ໂດຍ: ຍຸຸພິນທອງ
ເພື່ອຮັບປະກັນໃຫ້ການສັນຈອນຕາມເສັ້ນທາງໄປມາໃນໄລຍະການສະຫຼອງວັນບຸນປີໃໝ່ລາວ ພ.ສ 2567 ຊຶ່ງຕິດພັນກັບປີທ່ອງທ່ຽວລາວ 2024 ໃຫ້ມີຄວາມເປັນລະບຽບຮຽບຮ້ອຍ ໃຫ້ມີຄວາມສະດວກແລະປອດໄພ ໃນການສັນຈອນໄປມາ. ທ່ານ ພັນໂທ ສັງຄົມ ພົມມະລາດ ຫົວໜ້າພະແນກຕໍາຫຼວດຈະລາຈອນ ຫ້ອງຕໍາຫຼວດ ປກສ ນະຄອນຫຼວງວຽງຈັນ(ນວ) ໄດ້ຖະແຫຼງຂ່າວ ຫວ່າງບໍ່ດົນມານີ້ ທີ່ຫ້ອງວ່າການປົກຄອງ ນວ ວ່າ: ພະແນກຕໍາຫຼວດ ຈະລາຈອນ ຫ້ອງຕໍາຫຼວດ ປກສ ນະຄອນຫຼວງວຽງຈັນ ໄດ້ຮ່ວມກັບກອງຕໍາຫຼວດຈະລາຈອນ ບັນດາເມືອງ ທັງ 9 ຕົວເມືອງ, ວາງແຜນຈັດກໍາລັງຕໍາຫຼວດຈະລາຈອນ ຈໍານວນ 724 ສະຫາຍ ລົງໄປປະຈໍາການ ຢູ່ຕາມຈຸດ ຢູ່ຕາມປ້ອມຍາມ ຢູ່ຕາມຈຸດທີ່ມີການຈັດກິດຈະກໍາ, ຕາມເສັ້ນທາງຕ່າງໆໃນທົ່ວນະຄອນຫຼວງວຽງຈັນ ມີທັງໝົດຈໍານວນ 129 ຈຸດ.
ໃນນັ້ນ ໄດ້ເນັ້ນໃສ່ ຫ້າໜ້າວຽກຫຼັກຄື: ໜຶ່ງ, ແມ່ນວຽການໂຄສະນາໂດຍການນໍາໃຊ້ລົດກະບະຕິດເຄື່ອງສຽງ, ລົດຈັກໂມໂຕຕິດຕັ້ງເຄື່ອງສຽງແລະປັກເລີນ້ອຍ ໂດຍຕໍາຫຼວດທີ່ປະຈໍາຕາມຈຸດຕ່າງໆນັ້ນກໍຈະປະຕິບັດໜ້າທີ່ໂຄສະນາເຜີຍແຜຄໍາສັ່ງຂອງອົງການປົກຄອງນະຄອນຫຼວງວຽງຈັນ, ຄໍາແນະນໍາຂອງກົມຕໍາຫຼວດຈະລາຈອນ ກົມໃຫຍ່ຕໍາຫຼວດກະຊວງປ້ອງກັນຄວາມສະຫງົບ ກົດລະບຽບຈະລາຈອນ ແລະ ຫຼັກການຂັບຂີ່ປອດໄພຕ່າງໆໃຫ້ມວນຊົນໄດ້ຮັບຮູ້ຢ່າງກວ້າງຂວາງ ທີ່ສໍາຄັນທີ່ສຸດອີກອັນໜຶ່ງແມ່ນຮຽກຮ້ອງໃຫ້ນັກຂັບຂີ່ຜູ້ໃຊ້ລົດໃຊ້ຖະໜົນຢູ່ໃນນະຄອນຫຼວງວຽງຈັນໃຫ້ພະຍາຍາມໃຫ້ກຽດຄົນຍ່າງ ໂດຍສະເພາະແມ່ນນັກທ່ອງທ່ຽວ ເພາະປີນີ້ກໍເປັນປີທ່ອງທ່ຽວລາວ; ສອງ, ແມ່ນວຽກງານຄວບຄຸມລະບາຍການສັນຈອນເພື່ອອໍານວຍຄວາມສະດວກໃຫ້ແກ່ຜູ້ໃຊ້ລົດໃຊ້ຖະໜົນ; ສາມ, ເນັ້ນວຽກການຈັດລະບຽບສາຍທາງເພື່ອບໍ່ໃຫ້ມີລົດຈອດຜິດທີ່ຜິດທາງ ຈອດກີດຂວາງການສັນຈອນ ເຮັດໃຫ້ການສັນຈອນໄປ-ມາບໍ່ສະດວກ ແລະ ສີ່, ແມ່ນຕັ້ງຈຸດກວດກາການສັນຈອນ ແລະ ການບັງຄັບໃຊ້ກົດໝາຍ ແມ່ນຈະເຂັ້ມງວດເລື່ອງຈັບຄວາມໄວແລະກວດທາດເຫຼົ້າ ເພື່ອຕັດບັນຫາທີ່ຈະກໍ່ໃຫ້ເກີດອຸບັດເຫດ ຖ້າພົບເຫັນລົດຄັນໃດແລ່ນບໍ່ທ່ຽງ ຫຼືວ່າຕ້ອງສົງໄສວ່າລົດຄັນໃດມີການດື່ມແລ້ວຂັບຂີ່ລົດ ຕ້ອງນໍາມາປະຕິບັດໃຫ້ຖືກຕ້ອງຕາມລະບຽບກົດໝາຍ ແລະ ຫ້າ, ເນັ້ນໃສ່ວຽກງານປະຈໍາການ ຄອຍເຫດຕະຫຼອດ 24 ຊົ່ວໂມງ ຖ້າມີອຸບັດຕິເຫດເກີດຂຶ້ນ ຢູ່ຈຸດໃດແມ່ນຈະຮີບຮ້ອນໄປແກ້ໄຂຢ່າງທັນການ ເພາະໜ່ວຍງານໄດ້ກຽມທີມງານລົດລາກແກ່ໄວ້ ເພື່ອບໍ່ໃຫ້ລົດທີ່ເກີດອຸບັດເຫດແລ້ວຂວາງທາງການສັນຈອນ ພາໃຫ້ເກີດຮູບພາບທີ່ບໍ່ສວຍງາມ.
ເພື່ອຮັບປະກັນໃຫ້ການສັນຈອນຕາມເສັ້ນທາງໄປມາໃນໄລຍະການສະຫຼອງວັນບຸນປີໃໝ່ລາວ ພ.ສ 2567 ຊຶ່ງຕິດພັນກັບປີທ່ອງທ່ຽວລາວ 2024 ໃຫ້ມີຄວາມເປັນລະບຽບຮຽບຮ້ອຍ ໃຫ້ມີຄວາມສະດວກແລະປອດໄພ ໃນການສັນຈອນໄປມາ. ທ່ານ ພັນໂທ ສັງຄົມ ພົມມະລາດ ຫົວໜ້າພະແນກຕໍາຫຼວດຈະລາຈອນ ຫ້ອງຕໍາຫຼວດ ປກສ ນະຄອນຫຼວງວຽງຈັນ(ນວ) ໄດ້ຖະແຫຼງຂ່າວ ຫວ່າງບໍ່ດົນມານີ້ ທີ່ຫ້ອງວ່າການປົກຄອງ ນວ ວ່າ: ພະແນກຕໍາຫຼວດ ຈະລາຈອນ ຫ້ອງຕໍາຫຼວດ ປກສ ນະຄອນຫຼວງວຽງຈັນ ໄດ້ຮ່ວມກັບກອງຕໍາຫຼວດຈະລາຈອນ ບັນດາເມືອງ ທັງ 9 ຕົວເມືອງ, ວາງແຜນຈັດກໍາລັງຕໍາຫຼວດຈະລາຈອນ ຈໍານວນ 724 ສະຫາຍ ລົງໄປປະຈໍາການ ຢູ່ຕາມຈຸດ ຢູ່ຕາມປ້ອມຍາມ ຢູ່ຕາມຈຸດທີ່ມີການຈັດກິດຈະກໍາ, ຕາມເສັ້ນທາງຕ່າງໆໃນທົ່ວນະຄອນຫຼວງວຽງຈັນ ມີທັງໝົດຈໍານວນ 129 ຈຸດ.
ໃນນັ້ນ ໄດ້ເນັ້ນໃສ່ ຫ້າໜ້າວຽກຫຼັກຄື: ໜຶ່ງ, ແມ່ນວຽການໂຄສະນາໂດຍການນໍາໃຊ້ລົດກະບະຕິດເຄື່ອງສຽງ, ລົດຈັກໂມໂຕຕິດຕັ້ງເຄື່ອງສຽງແລະປັກເລີນ້ອຍ ໂດຍຕໍາຫຼວດທີ່ປະຈໍາຕາມຈຸດຕ່າງໆນັ້ນກໍຈະປະຕິບັດໜ້າທີ່ໂຄສະນາເຜີຍແຜຄໍາສັ່ງຂອງອົງການປົກຄອງນະຄອນຫຼວງວຽງຈັນ, ຄໍາແນະນໍາຂອງກົມຕໍາຫຼວດຈະລາຈອນ ກົມໃຫຍ່ຕໍາຫຼວດກະຊວງປ້ອງກັນຄວາມສະຫງົບ ກົດລະບຽບຈະລາຈອນ ແລະ ຫຼັກການຂັບຂີ່ປອດໄພຕ່າງໆໃຫ້ມວນຊົນໄດ້ຮັບຮູ້ຢ່າງກວ້າງຂວາງ ທີ່ສໍາຄັນທີ່ສຸດອີກອັນໜຶ່ງແມ່ນຮຽກຮ້ອງໃຫ້ນັກຂັບຂີ່ຜູ້ໃຊ້ລົດໃຊ້ຖະໜົນຢູ່ໃນນະຄອນຫຼວງວຽງຈັນໃຫ້ພະຍາຍາມໃຫ້ກຽດຄົນຍ່າງ ໂດຍສະເພາະແມ່ນນັກທ່ອງທ່ຽວ ເພາະປີນີ້ກໍເປັນປີທ່ອງທ່ຽວລາວ; ສອງ, ແມ່ນວຽກງານຄວບຄຸມລະບາຍການສັນຈອນເພື່ອອໍານວຍຄວາມສະດວກໃຫ້ແກ່ຜູ້ໃຊ້ລົດໃຊ້ຖະໜົນ; ສາມ, ເນັ້ນວຽກການຈັດລະບຽບສາຍທາງເພື່ອບໍ່ໃຫ້ມີລົດຈອດຜິດທີ່ຜິດທາງ ຈອດກີດຂວາງການສັນຈອນ ເຮັດໃຫ້ການສັນຈອນໄປ-ມາບໍ່ສະດວກ ແລະ ສີ່, ແມ່ນຕັ້ງຈຸດກວດກາການສັນຈອນ ແລະ ການບັງຄັບໃຊ້ກົດໝາຍ ແມ່ນຈະເຂັ້ມງວດເລື່ອງຈັບຄວາມໄວແລະກວດທາດເຫຼົ້າ ເພື່ອຕັດບັນຫາທີ່ຈະກໍ່ໃຫ້ເກີດອຸບັດເຫດ ຖ້າພົບເຫັນລົດຄັນໃດແລ່ນບໍ່ທ່ຽງ ຫຼືວ່າຕ້ອງສົງໄສວ່າລົດຄັນໃດມີການດື່ມແລ້ວຂັບຂີ່ລົດ ຕ້ອງນໍາມາປະຕິບັດໃຫ້ຖືກຕ້ອງຕາມລະບຽບກົດໝາຍ ແລະ ຫ້າ, ເນັ້ນໃສ່ວຽກງານປະຈໍາການ ຄອຍເຫດຕະຫຼອດ 24 ຊົ່ວໂມງ ຖ້າມີອຸບັດຕິເຫດເກີດຂຶ້ນ ຢູ່ຈຸດໃດແມ່ນຈະຮີບຮ້ອນໄປແກ້ໄຂຢ່າງທັນການ ເພາະໜ່ວຍງານໄດ້ກຽມທີມງານລົດລາກແກ່ໄວ້ ເພື່ອບໍ່ໃຫ້ລົດທີ່ເກີດອຸບັດເຫດແລ້ວຂວາງທາງການສັນຈອນ ພາໃຫ້ເກີດຮູບພາບທີ່ບໍ່ສວຍງາມ.
