ແຂວງວຽງຈັນ ໄດ້ສຸມໃສ່ການກະກຽມ ແລະ ດຳເນີນກອງປະຊຸມ 3 ຂັ້ນ ພາຍໃນແຂວງ ຊຶ່ງໄດ້ດຳເນີນຕາມເງື່ອນໄຂ ແລະ ຂັ້ນຕອນຢ່າງຖືກຕ້ອງ; ມາເຖິງປັດຈຸບັນ, ກຳລັງດຳເນີນຢູ່ຂັ້ນຮາກຖານບ້ານ ຊຶ່ງກອງປະຊຸມໃຫຍ່ຂັ້ນບ້ານ ແມ່ນສຳເລັດເປັນສ່ວນໃຫຍ່ ໂດຍມີ 447 ໜ່ວຍພັກ ແມ່ນສຳເລັດແລ້ວ 421 ໜ່ວຍພັກ ຊຶ່ງຈະໃຫ້ສຳເລັດພາຍໃນເດືອນມິຖຸນາປີນີ້. ສ່ວນຂັ້ນເມືຶອງ ແລະ ພະແນກການຂອງແຂວງ ບໍ່ກາຍເດືອນມີນາ 2025 ແລະ ສຳລັບແຂວງກຳນົດຈະໃຫ້ສຳເລັດ ບໍ່ໃຫ້ກາຍເດືອນກັນຍາ.
ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ ໄດ້ກ່າວວ່າ: ພາຍຫຼັງໄດ້ມີ ຄໍາສັ່ງເລກທີ 411/ຄລສພ, ຄໍາແນະນໍາເລກທີ 211/ຄຈສພ; ແຂວງວຽງຈັນ ກໍໄດ້ຈັດຕັ້ງຜັນຂະຫຍາຍ ເປັນຄໍາສັ່ງຂອງຄະນະປະຈຳພັກແຂວງ ເລກທີ 019/ຄປພ.ວຈ, ຄໍາແນະນໍາເລກທີ 785/ຄຈຂ ແລະ ແຕ່ງຕັ້ງຄະນະຮັບຜິດຊອບຂັ້ນແຂວງ ເພື່ອລົງຊຸກຍູ້ບັນດາເມືອງ, ພະແນກການ, ກົມກອງ ຢ່າງຕໍ່ເນື່ອງເຫັນວ່າມີຄວາມຄືບໜ້າ ແລະ ມີຄວາມຕັ້ງໜ້າດີ. ແຂວງວຽງຈັນ ມີ 11 ເມືອງ ຊຶ່ງມີຮາກຖານພັກທັງໝົດ 1.188 ຮາກຖານ. ໃນນີ້, ມີ 74 ຄະນະພັກຮາກຖານ; ມີ 2 ຄະນະພັກຮາກຖານບ້ານໃຫຍ່; ມີໜ່ວຍຂຶ້ນກັບຄະນະພັກຮາກຖານ 595 ໜ່ວຍພັກ; ໜ່ວຍພັກຮາກຖານມີ 519 ໜ່ວຍພັກ ໃນນີ້ພັກຮາກຖານບ້ານມີ 447 ໜ່ວຍ, 23 ສໍານັກງານຫ້ອງການ, ກົມກອງ, ໂຮງຮຽນ, ໂຮງໝໍ ລວມມີ 667 ໜ່ວຍ.
