ຂ່າວຕ່າງປະເທດລາຍງານ ໃນວັນທີ 1 ເມສາ ຜ່ານມາ, ລັດຖະບານສີລັງກາກຽມເພີ່ມການສະໜັບສະໜູນການຜະລິດພາບພະຍົນໂດຍໃຊ້ເຕັກໂນໂລຊີປັນຍາປະດິດ (AI) ເລື່ອງທຳອິດຂອງປະເທດ, ຫຼັງຈາກເຕັກໂນໂລຊີປັນຍາປະດິດນຳມາປັບປຸງໃຊ້ເຂົ້າກັບອຸດສາຫະກຳພາບພະຍົນທົ່ວໂລກ ຕັ້ງແຕ່ປີຜ່ານມາ.
ທ່ານ ຣານິນ ວິກົມສິງຫະ ປະທານາທິບໍດີສີລັງກາ ຊຶ່ງຮ່ວມພິທີມອບລາງວັນພາບພະຍົນໃນນະຄອນຫຼວງໂຄລົມໂບ ໃນວັນທີ 30 ມີນາຜ່ານມາ ກ່າວວ່າ: ລັດຖະບານໄດ້ແຕ່ງຕັ້ງຄະນະກຳມະການເພື່ອລິເລີ່ມການນຳໃຊ້ເຕັກໂນໂລຊີປັນຍາປະດິດໃນສີລັງກາ ຊຶ່ງຈະຮ່ວມມືກັບມະຫາວິທະຍາໄລໂມຣາຕູວາ ແລະ ມະຫາວິທະຍາໄລທັດສະນະສິນ ແລະ ສິລະປະການສະແດງ.
ນອກຈາກນັ້ນ, ລັດຖະບານສີລັງກາຈະປັບປຸງບໍລິສັດພາບພະຍົນແຫ່ງຊາດສີລັງກາໃຫ້ທັນສະໄໝຍິ່ງຂຶ້ນ ແລະ ຈະຈັດສັນໃຫ້ຜູ້ທີ່ມີສ່ວນກ່ຽວຂ້ອງກັບວົງການລະຄອນໂທລະທັດ ແລະ ພາບພະຍົນ ໄດ້ເດີນທາງໄປທັດສະນະສຶກສາດ້ານພາບພະຍົນໃນຕ່າງປະເທດ.