ຫວ່າງບໍ່ດົນມານີ້ ທີ່ຫ້ອງປະຊຸມ ວາລະສານອະລຸນໃໝ່ໄດ້ຈັດກອງປະຊຸມພົບປະເພື່ອນຮ່ວມງານ ປະຈຳປີ 2024 ເນື່ອງໃນໂອກາດສະເຫຼີມສະຫຼອງວັນສ້າງຕັ້ງວາລະສານ ອະລຸນໃໝ່ ຄົບຮອບ 39 ປີ (22 ມີນາ 1985 – 22 ມີນາ 2024). ເປັນກຽດເຂົ້າຮ່ວມໃນຄັ້ງນີ້ມີທ່ານ ນາງ ວິລະວອນ ພັນທະວົງ ກຳມະການປະຈໍາພັກ ຮອງຫົວໜ້າຄະນະໂຄສະນາອົບຮົມສູນກາງພັກ ຜູ້ຊີ້ນໍາວາລະສານອະລຸນໃໝ່;ທ່ານ ໝູນແກ້ວ ອໍລະບູນ ອະດີດກຳມະການສູນກາງພັກ ອະດີດຫົວໜ້າຄະນະບັນນາທິການວາລະສານອະລຸນໃໝ່; ມີອະດີດຫົວໜ້າ ແລະ ຮອງຫົວໜ້າຄະນະບັນນາທິການແຕ່ລະສະໄໝ, ພະນັກງານອາວຸໂສບໍານານ, ຜູ້ຕາງໜ້າຈາກກົົມສື່ມວນຊົນ; ຕາງໜ້າຄອບຄົວອະດີດການນໍາຮຸ່ນທໍາອິດຕະຫຼອດຮອດຄະນະບັນນາທິການ ແລະ ພະນັກງານວາລະສານອະລຸນໃໝ່ເຂົ້າຮ່ວມ.
ຈຸດປະສົງກອງປະຊຸມໃນຄັ້ງນີ້ ແມ່ນເພື່ອສະຫຼຸບຜົນການຈັດຕັ້ງເຄື່ອນໄຫວວຽກງານວາລະສານໃນໄລຍະ 1 ປີ ຜ່ານມາ ແລະ ທິດທາງແຜນການປະຈໍາປີ 2024; ພ້ອມກັນນີ້ ກໍເພື່ອຫວນຄືນມູນເຊື້ອການສ້າງຕັ້ງ, ການເຕີບໃຫຍ່ຂະຫຍາຍຕົວຂອງວາລະສານ ອະລຸນໃໝ່ ນັບແຕ່ມື້ສ້າງຕັ້ງຈົນຮອດປັດຈຸບັນ ແລະ ແລກປ່ຽນຄໍາຄິດຄໍາເຫັນໃນວຽກງານວາລະສານ. ທ່ານວັນລາຕີ ຄໍາວານວົງສາ ກຳມະການພັກ ຄະນະໂຄສະນາອົບຮົມສູນກາງພັກຫົວໜ້າບັນນາທິການວາລະສານອະລຸນໃໝ່ ໄດ້ມີຄໍາເຫັນກ່າວເປີດກອງປະຊຸມຢ່າງເປັນທາງການ ຊຶ່ງທ່ານໄດ້ຍົກໃຫ້ເຫັນຄວາມສໍາຄັນ ແລະ ຄວາມຈໍາເປັນໃນການປັບປຸງ, ຍົກສູງວຽກງານວາລະສານຂອງພັກໃຫ້ມີຄຸນນະພາບໃໝ່ ແລະ ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່. ພ້ອມກັນນັ້ນ, ທ່ານຍັງໄດ້ຍົກໃຫ້ເຫັນດ້ານຕັ້ງໜ້າທີ່ພົ້ນເດັ່ນໃນໄລຍະ 1 ປີ ຜ່ານມາ ໂດຍສະເພາະແມ່ນພະນັກງານວາລະສານ ອະລຸນໃໝ່ທຸກຄົນມີແນວຄິດອຸ່ນອ່ຽນທຸ່ນທ່ຽງ, ມີຄວາມໜັກແໜ້ນທາງດ້ານແນວຄິດ-ການເມືອງ, ມີຄວາມຫ້າວຫັນ ແລະ ເອົາໃຈໃສ່ປະຕິບັດໜ້າທີ່ວິຊາສະເພາະດ້ວຍຄວາມຮັບຜິດຊອບສູງ. ໃນໄລຍະຜ່ານມາ, ວາລະສານ ອະລຸນໃໝ່ ໄດ້ເອົາໃຈໃສ່ປັບປຸງວຽກງານຮອບດ້ານດ້ວຍຫຼາຍຮູບການ, ຫຼາຍສີສັນ ແລະ ຕິດພັນກັບພຶດຕິກໍາຕົວຈິງແຕ່ລະໄລຍະ ເປັນຕົ້ນແມ່ນໄດ້ເອົາໃຈໃສ່ປັບປຸງທາງດ້ານເນື້ອໃນໃຫ້ມີຄຸນນະພາບໃໝ່, ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່. ໄດ້ປັບປຸງຮູບແບບ, ສີສັນ, ໜ້າຕາຂອງວາລະສານໃຫ້ມີຄວາມດຶງດູດ, ຈັບອົກຈັບໃຈຕາມຍຸກສະໄໝ. ພ້ອມກັນນັ້ນ, ກໍໄດ້ຍົກໃຫ້ເຫັນທິດທາງແຜນການປະຈໍາປີ 2024 ແລະ ແຜນການພັດທະນາວາລະສານອະລຸນໃໝ່ໃຫ້ມີຄຸນນະພາບດີຂຶ້ນກວ່າເກົ່າ.
