ່າງແທ້ຈິງ ຄຽງຄູ່ກັບການເພີ່ມທະວີສ້າງຄວາມເຊື່ອໝັ້ນໃຫ້ສາກົນ ຫຼາຍຂຶ້ນ;, ສືບຕໍ່ຮັກສາມູນເຊື້ອຄວາມເປັນແບບຢ່າງນຳໜ້າຂອງພັກ, ຍົກສູງຄວາມສາມາດ ໃນການນໍາພາ ແລະ ເຕົ້າໂຮມຄວາມສາມັກຄີເປັນເອກະພາບ;ສືບຕໍ່ນໍາພາ-ຊີ້ນໍາ ການປະຕິບັດໜ້າທີ່ວຽກງານວິຊາສະເພາະຂົງເຂດຄວາມຮັບຜິດຊອບຂອງຕົນ ກໍຄືການປະກອບສ່ວນເຂົ້າໃນການຈັດຕັ້ງປະຕິບັດຕາມທິດ 3 ຫັນຂອງຫ້ອງວ່າການສໍານັກງານນາຍົກລັດຖະມົນຕີ ຄື: 1. ຫັນປ່ຽນຈາກແນວຄິດລໍຖ້າຄຳສັ່ງໃຫ້ເປັນເຈົ້າຕົນເອງ, 2. ຫັນຈາກການເຮັດວຽກບໍ່ມີຈຸດສຸມ, ບໍ່ມີແບບແນ, ບໍ່ມີຄາດໝາຍໄປສູ່ວິທະຍາສາດທີ່ມີຈຸດສຸມ, ມີແບບແຜນ, ມີຄາດໝາຍ, 3. ຫັນປ່ຽນຈາກລະບົບເຮັດວຽກມີຫຼາຍຂອດຂັ້ນ ໄປສູ່ລະບົບການເຮັດວຽກທີ່ສະດວກ, ວ່ອງໄວ, ຖືກຕ້ອງ ແລະ ທັນສະໄໝກວ່າເກົ່າ.
ຂ່າວ ແລະ ພາບໂດຍ: ກົມປະຊາສຳພັນ