ໃນການກະກຽມ ແລະ ດຳເນີນກອງປະຊຸມ 3 ຂັ້ນ ຄະນະຮັບຜິດຊອບຂັ້ນແຂວງ ກໍໄດ້ມີການນໍາພາສ້າງຂະບວນການຕ່າງໆ ແລະ ໄດ້ລົງຊຸກຍູ້ຄະນະຮັບຜິດຊອບແຕ່ລະເມືອງ ເພື່ອເປັນເຈົ້າການຊີ້ນຳຄະນະພັກຮາກຖານ, ຄະນະພັກບ້ານໂດຍການແບ່ງຄວາມຮັບຜິດຊອບໃນການກະກຽມເນື້ອໃນດ້ານຕ່າງໆ ເປັນຕົ້ນ: ຄະນະໂຄສະນາອົບຮົມ ຮັບຜິດຊອບເອກະສານສຶກສາອົບຮົມການເມືອງ-ແນວຄິດ, ຫ້ອງວ່າການເມືອງຊີ້ນຳການຂຽນຮ່າງບົດລາຍງານການເມືອງ, ແຜນການເມືອງຮັບຜິດຊອບຊີ້ນຳການຂຽນແຜນພັດທະ ນາເສດຖະກິດ-ສັງຄົມ ແລະ ແຜນພັດທະນາບ້ານ, ຄະນະກວດກາພັກເມືອງຮັບຜິດຊອບຊີ້ນຳການຂຽນບົດສຳຫຼວດການນຳພາລວມຂອງຄະນະພັກ ແລະ ແນະນຳການຂຽນບົດສໍາຫຼວດບຸກຄົນຄະນະພັກ ແລະ ສະມາຊິກພັກ, ຄະນະຈັດຕັ້ງເມືອງຮັບຜິດຊອບ ດ້ານການທາບທາມບຸກຄະລາກອນ ໂດຍສົມທົບກັບຄະນະກວດກາເມືອງ, ປກສບ້ານ ແລະ ເອກະສານປິ່ນອ້ອມກອງປະຊຸມ. ດ້ານບຸກຄະລາກອນ ກໍໄດ້ມີການປະຕິບັດຕາມຄໍາສັ່ງ, ຄຳແນະນຳພັກຂອງຂັ້ນເທິງ ກໍຄືຂອງຄະນະປະຈຳພັກແຂວງ ແລະ ຂອງຄະນະຈັດຕັ້ງແຂວງ, ຄະນະຮັບຜິດຊອບຂັ້ນເມືອງ ໄດ້ຖືເປັນສຳຄັນໃນການເລືອກເຟັ້ນເອົາບຸກຄະລາກອນຄະນະພັກຊຸດໃໝ່ເພື່ອນຳພາ-ຊີ້ນຳວຽກງານຮອບດ້ານຢູ່ຂັ້ນຮາກຖານໂດຍດຳເນີນການທາບທາມ 2 ຮອບ.
ຜ່ານການຈັດຕັ້ງປະຕິບັດ ແລະ ໄດ້ມີແຜນການຄາດຄະເນ ໄລຍະເວລາທີ່ໃຫ້ສຳເລັດແຕ່ລະຂັ້ນ ຊຶ່ງປັດຈຸບັນກຳລັງຢູ່ຂັ້ນຮາກຖານບ້ານ ໂດຍດຳເນີນກອງປະຊຸມໜ່ວຍພັກບ້ານ ຕິດພັນກັບການປັບປຸງອົງການປົກຄອງບ້ານ, ແຂວງວຽງຈັນມີ 428 ບ້ານ, ມີ 447 ໜ່ວຍພັກ ຊຶ່ງບາງບ້ານກໍມີ 2 ໜ່ວຍພັກ ແລະ ມາຮອດປັດຈຸບັນສຳເລັດແລ້ວ 421 ໜ່ວຍພັກ, ຍັງ 26 ໜ່ວຍ, ຕາມແຜນການແມ່ນໃຫ້ສຳເລັດ ບໍ່ໃຫ້ກາຍເດືອນມິຖຸນາ 2025 ຊຶ່ງຂັ້ນຮາກຖານບ້ານໃນຫຼາຍເມືອງກໍສຳເລັດ 100% ແລ້ວ. ພ້ອມດຽວກັນ, ກໍໄດ້ສຸມໃສ່ ດຳເນີນກອງປະຊຸມໜ່ວຍພັກຫ້ອງການເມືອງ, ບັນດາອົງການຂຶ້ນກັບເມືອງ, ໂຮງຮຽນ, ໂຮງໝໍ ແລະ ຫ້ອງການຕ່າງໆ ທີ່ຂຶ້ນກັບເມືອງ 667 ໜ່ວຍພັກ ປັດຈຸບັນສຳເລັດແລ້ວ 175 ໜ່ວຍພັກ, ຍັງ 492 ໜ່ວຍ; ບັນດາໜ່ວຍພັກອ້ອມຂ້າງແຂວງ ກໍຄືໜ່ວຍພັກທີ່ຂຶ້ນກັບຄະນະພັກຮາກຖານ ກໍໄດ້ມີການເລີ່ມດຳເນີນກອງປະຊຸມໄປແລ້ວ, ຄາດວ່າເດືອນມິຖຸນາປີນີ້ຈະສຳເລັດ; ພ້ອມກັນສຸມໃສ່ເມືອງ ແລະ ບັນດາພະແນກການຂອງແຂວງ, ອົງການຂອງແຂວງ ແມ່ນບໍ່ໃຫ້ກາຍເດືອນມີນາ 2025 ແລະ ສຳລັບກອງປະຊຸມໃຫຍ່ຂັ້ນແຂວງແມ່ນບໍ່ໃຫ້ກາຍເດືອນກັນຍາ 2025 ຊຶ່ງຈະໃຫ້ສຳເລັດຕາມແຜນທີ່ຄາດຄະເນໄວ້.
(ຂ່າວ: ສຸກສະຫວັນ, ພາບ: ບຸນອູ້ມ)
ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ ໄດ້ກ່າວວ່າ: ພາຍຫຼັງໄດ້ມີ ຄໍາສັ່ງເລກທີ 411/ຄລສພ, ຄໍາແນະນໍາເລກທີ 211/ຄຈສພ; ແຂວງວຽງຈັນ ກໍໄດ້ຈັດຕັ້ງຜັນຂະຫຍາຍ ເປັນຄໍາສັ່ງຂອງຄະນະປະຈຳພັກແຂວງ ເລກທີ 019/ຄປພ.ວຈ, ຄໍາແນະນໍາເລກທີ 785/ຄຈຂ ແລະ ແຕ່ງຕັ້ງຄະນະຮັບຜິດຊອບຂັ້ນແຂວງ ເພື່ອລົງຊຸກຍູ້ບັນດາເມືອງ, ພະແນກການ, ກົມກອງ ຢ່າງຕໍ່ເນື່ອງເຫັນວ່າມີຄວາມຄືບໜ້າ ແລະ ມີຄວາມຕັ້ງໜ້າດີ. ແຂວງວຽງຈັນ ມີ 11 ເມືອງ ຊຶ່ງມີຮາກຖານພັກທັງໝົດ 1.188 ຮາກຖານ. ໃນນີ້, ມີ 74 ຄະນະພັກຮາກຖານ; ມີ 2 ຄະນະພັກຮາກຖານບ້ານໃຫຍ່; ມີໜ່ວຍຂຶ້ນກັບຄະນະພັກຮາກຖານ 595 ໜ່ວຍພັກ; ໜ່ວຍພັກຮາກຖານມີ 519 ໜ່ວຍພັກ ໃນນີ້ພັກຮາກຖານບ້ານມີ 447 ໜ່ວຍ, 23 ສໍານັກງານຫ້ອງການ, ກົມກອງ, ໂຮງຮຽນ, ໂຮງໝໍ ລວມມີ 667 ໜ່ວຍ.
ໃນການກະກຽມ ແລະ ດຳເນີນກອງປະຊຸມ 3 ຂັ້ນ ຄະນະຮັບຜິດຊອບຂັ້ນແຂວງ ກໍໄດ້ມີການນໍາພາສ້າງຂະບວນການຕ່າງໆ ແລະ ໄດ້ລົງຊຸກຍູ້ຄະນະຮັບຜິດຊອບແຕ່ລະເມືອງ ເພື່ອເປັນເຈົ້າການຊີ້ນຳຄະນະພັກຮາກຖານ, ຄະນະພັກບ້ານໂດຍການແບ່ງຄວາມຮັບຜິດຊອບໃນການກະກຽມເນື້ອໃນດ້ານຕ່າງໆ ເປັນຕົ້ນ: ຄະນະໂຄສະນາອົບຮົມ ຮັບຜິດຊອບເອກະສານສຶກສາອົບຮົມການເມືອງ-ແນວຄິດ, ຫ້ອງວ່າການເມືອງຊີ້ນຳການຂຽນຮ່າງບົດລາຍງານການເມືອງ, ແຜນການເມືອງຮັບຜິດຊອບຊີ້ນຳການຂຽນແຜນພັດທະ ນາເສດຖະກິດ-ສັງຄົມ ແລະ ແຜນພັດທະນາບ້ານ, ຄະນະກວດກາພັກເມືອງຮັບຜິດຊອບຊີ້ນຳການຂຽນບົດສຳຫຼວດການນຳພາລວມຂອງຄະນະພັກ ແລະ ແນະນຳການຂຽນບົດສໍາຫຼວດບຸກຄົນຄະນະພັກ ແລະ ສະມາຊິກພັກ, ຄະນະຈັດຕັ້ງເມືອງຮັບຜິດຊອບ ດ້ານການທາບທາມບຸກຄະລາກອນ ໂດຍສົມທົບກັບຄະນະກວດກາເມືອງ, ປກສບ້ານ ແລະ ເອກະສານປິ່ນອ້ອມກອງປະຊຸມ. ດ້ານບຸກຄະລາກອນ ກໍໄດ້ມີການປະຕິບັດຕາມຄໍາສັ່ງ, ຄຳແນະນຳພັກຂອງຂັ້ນເທິງ ກໍຄືຂອງຄະນະປະຈຳພັກແຂວງ ແລະ ຂອງຄະນະຈັດຕັ້ງແຂວງ, ຄະນະຮັບຜິດຊອບຂັ້ນເມືອງ ໄດ້ຖືເປັນສຳຄັນໃນການເລືອກເຟັ້ນເອົາບຸກຄະລາກອນຄະນະພັກຊຸດໃໝ່ເພື່ອນຳພາ-ຊີ້ນຳວຽກງານຮອບດ້ານຢູ່ຂັ້ນຮາກຖານໂດຍດຳເນີນການທາບທາມ 2 ຮອບ.
