ຂ່າວຕ່າງປະເທດລາຍງານໃນວັນທີ 1 ເມສາ ຜ່ານມາ, ນັກເສດຖະສາດອາວຸໂສປະຈຳທະນາຄານໂລກ ເປີດເຜີຍວ່າ: ການເຕີບໂຕທາງເສດຖະກິດຂອງກຳປູເຈຍຈະພັດນາດີຂຶ້ນຈາກ 5,4% ໃນປີ 2023 ເປັນ 5,8% ໃນປີ 2024 ໂດຍມີແຮງຂັບເຄື່ອນຈາກການສົ່ງອອກເສື້ອ     ຜ້າ, ການທ່ອງທ່ຽວ, ກະສິກຳ ລວມເຖິງການກໍ່ສ້າງ ແລະ ອະສັງຫາລິມະຊັບກ
ທ່ານ ອາທິດຕະຍາ ມັດຕູ ຫົວໜ້ານັກເສດຖະສາດປະຈຳພາກພື້ນອາຊີປາຊີຟິກຕາເວັນອອກຂອງທະນາຄານໂລກ ໄດ້ຖະແຫຼ່ງຂ່າວຜ່ານລະບົບ ວິດີໂອ ໃນພິທີເຜີີຍແຜ່ລາຍງານເສດຖະກິດອາຊີປາຊີຟິກຕາເວັນອອກ(ສະບັບປັບປຸງ)ວ່າ: ແຮງຂັບເຄື່ອນຫຼັກຂອງການເຕີບໂຕຄືການຟື້ນຕົວຂອງການບໍລິການ ແລະ ການສົ່ງອອກສິນຄ້າຕາມການຟື້ນຕົວຂອງການຄ້າໂລກ.
ທ່ານ ມັດຕູ ກ່າວຕື່ມວ່າ: ກຳປູເຈຍມີການເຊື່ອມໂຍງກັບຈີນໃນດ້ານການຄ້າ ແລະ ການລົງທຶນຢ່າງເລິກເຊິ່ງ ໂດຍມີຂໍ້ຕົກລົງດ້ານການຄ້າເສລີ ກຳປູເຈຍ - ຈີນ ຈະສະໜັບສະໜູນການລົງທຶນໂດຍກົງຈາກຕ່າງປະເທດຈາກຈີນເຂົ້າສູ່ກຳປູເຈຍ ຄາດວ່າການເຕີບໂຕຂອງກຳປູເຈຍ ຈະເພີ່ມຂຶ້ນອີກ 6,1% ໃນປີ 2025