ຈາກນັ້ນ, ທ່ານ ໝູນແກ້ວ ອໍລະບູນ ອະດີດຫົວໜ້າບັນນາທິການວາລະສານອະລຸນໃໝ່ ໄດ້ມີຄໍາເຫັນຫວນຄືນມູນເຊື້ອການກໍາເນີດ ແລະ ການຂະຫຍາຍຕົວຂອງວາລະສານ ອະລຸນໃໝ່ ຊຶ່ງທ່ານໄດ້ຍົກໃຫ້ເຫັນບາງຕອນທີ່ສໍາຄັນຄື1).ວາລະສານ ອະລຸນໃໝ່ ແມ່ນອົງການທິດສະດີ ແລະ ພຶດຕິກໍາຂອງພັກ ສືບທອດມາຈາກໜັງສືພິມ “ແສງສະຫວ່າງ” ຊຶ່ງຖືກຮັບຮອງສ້າງຕັ້ງໃນປີ 1985 ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 30 ປີ. ມີພາລະບົດບາດໃນການຄົ້ນຄວ້າ, ອະທິບາຍ, ຊີ້ແຈງລັກສະນະກົດເກນຂອງສັງຄົມກອມມູນິດ ໂດຍມີລັດທິມາກ-ເລນິນເປັນພື້ນຖານທິດສະດີ ສົມທົບກັບພຶດຕິກໍາຕົວຈິງຂອງການປະຕິວັດລາວ. 2). ວາລະສານ ອະລຸນໃໝ່ ແມ່ນມີລັກສະນະພິເສດແຕກຕ່າງຈາກວາລະສານທົ່ວໄປຄື “ລັກສະນະທິດສະດີ ແລະ ພຶດຕິກໍາ” ຊຶ່ງທັງສອງລັກສະນະນີ້ແມ່ນບໍ່ສາມາດຕັດແຍກອອກຈາກກັນໄດ້ ເພື່ອເປັນພື້ນຖານໃນການຈໍາແນກ, ອະທິບາຍ, ພິສູດຢັ້ງຢືນທັດສະນະ, ແນວທາງນະໂຍບາຍຂອງພັກ ແລະ ປົກປ້ອງທັດສະນະທີ່ຖືກຕ້ອງຂອງພັກ ຕິດພັນກັບການຄົ້ນຄວ້າທິດສະດີ ແລະ ສະຫຼຸບພຶດຕິກໍາໃນການໂຄສະນາອົບຮົມ, ປຸກລະດົມໃຫ້ມະຫາຊົນມີຄວາມຮັບຮູ້, ເຂົ້າໃຈແນວທາງນະໂຍບາຍອັນຖືກຕ້ອງຂອງພັກ. 3). ຕ້ອງເຊື່ອມຊຶມທັດສະນະຂອງພັກໃຫ້ລະອຽດ, ເລິກເຊິ່ງ, ກໍາໄດ້ສະພາບການ, ຈຸດດີ, ຈຸດອ່ອນ, ຂໍ້ຄົງ ເພື່ອນໍາມາປັບປຸງວາລະສານໃຫ້ມີຄຸນນະພາບໃໝ່ແຂງແຮງກວ່າເກົ່າ. ພ້ອມກັນນັ້ນ ຕ້ອງປັບປຸງກົນໄກ, ການຈັດຕັ້ງຂອງວຽກງານວາລະສານໃຫ້ສອດຄ່ອງກັບສະພາບການຕົວຈິງ, ເປັນເຈົ້າຕົນເອງ ແລະ ເອົາໃຈໃສ່ວຽກເພື່ອນຜູ້ອ່ານ ເພື່ອສ້າງໃຫ້ວາລະສານ ອະລຸນໃໝ່ ມີຄຸນຄ່າ, ສົມກັບຖານະເປັນອົງການທິດສະດີ ແລະ ພຶດຕິກໍາຂອງພັກ. ນອກຈາກນັ້ນ, ບັນດາທ່ານອະດີດການນນໍາວາລະສານອະລຸນໃໝ່ ກໍໄດ້ຜັດປ່ຽນກັນມີຄໍາຄິດເຫັນແລກປ່ຽນຕໍ່ກອງປະຊຸມຢ່າງຟົດຟື້ນ.
