ໜ່ວຍງານຂຶ້ນທະບຽນວັດຖຸພັນພະພຸດພະຮູບ ຈາກພະແນກ ຖວທ ແຂວງບໍ່ແກ້ວ ແລະ ຫ້ອງການ ຖວທ ເມືອງຕົ້ນເຜິ້ງ ແຂວງບໍ່ແກ້ວ ໄດ້ພ້ອມກັນຂຶ້ນທະບຽນພະພຸດພະຮູບທີ່ໄດ້ຂຸດຄົ້ນເປັນເວລາ 12 ວັນ ເລີ່ມແຕ່ວັນທີ 16-28 ມີນາ 2024, ສາມາດຂຶ້ນທະບຽນສໍາເລັດແລ້ວ ທັງໝົດ 154 ອົງ.
     ໃນນັ້ນມີທັງພະພຸດພະຮູບທີ່ສົມບູນ ແລະ ບໍ່ສົມບູນ, ສ່ວນພະພຸດພະຮູບປາງລີລາ, ພະພຸດພະຮູບໃບໂພ ແລະ ຊິ້ນສ່ວນອື່ນໆທີ່ໄດ້ຈາກການຂຸດຄົ້ນ ແມ່ນຍັງບໍ່ໄດ້ຂຶ້ນທະບຽນເທື່ອ ສໍາລັບອົງທີ່ໄດ້ຂຶ້ນລະບຽນແລ້ວສ່ວນຫຼາຍແມ່ນມີລັກສະນະສິລະປະລາວລ້ານຊ້າງ, ສ່ວນລາຍລະອຽດຕ່າງໆຍັງຢູ່ໃນການສະຫຼຸບສັງລວມ ແລະ ທາງທີມງານຂຶ້ນທະບຽນຈະລາຍງານເປັນໄລຍະ.
ຂ່າວ-ພາບ: ຄໍາເພັງ ສີສະຫວ່າງ