ຜ່ານການຈັດຕັ້ງປະຕິບັດ ແລະ ໄດ້ມີແຜນການຄາດຄະເນ ໄລຍະເວລາທີ່ໃຫ້ສຳເລັດແຕ່ລະຂັ້ນ ຊຶ່ງປັດຈຸບັນກຳລັງຢູ່ຂັ້ນຮາກຖານບ້ານ ໂດຍດຳເນີນກອງປະຊຸມໜ່ວຍພັກບ້ານ ຕິດພັນກັບການປັບປຸງອົງການປົກຄອງບ້ານ, ແຂວງວຽງຈັນມີ 428 ບ້ານ, ມີ 447 ໜ່ວຍພັກ ຊຶ່ງບາງບ້ານກໍມີ 2 ໜ່ວຍພັກ ແລະ ມາຮອດປັດຈຸບັນສຳເລັດແລ້ວ 421 ໜ່ວຍພັກ, ຍັງ 26 ໜ່ວຍ, ຕາມແຜນການແມ່ນໃຫ້ສຳເລັດ ບໍ່ໃຫ້ກາຍເດືອນມິຖຸນາ 2025 ຊຶ່ງຂັ້ນຮາກຖານບ້ານໃນຫຼາຍເມືອງກໍສຳເລັດ 100% ແລ້ວ. ພ້ອມດຽວກັນ, ກໍໄດ້ສຸມໃສ່ ດຳເນີນກອງປະຊຸມໜ່ວຍພັກຫ້ອງການເມືອງ, ບັນດາອົງການຂຶ້ນກັບເມືອງ, ໂຮງຮຽນ, ໂຮງໝໍ ແລະ ຫ້ອງການຕ່າງໆ ທີ່ຂຶ້ນກັບເມືອງ 667 ໜ່ວຍພັກ ປັດຈຸບັນສຳເລັດແລ້ວ 175 ໜ່ວຍພັກ, ຍັງ 492 ໜ່ວຍ; ບັນດາໜ່ວຍພັກອ້ອມຂ້າງແຂວງ ກໍຄືໜ່ວຍພັກທີ່ຂຶ້ນກັບຄະນະພັກຮາກຖານ ກໍໄດ້ມີການເລີ່ມດຳເນີນກອງປະຊຸມໄປແລ້ວ, ຄາດວ່າເດືອນມິຖຸນາປີນີ້ຈະສຳເລັດ; ພ້ອມກັນສຸມໃສ່ເມືອງ ແລະ ບັນດາພະແນກການຂອງແຂວງ, ອົງການຂອງແຂວງ ແມ່ນບໍ່ໃຫ້ກາຍເດືອນມີນາ 2025 ແລະ ສຳລັບກອງປະຊຸມໃຫຍ່ຂັ້ນແຂວງແມ່ນບໍ່ໃຫ້ກາຍເດືອນກັນຍາ 2025 ຊຶ່ງຈະໃຫ້ສຳເລັດຕາມແຜນທີ່ຄາດຄະເນໄວ້.
(ຂ່າວ: ສຸກສະຫວັນ, ພາບ: ບຸນອູ້ມ)