ໃນໂອກາດດັ່ງກ່າວ ທ່ານ ນາງ ວິລະວອນ ພັນທະວົງ ໄດ້ມີຄໍາເຫັນໂອ້ລົມຕໍ່ກອງປະຊຸມພົບປະອະດີດການນໍາ ແລະ ເພື່ອນຮ່ວມງານຊຶ່ງທ່ານໄດ້ເນັ້ນໜັກບາງບັນຫາທີ່ສໍາຄັນຄື: ໜຶ່ງ, ເອົາໃຈໃສ່ປັບປຸງວຽກງານວາລະສານຂອງພັກໃຫ້ມີຄຸນນະພາບໃໝ່ທາງດ້ານເນື້ອໃນ, ຮູບການ, ສີສັນ ເພື່ອຍົກສູງພາລະບົດບາດຂອງວາລະສານໃຫ້ສົມຄູ່ກັບເປັນອົງການທິດສະດີ ແລະ ພຶດຕິກໍາຂອງພັກ. ສອງ,ເອົາໃຈໃສ່ປັບປຸງ, ບໍາລຸງກໍ່ສ້າງພະນັກງານ-ສະມາຊິກພັກໃນຖັນແຖວວາລະສານໃຫ້ມີຄວາມຮູ້, ຄວາມສາມາດ ຕິດພັນກັບການສັບຊ້ອນ, ຈັດວາງພະນັກງານໃຫ້ສອດຄ່ອງກັບໜ້າທີ່ການເມືອງ. ສາມ, ເອົາໃຈໃສ່ຂະຫຍາຍຕາໜ່າງເພື່ອນຮ່ວມງານ ໂດຍສະເພາະແມ່ນນັກຄົ້ນຄວ້າ, ນັກທິດສະດີ ແລະ ບັນດາການນໍາຢູ່ແຕ່ລະຂະແໜງການນັບແຕ່ສູນກາງ ແລະ ທ້ອງຖິ່ນ ເພື່ອປະກອບສ່ວນຂຽນບົດມາລົງໃນວາລະສານ ອະລຸນໃໝ່ ໃຫ້ຫຼາຍຂຶ້ນ.
(ຂ່າວ: ພອນຄໍາ ສີສົມພັນ; ພາບ: ທອງຈັນ ສິງແກ້ວ)
ຈຸດປະສົງກອງປະຊຸມໃນຄັ້ງນີ້ ແມ່ນເພື່ອສະຫຼຸບຜົນການຈັດຕັ້ງເຄື່ອນໄຫວວຽກງານວາລະສານໃນໄລຍະ 1 ປີ ຜ່ານມາ ແລະ ທິດທາງແຜນການປະຈໍາປີ 2024; ພ້ອມກັນນີ້ ກໍເພື່ອຫວນຄືນມູນເຊື້ອການສ້າງຕັ້ງ, ການເຕີບໃຫຍ່ຂະຫຍາຍຕົວຂອງວາລະສານ ອະລຸນໃໝ່ ນັບແຕ່ມື້ສ້າງຕັ້ງຈົນຮອດປັດຈຸບັນ ແລະ ແລກປ່ຽນຄໍາຄິດຄໍາເຫັນໃນວຽກງານວາລະສານ. ທ່ານວັນລາຕີ ຄໍາວານວົງສາ ກຳມະການພັກ ຄະນະໂຄສະນາອົບຮົມສູນກາງພັກຫົວໜ້າບັນນາທິການວາລະສານອະລຸນໃໝ່ ໄດ້ມີຄໍາເຫັນກ່າວເປີດກອງປະຊຸມຢ່າງເປັນທາງການ ຊຶ່ງທ່ານໄດ້ຍົກໃຫ້ເຫັນຄວາມສໍາຄັນ ແລະ ຄວາມຈໍາເປັນໃນການປັບປຸງ, ຍົກສູງວຽກງານວາລະສານຂອງພັກໃຫ້ມີຄຸນນະພາບໃໝ່ ແລະ ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່. ພ້ອມກັນນັ້ນ, ທ່ານຍັງໄດ້ຍົກໃຫ້ເຫັນດ້ານຕັ້ງໜ້າທີ່ພົ້ນເດັ່ນໃນໄລຍະ 1 ປີ ຜ່ານມາ ໂດຍສະເພາະແມ່ນພະນັກງານວາລະສານ ອະລຸນໃໝ່ທຸກຄົນມີແນວຄິດອຸ່ນອ່ຽນທຸ່ນທ່ຽງ, ມີຄວາມໜັກແໜ້ນທາງດ້ານແນວຄິດ-ການເມືອງ, ມີຄວາມຫ້າວຫັນ ແລະ ເອົາໃຈໃສ່ປະຕິບັດໜ້າທີ່ວິຊາສະເພາະດ້ວຍຄວາມຮັບຜິດຊອບສູງ. ໃນໄລຍະຜ່ານມາ, ວາລະສານ ອະລຸນໃໝ່ ໄດ້ເອົາໃຈໃສ່ປັບປຸງວຽກງານຮອບດ້ານດ້ວຍຫຼາຍຮູບການ, ຫຼາຍສີສັນ ແລະ ຕິດພັນກັບພຶດຕິກໍາຕົວຈິງແຕ່ລະໄລຍະ ເປັນຕົ້ນແມ່ນໄດ້ເອົາໃຈໃສ່ປັບປຸງທາງດ້ານເນື້ອໃນໃຫ້ມີຄຸນນະພາບໃໝ່, ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່. ໄດ້ປັບປຸງຮູບແບບ, ສີສັນ, ໜ້າຕາຂອງວາລະສານໃຫ້ມີຄວາມດຶງດູດ, ຈັບອົກຈັບໃຈຕາມຍຸກສະໄໝ. ພ້ອມກັນນັ້ນ, ກໍໄດ້ຍົກໃຫ້ເຫັນທິດທາງແຜນການປະຈໍາປີ 2024 ແລະ ແຜນການພັດທະນາວາລະສານອະລຸນໃໝ່ໃຫ້ມີຄຸນນະພາບດີຂຶ້ນກວ່າເກົ່າ.
ຈາກນັ້ນ, ທ່ານ ໝູນແກ້ວ ອໍລະບູນ ອະດີດຫົວໜ້າບັນນາທິການວາລະສານອະລຸນໃໝ່ ໄດ້ມີຄໍາເຫັນຫວນຄືນມູນເຊື້ອການກໍາເນີດ ແລະ ການຂະຫຍາຍຕົວຂອງວາລະສານ ອະລຸນໃໝ່ ຊຶ່ງທ່ານໄດ້ຍົກໃຫ້ເຫັນບາງຕອນທີ່ສໍາຄັນຄື1).ວາລະສານ ອະລຸນໃໝ່ ແມ່ນອົງການທິດສະດີ ແລະ ພຶດຕິກໍາຂອງພັກ ສືບທອດມາຈາກໜັງສືພິມ “ແສງສະຫວ່າງ” ຊຶ່ງຖືກຮັບຮອງສ້າງຕັ້ງໃນປີ 1985 ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 30 ປີ. ມີພາລະບົດບາດໃນການຄົ້ນຄວ້າ, ອະທິບາຍ, ຊີ້ແຈງລັກສະນະກົດເກນຂອງສັງຄົມກອມມູນິດ ໂດຍມີລັດທິມາກ-ເລນິນເປັນພື້ນຖານທິດສະດີ ສົມທົບກັບພຶດຕິກໍາຕົວຈິງຂອງການປະຕິວັດລາວ. 2). ວາລະສານ ອະລຸນໃໝ່ ແມ່ນມີລັກສະນະພິເສດແຕກຕ່າງຈາກວາລະສານທົ່ວໄປຄື “ລັກສະນະທິດສະດີ ແລະ ພຶດຕິກໍາ” ຊຶ່ງທັງສອງລັກສະນະນີ້ແມ່ນບໍ່ສາມາດຕັດແຍກອອກຈາກກັນໄດ້ ເພື່ອເປັນພື້ນຖານໃນການຈໍາແນກ, ອະທິບາຍ, ພິສູດຢັ້ງຢືນທັດສະນະ, ແນວທາງນະໂຍບາຍຂອງພັກ ແລະ ປົກປ້ອງທັດສະນະທີ່ຖືກຕ້ອງຂອງພັກ ຕິດພັນກັບການຄົ້ນຄວ້າທິດສະດີ ແລະ ສະຫຼຸບພຶດຕິກໍາໃນການໂຄສະນາອົບຮົມ, ປຸກລະດົມໃຫ້ມະຫາຊົນມີຄວາມຮັບຮູ້, ເຂົ້າໃຈແນວທາງນະໂຍບາຍອັນຖືກຕ້ອງຂອງພັກ. 3). ຕ້ອງເຊື່ອມຊຶມທັດສະນະຂອງພັກໃຫ້ລະອຽດ, ເລິກເຊິ່ງ, ກໍາໄດ້ສະພາບການ, ຈຸດດີ, ຈຸດອ່ອນ, ຂໍ້ຄົງ ເພື່ອນໍາມາປັບປຸງວາລະສານໃຫ້ມີຄຸນນະພາບໃໝ່ແຂງແຮງກວ່າເກົ່າ. ພ້ອມກັນນັ້ນ ຕ້ອງປັບປຸງກົນໄກ, ການຈັດຕັ້ງຂອງວຽກງານວາລະສານໃຫ້ສອດຄ່ອງກັບສະພາບການຕົວຈິງ, ເປັນເຈົ້າຕົນເອງ ແລະ ເອົາໃຈໃສ່ວຽກເພື່ອນຜູ້ອ່ານ ເພື່ອສ້າງໃຫ້ວາລະສານ ອະລຸນໃໝ່ ມີຄຸນຄ່າ, ສົມກັບຖານະເປັນອົງການທິດສະດີ ແລະ ພຶດຕິກໍາຂອງພັກ. ນອກຈາກນັ້ນ, ບັນດາທ່ານອະດີດການນນໍາວາລະສານອະລຸນໃໝ່ ກໍໄດ້ຜັດປ່ຽນກັນມີຄໍາຄິດເຫັນແລກປ່ຽນຕໍ່ກອງປະຊຸມຢ່າງຟົດຟື້ນ.
ໃນໂອກາດດັ່ງກ່າວ ທ່ານ ນາງ ວິລະວອນ ພັນທະວົງ ໄດ້ມີຄໍາເຫັນໂອ້ລົມຕໍ່ກອງປະຊຸມພົບປະອະດີດການນໍາ ແລະ ເພື່ອນຮ່ວມງານຊຶ່ງທ່ານໄດ້ເນັ້ນໜັກບາງບັນຫາທີ່ສໍາຄັນຄື: ໜຶ່ງ, ເອົາໃຈໃສ່ປັບປຸງວຽກງານວາລະສານຂອງພັກໃຫ້ມີຄຸນນະພາບໃໝ່ທາງດ້ານເນື້ອໃນ, ຮູບການ, ສີສັນ ເພື່ອຍົກສູງພາລະບົດບາດຂອງວາລະສານໃຫ້ສົມຄູ່ກັບເປັນອົງການທິດສະດີ ແລະ ພຶດຕິກໍາຂອງພັກ. ສອງ,ເອົາໃຈໃສ່ປັບປຸງ, ບໍາລຸງກໍ່ສ້າງພະນັກງານ-ສະມາຊິກພັກໃນຖັນແຖວວາລະສານໃຫ້ມີຄວາມຮູ້, ຄວາມສາມາດ ຕິດພັນກັບການສັບຊ້ອນ, ຈັດວາງພະນັກງານໃຫ້ສອດຄ່ອງກັບໜ້າທີ່ການເມືອງ. ສາມ, ເອົາໃຈໃສ່ຂະຫຍາຍຕາໜ່າງເພື່ອນຮ່ວມງານ ໂດຍສະເພາະແມ່ນນັກຄົ້ນຄວ້າ, ນັກທິດສະດີ ແລະ ບັນດາການນໍາຢູ່ແຕ່ລະຂະແໜງການນັບແຕ່ສູນກາງ ແລະ ທ້ອງຖິ່ນ ເພື່ອປະກອບສ່ວນຂຽນບົດມາລົງໃນວາລະສານ ອະລຸນໃໝ່ ໃຫ້ຫຼາຍຂຶ້ນ.
(ຂ່າວ: ພອນຄໍາ ສີສົມພັນ; ພາບ: ທອງຈັນ ສິງແກ້ວ)
